رواية يتيمة في قبضة صعيدي (جميع الفصول مكتملة) عز وملك بقلم نيرمين حمدي ج١
عبء عليه وانه هو مش عايز الجوازه دي اصلا وطلعت اوضتها من تاني
رضوي.. متكدبش علي نفسك ياعز انت من يوم مالبنت دي دخلت القصر.. معاملتك معايا اتغيرت.. فاكر زمان مكانش بيعدي يوم الا وتطمن عليا فيه كانوا كل العيله بيحسدوني ويقولولي انتي ليكي معزه خاصه في قلبه.. لو انت نسيت ياعز انا مش هنسي
عز.. كل دا كان بحسن نيه مكانش جوايا اي حاجه من ناحيتك انتي بغباءك حولتيه لحب.. انتي رسمتي لنفسك حاجه مش موجوده
رضوي بتعب.. ماشي ياعز... ماشي
عز بنبره هادئه ولكن ممزوجه بتحذير.. رضوي.. مش هكرر كلامي دا تاني
رضوي هزت راسها بألم ومشيت
اما عن ملك
ملك طلعت وكملت عياط فوق في اوضتها.. انا ازاي اختارت اكون هنا.. انا بالنسباله حتة ورقة مش بني أدمه ومن حقها تختار.. أنا خلاص قرفت.. ولازم احط حد للموضوع
ثم قامت بصت لنفسها في المرايا ومسحت دموعها ثم خرجت تتمشي في القصر هي مش عارفه هتعمل ايه ولا هتروح علي فين بس عايزه تشم شويه هوا.. وقفت في أحد شرفات القصر.. الهوا كان جامد لدرجه نشفت دموعها.. كانت واقفه بتفكر في الي بيحصل وبتدور علي حل.. شارده وتايهه ومش لاقيه الي يدلها بس فجأه بتحس بخطوات ثقيله جايه ناحيتها نظرت بطرف عينها دون ان تلتفت واشتمت رائحه عطره الرجوليه.. كانت رائحته تملأ المكان.. أغمضت هي عينيها وبدأ قلبها ينتفض.. يدها ترتجع.. جسدها يرتعش.. لتفتح عينيها عندما سمعت صوته الحاد
عز بصرامه .. الجو برد ادخلي جوا
لتلتفت له والدموع تملأ عينيها.. البرد بيعالج حاجات هو معملهاش
عز بحده.. أنا مش عايز فلسفه.. قولت
لتقاطعه هي.. أنا عايزه منك طلب
ليعقد عز حاجبيه.. قولي
سكتت لحظه كأنها مش عايزه بس مضطره.. أنا همشي من هنا.. هروح اعيش في دار أيتام وسط الناس الي شبهي.. انا سمعتك وانت بتقول انك كنت مضطر تتجوزني.. وانا مش عايزه اكون عبء عليك
عز.. كنتي بتتصنتي.
ملك.. لا انا كنت جايه اتكلم معاك بس صوتكم كان عالي
عز للحظه حس ان قلبه اتقبض هو مش عارف ليه.. كلماتها كان تقيله.. نبره صوتها كانت متعبه.. وبتعبر عن كل التعب والزعل الي جواها.. كأنها قرر تسيب كل حاجه وتمشي
ملك كملت بنفس النبره.. انا يمكن مخدتش قرار في حياتي.. والقرار الوحيد الي اخدته كان غلط وهو اني اكمل حياتي هنا..
ثم تبكي وتقول.. مش طالبه منك غير انك تفهمني.. سيبني امشي واوعدك هفضل مخلصه ليك وللبيت ده.. بس كفايه لحد كدا
عز واقف ساكت لاول مره مش قادر يتكلم.. وكأن كلامها نزع منه قدرته علي التحكم.... عنيه بتطارد دموعها.. ارتجافها.. رعشتها
نبرة صوتها وهي بتقول
سيبني أمشي
ملك لما شافت سكوته.. فهمت سكوته علي انه موافقه وانه مش فارق معاه.. ومش ناوي يمنعها.. ابتسمت ابتسامه باهته.. وبصت أخر بصه علي القصر كأنه مش هتشوفه تاني.. ثم استدارت عشان تمشي
أخذت عده خطوات بس صوت عز جه حاد.. جامد.. مفهوش تردد.. طلبك مرفوض
تجمده في مكانها.. قلبها ضرب حامد.. ولفتله ببطء دون ان يلتفت هو لها.. ليه.
