رواية حب من اول علقة ( الفصل السادس إلى الاخير ) بقلم اسماء الطبلاوي

الحكايه دول اول مره ما يسمعوش كلامي هو في ايه كانهم شايفين حد غريب.
استغرب ادم من اللي بيحصل لكن فجاه وبدون اي مقدمات.
ادم سيب الكلاب انا عايز اشوف في ايه اكيد في حاجه مش طبيعيه.
مراد تعالي يا ندى ورايا اليوم ده شكله مش معدي.
ادم انا حاسس ان الكلاب دي عارفه انا بدور على ايه خلوا بالكم بس وخليكم حوالينا.
بمجرد ما تم فك الكلاب انطلقوا بسرعه للجهه الخلفيه 
من القصر وبقوا يرفعوا رجليهم على باب قديم في القصر من ورا وبينبحوا
ادم كسروا الباب ده حالا.
مراد وخلوا بالكم وانتم داخلين
اول ما الباب اتكسر دخل شويه حرس ومراد بقى بيتصدى للرجاله اللي جايين يهجموا عليه والكلاب كمان بتعمل شغلها ندى شافت واحد جاي يهجم بسلاح على مراد وقفت قدامه واتصابت هي ووقعت في الارض.
مراد برعب لا لا .. يا ندى ما تسيبنيش عملتي كده ليه بصيلي يا ندى عشان خاطري انا بحبك ما تسيبينيش.
ندى وهي بتقفل عينيها مراد وانا كمان بح.......
ما كملتش كلامها وفقدت الوعي قبل ما يدخل ادم لاحظ اللي بيحصل.
آدم خدها بسرعه يا مراد على المستشفى وانا هشوف اللي جوه واحصلك.
وفي الوقت ده كانت نور خلاص فقدت كل طاقتها للمقاومه وكانت بتدعي ان ربنا يحفظ اللي في بطنها وبس. 
نادر خلاص كفايه عليكى كده ولو انك خساره في الموت بس يلا سلام يا قطه
وجه نادر مسدسه ناحیه راس نور مبتسم وكانت اخر حاجه شافتها نور ادم وهو داخل بيكسر الباب واغمى عليها.
ادم اه يا كلب ورحمه ابويا ما حد هيلحقك مني تعالوا خذوا الكلب ده وودوه في المخزن لحد ما فوقله.
جري ادم باتجاه نور المتعلقه من دراعاتها وشالها بين ايديه برعب
ادم نور.. انا اسف يا قلبي عشان اتاخرت عليكي بس وحياتي عندك ما تسيبينيش وتعاقبيني بالطريقه دي.
شال آدم نور واخدها في العربيه وجرى على المستشفى اول ما وصل خدوها منه.
الدكتور بسرعه حضرولي جهاز الصدمات ما فيش نبض.
ادم دكتور هي عندها السكر ارجوك الحقها.
جت دكتوره نساء بتجري لما شافت نور عرفتها ان هي اللي كانت عندها الصبح
الدكتوره ايه ده مدام نور ايه اللي حصل دي كانت عندي 
وحياتي عندك ما تسيبينيش وتعاقبيني بالطريقه دي.
شال آدم نور واخدها في العربيه وجرى على المستشفى اول ما وصل خدوها منه.
الدكتور بسرعه حضرولي جهاز الصدمات ما فيش نبض.
ادم دكتور هي عندها السكر ارجوك الحقها.
جت دكتوره نساء بتجري لما شافت نور عرفتها ان هي اللي كانت عندها الصبح
الدكتوره ايه ده مدام نور ايه اللي حصل دي كانت عندي الصبح كويسه جدا
ادم بصدمه حضرتك تعرفي نور
الدكتوره ايوه الصبح كانت عندي بتكشف وقلتلها ان هي حامل قول بس يا رب البيبي يكون بخير بعد كميه البهدله اللي اتعرضتلها دي وحقنة الصبح تكون ادت مفعولها
ادم من الصدمه وقع على الارض وهو مش مصدق.
