رواية حب من اول علقة ( الفصل السادس إلى الاخير ) بقلم اسماء الطبلاوي

مانع ولا حاجه
ادم ابدا اتفضلي انا سامعك ومش هتكلم غير لما تخلصي
نور بخجل انا اسفه یا آدم علشان ما سمعتش كلامك النهارده بس نادين استفزتني لما طلعت فتحت الباب عليا وانا نايمه وكسرت فازه في الارض قمت مفزوعه وبعدين لقيتها بتقولي انك مانع خروجي وحابسني عشان ما عندكش ثقه فيا وانها هي صاحبه البيت واني ما ليش حق فيه وكلام كثير زي كده غير اللي قالوه عليا وعملوه فيا يوم الفرح ما كنتش شايفه قدامي وما كنتش اعرف حاجه عن ان الكلاب في الجنينه لاني ما ادتش فرصه لداده عزيزه تفهمني بسبب غضبي وكمان عايزه اقولك حاجه بالنسبه لاني يعني اقصد يعني اني مديت ايدي عليك.. فبجد انا اسفه والله ده كان مجرد رد فعل كنت متوتره وكمان اول مره حد يلمسني وما حسيتش عملت ايه بس انا جاهزه ومستعده وعايزاك تمد ايدك عليا زي ما انا عملت كده بالظبط يلا اتفضل 
طلبت نور من ادم انه يرد لها اللي هي عملته فيه وغمضت عينيها وقعدت تستنى ابتسم ادم بغلب.
ادم طيب استعدي انا هديكي بالبوكس اهو مستعده
نور اه مستعده بس بسرعه يلا بقى
ادم لا براحتي اديني فرصتي بقى
وفجاه فتحت نور عينيها واتقدمت من ادم وطبعت قبله على راسه وبعدين ابتسمت وادم اتصدم
ادم نور ايه اللي انت عملتيه ده
نور عملت ايه.. انت كنت هتعمل كده برده کنت متاکده انك مش هتمد ايدك عليا وبعدين انت قلت لمراد يوم ما حاول يمد ايده عليا انك عمرك ما مديت ايدك على بنت و ان اللي يمد ايده على بنت يبقى مش راجل
ادم من ناحيه اني ما كنتش همد ايدي عليكى ده صحيحانا عمري ما اقدر اعملها واللي يمد ایده علیکی اقطعها اما بالنسبه لاني كنت هعمل كده كنت هعمل الصراحه بس بطريقه ثانيه
نور بلاش قله ادب
ادم نور انا خلاص ما بقتش قادر اتحمل انا في حاجه لازم اقولهالك
نور وانا كمان عايزه اقول لك حاجه لازم تعرفها بس انت الاول
ادم نور انا عايز اقول لك اني.....
ما لحقش ادم يقول حاجه لنور لما تليفونه رن ورد
ادم الو.. ماله عم سالم...
نور بفزع ادم.. ماله بابا رد عليا والنبي طمني.
ادم مش عارف یا نور ندى كانت بتعيط وبتقول انه تعب فجاه والحراسه اللي عنده نقلته المستشفى
نور ومستني ايه يلا وديني بسرعه عنده
ادم يلا بينا بس من غير انفعال انتى لسه تعبانه
وصل ادم ومعاه نور المستشفى ومعاهم مراد لقوا ندى قدام اوضه العمليات بتعيط
نور بابا ماله یا ندى ايه اللي حصله ده كان لسه مكلمني وفرحان
ندی مش عارفه یا نور انا رجعت من الجامعه لقيته واقع على الارض على وشه ما بينطقش نقلناه على هنا الدكاتره
قالوا لازم عمليه بسرعه بس الاول لازم يطلعوا على اشاعات ومش عارفه ايه
نور اشاعات ايه بابا كان كويس
ادم اهدي بس يا حبيبتي عشان خاطري الدكتور دلوقتي يخرج ونفهم منه كل حاجه
نور انا عايزه بابا یا آدم عايزه بابا
مراد اهدوا بس يا جماعه خير ان شاء الله الدكتور جه اهو طمني يا دكتور على الحاج سالم عمل العمليه
الدكتور ما فيش داعي للعمليه يا مراد بيه البقاء لله
صدمه وقعت على مسامع الكل وادم انفعل على الدكتور
ادم انت بتقول ايه انت اكيد غلطان ما تخافيش يا نور ده اکید غلطان
نور بضعف قلبي يا آدم بابا مات وسابني.
