رواية يتيمة في قبضة صعيدي (جميع الفصول مكتملة) عز وملك بقلم نيرمين حمدي ج١
المحتويات
بقيت واقفه قلبها اتخلع من مكانه يعني هي مبقتش مجرد وصيه وبس لا دي بقت كمان حاله انسانيه الكل بيبصلها بشفقه وبتقول بضعف .. انا مجرد وصيه هنا مش أكتر مفيش داعي لكل دا
لينظر لها عز بنظره ضيق من كلامها هو مش عايزها تبان ضعيفه قدامهم مش عايز ضعفها يظهر
هو الوحيد الي مسموحلها تضعف قدامه ومش دايما كمان...
رد بنبره حاده تعبر عن مدي ضيقه..
كفايه كلام... الي مالوش لازمه ميتقالش... كل واحد يروح مكانه.. مش عايز اسمع صوت اي حد
كان يقصد ملك بكلامه
ملك حست ان الكلام دا كان موجهه ليها أكتر من اي حد... حست بصفعه وانه بدل ميرد علي كلام رضوي اهانها هي... مسحت دموعها بسرعه.. وطلعت علي أوضتها بخطوات متلخبطه.. عيون عز كانت متابعاها.. ساكت بس جواه عاصفه
عز بغضب يسحب رضوي من يدها بعنف ناحيه أوضه المكتب.. في ايه ياعز براحه
عز زق ايدها وقعد علي الكرسي وبهدوء مرعب .. الكلام الي قولتيله برا لو سمعته تاني او سمعت انك قولتيه في غيابي يبقي مشوفش وشك في البيت دا تاني أحسن.. البيت دا ليه قواعد الي ميحترمهاش يبقي ميدخلش
لتقاطعه رضوي.. بقي بتزعقلي انا عشان
ليضرب هو بيده علي المكتب بقوه جعلتها تنتفض.. مخلصتشششش كلامي.. انا مش فاضي للكلام الفاضي ده عشانك وعشانها.. وبعدين مين الي قلك
رضوي.. مش محتاجه حد يقوليبس خليك فاكر ياعز انك لو فكرت تبص لوحده غيري هطربق الدنيا بالي فيها وانت عارف جناني ومجربه
عز بثبات وبحده.. لو هتتجنني علي عز الجبالي أعقلك.. اطلعي عشان متجننش انا عليكي
رضوي.. ماشي ياعز ماشي
رضوي طلعت برا الاوضه وعلي ملامحها الغضب
المعروف عن رضوي انها مهوسه بعز لدرجه انها لما بتحس ان في وحده بتقرب منه بس بتأذيها جامد ومستعده تقتل بس عز ميبقاش لغيرها وهو عارف كدا
ننتقل لماهر الي وصل بيت والد رقيه وطلع وهو مشحون بغضبه عيونه فيها نار مشتعله مش مجرد غضب بعده بدقايق وصل فياض
ماهر بقي بيخبط بجنون ليفتح له والد رقيه.. اهلا ياماهر
ماهر بيدخل بغضب.. هي فين
والد رقيه.. في ايه مالك كدا
ماهر بزعيق.. رقييييييه
رقيه كانت طالعه من الاوضه ومعاها الشنطه وكانت مستنياه عشان يجي ياخدها ذي متفقوا امبارح.. ايه ياماهر بتزعق ليه جايه اهو
ماهر وعيونه كلها غضب شدها من ايدها ودخل الاوضه وقفل.. انتي قولتي لرضوي ان عز اتجوز.!
