رواية حب من اول علقة ( الفصل السادس إلى الاخير ) بقلم اسماء الطبلاوي

هيبقوا عندك واي طلبات ثانيه هتجيلك ومصاريف جامعه الانسه ندی کمان اندفعت
سالم والله ده كتير يا ابني والله ده كرم من ادم بيه زياده عن اللازم بلغوا شكري وتسلم على تعبك
مراد لو ادم سمعك بتقول عليه بيه هيزعل قوي ومن الحق بره قدام الباب في طقم حراسه كامل في خدمه حضرتك والانسه ندى لو احتجتوا اي شيء اطلبوه منهم على طول ولو حضرتك او الانسه ندى حبيتوا تروحوا اي مكان العربيه تحت بالسواق جاهزه 24 ساعه
سالم بس والله كده تعب عليكم
مراد لا تعب ولا حاجه يا عم سالم عيب تقول كده...
تسمحلي بقى اوصل الانسه ندى الجامعه
سالم كثر خيرك يا ابني طبعا اسمحلك بس خلي بالك منها
مراد في عينيا يا حاج يلا يا انسه ندى اتفضلي
ندی اووف حاضر اتفضل انا عارفه انت طلعتلي منين.
خدها مراد ونزل العربيه بعد ما وصل اوامر للحراسه باهميه الاهتمام بعم سالم وفي الطريق حب يكسر حاجز الصمت ويتكلم مع ندى.
مراد ندى.. واسمحيلي اقول لك ندى كده من غير انسه لو مش هيضايقك
ندى لا ابدا عادي ما انا بقول لك مراد من غير استاذ.
مراد ممكن اعرف انت بتعامليني كده ليه
ندى بعاملك ازاي يعني ما انا عادي اهو المفروض اعمل ايه
مراد كلامك معايا ناشف قوي هو انا ضايقتك في اي حاجه.
ندى ضايقتني لا ابدا ما ضايقتنيش حضرتك بس حاولت تمد ايدك على اختي بس عادي عادي ولا يهمك
لاحظ مراد غضب ندى منه بخصوص الموضوع ده لانه كان لازم فعلا يعتذر من نور علشان كده حاول يلطف الجو
مراد ندى.. انا فعلا اسف والله كانت لحظه غضب مش اکثر انما ده مش طبيعتي انا عمري ما مديت ايدي على بنت وانا النهارده هعتذر لنور کمان
ندی مراد نور حساسه قوي وانا ما بحبش حد يضايقها ابدا بس طالما اعتذرت فانا بالنسبه ليا مسامحاك اما نور بقى انت وشطارتك
مراد الحمد لله خلي موضوع نور عليا انما كده خلاص احنا اصطلحنا وهنتعامل كويس صح
ندی صح خلاص عفا الله عما سلف.
وفي قصر الصواف تحديدا غرفه ادم ونور كانت نور بدات تصحى وتتحرك لما حست ان في دفا جنبها بصت لادم بصدمه.
نور عااااا يا لهوووي يا نهار اسود ايه اللي انا لابساه ده انا بعمل ايه هنا.
اتنفض آدم من نومه برعب على صوتها
ادم ايه في ايه ايه اللي حصل.
لما لاحظ انها صحت بصلها
ادم حرام عليكى يا شيخه في حد يصحي حد كده بتصرخي كده ليه على الصبح نامي نامي انتى تعبانه من امبارح
نور بصدمه تعبانه من ايه انت عملت ايه انطق اتكلم احسن لك قبل ما اصرخ والم عليك الناس.
ادم هههههه هم لسه ما تلموش ما تخافيش يا اختي مش اللي في دماغك انتى بس السكر علي عليكى امبارحوسقعتى شويه الظاهر قعدتي في الهوا كثير.
قطع كلامهم ده رنت التليفون بتاع ادم ورد عليه.
ادم اهلا يا عم سالم ازيك واحشني يا راجل يا طيب والله ليك وحشه.