ادم بصدمه نور حاملالفصل 11 الاخير
وقع ادم على الارض من الصدمه وهو مش مصدق ان نور حامل مراد شافه جه جري يطمن عليه
مراد آدم مالك قاعد على الارض كده ليه فين نور لقيتها ولا لا
ادم بصدمه ايوه لقيتها يا مراد
مراد الحمد لله طيب هي فين
ادم نور مع الدكاتره جوه يا مراد قاطعه النفس.
مراد بذهول ليه ايه اللي حصل
ادم الواطي طحنها ده انا لما شفتها ما عرفتهاش
مراد بغضب وديني لا يتربى طب قوم انت قاعد كده ليه تعالى نطمن عليها. 
ادم اطمن على مين فيهم يا مراد نور ولا ابني الاثنين بيروحوا مني
مراد انت بتقول ايه هي نور.....
ادم حامل.. نور حامل.. هو ده الخير اللي هي كانت عايزه تقولي عليه وما لحقتش هو ده الخير اللي انا ما لحقتش اتهنى بيه
مراد بس یا آدم اسكت ما تقولش عليها كده باذن الله هتقوملك بالسلامه
ادم بقولك قاطعه النفس لما دخلت كانت متعلقه من ايديها الاثنين كانت زي الميته انا اتاخرت عليها قوي يا مراد
مراد ما تقساش على نفسك كده هو انت كنت تعرف مكانها
خرج الدكتور وادم جري عليه.
الدكتور حضرتك جوز مدام نور
ادم ايوه انا جوزها يا دكتور طمني عليها هي فاقت
الدكتور اهدى بس مدام نور الحمد لله نبضها اتحسن وعدت مرحلة الخطر وكمان البيبي بخير احنا بس ادينالها منوم هيخليها نايمه لمده ثلاث ايام على الاقل
ادم بتعجب ليه يا دكتور تنيموها انا عايزها تفوق وتكلمني
الدكتور ما تقلقش هتقوم وتكلمك بس للاسف حالتها الجسديه هتخليها لو فاقت تتوجع وكمان هي عندها ضلع مكسور احنا هنغذيها هي والبيبي بمحاليل وفيتامينات لما الفتره دي تعدي علشان ما تحسش بالم.
مراد والمنوم ده ملوش اي تاثير سلبي عليها او على البيبي
الدكتور لا خالص احنا بنديهولها على جرعات صغيره ومش باستمرار علشان يبقى كانها نايمه
ادم متشكر قوي يا دكتور طيب انا اقدر ادخل لها امتى
الدكتور كمان ساعه لان الممرضات عندها بيغيروا لها.
مشى الدكتور وادم ارتاح شويه
ادم الحمد لله يا رب انك حفظتلي مراتي وابني بس انا مش هرتاح الا لما اجيب حقهم
مراد ناوي على ايه انا مش عايزك تتسرع.
ادم ما تقلقش انا عارف هعمل ايه صحيح طمني ندى
عامله ايه
مراد اسکت یا ادم انا كنت هتجنن اول ما لقيتها واقعه على الارض هما دخلوها العمليات على طول والدكتور قالي ان الحمد لله الجرح مش نافذ وما صبش اي اعضاء.
ادم طب تمام امال مالك شكلك قلقان ليه مش فاقت وكلمتك
مراد ما هي دي المشكله يا ادم ما فقتش الدكتور بيقولي المؤشرات الحيويه طبيعيه واسبوعين راحه وتبقى زي الحصان بس كل ما اسال الممرضه تقولي انها لسه ما فقتش ومش معروف السبب
ادم طب وبعدين هتفضل غايبه عن الوعي كتير
مراد والله بيقولوا انها محتاجه دعم نفسي وهتاخذ وقتها وتفوق.