ادم بفزع نور.. لا لا .. نور.. مراد الحقني بسرعه.
شال آدم نور برعب شديد ودخل بيها غرفه الفحص وهي فاقده الوعي ومش قادره تتنفس
ادم طمني يا دكتور فيها ايه خليها تصحى 
الدكتور للاسف ما اقدرش اطمنك يا ادم باشا مدام نور دخلت غيبوبه سكر وما حدش يقدر يحدد ممكن تفوق امتی
ادم مستحيل غيبوبه نور هتروح مني يا مراد ما لحقتش حتى اقولها اني بحبها.
مراد بفزع اهدى بس يا آدم والله خير هي بس من صدمتها بموت ابوها باذن الله تبقى احسن وبعدين هي فين ندى من ساعه ما الدكتور بلغنا خبر موت عم سالم ما شفتهاش
ادم دور عليها يا مراد والنبي دي امانه.. ندى بقت عهده في رقبتي.
ما حدش خد باله من ندى لما سمعت خبر موت ابوها اتسحبت من وسطهم ومشيت ومراد كان بيدور عليها زي المجنون راح سال في الريسبشن
مراد لو سمحتى يا انسه ما شفتيش بنت لابسه جاكيت اسود وجينز ازرق
الممرضه اه الانسه اللي كانت جايه مع المريض اللي اتوفى شفتها حالا كانت طالعه من باب الروف انا حتى طلبتلها الامن حالا
مراد مستحيل الروف.. هتعمل ايه المجنونه دي.
طلع مراد جري على السلم لحد ما وصل وكانت الصدمه لما لقى ندى واقفه على السور
مراد ندی ندى ردي عليا انا عايزك تلفى بالراحه وبصيلي
ندى انت جاي ورايا ليه اتفضل امشي.
مراد من فضلك يا ندى اهدي واسمعيني اهدي.. هاتى ايدك بس انزلي وبعدين نقعد نتكلم عشان خاطري
ندى لا يا مراد امشي انا رايحه لبابا انا خلاص ما بقاليش حد ماما ماتت وبابا مات ونور طلع عندها السكر وما كانتش قايلالي هي كمان هتموت وتسيبني يبقى اعيش علشان مين انا كمان هموت
مراد برعب لا اوعي اوعي يا ندى نور كويسه والله وهتعيش الدكتور طمنا ده حتى مستنياكي تحت وهي اللي بعتتني ادور عليكي وبعدين انا يا ندى هتسيبيني لمين ده انا اتغيرت علشانك انا عمري ما حبيت حد بس حبيتك ايوه بحبك يا ندى والله مش بقول كده انقاذا للموقف.. هاتي ايدك يا ندى عشان خاطري انا قلبي هيوقف ابوس رجلك هاتي ايدك
ندى بصدمه مراد انت بتقول ايه انت بتحبني انا معقول. 
مراد ایوه یا ندی معقول انا بحبك والله العظيم انا كنت مستهتر وبتاع بنات وما ليش هدف اتسلى وبس لحد ما شفتك خطفت قلبي من اول نظره ده انا حتى كنت براقبك في كل مكان علشان بس اشوفك والله طلبت ايدك من عم سالم الله يرحمه ووافق ووصاني عليكي قوي.