ملحقش آدم يكمل كلامه لما هجمت نور عليه واخذت التليفون من ايده بلهفه
نور ده باباهات التليفون هات اما اشوف ماله.. الو ايوه یا بابا ايه يا حبيبي فيك ايه انت كويس.. اخذت علاجك... طب فطرت.
سالم اهدي شويه يا نور خليني اتكلم ههههه ايوه يا ستي فطرت واخذت علاجي وكويس ما فيش فيا حاجه انا بس اتصلت اطمن عليكى واشكر جوزك على اللي عمله معانا.
نور عمل ايه يا بابا يعني وتشكره بمناسبه ايه بقى.
سالم حكالها كل حاجه وهو فرحان
نور انت بتتكلم جد يا بابا.
سالم اه والله ده انا حتى دلوقتي بكلمك من الجنينه اللي في وسط البلد بقالي سنين ما خرجتش يا نور
نور بجد يا حبيبي ربنا يسعدك ويفرح قلبك.. طيب انت مين اللي معاك.
سالم الحراسه يا بنتي نور انا عايزك تحطي جوزك في عينيك ده ابن حلال وطيب.
بصت نور ناحية ادم واتكلمت
نور حاضر يا بابا من عيني سلام دلوقتي.
ومن غير اي مقدمات نور حضنته وقعدت تعيط
نور انا متشكره قوي يا ادم انك بتهتم بعيلتي انا مش عارفه اقول لك ايه يا آدم على اللي عملته لعيلتي ده بابا مبسوط قوي انه خرج ربنا يخليك ليا.
اتصدم ادم من رد فعل نور المفاجئ وما قدرش يمنع نفسه ان هو يحضنها
ادم طب لازمتها ايه الدموع دي دلوقتي انا مش عاوز اشوف دموعك تاني وبعدين اهلك يبقوا اهلي وربنا يديني طولة العمر واسعدك.
انتبهت نور على اللي هي لابساه وانها في حضن ادم وطلعت تجري قعدت على السرير واتغطت.
نور يا لهوي غمض عينك يا قليل الادب.
آدم ههههه ما كنا كويسين حصل ايه بس ده القميص ده هياكل منك حته يا نونو
نور والله انت قليل الادب هاتلي حاجه البسها من الدولاب ما يصحش كده وبعدين انا لبست ده امتی اوعی
ادم ما تخافيش يا نور انا مش وحش كده انا لا غير تلك ولا لمستك دي داده عزيزه هي اللي غير تلك هدومك امبارح وانتي نايمه
سبها ادم ومشي غضبان ودخل الحمام ورزع الباب حست نور آنها زعلته وراحت وقفت تقلب في الهدوم فخرجت قميص قطن ولبسته وهي بتكلم نفسها
نور انا اسفه يا آدم بجد انا نفسي تحس باللي انا حاسه بيه وتحبني زي ما بحبك مش كفايه عامل نفسك مش عارف اللي حصل امبارح و بتقولي السكر ما هو من عمايل امك.
حست نور فجاه بدوخه قعدت على الارض بألم لما خرج ادم شافها كده جري عليها يشوف مالها ادم نور مالك يا حبيبتي فيك ايه حاسه بحاجه اطلب لك الدكتور
نور لا لا اهدى.. انا كويسه انا بس حسيت بدوخه ما لحقتش اروح السرير.
ادم ما انا قلتلك انك لسه تعبانه ولازم ترتاحي قمتى ليه بس انا نفسي تسمعي الكلام يا نور اعمل انا ايه بقى لو تعبتي.
وشالها وراح حطها في السرير بصتله نور بحب.
نور حبيبتك انا صحيح حبيبتك يا ادم زي ما انت قلت من شويه
ادم بحب طبعا حبيبتي وروحي كمان يا نور.