ادم انشاء الله خير متقلقش.. انا لازم اروح القصر حالا... كانت حركة حلوة مننا اننا نطلع نور من غير ما حد يحس اننا خدناها.
مراد محدش من الحراسه بتاعتهم نفد من حراستنا والدوشه بتاعت الكلاب غطت عاللى حصل والحارس قالهم ان الكلاب غضبانه شويه وبس وهما زي المغفلين شربوها...
ادم الحمد لله انهم شربوها ... طيب خليك هنا جمب ندى ونور وانا هروح اخلص موضوع كان لازم يخلص من زمان وراجع على طول لو حصل اي حاجه كلمني.
وصل ادم لقصر الصواف ودخل وهو بيزعق وينادي عليهم كلهم وفي لحظات اتجمعوا قدامه.
ثابت صوتك عالي ليه كده يا ادم انت اتجننت ولا ايه
ناهد لا وانت الصادق هو مجنون اصلا لوحده
ادم بغضب انا مش عايز اسمع صوت حد فيكم الا لما اطلب انا رد منكم.
نادين انت اتجننت يا ادم ولا ايه دي مش طريقه كلام دي
ادم انتى بالذات تخرسي خالص بس بما انك اتكلمتي يبقى نبدا بيكى انتى الاول... طبعا كلكم عارفين ان نور مراتي اتخطفت وطبعا من غير ما اسال انتوا هتقولوا ما نعرفش حاجه عنها
ثابت بلاش لف ودوران يا آدم انت عارف ان احنا ما نعرفش حاجه عن مراتك
ادم اه صح ما انا عارف.. وده بأماره الرساله اللي نادين هانم كتبتها على اساس ان نور هربت وسابتني بس عشان هي غبيه غلطت غلطتين.. الغلطه الاولى لما قالت في الرساله سامحني يا دومي ونسيت ان ما فيش حد بيقولي كده غيرها هي ومراد وشهد... ونور بتكره الدلع ده وثاني غلطه بقى انك كان لازم تاخدي بالك انك بتكتبي بالشمال ونور بتكتب باليمين... اما الحاج ثابت بقى فده حسابه كبير قوي غير ان هو ورا ابنه في عمليه خطف مراتي الا انه كمان هو اللي ورا موت ابويا واهل مراد وطبعا في فضل كبير لناهد هانم اللي كانت عارفه بخطف مرات ابنها وسمحت بان ده كله يحصلها وهي بتتفرج عليها ... وما ننساش طبعا فضل الاستاذ زياد على المكان العبقري اللي اقترحوا لحبس نور مراتي واللي فعلا خلاني الف حوالين نفسي...
ادم رمى القنبله وكان في انتظار الانفجار بس ما استناش كثير وبداوا كلهم يعترفوا على بعض
نادين اسمعني يا ادم قبل ما تحكم عليا انا كنت بس عاوزاك تبقى ليا عشان بحبك
ثابت انا ما ليش دعوه بحد فيهم نادر هو اللي خطف مراتك وامك هي اللي طلبت مني اعمل كده في ابوك وصاحبه.
ناهد يعني هي هتقع في حجري انا.. يا نقع كلنا سوا يا نخرج كلنا سوا.. انا امك يا ادم اكيد مش هتصدق عني الكلام الفارغ ده... انا صحيح عملت اللي عملته في نور يوم الفرح بس نادين هي اللي سخنتني عليها وموضوع الحادثه ده انا ما اعرفش عنه اي حاجه وانا لسه عارفه منك حالا ان نور اتخطفت
ادم قطع كلامهم وهو بيضحك ضحك هستيري.
ادم هههههه هههههه بقى انتى امي وانا مش مصدق عليكي حاجه ونادين استفزتك علشان تعملي كده في نور وانتى بقى بتحبي ابويا وما لكيش دعوه بموته صحهههههه والله انا ما انا عارف اودي جمايلكم فين انا حتى ما اضطرتش اضغط عليكوا عشان تتكلموا ده غير ان اصلا داده عزیزه مسجله كل كلامكم وده دليل قوي ما كنتش محتاج حتى اخذ منكم اعتراف بعده... ونادر بقى زمانه قاعد مستنيكم هناك بعد ما اخذ اللي فيه القسمه.
