رواية حب من اول علقة ( الفصل السادس إلى الاخير ) بقلم اسماء الطبلاوي

دلوقتي وبكره ابقى اتكلم معاها ما يمكن انت مش عاجبها
بصت نور عليهم وهم خارجين
نور ههههه شوية عيال والله العظيم عمرهم ما هيكبروا.
ادم الله الله احلى ضحكه في الدنيا دي ولا ايه.. طيب ما بقول لك ايه انا هخش اخد شاور في السريع احسن انا تقريبا كده عفنت الكم يوم دول وراجعلك هوااا
دخل ادم فعلا خد شاور ولما خرج بداوا حياتهم الطبيعيه كزوجين... وثاني يوم اعمام آدم كلهم وناهد ونادين وزياد كانوا قاعدين بيتكلموا ما عدا رباب اللي خرجت تشتري شويه حاجات
نادین بغضب ها وبعدين احنا هنفضل كده قاعدين حاطين ايدنا على خدنا
نادر بخبث لا والله بقولك ايه يا نادين انت مش قلبك علينا انت حرقك بس ان ادم اتجوز واحده ثانيه غيرك وبعدين انا اتصرفت خلاص بس مستني فرصه
شاكر بخوف انا بصراحه يا جماعه خايف من عمايلكم دي ادم مش سهل ما بقاش عيل صغير زي الاول
ثابت خليك انت كده على طول جبان ورباب عبيطه انا مش هسكت ولازم كل حاجه تتحل بسرعه ولا ايه يا ناهد
ناهد بخبث والله ده يتوقف على اللي نادر قال انه اتصرف فيه لو ما كانش مدروس هنروح كلنا في داهيه
زیاد اسمحولي اقول لكم رايي آدم لو عاوزين تجيبوا مناخيره الارض يبقى مراته هى الحل لانه بيحبها.
نادر هي بصراحه البنت تتحب فرسه بس انا هعرف اجيب حق مدت ايده عليا مش هخليه يتهنى بيها
نادين جاتك القرف في ذوقك المهم تخلصنا منها في اسرع وقت نادر انا رتبت كل حاجه ناقص بس المكان
زياد وانا عندي المكان اللي ما يخطرش على بال حد
ثابت ركز يا نادر في اي حاجه بتعملها مش عايز غشوميه
شاكر ربنا يستر ولو ان كل ده شكله هيجي على دماغنا
نادر اهدى انت بس واستناني كل حاجه معمول حسابها
وعند ندى في الجامعه كانت قاعده في الكافتيريا مع صاحبتها رحمه بيتكلموا
رحمه يعني انت لسه ما اديتلوش عقاد نافع برده طب ما تريحيه يا بنتي
ندى بطلي عبط يا رحمه ما انا قلتلك عايزه اطمن انه اتغير مش بقول لك كان خاربها مع البنات
رحمه ههههه مش احسن ما يبقى لخمه وخام.. والله انتى حيرتيني ما انت برده بتقولي انه قاتل نفسه عليكي وانك معجبه بيه وما بتصدقي تلاقي فرصه تتكلمي معاه
ندى ما هو كمان ما بيصدق وبيفتح في الكلام ونقلتي عند اختي دى جت في صالحه وبقى بيشوفني ليل نهار
رحمه والله انتم مجانين ما توافقي بقى يا ندوش الواد مز اخر حاجه 
ندى احترمي نفسك يا رحمه بدل ما اقص لسانك المزده يبقى بتاعي ما تستهبليش.
مراد فجاه واما أنا بتاعك يا ست ندى مطلعه عين امي ليه بتختبريني.
ندى بصدمه هااا.. مراد.. انت جيت منين انا ... انا مش قصدي حاجه هو انت بتراقبني ولا ايه
مراد اخذ ندى وراح قعد بيها على كافتيريا على البحر
مراد انا عايز افهم دلوقتي معناه ايه اللي بتعمليه ده وبتهربي مني ليه
ندى بلاش كلام كبير يا مراد انا مش بهرب منك وبعدين هو انا بعمل ايه يعني.. كل ده عشان رفضتك.