عز بجمود.. لما أنا أقرر تمشي.. هتمشي.... مش وقت ماانتي تعوذي
اتسعت عنيها بصدمه حست بانكسار وان حياتها هتكون مجرد خضوع لاوامره.. كان جواها كلام كتير.. بس لسانها عجز عن التعبير.. فاكتفت بهز رأسها بألم ومشيت.. وعز فضل واقف.. يبص في الفراغ.. كلامها لسه متعلق في عقله.. نبرة صوتها بتهده.. دموعها بتكويه.. بس مضطر انه يتعامل عادي ومن جواه نار مشتعله
يتيمة في قبضة صعيدي
اما ملك فراحت اوضتها مشاعرها متلغبطه.. قلبها بقي بيدق بسرعه.. كلماته متعلقه في ذهنهالما انا اقرر تمشي.. هتمشي... مش وقت ماانتي تعوذي
كانت كلماته حاده كالسيف.. ملك نامت وسحبت الغطا عليها غارقه في دموعها ولكن فجأه تسمع صوت فتح الباب ببطئ تليه خطوات ثقيله ثم صوت رجولي.. نمتي.
ملك بزعل سحبت الغطا علي راسها
عز تنهد ثم قال بنبرة هدوء.. ااا انا جعان
لتعقد ملك حاجبيه وتبعد الغضا عنها ملتفته
عز يبعد نظره عنها.. ايوة... انا بني أدم بيجوع عادي
ملك.. سعيده تحت مش هنا!!
عز يمسح بيده علي رقبته .. اه... منا لقيتها نايمه
ملك بحنيه رغم كل زعلها.. حاضر.. هقوم
عز.. هستناكي تحت
ملك.. طيب
ملك غيرت هدومها ونزلت للمطبخ ومحتاره في عز فبدل ميجي يكلمها في الي قالته نسي اصلا كأنها مقالتش حاجه وجيه يقولها جعان.. بجد انسان مش طبيعي.. انا عمري مشوفت كدا
وفي هذه اللحظه بتيجي سعيده.. كنتي قولتيلي ياملك انك جعانه وانا اعملك الي انتي عايزاه
ملك تلتفت لها.. لا مهو مش ليا.. دا لعز قلي انه جعان ولقاكي نايمه
سعيده.. دا انا لسه سألاه من 10 دقايق قلي مش محتاج حاجه
ملك سكتت للحظه وبدون فهم.. طيب هو قلي ليه
سعيده.. يمكن عشان انتي تاكلي مثلا
ملك قلبها رجع يدق بسرعه يعني هو عمل كدا عشاني مش عشانه ابتسمت ابتسامه خفيفه بس رجعت تكدب نفسها ثم أخذت الاكل علي السفره
ملك.. لما تخلص اندهلي انا صاحيه
ملك قالت كلمتها واستدارت عشان تطلع بس قاطع خطواتها صوت عز وهو بيقول.. اااا تعالي كلي معايا مبحبش أكل لوحدي
ملك تجمدت مكانها معني كدا ان كلام سعيده صح هو عمل كدا عشانها ولكن كبريائها منعها لتلتفت له.. لا شكرا أنا مش جعانه
عز سحب الكرسي وهو عارفها بتكذب.. اقعدي
ملك مبتقدرش تقاوم اكتر من كدا هي فعلا جعانهكل خطوه بتاخدها ناحيته قلبها بيدق اكتر ومش فاهمه هو بيعمل كدا ليه.
ثم جلست بجواره وأكلت وبعد عده دقائق لاحظت ان عز بيقلب بالمعلقه في الاكل ومش بياكل كأنه مش جعان
ملك.. انت مش قولت جعان.. متاكل
عز يتجنب النظر اليها لانه بيبان في عنيه لما بيكدب.. باكل.. باكل
ملك.. عموما انا خلصت مفيش داعي تاكل غصب عنك
عز بيتهرب من كلامها.. عايز قهوه
ملك.. قهوه ايه الساعه 4.... دي هتسهرك أكتر
عز.. عادي كدا كدا مش جايلي نوم اعمليها وتعالي في الجنينه عايزك
ملك.. حاضر
ملك عملت القهوه تقيله ذي مبيحبها وراحت علي الجنينه لقيته قاعد بيشرب سجاره ورا لدرجه انه كان قرب يخلص علبه في اقل من نص ساعه التانيه لتضع القهوه قمامه
عز.. اقعدي
ملك قعدت بهدوء.. ليه كل السجاير دي
عز.. سيبك من السجاير وخلينا فيكي
ملك بتوتر.. فيا ازاي
عز.. قالولي انك زعلانه... زعلانه ليه
ملك كان جواها غضب كتير منه بس بتيجي قدامه مبتعرفش تتكلم.. اااا مممش زعلانه
عز.. اومال عايزه تمشي من هنا ليه.