ثابت هناك فين تقصد ايه بكلامك ده يا ادم
ادم اقصد ان احنا هنرحب بضيوف دلوقتي هيعملوا فيا جميل لما ينظفوا بيتي من اشكالكم.
خلص ادم كلامه ودخلت الشرطه قبضت على الكل واخذتهم ومشوا بس سابوا شاکر و راح ادم وقف قدامه بصمت.
شاكر هو انا معاهم يا ادم ولا ايه على فكره انا اللي.....
ادم انت اللي بعتلي الرساله يا عمي على التليفون عشان تعرفنی ادور فين.. بس ده مش جدعنه منك ولا حاجه ده جبن مش اكثر علشان خفت مني وعموما انا عايزك ترجع من مكان ما جيت والفلوس اللي كانت بتوصلك هتفضل توصلك ما تقلقش.
خلص ادم كل حاجه ورجع المستشفى يطمن عليهم وعرف من مراد ان ندى لسه حالتها زي ما هي وما فاقتش ونور حالتها مستقره.. وبعد مرور ثلاث ايام فتحت نور عينيها ببطء لقت ادم قاعد جنبها حبت تهزر معاه
نور آدم...
ادم رفع راسه بسرعه يشوف الصوت لقاها مغمضه عينيها لسه
ادم بحزن برده طلعت بحلم انا فكرتك صحيتي بجد بس ولا يهمك انا جنبك ومش هسيبك ابدا خدي وقتك وانا مش هزهق
نور صحیح یا آدم
فرح ادم قوي لما سمع صوتها وقام قعد جنبها
ادم وحشتني قوي يا نور حمد لله على السلامه يا حبيبتي 
نور بخوف آدم انا كنت حامل هو انا لسه حامل ولا......
ادم لسه حامل يا حبيبتي وهتجيبلنا احلى نونو شبهك
نور الحمد لله امال فین ندی یا آدم
ادم هقولك بس ما تزعليش... بصي واحنا بنلحقك هي فادت مراد من ضربه كان هياخدها وموجوده جنبنا هنا في اوضه ثانيه بس للاسف فاقده الوعي ومش عارفين هنفوقها ازاي
فجاه دخل مراد وهو قلقان ومتوتر
مراد انا هتجنن يا جدعان كل ده ما بتفوقش هيجرالي حاجه
ادم انت اتجننت يا ابني في حد يخش كده
نور استنی بس یا ادم في ايه يا مراد هي لسه ما فقتش بردوا
مراد ايوه يا نور انا ما سبتهاش والله ولا لحظه والدكاتره بيقولوا انها كويسه جدا بس مش عارف ليه ما فقتش
نور وانت طبعا عامل لها داده وما بتقومش من جنبها وعمال تقول لها قد ايه بتحبها وبتموت فيها صح
ادم هو فعلا بيعمل كده انتى عرفت منين
نور هههههه ما فيش فایده فیکی یا ندى هتفضلي طول عمرك مريضه بالاهتمام
مراد يعني انا بقولك هموت من الخوف وانتى بتضحكي مش اختك دي.
نور ما هو ده المطلوب انك تموت من الخوف عليها.. بص انا هعمل فيك جميل انا كده مش محتاجه اروحلها هي اللي هتجيلي لحد عندي... روح عندها وشد صابع رجلها الصغير فجاه وشوف هيحصل ايه وتعالى
ادم و مراد استغربوا اللي هي قالته لكن مراد راح فعلا وكشف رجل ندى وشد صباع رجلها الصغير قامت فجاه تضحك واتصدمت لما لقت مراد قدامها
ندى بتوتر مراد.. انا .. انا ... لا ده انا لسه صاحيه اهو ايه ده انا فين اااااه.