رقيه بتبتلع ريقها ببطئ.. ماهر اسمعني.. والله هي الي سألتني وانا اتلخبطت وقولتلها
ماهر بعلو صوته.. اتلخبطتي.! قعدت تلت ساعات وانا اقول الكلام ميطلعش الكلام ميطلعش وبعد متقفلي معايا تقولي لرضوي... رضوي بالذات
رقيه بترجع لورا بخوف.. والله مكان قصدي انا مكنتش اعرف انها ممكن تعمل حاجه
ماهر.. انتيييييي خليتني عيل وسطهم... لكن الغلط مش عليكي الغلط عليا اني اثق في وحده زيك
فجأه بيقاطعهم صوت فياض.. ماااااهر كفايه فضايح مش هيبقي هنا وهناااااك افتح ام الباب دا
رقيه بعياط.. والله انا اسفه مكنتش
فجأه ماهر بيمسكها من ايدها جامد
يتيمة في قبضة صعيدي
في اللحظه دي فياض بيكسر الباب ووالد رقية بيدخل يشوف الحالة دي وبغضب.. انت اتجننت ازاي تضرب بنتي كدا
فياض بيمسك ماهر.. يلا بينا كفايه كدية
ماهر بغضب.. سيبني يافياض دي وحده قلب الدنيا هناك خلتني عيللللل
والد رقية.. هي عملت ايه يعني لدا كله
ماهر بغضب.. اسأل بنتك.. متقوليلو ساكته ليه... بنتك عندك اهي متلزمنيش ولا هتبقي علي زمتي يوم كمان... ورقتك هتوصلك بكره
رقيه فضلت مكانها تعيط ووالدها مصدوم اول مره يشوف ماهر كدا
وماهر نزل وهو في قمه غضبه
رقيه بتوسل.. فياض حل الموضوع دا ارجوك انا مش عايزه اطلق من ماهر انا بحبه مش هقدر ابعد عنه
فياض بحده.. لحد متي هحللك في مشاكلك انتي كل يوم تعملي مشكله اكبر من الي قبلها مش عايزه تتعلمي ابدا
رقيه.. يعني هتسيبوه يطلقني
فياض.. الحل في يد عز المره دي مش في يدي.. هبقي اكلمك سلام
رقيه بأسف.. هستناك.. سلام
في المساء في قصر الجبالي الكل مجتمع علي العشاء وسعيده طلعت تنده ملك الي من الصبح حابسه نفسها ومش قادره تطلع كلام عز من دماغها لحد مالباب خبط وقطع شرودها كانت فكراه عز جريت بلهفه تفتح بس لقيتها سعيده لتعود ملامح العبس ترسم ملامحها ثم تقول في نفسها.. دا حتي مفكرش انه يجي.. ويجي ليه هو بيجرح وبس
سعيده تقطع حبل تفكيرها.. تعالي ياملك العشا جاهز تحت
ملك والدموع محبوسه في عيونها.. لا انا مش جعانه
سعيده.. مش جعانه كيف.. انتي مكلتيش حاجه من الصبح
ملك بضعف.. صدقيني مش جعانه.. عايزه انام بس
سعيده حست من عنيها انها زعلانه.. في حاجه مزعلاكي مش كديه
ملك بتتهرب وبتبعد عنيها.. هااا لا لا هزعل ليه
سعيدهاومال دمعتك علي خدك ليه.. عز مزعلك في حاجه
ملك قلبها انتفض مره وحده لما سمعت اسمه..... لا ابدا انا بس افتكرت بابا اصلو وحشني
سعيده.. ربنا يرحمه.. اسيبك انا ترتاحي
ملك هزت راسها من غير متتكلم
في الاسفل الكل متجمع علي العشاء
وعز جيه قعد مكانه المعتاد بمجرد مقعد عيونه جات علي كل الحاضرين بيدور علي ملك وملقهاش.. بس سكت مرديش يسأل عليها
الخدم كانوا بيحطوا الاكل
جليله.. سعيده اندهي علي ملك
سعيده.. ندهتها بس قالت مش جعانه
جليله.. مش جعانه كيف.. دي من الصبح مكلتش
رضوي تهمس لجليله.. في اية ياعمتي وحده مش جعانه خلاص
جليله تهمس لها.. كله من تحت راسك انتي
لتقاطعهم سعيده.. قولتلها كدا بس قالت عايزه تنام
جليله.. خلاص خلي حد من الخدم يوديلها الاكل فوق
عز سامع كل دا وجواه غضب مشتعل منها وبحده.. لا مفيش أكل هيطلع فوق.. سيبوها براحتها
رضوي بشماته.. عندك حق ياعز.. هو احنا هنتحايل عليها ولا ايه
لينظر لها عز بنظره تعبر عن كل ما بداخله من غضب لتسكت بعدها تلقائيا
ليقاطع حديثهم مجئ ماهر وهو غاضب ويطلع اوضته علطول
وبعده بيدخل فياض
جليله بقلق.. حصل ايه يافياض
فياض
الكل اتصدم حتي رضوي.. يطلقها ليه وهي ذنبها ايه يعني
فياض بغضب.. اسكتي انتي.. انتي سبب كل الي بيحصل
رضوي.. وانا مالي هو انا الي قولتلها تقولي ولا ضربتها علي ايدها
جليله.. المصايب كلها بتيجي مره وحده وكله من تحت راسك
رضوي.. يعني هو انتو كانت السعاده فتحالكم درعاتها وانا الي جيت منعتها.. بتعلقوا كل مشاكلكم عليا دلوقتي...