حط ادم ايده على وش نور بيحاول يقربها منه وجعها في الجرح اللي في دماغها فبعدت فكرها متضايقه منه
ادم انا اسف.. انا اسف والله ما كانش قصدي.. في حاجه وجعاكي تحب نروح المستشفى نطمن عليك.
نور بخجل لا لا مش للدرجه دي هي بس وجعتني شويه مش اكثر ما تتاسفش
وقف ادم وهو بيلعن نفسه انه ضعف وقالها احساسه. 
وهو لسه ما اخدش حقه منها بس هي وقفته لما ندهت عليه.
نور آدم انا كنت عايزه اقول لك على حاجه يعني بخصوص...
ادم ما تقوليش حاجه لانه ما حصلش حاجه وبالنسبه لكلامي دلوقتي فده كان لحظه ضعف مش اكثر.
سابها ومشي ولبس هدومه وخرج وهي اترمت على السرير تعيط لما نزل ادم ملا البيت بصوته المرعب وهو بينادي على دادا عزيزه
ادم داده عزیزه یا دادا عزیزه
عزيزه نعم يا ابني انا جيت اهو اؤمرني.
ادم الامر لله يا داده انا عاوزك تحضري فطار لنور هانم بس يكون صحي يعني كوبايه عصير لبن بدون سكر و توست محمص و زبده بعد ما تتاكدي انها فطرت قدامك اديها العلاج وغيري لها على الجرح وجهزي لها هدوم للشاور وانا ساعه كده وراجع.
كان ادم بيتكلم بصوت عالي لانه لاحظ ان والدته واللي معاها قاعدين بيفطروا وكمل وهو بيسمعهم.
ادم وعينك تفضل عليها يا دادا ولو اي حد.. وانا اقصد اي حد ضايقها ولا زعلها احب اعرف وخليها تفضل في الاوضه وبلغيها ان انا اللي امرت بكده واني مش هتاخر.
عزیزه حاضر يا ابني حاضر.
بعد ما ادم مشي وكلهم فاكرين انه راح الشركه وقفت نادین فجاه واستغلت انشغال عزيزه بتحضير الفطار لنور وقامت وقفت.
ناهد ناويه على ايه يا نادين
نادين على كل خير هطلع اقول للعروسه صباحيه مباركه
وفعلا طلعت نادين لاوضه نور فتحت الباب واتسحبت ودخلت ما لقيتش حد شالت زهريه ورزعتها في الارض نور صحیت مفزوعه بسببها.
نادين صحى النوم يا عروسه كل ده نوم ناموسيتك كحلي.
نور بسخريه اه ده واضح انكم مش بس ما تعرفوش الاحترام ده انتوا كمان ما تعرفوش الذوق الناس الطبيعيه بتخبط قبل ما تدخل كده ولا ايه.
نادين والله ده بيتنا ادخل واخرج من اي اوضه وقت ما احب بس للاسف الموضوع ده ما ينطبقش علیکی هههههه
نور والله.. ليه تقصدي ايه ان شاء الله بانه ما ينطبقش عليا انا زيي زيك هنا واكتر
نادين بخبث لا مش زيي ابدا يعني مثلا انا اقدر اخرج دلوقتي اروح النادي اخرج مع اصحابي اعمل شوبينج عكسك تماما انت يعتبر محبوسه في اوضتك ده ادم ادى اوامر بكده قدامي.
نور بتوتر لا ادم مش ممكن يعمل كده وبعدين هو هيحبسني ليه يعني.
راحت نادين ناحيه الباب فتحته ووقفت قبل ما تخرج ورمت بكلامها المسموم.
نادین یا نور ما تحسبيهاش تحكم ممكن تحسبيها عدم ثقه منه فيكى الله اعلم يلا باي يا عروسه.
خرجت نادین وقفلت الباب وسابت نور غضبانه
نور بغضب بقى كده يا آدم بيه مش واثق فيا وهتحبسني هنا ليه فاكرني جاريه عندك طب والله لا انا خارجه رایحه لبابا ولما اشوف بقى هتعمل ايه.