مراد لا والله.. انتى لسه هتقولي انا فين وااااه.. بتضحكي عليا يا ندى وسايباني هموت من القلق
ندی بس ايه رايك في الحركه دي مفاجاه صح.
مراد بغضب مفاجاه سخيفه زي مقلبك الهايف انا مش عيل صغير انا ماشي.
ندی استنی یا مراد انا هفهمك.
سابها مراد وخرج راح عند نور وندى وراه
نور هههههه شفت يا حبيبي مش قلتلك هي اللي هتجيلي هي دي اللي غايبه عن الوعي ومخلياكم متاثرين قوي کده
ندی بقى كده يا نور يعني انتى اللي قلتيله ماشي حسابك معايا بعدين
ادم انتى كمان بتلوميها ده انتى غريبه
مراد انتى ليكى عين تتكلمي بعد اللي عملتيه.. عاملاني لعبتك يا ندى هو انا عيل صغير قدامك وكل ده وسايباني حاسس بالذنب وعمال الوم نفسي.
ندی والله يا مراد كانت نيتي خير صدقني ما تتكلمي يا نور.
نور ما تزعلش منها يا مراد اصل دي حاله مرضيه عند ندى من وهي صغيره كل ما تتعب شويه لو حتى دور برد كانت تستقتل فيها علشان تشوف اهتمام اللي حواليها بيها.... هي كانت نيتها تحس بحبك بس.
ندی اه والله يا مراد مع اضافه صغيره اني كنت عايزاك تفضل جنبي اكبر وقت.. كنت عاوزة اشوف هتسبنى
وتروح للنسوان اللى تعرفهم ولا هتفضل جمبي....
مراد بس ده مش مبرر يخليكي تعملي فيا كده انا عاوزك تقوليلي دليل قوي يديكى الحق في اللي عملتيه ده.
مال ادم براسه على نور وهمس في ودنها
ادم واخده بالك يا نونو مراد بيصطاد في الميه العكره
نور بصراحه حقه سيبه يربيها شويه... خلاص بقى يا ندی قوليله
ندى بخجل بصراحه يا مراد انا عملت كل ده علشان اتاكد من حبك ليا وبعدين من حقي اعمل فيك كل حاجه براحتي علشان..... علشان... انا بحبك.. وبحبك قوي كمان.
مراد بمرح لولولولولولي اخيرا قلتيها انا كنت مفكر ان انا هعجز واسناني تقع قبل ما اسمعها اذا كان كده مرمطي فيا براحتك.
ادم احترم نفسك يلا احنا قاعدين وبعدين طالما اتفقتوا خدها بقى وروح هات الشبكه وخير البر عاجله ولا ايه يا نور
نور انا بقول كده برده
ندى بس انا لسه تعبانه یا مراد فعلا خليها يوم ثاني يا حبيبي
مراد هو بعد حبيبي دي هسيبك لو تعبانه اشيلك يا قلب مراد... طيب يا جماعه بعد اذنكم احنا هنشتري الشبكه ونطلع على الماذون نكتب الكتاب لانها مش مضمونه ممكن ترجع في كلامها والفرح بعد ما تخرج نور من المستشفى ان شاء الله.
ادم انت مجنون يا ابني مش تاخد رايي انا واختها الاول.
نور سيبهم يا حبيبي يفرحوا وبعدين عنده حق دي مجنونه وممكن ترجع في كلامها
مراد ما اتحرمش منك يا نور ادم يلا انا همشي بقى.
شال مراد ندى وهو فرحان وخرج يجري بيها.
ادم برغم ان الواد ده حمار الا انه عنده حق انتى فعلا نور ادم اللي عمره ما هيسيبني ويمشي ابدا انا بحبك قوي يا نور.