عز سامع وساكت ثم قال بثبات.. ايه علاقتك بطلاق رقيه
فياض.. ماهر عرف ان رقيه قالت لرضوي انك اتجوزت
عز بحده.. متقولها.. وهو انا كنت هخبي.. ولا خايف منها ولا ايه يعني
رضوي للحظه حست ان قلبها وجعها .. يعني انت مش فارق معاك قلبي الي اتكسر.... مشاعري لعبه بالنسبالكانا عمري محبيت حد قد محبيتكعمري متخيلت نفسي مع حد غيرك .. بس انت اناني ياعز اناااااني ومبتحبش غير نفسك وبس
وطلعت علي اوضتها علطول... كل كلمه خرجت منها كان من قلبها لدرجه خلت الكل تعاطف معاها عشان كلهم شهدوا هي بتحبه ازاي رضوي متعلقه بعز من وهي صغيره مش سهل عليها تنساه كدا.. وتفهم انه مش ليها
اما عن عز الي جواه اكبر بكتير من انه يتشرح تنهد ثم ذهب لغرفه ماهر وكأنه لم يسمع اي كلمه قالتها رضوي
جليله.. قلبه اقسي من الضخر.. جدك علمه كل حاجه ونسي يعلمه الحنيه
فياض.. يعمل ايه اكتر من كديه فهمها كتير بس هي مش راضيه تفهم
جليله.. وفيها ايه لو اتجوزها.. يكسر قلبها كديه ليه.. رضوي صوح مسحوبه من لسانها متعرفش هي بتقول ايه بس بتحبه.. وهو مش هيلاقي الي تحبه كديه
فياض.. سبيه يعمل الي علي كيفه
في غرفه ماهر.. عز بيخبط عليه وفتحله
ماهر والتعب كان ظاهر عليه.. لو فيه حاجه هتسمعهاني أجلها للصبح
عز زقه.. اوعي كديه خليني ادخل
ماهر باستغراب.. اسمع ياعز انا لو اعرف انها هتعمل كد
ليقاطعه عز.. اسمع انت لو كنت فاكر اني كنت ناوي اداري او اخبي موضوع جوازي تبقي غلطان.. مكنتش شيعت لكبار البلد يحضروا كتب كتابي.. ميبقاش مخك صغير كديه
ماهر.. بس رضوي بالذات
عز بحده.. رضوي ولا غير رضوي.. ميهمنيش حد مين مكان يكون..
خلاصه الكلام مش هطلق رقيه عشان موضوع هايف كديه....
ماهر.. انت شايف ايه
عز.. انا شايف انها لو حافظه سرك ومبتقولش وهو دا الموضوع الوحيد الي قالته لرضوي يبقي ملوش لازمه الطلاق....