ندی بابتسامه بابا وافق وطلبتني منه.. امتى وهو فين دلوقتي عشان اساله يا حبيبي يا بابا.
وفجاه دخل واحد من الامن عشان يقول ان التواجد هنا ممنوع اتخضت ندى وكانت هتقع مراد وفرد الامن نطوا بسرعه في الهوا ومسكوها وهي لسه متعلقه الناحيه الثانيه وماسكه في ايديهم
ندى سيبني يا مراد سيبني اموت خلاص انا تعبت سيب ايدي خليني اقع.
مراد برعب مستحیل مش هسيب ايدك مش هتضيعي مني يا ندى مش هسيبك.
فضل يشدها هو وفرد الامن لحد ما طلعوها وقعد مراد يعيط جنبها لما لقاها فقدت الوعي
مراد ج خلاص یا ندى خلاص يا حبيبتي انتى ما لكيش حد وانا ما ليش حد انا هبقى ابوكي وامك واخواتك وجوزك وعمري ما هسيبك ابدا.
شال مراد ندی بین ايديه ونزل بيها والدكاتره جريوا عليه لما شافوه ودخلوها اوضه وكان التشخيص اغماءة بسبب ضغط عصبي راح مراد لادم يطمنوا عليها
مراد انا لقيت ندى يا ادم وهي في غرفه هنا جنب نور بس للاسف فاقدة الوعي
ادم ليه حصل ايه هي كانت فين وايه اللي جرى
مراد ما تسالش يا صاحبي دي كانت هتنتحر كانت هترمي نفسها من فوق المستشفى وجعت قلبي وطلعت روحي
ادمط یا نهار اسود تنتحر دي كانت نور تموت هو ايه اللي بيحصلي ده بس يا ربي
مراد ونور عامله ايه دلوقتي
ادم ابدا يا مراد الدكاتره بيقولوا انها دخلت غيبوبه زي ما سمعت ومش عارفين هتفوق امتی
مراد اهدی بس یا آدم نور دلوقتي محتجالك تكون جنبها اغلب الوقت لان ده هيحسن حالتها النفسيه حسسها بحبك
ادم والله يا مراد انا اللى محتاجها دلوقتي اكثر ما هي
مراد حاسس بيك انا كمان لما شفت ندى واقفه على السور روحي راحت مني كنت خايف اتنفس حتى لا تقع
ادم بدهشه انت بتقول ايه يا مراد هو انت بتحب ندى
مراد هو انا مش بني ادم بحس وليا قلب ودونا عن كل الستات ما حبتش غيرها
ادم لا احنا لينا قاعده بعدين كبيره نتكلم في الموضوع ده انما دلوقتي انا مش قادر اركز غير في نور.
مر ثلاث اسابيع على موت عم سالم ونور لسه في غيبوبتها كانها رافضه تفوق وندى حالتها النفسيه اتحسنت شويه ومراد كان بيراعيها وادم ما كانش بيفارق نور خالص طول الوقت قاعد جنبها بيقول لها قد ايه بيحبها وبترجاها ترجع له لحد اليوم ده حط راسه على ايدها وعيط.
ادم فوقي بقى يا نور انا مستنيك اهو ومش هزهق انا بحبك.
وفجاه سمع ادم صوت بيرد عليه
نور بجد یا آدمالفصل 9
ادم لما سمع صوت نور ما كانش مصدق نفسه لانه اخيرا سمع صوتها اللي بيعشقه رفع راسه وبصلها لقاها بتبصله وعينيها مدمعه
نور بجد يا آدم بتحبني ولا دي كمان لحظه ضعف ولسه مش قادر تسامحني.
ادم بفرحه بجد يا قلبي حمد لله على السلامه يا نور عيني انا مسامحك وقومي انتى بس وابقي اعملي فيا اللي انت عاوزاه
نور ما اتحرمش منك يا حبيبي
ادم بصدمه حبيبي نور انت قلتي حبيبي
نور ايوه يا ادم بحبك والله من اول يوم شفتك فيه وانا بدات احس بحاجه ناحيتك. 