مراد ندى اتكلمي كويس معايا انتى عارفه اني احترمت رايك كل ما في الامر اني عايز اعرف سبب رفضك ليا
ندی بلاش يا مراد مش هتحب تعرف اسبابي.
مراد لا.. احب اسمع اسبابك مهما كانت هي ايه.
ندی طيب يا مراد عايز تعرف رفضتك ليه .. اسمع بقى انا رافضاك علشان انت مقضيها مع البنات كل يوم مع واحده وانا غيرهم يا مراد مش هستحمل اتعلق بيك واحبك وتطلع بتتسلى بيا وترميني ساعتها ممكن اموت
مراد بهدوء اهدي يا ندى احنا في الشارع وبعدين خلاص حكمتي عليا كده من غير ما تسمعيني انا اقسمت لك اني اتغيرت عشانك وما عادش في حياتي غيرك وبعدين انا كنت زي اي شاب هلاس وفاسد وصايع لحد ما بيقابل اللي يحبها ويتوب علشانها
ندى انا بخاف على قلبي قوي يا مراد انا عمري ما حبيت ولا حتى اتكلمت مع شاب بس وانا قدامك بتحول قلبي بيقولي اديله فرصه وعقلي بيقولي اديله على دماغه اعمل ايه بقى
مراد هههههه هو انا صعب قوي كده ده انا حتى كيوت... عشان خاطري اسمعى كلام قلبك واديلي فرصه انا استحق الفرصه والله حتى نور سامحتني وابوكي وافق عليا
ندی طیب یا مراد اديني فرصه بس كده اخذ ودي مع نفسي وبعدين ارد عليك
وبعد شهرين وادم نايم حس بحركه نور الزايده في السرير وقلق
ادم نور.. مالك يا حبيبتي عماله تتقلبي كثير في السرير ومش مرتاحه ليه وبعد شهرين وادم نايم حس بحركه نور الزايده في السرير وقلق
ادم نور.. مالك يا حبيبتي عماله تتقلبي كثير في السرير ومش مرتاحه ليه
نور لا يا حبيبي انا كويسه هي بس بطني وجعاني شكلي داخله علی دور برد.
ادم برد ايه بس یا نور انتى وشك اصفر وبقالك كام يوم مش عجباني خلينا نروح للدكتور
نور ما تخافش يا حبيبي انا زي القرد اهو هشرب حاجه دافيه وابقى تمام
ادم اللي يريحك يا حبيبي انا هقوم.. عندي النهارده اجتماع مهم لازم احضره وبما اني صحيت بقى بدري هعدي على مراد علشان كان عايزني وبعدين اروحهتعوزي حاجه.
نور ما اتحرمش منك يا حبيبي وانا لو حسيت باي حاجه هكلمك
وخرج ادم وقعدت نور تبص حواليها بتفكير الفصل 10
فضلت نور قاعده تفکر بعد ما ادم خرج وهو قلقان عليها بسبب انها متغيره وشكلها تعبان الفتره دي.
نور معقوله اكون حامل.. اه ممكن وليه لا يعني انا هروحالنهارده المستشفى واشوف لو طلعت حامل اعملهاله مفاجاه بس ازوغ من الحراسه ازاي.. هخرج من الباب الوراني وبالمره اشوف عزه البنت دي وحشتني.
قامت نور لبست و نزلت و داده عزيزه قابلتها.
عزيزه استني يا بنتي على فين الشياكه دي كلها يا قمر قوليلي
نور وطي صوتك يا دادا ادعيلي بس انا رايحه مشوار لو خير ان شاء الله هعدي على ادم في الشركه واعمله مفاجاه حلوه زيك
عزیزه ربنا يفرح قلبك يا بنتي ويهنيكم ببعض.