بعد مرور شوية وقت كانت عزيزه بتفتح باب اوضه ادم وهي شايله الفطار شافت نور لابسه وبتسرح شعرها.
عزيزه على فين يا ست البنات الفطار جاهز لازم تخلصي فطارك كله وتاخدي علاجك وتغيري على الجرح وبعدين تاخدي شاور علشان تفوقي كده وكمان ادم بيه قال لي انك تفضلي في اوضتك وهو مش هيتاخر.
اول ما نور سمع كلام داده عزيزه الاخير غضبت بزياده شالت شنطتها ووقفت قدام عزیزه
نور بقى كده يعني هو حابسني هنا فعلا يعني كلام ست نادين صح انا بقى هخرج حالا ومش هفطر ولا هاخد علاج ولا حتى شاور وان سال عليا ما يجي ابقي قوليله اني مش عيله صغيره واني رحت عند بابا وهتاخر.
عزيزه بقلق هي فيها نادين استني بس يا بنتي انتى مش فاهمه حاجه اسمعيني.
نور ما اديتش لعزيزه فرصه تتكلم وخرجت ورزعت الباب وراها.
عزیزه یا نهار مش فایت آدم بیه مش هيعديها على خير ربنا يجازي ولاد الحرام.
نزلت نور تحت وخرجت من باب القصر قدام ناهد وجوزها ونادين اللي اترسم على وشها ابتسامه نصر.
نادین ههههه اهي ولعت يلا شكل القاعده هتحلو وهنتسلى النهارده 
ادم ما كانش بعيد كان عندي مراد اللي فيلته قدام قصر الصواف على طول ولما خرج من عند مراد شاف نور خارجه من باب القصر مستعجله وفي ثانيه افتكر اللي حصل قبل ما يخرج.. فلاش باك
ادم بيكلم الحرس دلوقتي تقدروا تخرجوا الكلاب في الجنينه شويه عشان تلعب.
الحارس بس يا آدم باشا ممكن اي حد من الهوانم يخرج الجنينه وحضرتك عارف قد ايه الكلاب دي شرسه وما يعرفوش غير حضرتك واحنا.
ادم تفتكر يعني انا هقول لك خرجهم من غير ما ابقى عامل حسابي انا معرفهم جوه ان محدش يخرج بره و للاحتياط وقف اثنين جرد قدام الباب احتياطي يعني.
باكجري ادم بسرعه باتجاه نور وهو بيصرخ.
ادم نور .. لا لا .. ما تخرجيش.. ارجعي الكلاب...
لكن كانت الكلاب شافت نور وجريت عليها بسرعه البرق وفكروها حد غريب اول ما خدت بالها من اللي بيحصل صرخت
نور بفزع عاااا آدم الحقني.
وفي لحظه واحده كان آدم محاوط نور بجسمه وزعق 
يعرفوش غير حضرتك واحنا.
ادم تفتكر يعني انا هقول لك خرجهم من غير ما ابقى عامل حسابي انا معرفهم جوه ان محدش يخرج بره و للاحتياط وقف اثنين جرد قدام الباب احتياطي يعني.
باكجري ادم بسرعه باتجاه نور وهو بيصرخ.
ادم نور .. لا لا .. ما تخرجيش.. ارجعي الكلاب...
لكن كانت الكلاب شافت نور وجريت عليها بسرعه البرق وفكروها حد غريب اول ما خدت بالها من اللي بيحصل صرخت
نور بفزع عاااا آدم الحقني.
وفي لحظه واحده كان آدم محاوط نور بجسمه وزعق في الكلاب.
ادم استووووب.
لكن قبل ما يوقفوا كان واحد منهم عور آدم في كتفه والحرس جم بسرعه حبسوا الكلاب لما استوعبوا الكارثه اللي اتحطوا فيها باللي حصل ده الفصل 8
كان آدم لسه محاوط نور بدراعاته وهي بتتنفض بخوف وبتشهق بقوه شالها زي الطفله وهو بيزعق في الحرس.