ادم ربنا يخليكي ليا يا نور
نور ادم هو كده بابا مات فعلا مش هشوفه تاني ابدا
ادم بقلق نور يا حبيبتي انا عايزك تهدي انتى مؤمنه وعارفه ان الموت ده قضاء ربنا هو دلوقتي في مكان احسن ومش هيحب يشوفك تعبانه
نور ونعم بالله بس هيوحشني قوي يا ادم.. صحيح فين ندی.
ادم حالتها النفسية كانت وحشه اوي بس الحمد لله دلوقتي احسن وهتتحسن اكثر اما تعرف انك فوقتي دي كل يوم كانت تفضل قاعده جنبك لحد ما تروح في النوم ومراد يوديها اوضتها
نور نعم.. ومراد يشيلها ليه اصلا وماله بيها
ادم یا نور انتی داخله على شهر اهو في الغيبوبه مراد بيحب ندى وعايز يتجوزها
نور انا شايفه ان ده مش مكان اتكلم فيه عن موضوع زي ده انا عايزه ارجع اوضتي اوضه ادم الصواف.
ادم هههههه بتردهالي يعني حضرتك على العموم تنوري اوضه وقلب ادم الصواف وكمان في حاجه تخصك انتى وندى معايا ولازم تشوفوها 
وصلت العربيه بنور وادم ومراد وندى قدام القصر ودخلوا لقوا ترحيب ما يسرش لان ناهد استدعت اعمامه وعمته الوحيده رباب.. میل آدم عليهم ووشوشهم
ادم شوفوا يا جماعه لو بتحبيني يا نور وانتى يا ندى لو بتعزيني اي كلمه هتحصل هنا دلوقتي اعتبروا نفسكم ما سمعتوهاش مفهوم ادخلوا سلموا معايا عادي جدا واتصرفوا زي ما هتصرف
مراد شكله يوم مش معدي يا صاحبي انا عايزك تهدى ما تخليش حد يستفزك
نور بتعجب هو في ايه انا مش فاهمه حاجه يا جماعه
قطع كلامهم صوت العم ثابت وهو بيتقدم منهم ببطء
ثابت ايه يا آدم مش هتعرف المدام بينا ولا ايه مش عيب ده احنا اهل
ادم اه طبعا يا عمي بس الحقيقه ما جتش مناسبه اعرفكم ببعض تعالي يا نور يا حبيبتي بصي اللي استقبلنا ده عمي الكبير ثابت بعده يجي والدي ادهم الله يرحمه وبعده عمتي رباب طبعا وبعدها عم شاكر واللي هناك ده نادر ابن عمي ثابت الوحيد كده انتى عرفتيهم فاضل بقى هم يعرفوكي ثابت والله يستحسن
ادم دي يا جماعه نور ادم ادهم الصواف مراتي وام اولادي باذن الله وتبقى مالكة نص اسهم جميع املاك عائله الصواف.
اتصعق الجميع من اللي قالوا ادم ووشهم اصفر وبصوا لادم بغضب شديد
ثابت بغضب يعني عملتها يا آدم عملتها يا ابن ادهم ادیت ثروتنا واملاكنا لواحده من الشارع من اصل واطي
اتكلم ادم بغضب واضح ولكن بنبره هاديه
ادم اولا يا عمي لما تيجي تتكلم عن مراتي تتكلم بادب لان كلكم في ضيافتها هنا ثانيا نور سالم نعمان واختها ندى طبعا مش من الشارع زي ما بتقول ولا من اصل واطي دول يبقوا من نسل النعمان الكبير الله يرحمه ويسامح الصواف الكبير على اللي عمله معاه ومش محتاج اوضح طبعا اكيد كلكم عرفتوا مين النعمان الكبير ولا انا غلطان انا صحيح ايامها كنت عيل بس فاكر كويس كل حاجه.