خرجت نور من باب الخلفى للقصر ونادين شافتها وطلعت التليفون واتصلت بنادر على طول
نادين الو.. ايوه يا نادر العصفوره خرجت من القفص اخيرا
نادر بخبث ما تقلقيش عرفت والرجاله وراها خطوه بخطوه وانتى ما تنسيش تعملي اللي قلتلك عليه.
راحت نور المستشفى ودخلت اوضه الكشف وبعد شويه ظهرت نتيجه التحاليل بتاعتها خرجتلها الدكتوره مبتسمه
الدكتوره مبروك يا مدام نور الف مبروك انتى حامل في شهر عايزين بقى نخلي بالنا من المجهود الزياده علشان الحمل لسه في الاول انا هديكى دلوقتي حقنه تثبت الحمل وربنا يتملك بخير يا رب
نور بسعاده بجد يا دكتوره يعني انتى متاكده ان انا حامل اصل انا عندي سكر يا دكتوره هو ده ما يبقاش خطر على البيبي
الدكتوره انا عرفت من التحاليل فعلا ان عندك سكر بس ما تخافيش السكر عندك مش وراثي يعني ان شاء الله مش هيتنقل للبيبي خلي بالك بس من مستوى السكر علشان ما يبقاش في خطر على صحته وصحتك انت بعدين شكرت نور الدكتوره وخرجت من عندها وهي مبسوطه وراحت تشوف عزه
عزه عاش من شافك يا نونو كل دي غيبه هما اللي بيتجوزوا بيختفوا ولا ايه.. انت بتعملي ايه هنا يا بت.
نور بطلي رغي خليني اتكلم انا كنت بقيس السكر بس وقلت اطمن عليكى بالمره انتى رايحه فين مروحه
عزه لا بس في واحده صاحبتي واقفالي بره قدام المستشفى هديها حاجه.. يلا ننزل سوا ونرغي زي زمان
وصلت نور مع عزه تحت خرجت نور توقف تاكس وعزه واقفه على السلم وفجاه وقفت عربيه سوداء قدام نور نزل منها اثنين ضخام شالوها وركبوها العربيه وجريوا
عزه الحقونا يا ناااااس الحقونا يا نااااس يا نور الله يخرب بيتكم اخذتوها فين حد يلحقني يا ناااااس يا نهار اسود انا لازم اتصل بأدم بيه على طول ابلغه باللي شفته علشان يلحقها قبل ما يأذوها يا حبيبتي يا نور
في الوقت ده وصل ادم للبيت راح اوضه نور لانها كانت وحشاه ولما دخل ما لقيهاش بس لقي ورقه على السرير مسكها وقراها وكان محتواها كالتالي.
ادم آدم انا ما اقدرش اتحمل العيشه دي كل اللي عندك بيكرهوني حتى انت مش واثقه في حبك ليا سامحني يا دومي بس انا مضطره ابعد انا هسافر بره مصر و یا ريت ما تدورش عليا وكفايه بقى بهدله اتبهدلتها معاك وبصراحه انا خدت اللي انا عاوزاه ثروه واملاك كثير انا هبيع كل حاجه وقت ما الظروف تسمح ويا ريت تخلي بالك من ندى انا مطمنه عليها علشان هتتجوز خلاص انما انا من حقي اعيش لنفسي شويه سلام.
ادم كان مصدوم ومش مصدق نفسه من الكلام اللي مكتوب في الورقه معقول نور تعمل فيه كده
ادم بصدمه ايه ده... مستحيل ازاي الكلام ده انا هتجنن هو ده حلم ولا كابوس
خرج ادم تليفونه وفتحه لانه كان قافله علشان
الاجتماع واتصل على مراد وندى يجولوا فورا واستناهم في اوضه المكتب ولما دخلوا كان قاعد مصدوم
مراد في ايه يا ادم حصل ايه وجايبنا على ملا وشنا كده ليه
ندى مالك يا ادم في ايه هي نور فين اوعى تقولی نور حصل لها حاجه.