ماهر.. مبقاش عندي ثقه فيها ياعالم قالت ايه كمان
عز.. دي بقي مشكلتك.. انما موضوعي انا ميحصلش طلاق بسببه
ماهر بص لعز وابتسم وه كأخ مش كإبن عمه.. اهم حاجه متفقدش انت ثقتك فيا
ليضربه عز علي ظهره وهو حاضنه.. عيب دا انا سري كله معاك ياااابن الجبالي
في المساء عند الساعه الثانيه عشر منتصف الليل حيث ملأ الهدوء القصر
عز كان في أوضه المكتب بيخلص شويه ورق في شغله
لتدخل اليه سعيده.. عز
عز.. اية في ايه
سعيده.. هطلب منك طلب بس متتعصبش ولا ترد طلبي
عز ابتسم ابتسامه خفيفه.. قولي
سعيده.. كنت عايزاك تطلع لملك البنت مش واخده علي
عز ملامحه اتغيرت وهو يبحث في الاوراق.. وانا قولتلها متنزلش.. متنزل
سعيده.. تنزل ازاي وهي حاسه بالاهانه وانها غريبه وسطينا
عز بحده.. انا مش فاضي لشغل الاطفال الي بتعمله دا اية علاقه الاكل بالزعل مش فاهم.. مبتعرفش تعمل حاجه غير انها تبكي
يتيمة في قبضة صعيدي
سعيده كانت هتتكلم بس هو قاطعها.. اندهيلي رضوي
سعيده سكتت للحظه وقلبها وجعها علي المسكينه دي ثم تنهدت وقالت.. حاضر
في غرفه رضوي
رضوي كانت قاعده علي طرف السرير وحاسه ان كل حته فيها بتتكسر ميت حته ثم فتحت موبايلها وفتحت شات عز قلبت في وسط الرسايل رجعت تعيد الذكريات بكل الرسايل الي كان يبعتهالها عشان يطمن عليها وهي بتدرس في القاهره فضلت تقرأ وتبكي.. بقي كل دا طلع وهم.. طيب ازاي. هو ازاي بيخلي اي وحده تحبه بالشكل ده. وفي المقابل هو معندوش ذره احساس
ثم تركت التليفون وذهب للمرآه بصت لنفسها باستغراب.. هي دي رضوي. رضوي الي بتجري ورا حلم مستحيل كانت فاكره في يوم انه ممكن يتحقق انا انهارده اتكسرت.. حاسه نفسي ولا حاجه قصاد راجل اناني مبيحبش الا نفسه وبسثم وقفت بثبات ومسحت دموعها وقالت.. بس انا مش هسكت انا ضيعت سنين كتير عليك ياعز وهضيع الباقي اما انك تبقي ليا.. او متبقاش لحد خالص
ليقاطعها صوت خبط الباب لتمسح دموعها جيدا وتفتح الباب وتجدها سعيده.. نعم ياسعيده
سعيده بضيق.. عز عايزك في أوضه المكتب
رضوي بفرحه مخفيه.. حاضر جايه
وبعد دقايق رضوي دخلت علي عند عز
اما في اوضه ملك.. ملك كانت نايمه علي السرير وعنيها علي الباب مستنيه عز يجي
ملك قامت بضيق.. هو انا عملت ايه.. انا من حقي اعرف هو قال كدا ليه.. ولو هو مش ناوي يجي.. انا هروح ومش هشغل دماغي تاني.. عايزه اخلص من الموضوع دا ومن فكره اني مذنبه
ملك قامت غيرت هدومها وقررت تروحله
في اوضه المكتب
عز.. اقعدي
رضوي قعدت.. في كلام لسه مقولتهوش وناوي تجرحني بيه
عز بحده.. انا لا هجرح ولا هداوي.. انا هقول كلمتين ومش هقولهم تاني.. تسمعيهم وتفهميهم
رضوي.. قول
عز بنبره رجوليه.. انا منفعكيش انتي تستاهلي حد يعرف يديكي الي انتي محتاجاه الحب والحنيه وكل المشاعر .. انما انا مش هعرف اديكي ابسط حق ليكي والي هو الحب.. لو اتجوزتك هبقي بظلمك.. وانا مش هقبل اني اظلم حد معايا
رضوي لاول مره بتعيط قدامه.. انا موافقه تظلمني وموافقه انك مش هتديني الحب الي انا محتجاه منك.. بس للاسف مش هو دا سبب رفضك ليا.. تقدر تقولي ليه مش عايز تظلمني مع انك اتجوزت ملك ورضيت تظلمها عادي
في اللحظه دي ملك كانت هتدق علي الباب بس سمعت صوت رضوي وهي بتتكلم
لتكمل رضوي.. تقدر تقولي ملك بالنسبالك ايه ياعز
ليصمت عز للحظات ثم يقول بحده.. ملك متهمنيييش في حاجههي مجرد وصيه جاتلي وانا اضطريت اتجوزها عشان قانونيا تبقي تحت عيني غير كدا هي ولا حاجه بالنسبالي ولا هتبقي.. والي
ملك سمعت كلامه ودموعها بقت تنزل ذي المطررجلها مبقتش شيلاهاكل يوم تحس نفسها مش مرغوبه.. حست نفسها
متابعة القراءة