شاكر بصدمه يعني ايه معقول دول يبقوا احفاد النعمان الكبير بعد كل العمر ده وانت عرفت منين انهم احفاده.
ادم انا مش عيل صغير يا عمي قبل ما اتجوز نور وانا عارف اما اتقدمت لها ابوها عم سالم الله يرحمه قالي كل حاجه وفهمني من اول ما الصواف الكبير نصب على جد نور وندى في كل فلوسه اللي عمله بيها الامبراطوريه دي مع بعض وكتنازل منه جدي طمع في الارباح والاملاك وكل حاجه لنفسه ومداش النعمان حاجه وهو مضاه على كل حاجه و رماه هو وابنه سالم وبنته كريمه اللي هي عمة نور وندى في الشارع وعمتهم دي طبعا اللي ماتت بعد موت النعمان باسبوع لما انتحرت من حصرتها على حق ابوها لحد ما وصل الحال بيهم انهم يسكنوا في شقه في مكان عشوائي برغم ان ليهم املاك تسد عين الشمس لحد ما عم سالم خلى نور تشتغل في المستشفى بتاعتي على امل انه يخليها على الاقل تتمتع باملاكها حتى لو كموظفه صغيره دي حتى ندى بتدرس في الجامعه بتاعتنا شفت الصدف
رباب براحه الحمد لله واخيرا بعد كل السنين دي الحق رجع لاصحابه الف مبروك يا ادم يا حبيبي طلعت ابن ابوك صحيح ورجعت كل حاجه لاصحابهاد
ناهد بغضب حق.. حق مين يا رباب اللي يرجعه لاصحابه ما فيش حاجه من الكلام ده صحيحه احنا ما يدخلش على دماغنا الكلام الفارغ ده يا ثابت ولا اقتنعت بالعبط ده
ادم انا كنت متاكد ان انت الوحيده اللي هتعترضي اصل كلمه حق مش موجوده في قاموس ناهد هانم.
ثابت اتكلم مع امك كويس يا ادم وبعدين مالك طايحكده وما حدش عاجبك انت نسيت نفسك ولا ايه ولا انت هتيجي تطلع عقدك علينا. الا صحيح بمناسبه العقد اختك شهد فين مش شايفها يعني
ادم قول لهم يا مراد شهد فين
مراد انسه شهد طيارتها قامت النهارده متجهه لكاليفورنيا هتقعد في اكبر مجمع طبي خاص هناك تتعالج وتكمل دراستها لانها قالت لنا وبالنص انها مش عايزه تشوف خلقة حد فيكم.
نور آدم هي شهد حقيقي سافرت انا مش فاهمه اي حاجه هتتعالج من ايه واملاك ايه اللي انت كتبتهالي وعيلتي وعيلتك هو في ايه بالظبط
كان ادم هيجاوب لكن قطعوا صوت تسقيف نادر المستفز
نادر برافو.. برافو تمثيلك هايل يا سكره انا كنت قربت اصدقك بس للاسف انا شكاك شويه ممكن اشوف قسيمه الجواز بتاعتكم اصلى بصراحه شاكك ان ادم جايبك تمثلي علينا الشويه دول علشان ياخد كل حاجه لنفسه
ادم ما تحملش يسمع الكلام ده ومسك نادر واداله علقه سخنه
نادر بوجع انت بتضربني يا ادم بتضرب ابن عمك علشان دي
ادم واضرب عمي نفسه لو ما احترمهاش... وبما ان الكلام وصل لحد هنا اسمعوا بقى اللي هيقعد في البيت هنا يقعد باحترامه يا اما الباب يفوت جمل عمتي رباب طبعا صاحبة بيت وليها احترامها واللي هيحاول يفكر يضايق نور وندى اللي طبعا هتعيش معانا هنا وده امر مفروغ منه همحيه من على وش الارض ودلوقتي بقى مش عايز اسمع صوت حد فيكم علشان طالعين نرتاح
اخذ ادم نور وندى ومراد وطلع واتكلم نادر بخبث
نادر انا هوريك يا آدم مين اصحاب البيت.