مد ادم ايده بالورقه لمراد وندى قراوها
مراد بغضب ايه الكلام الفارغ ده انت جبت الورقه دي منين
ندى بغضب ادم اوعى تصدق كلمه من دول نور مستحيل تعمل كده وبعدين ده مش خط نور صدقني اصل نور.......
قام وقف ادم بغضب
ادم ما هي دي المشكله يا ندى ان مش نور اللي كتبت كده وانا متاكد.. نور بتكتب بايدها اليمين عادي واللي كتب الورقه دي بيكتب بالشمال غير ان في غلطه في الورقه ما حدش بيقولهالي الا ثلاثه وده يخلي الوضع اخطر بالشكل ده يبقى اكید نور اتخطفت
وهما بيتكلموا خبط الباب وكانت دادا عزیزه شایله القهوه
عزيزه انا مبسوطه قوي يا ادم يا ابني ان انت ومراتك مبسوطين سوا بس انا مش شايفه نور هي ما جتش معاك ولا ايه
ادم باستغراب انتى بتقولي ايه يا دادا ونور هتيجي معايا ليه انا ما اعرفش هي فين اصلا انتى شفتيها خرجت
عزيزه بقلق يعني ايه يا ابني ما تعرفش هي فين دي خرجت النهارده وراك على طول وقالت انها رايحه مشوار لو خير هتعدي عليك تعملك مفاجاه 
مراد انا ما بقتش فاهم اي حاجه طب والحراسه ما راحتش معاها ليه.
عزیزه اصلها خرجت من الباب الوراني يا ابني فكرتها خرجت منه علشان الهوانم ما يشوفوهاش ما اعرفش آنها خرجت من غير الحراسه.
ندى يعني كده الورقه دي فخ
ادم كده يبقى اللي انا خايف منه حصل نور اتخطفت وانا السبب
قطع كلامهم صوت التليفون بتاع ادم اللي بيرن من غير زهق قفلوا ادم كذا مره والاخر استسلم ورد.
ادم الو ايوه مين
عزه ایوه یا آدم بيه انا عزه زميله نور في المستشفى فاكرني.
اد اه فاكرك يا عزه معلش مش هقدر اكلمك دلوقتي انا في كارثه
عزه عارفه ما انا بكلمك علشان كده نور اتخطفت یا آدم بيه اتخطفت
ادم بفزع انتى شفتى اللي خطفوها قوليلي يا عزه
ارجوكي
عزه تعالى المستشفى بسرعه وانا هقولك كل حاجه.
ادم خليكي مكانك لحظات وهبقى عندك.
ركب ادم عربيته ومعاه مراد وندى وكان بيسوق بسرعه جنونيه لحد ما وصل للمستشفى
ادم عزه شفتي ايه وفين نور
عزه ما اعرفش هي فين.. اللي حصل انها كانت هنا عدت عليا و اما سالتها هى هنا ليه قالتلي انها كانت بتقيس السكر خرجنا سوا وكانت ماسكه تليفونها وبتكتب رساله انا سالتها لمين قالت ليك وقبل ما تكملها وقفت عربيه كبيره نزل منها اثنين رجاله ضخام خدوها وكتموا بقها وطلعوا على طول ما لحقتش غير رقم العربيه اهو.
ادم بغضب مراد خذ رقم العربيه منها وفي لحظه عايزك تجيبلي خط سير العربيه دي من اول ما اتحركت من هنا ومسجله باسم مين وخذ ندى معاك وانا هدخل اشوف تسجيلات الكاميرا وتكلمني
مراد تمام.
وفي قصر الصواف كانت رباب واقفه قدام اخواتها بتتكلم بغضب 
رباب انا كل كلامكم ده ما يفرقش معايا في حاجه عاوزه اعرف بس انتم ليكوا علاقه بخطف نور مرات ادم ولا لا ....