ادم اخر اليوم ما يكونش حيوان فيكم هنا تخلصوا حسابكم وتغوروا شويه بهايم.. حسابي معاكوا بعدين
بصت نادين وناهد لادم وهو شايل نور وطالع بيها ومتغاظه
نادين اه يا ناري حظها نار البنت دي بدل ما يهزقها شايلها ومرعوب عليها .. لازم افكر في حاجه تانيه
ناهد مش قلت لك ما تتصرفيش من دماغك استلمي بقى اللي هيحصل
زياد انتم الاتنين تفكيركم غلط اصبروا عليا وسبوني اخطط صح 
وصل ادم للاوضه شايل نور اللي كانت في حاله رعب هستريه حطها في السرير وهي بتعيط وقعد قدامها
ادم نور ردی علیا يا نور فتحي عينيكي انا ادم انا جنبك اهو ما تخافيش الكلاب خلاص مشت انتى في اوضتك يا نور.
لكن من غير فايده نور لسه بتشهق ونفسها سريع ومغمضه عينيها وماسكه قميصه
ادم اهدي يا قلبي انا هنا افتحي عينيكي طيب وبصي لي اتاكدي مش عايز اشوفك خايفه كده وانا موجود خلاص الموقف عدى واوعدك مش هيتكرر تاني ابدا
ما لقاش منها رد علشان كده حطاها في السرير وفضل ماسك ايديها ويكلمها بصوت حنين علشان تهدى.
آدم هشششش بس اهدي انا موجود ومش هسيبك نامي يا عمري انا هنا ومش هبعد ابدا نامي وارتاحي
فضلت نور تتنفض شويه مرعوبه لحد ما هدات وانتظر نفسها ونامت غطاها وقعد على كرسي جنب السرير.
ادم مش قلت لك انتى واجعه قلبي يا نور انا لازم اشد عليكي حبه.
بدات نور بفتح عينيها بعد مرور حوالي ساعه لقت آدم جنب السرير.
ادم صباح الخير اتفضلي قومي افطري وخدي دواكي وادخلي خدي شاور وتعاليلي حالا انا مستنيكي هنا وعايزك في كلمتين
نور بتحدي لا شكرا مش جعانه وما ليش نفسي اخد دوا النهارده
ادم نور احسنلك قومي نفذي اللي قلته احسن والله هتشوفي مني وش مش هيعجبك.
نور هو ليه كل كلامك معايا امر يا اما تهديد انا مش جاريه عندك على فكره انا المفروض مراتك ولا انا غلطانه.
ادم شدها من ايدها وقفها من على السرير وهو غضبان.
ادم صحيح عندك حق بس لمعلوماتك لو كنتى جاريه عندي ما كانش زمانك نايمه هنا في اوضه ادم الصواف وفي سريره وكنت كمان بتقوليلي انك مراتي صح انتى مش غلطانه بس تقدري تقوليلي بحكمك مراتي نفذتي ايه من حقوقي عليكى ما تردیش ارد انا .. تبقي مراتي ازاي من غير ما احس بحبك ليا .. بلاش كده مراتي ازاي وانتى حتى مش قادره تنفذي امر امرته وبسبب عنادك كان ممكن تموتي وتضيعي مني.. بلاش دي كمان مراتى ازاي وانا لحد دلوقتي اصلا ما لمستكيش ده غير ان لسه في حساب قديم بيني وبينك لسه ما تصفاش مدت ايدك عليا یا نور مش قادر انساها ومش عارف اسامحك.
خرج ادم من الاوضه غضبان وراح اوضه المكتب بتاعته وساب نور بتتوجع من مطرح مكان ماسك ايدها قعدت شويه على السرير بتعيط لحد ما طلعت عزيزه ودخلت لها.
عزيزه ممكن اتكلم معاكي كلمتين يا بنتي.