بعد ما طلع ادم وهما معاه للدور الثاني دخل نيم نور على السرير ووقف قدام الدولاب خرج منه صندوق وقعد جنب نور
ادم شوفوا يا جماعه الصندوق ده يخص عم سالم الله يرحمه واللي جواه يخصنا كلنا حتى انت يا مراد ليك فيه امانه
مراد انا.. وانا هيكون ليا ايه في الصندوق ده مش فاهم
ادم حالا هتفهم.. انا لما بعت اجيب كل حاجات ندى من البيت القديم اثناء ما كانت نور في الغيبوبه جالي في وسط حاجتها الصندوق ده و داده عزيزه بترتب حاجة ندى في اوضتها هنا شافت الصندوق ولحظت انه ملزوق عليه ورقه مكتوب عليها يسلم لادم الصواف باليد وطبعا داده عزيزه كلمتني وانا جيت واخذت الصندوق وفتحته
ندى انا اسفه لقطعي كلامك يا ادم بس انا مش هقعد هنا انا هرجع بيتنا القديم لو تسمح خلي اللي جابوا الحاجه يرجعوها
ادم ههههه سبحان الله وكأن عم سالم كان عارف دماغ كل واحده فيكوا ماشيه ازاي وعمل حسابه
نور بقولك ايه يا ادم انا مش فاهمه حاجه هو بابا سايب ايه في الصندوق ده واشمعنا سابه ليك انت.
مراد خلص بقى يا آدم احنا على اعصابنا
فتح ادم الصندوق وخرج منه الوصيه.
ادم دي وصيه عم سالم بيوصيني فيها اني اخلي بالي من نور كويس لانها طول عمرها هي اللي شايله هموم تعبه ومصاريف ندى والبيت وبيوصينی علیکی یا ندی وبيحلفني اخدك تعيشي هنا معانا وطبعا حتى من غير وصيه انا كنت هعمل كده وبيوصيني كمان اني اتمم جوازك من مراد لان مراد طلب ايدك منه وهو وافق ومش عاوز حد يعارض كلمته مراد بفرحه بجد.. الحمد لله ... الله يرحمك يا عم سالم كويس انك ما نسيتش وعدك ليا
نور عمر بابا ما نسى وعده لحد
ندی طب وايه الظروف الاربعه اللي في ايدك دول
ادم والله ده بقى اللي ما اعرفهوش دي امانه كل ظرف منهم عليه اسم حد فينا خذه وشوفه.
كل واحد مسك الظرف وفتحه وقرا اللي فيه.
ادم كده انا مهمتي انتهت واضح ان ما فيش حد فيكو عايز يقول عم سالم كاتبله ايه تقدروا بقى تنصرفو وكفايه عليكم كده
وقفت ندى وبصت لمراد وقالت
ندى الحمد لله برغم ان بابا وافق على جوازنا الا انه ادالي حريه الموافقه وبصراحه انا مش موافقه يلا تصبحي على خير يا نور
قربت ندی من نور عشان تبوسها قبل ما تخرج و شوشتها نور في ودنها
نور بصراحه انا مش مصدقاکی بابا اكيد ما كاتبش كده 
ندی اصبري عليا يا نونو انا بسوي الزبون
نور طيب يا اختي سوي.
ندی ممکن اعرف اوضتى فین یا آدم
ادم طبعا یا ندى ده بيتك بره هتلاقي داده عزیزه هتوصلك
مراد انتوا هتسيبوها تمشي كده مليش فيه انا عايز اشوف ورقتها بنفسي
ادم والله هي خرجت قدامك اهي احنا ما لناش دعوه روح