نور بخجل يا لهوي على كلامك الحلو اللي ما بعرفش ارد عليه ده
ادم هو انتى لسه شفتی كلام حلو اصبري بس لما نروح هزهقك كلام حلو. 
وبعد مرور سنتين كانت نور قاعده في الجنينه وشايله على رجلها ابنها وادم جه من وراها وخضها.
ادم اظن ان استاذ سالم مش من حقك لوحدك ولا انا مش ابوه يعني.
نور هاا.. خضتني يا ادم قلتلك 100 مره اعمل حس وانت داخل ما تبقاش زي الحراميه كده هتموتني.
ادم بعيد الشر عنك يا نور عيني وبعدين يا ستي انا حرامي مش عاجبك.
نور وبتقولها كده عادي.. نفسي بس افهم بتتحول كده ازاي... هنا بتبقى عامل زي العيل الصغير وفي الشغل بتبقى البعبع اللي راعب البلد كلها
ادم اولا انا حرامي علشان سرقت نور الدنيا كله واخذته ليا لوحدي ثانيا ما اقدرش ابقى معاكي غير عيل صغير علشان اخد الجو من سالم باشا.
قطع كلامهم صوت مراد وندى وهما داخلين بيتخانقوا كالعاده
ندى اوووف بقى انا قلتلك ريحتك وحشه تبقى وحشه انا عندي مناخير وبشم.
مراد يا بنتي والله ده بسبب الحمل ولو اني شاكك ده 
انت في السابع لسه بتقرفي من كل حاجه ازاي بقى ولا انتي عايزه تشليني وخلاص
ندى يعني انا بتبلى عليك طب تعالی شمه کده یا آدم هتلاقي ريحته وحشه
ادم بمرح اووف صحيح ريحته وحشه معلش يا ندی يمكن نسى يغير البامبرز
كلهم ضحكوا على كلام ادم ومراد بصله بغضب مصطنع.
مراد ها ها ها ايه خفه الدم دي عجبتكم قوي فايق انت وبتهزر
ادم و ما اهزرش ليه واكون فايق عندي احلى زوجه في العالم كله واجمل ابن في الدنيا واخ واخت ماليين عليا حياتي وكمان بقيت خالو بعد ما شهد اتجوزت واستقرت في امريكا وجابتلنا لعبه صغيره كده اسمها ادهم.
نور بجد يا حبيبي شهد ولدت امتى وازاي ما قلتليش
ادم ده انا لسه عارف من ساعتين بس يا نور قبل ما اجي كلمتني وبلغتني.
مراد شهد كبرتك يا ادم بقيت خالو بعد ما كنت بابا بس.
ندى يا حبيبي يا مراد وهو انت ما تحسبش خال سالم 
ادم و ما اهزرش ليه واكون فايق عندي احلى زوجه في العالم كله واجمل ابن في الدنيا واخ واخت ماليين عليا حياتي وكمان بقيت خالو بعد ما شهد اتجوزت واستقرت في امريكا وجابتلنا لعبه صغيره كده اسمها ادهم.
نور بجد يا حبيبي شهد ولدت امتى وازاي ما قلتليش
ادم ده انا لسه عارف من ساعتين بس يا نور قبل ما اجي كلمتني وبلغتني.
مراد شهد كبرتك يا ادم بقيت خالو بعد ما كنت بابا بس.
ندى يا حبيبي يا مراد وهو انت ما تحسبش خال سالم بقى ولا ايه ها
مراد خالوا وخالتو كمان هو احنا نطول .. ده سالم باشا یا بنتي
نور لا خالو بس ندى هي اللي خالته.. انا حقيقي مبسوطه قوي ان احنا كلنا سوا وكل حاجه كويسه بابا لو كان وسطنا كان هيتبسط جدا صح يا آدم.
ادم صح يا قلب آدم ربنا يخليك ليا يا نور ويخليلي ايديكي اللي خلتني اول واحد يحب من اول علقه.