نور طبعا اتفضلي يا دادا والله انا اسفه يا دادا على طريقه كلامي معاكي الصبح كنت قليله الذوق قوي معاكي سامحيني.
عزیزه هههههه اسفه علي ايه يا بنتي ده العادي لما تتكلمي مع حربايه زي نادين انتی برده معذوره ما انت ما تعرفيش هي عملت كده ليه معاكي وسخنتك على ادم.
نور ليه يا دادا انا بجد مش عارفه بيكرهوني ليه
عزيزه بالعكس ده الغريب انهم يحبوكي اصل ناهد هانم والده ادم كانت ناويه تجوزوا نادين بس هو بيكرهها تقدري تقولي كمان انه بيكره حتى امه بس مش من حقي اقول لك السبب
نور بيكرههم ازاي يا داده ده حتى ما هانش عليه يفتحالموضوع معاهم ولا معايا ويرد لي اعتباري على اللي عملوا يوم فرحي 
عزیزه برده لسه عقلك صغير اصلك ما شفتيش ادم وهو بيكلمهم بغضب وبيقول لهم نور تبقى مراتي وهانم البيت ومحدش هنا ليه كلمه بعدي غيرها واللي يحاول ياذيها ايا كان مين هرميه في الشارع وما شفتيش لهفته عليكي يوم الفرح وهو شايلك وميت من الخوف وكان زي المجنون عليكى ده غير بقى النهارده لما قال لي ما خليكيش تخرجي من اوضتك بس ده كان علشان صحتك وخفوا عليكى اولا لان الدكتور امرلك بالراحه وهو خد اجازه عشان يراعيكي وكمان لانه ادى امر للحراسه تخرج الكلاب شويه لما اتاكد انك مش هتخرجي من الاوضه شفتي بقى انك ظالماه.
نور بصدمه معقول كل ده حصل وانا ما اعرفش قد كده كنت غبيه وسمحت للزفته دي تدخل بيني وبين جوزي
عزیزه یا نور ده ادم اتعور وهو بيلحقك من الكلاب وسايب ايده من غير علاج وبعتني اطمن انتى اكلتي واخذتى علاجك ولا لا وما اكلش حاجه من الصبحتفتكرى يعني ده يبقى وحش
نور طيب يا داده هو في المكتب مش كده
عزيزه ايوه يا بنتي هو تحت في مكتبه
نور طیب یا دادا روحي حضرتك وانا هاكل وهاخد علاجي وهاخذ الشاور وانزله علشان ما يزعلش بس ما تقوليلوش حاجه
نزلت عزيزه وقعدت نور اكلت اكلها كله واخذت الدواء وخدت شاور ولبست فستان شيك واخذت عليه الاسعافات ونزلت لمكتبه وقتها كان ادم ممدد على الكنبه مغمض عينيه لحد ما سمع دقات على الباب.
ادم ادخل
فتحت نور الباب ودخلت وقفلته بالمفتاح وراحت مطرح ما هو قاعد وقعدت جنبه.
نور شوف بقى انا اكلت واخذت الدواء بتاعي واخذت شاور وشربت اللبن وغسلت اسناني في اي طلبات تانيه.
ادم والله شطوره برافو عليكى ما فيش طلبات عايزه ايه تاني.
نور عايزه حضرتك تديني دراعك من فضلك علشان انظف لك الجرح وبدون اعتراض لاني لازقلك وهعمله يعني هعمله
ادم اتفضلي اعمليه وخلصيني لما اشوف اخرتها معاكي
مسکت نور اید ادم وبدات تنظف الجرح باهتمام وهي بتعيط وهو بيراقبها بحب .
ادم طيب دلوقتي انا اللي متعور انتى بقى بتعيطي ليه... ايه لسه خايفه.
نور لا مش خايفه علشان جنبك بس انا كنت عايزه اتكلم معاك شويه
ادم وهتتكلمي معايا وانت قاعده جنبي كده
نور اه ليه هو في مشكله عندك