ثابت بطلي عبط بقى يا رباب هو احنا لو لينا يد كان زماننا قاعدين هنا لسه.
ناهد وبعدين انتوا متاكدين كده ليه انها اتخطفت ما يمكن هربت
نادين عندك حق يا طنط اكيد هربت انا من الاول قلت عليها شرشوحه.
رباب وانت يا شاکر برده ما تعرفش حاجه زيهم.
شاكر كان ماسك تليفونه ومشغول بيه وما خدش باله من سؤال رباب لما علت صوتها رد عليها.
شاكر ايوه انا ما اعرفش حاجه يا رباب وما تدخلونيش في حواراتكم انا قايم عن اذنكم.
وعند ادم وهو في المستشفى كان بيشوف التسجيلات وقلبه بيتعصر من الحزن وهو شايفهم بيعملوا كده في نور لما رن تليفونه برقم مراد
ادم ايه يا مراد وصلت لحاجه اديني تفاصيل.
مراد العربيه مسروقه يا آدم من مهندس اسمه شادي العامري ومبلغ عنها بقاله يومين وما حدش يعرف عنها اي حاجه اما عن خط سيرها هي بعد ما طلعت من المستشفى وقفت قدام عماره في الزمالك ما اتحركتش من هناك لكن اتحركت من هناك عربيه ثانيه بواب العماره بيقول انها كانت واقفه وراكب فيها واحد ناس جم حطوا واحده مغمى عليها في العربيه وركب جنبها واحد منهم ومشي.
ادم تبقی نور یا ترى عملوا فيها ايه انا هتشل يا مراد بقولك خذ اوصاف العربيه من البواب وابصطه عالاخر عشان میحزرش حد.. وادي الرقم للحراسه عايزهم يكنسوا البلد عليها بعد ربع ساعه عايز اعرف مين صاحب العربيه دي وفين عنوانها دلوقتي
بعد ما رباب مشت غضبانه من عمايل اخواتها قعدوا كلهم يتكلموا في الصالون وكان فيه اللي بيسمعهم.
ثابت الموضوع عمال يكبر وادم بيكنس البلد على مراته وبعدين.
ناهد ما تبقاش جبان بقی یا ثابت ما يكنس براحته المكان اللي هي فيه عمره ما هيفكر يدور فيه.
زیاد زمان الزبونه متروقه على الاخر اكيد نادر مش مقصر معاها
نادين احسن علشان تبقى تتحداني الجربوعه هي لسه شافت حاجه
ثابت ربنا يستر مش مطمن لليله دي قلبي مش مستريح
ناهد بسخريه قلبك ههههههه هو انت عندك قلب كان فين قلبك ده لما فكيت فرامل العربيه لاخوك و لصفوت نصار ومراته اهل مراد بعد ما عرفت ان ابوك كتب لادهم كل حاجه.
ثابت برعب انتى اتجننتي ازاي تتكلمي هنا في موضوع زي ده.
ناهد بس تصدق ادهم طلع اذكى منك كتب كل حاجه باسم ادم في نفس اليوم اللي انت قتلته فيه شفت الحظ.. انشف كده يا ثابت وبلاش جبن والا آدم هياخذ خبر بمين اللي قتل ابوه.
وفي مكان ضلمه كانت نور مربوطه من دراعاتها فاقده الوعي واخده علقه جامده.
نادر الله يخرب بيتكم انا قلت لكم روقوها مش تفرموها انتم بهایم ما عندكوش مخ فوقوها بسرعه.
واحد من الرجاله جاب ميه وكبها على راس نور اللي صحت مفزوعه لاقيت نفسها لسه في نفس المكا.
نور بتعب ادم انا محتاجاك انت فين يا حبيبي. 
نادر بغضب یووووه انتى ما بتزهقيش من الصبح وانتى بتنادي على ادم فاكره هيلحقك ده حتى لو عرف طريقك هنكون خلاص خلصنا عليكي
نور بثقه صدقني انت صعبان عليا لان اول ما ادم يجي هتبقى انت اللى انتهيت.
كان ادم في عربيته رايح مركز الشرطه لما جاتله رساله من رقم غريب كان محتواها كالتالي.
ما تدورش بعيد.. اللي انت بتدور عليه بين ايديك وقريب منك قوي فكر بسرعه و اتصرف قبل ما العصفوره تموت فکر یا آدم فکر
قرأ ادم الرساله دي وهو في حاله من الذهول.
ادم اكيد اللي بعت الرساله دي قصده نور بالعصفوره بس يقصد ايه ببين ايديا انا هكلم مراد اشوف وصل لايه.
اتصل ادم على مراد اللي جاوب على طول.
ادم ها يا مراد عرفت العربيه دي بتاعه مين.
مراد اه عرفت بس ما اقدرش اقول لك غير لما اشوفك.
ادم مراد انا مش متحمل رخامتك دلوقتي ما تقول على طول. 
مراد قابلني عند القصر وانا اقولك لو قلتلك دلوقتي ما اضمنش رد فعلك بس بسرعه انا مستنيك.
ادم ماشي يا مراد انا جايلك.
وصل ادم عند القصر ولما وصل لقى مراد مستنيه جمب عربيه زرقاء عند الباب الخلفي بتاع القصر.
مراد هي دي العربيه اللى البواب ادانا اوصافها ولما الحراسه بلغتني انها واقفه هنا استغربت بس لما عرفت مين صاحبها ما استغربتش
ادم بغضب دي عربية نادر صح
مراد فعلا عربيه نادر
ادم يبقى الرساله اللي جاتلي كان معناها واضح انا كده فهمت.
مراد رسالة ايه.
ادم حد بيقولي الحق العصفوره قبل ما تموت وان اللي بدور عليه بين ايديا.
فجاه كلهم سكتوا لما سمعوا صوت رنة تليفون عارفينها كويس رنة تليفون نور وكان بيرن من العربيه دي ادم كسر ازاز العربيه وفتحها لقى التليفون مرمي في الارضيه وكان متعلق على الرساله دي...
ادم ادم يا حبيبي وحشتني قوي انا اسفه خرجت النهارده من غير اذنك وزوغت من الحراسه كمان بس والله نيتي حلوه كنت عايزه اعمل لك مفاجاه اصل انا عرفت ان ..........
وما كملتش الرساله
ادم بحزن وانتى كمان وحشتيني يا نور انتى نيتك كانت حلوه بس انا اللي حظي وحش.
ندى انا خايفه قوي يا آدم عليها يكونوا عملوا فيها حاجه
ادم انا حاسس ان هي قريبه مني قوي مش عارف ليه وكمان الرساله مش طالعه من دماغي ابدا اكيد نور هنا في القصر.. بقولك ايه يا مراد هات الحرس وتعالى ورايا.
بدأ ادم يدور هو ومراد وندى والحرس كمان في كل القصر لما قابل عزيزه وقفته وهي مخضوضه.
عزيزه الحمد لله يا ابني انك جيت.. نور هنا يا آدم سمعتهم بيقولوا كده
ادم بتقولي ايه سمعتی مین یا دادا.
عزیزه اعمامك يا ابني قالوا انهم خطفوا نور وحابسينها هنا بس ما قالوش فين بالظبط .. وقالوا بلاوي تانيه كتير 
انا سمعت انهم متوصيين بيها جامد.
ندى يعني ايه بيمدوا ايدهم على نور.
كانوا بيتكلموا والكلاب مش مبطله نباح بكل قوتهم وادم زهق من الصوت.
ادم ما تخرصوا الزفت دول مالهم هايجين كده ليه النهارده.
الحارس ما نعرفش يا ادم بيه من الصبح وهما ما هديوش الكل اشتكى منهم النهارده
ادم استوب... استوب... ايه