ملك بعفويه.. بصراحه انت غريب وانا مش عارفه اتكلم
ليبتسم عز ابتسامه خفيفه.. انا هسكت خالص.. عايز اسمعك
ملك.. انا مش عايزه ابقي عبء عليك وتبقي شايل مسؤليتي عايزه اريحك مني عشان كدا عايزه امشي واتمني انك ترجع تفكر تاني
عز بصوت حاد.. اياكي تقولي عايزه امشي تاني... مسؤليه ايه وعبء ايه الي بتقولي عليه
ملك.. انت الي اخترت اني اكون وصيه ياعز ولما رضوي قالتلي حاله انسانيه انت سكت وبدل مترد عليها اهانتني انا
عز بثبات.. ولو رجع بيا الزمن هعمل كدا... انا شايف وحده مش بدافع عن نفسها ادافع انا عنها ليه.. متستنيش من حد يدافع عنك.. نفترض اني مش موجود كنتي هتعملي ايه
ملك سكتت للحظات فكلامه اقنعها.. انا مقدرتش ارد.. وهرد اقول ايه.. مهو انا فعلا وصيه مش اكتر من كدا بالنسبالك
ليقاطعها عز.. انتي وصيه فعلا بس لانك بقيتي مراتي افهميييييثم تنهد وقال.... اسمعي ياملك انتي لسه سنك صغير يعني مشوفتيش حاجه من الدنيا.. هتقابلك مواقف كتير لو فضلتي توقفي قدام كل مشكله وتعيطيلها مش هتسلكي.. كل الي عايزه منك تكوني قد اي حد يفكر يكسرك.. تعرفي قيمة نفسك عشان الكل يعرف قيمتها
ملك بدأت تعيط بس المره دي لانها لاول مره تعرف هو كان بيقسي ليه عياط فهم مش ضعف
عز بنفاذ صبر.. بدأنا. ولا كأني قولت حاجه
ملك ضحكت في وسط عياطها.. لا لا انت صح بس سيبني اعيط لاخر مره
عز سحبها تقعد جنبه ونبره هاديه وتلقائي لقي نفسه بيمسح دموعها بايده..
لو دي أخر مره
ملك قلبها اتنفض فجأه وبتتصدم من لمسته .. دي اول مره تحسسني اني بني أدمه مش مجرد وصيه
عز بيشيل ايده بسرعه.. متتعوديش...
قوليلي انتي في سنه كام
ملك.. تالته ثانوي
عز.. وعايزه تدخلي كليه ايه
ملك باحباط.. كليه ايه بقي مخلاص
عز.. اه شكلك مش قدها
ملك.. لا خالص انا شاطره جدا علي فكره
عز.. اممم كلهم بيقولو كدا
ملك.. والله انا شاطره وبطلع من الاوائل كمان بس خلاص هكمل ليه وعشان مين
عز.. كويس براڤو... كملي عشان نفسك.. مش لازم يبقي عشان حد
ملك بعفويه .. علي فكره انت لو بقيت أب هتبقي أب ممتاز
عز بصلها وسرح بتقول كلام عفوي بس بيلمس قلبه
ملك حست انها زودتها.. اااا الجو برد هنا هطلع أجيب حاجه تدفيني
عز قلع الجاكيت بتاعه واداهولها وكأنه مش عايزاها تمشي.. خدي
ملك.. بس انت
عز.. انا تمام
ملك اخدته منه ولبسته حست احساس غريب وهي لابسه هدومه ورائحته ملئت جسدها حست براحه غريبه
عز كان بيشرب القهوه وخلصها
ملك.. علي فكره انا بقرأ الفنجان تحب اجرب فيك.
عز رغم انه مش بيصدق الحاجات دي بس سابها تجرب ابتسم ابتسامه خفيفه.. جربي
ملك.. شايفة وشين واحد بتلبسه والتاني مدفون.. عندك مشاكل كتير
بس مش خايف غير من مشكله وحده وهي قريبه منك.. جواك غموض واسرار محدش يعرفها غيرك
عز.. كفايه كدا
ملك.. ايه بتكلم غلط ولا ايه.
عز بهزار.. المشكله انك بتتكلمي صح كفايه بقي
ملك.. طيب انا ممكن أسألك سؤال.
عز.. لا وكفايه بقي متقرفنيش.... اسألي ياستي دا ايه الادب ده
ملك ضحكت.. هو انت كنت جعان بجد.
عز سكت للحظه.. قولتلك متفكريش كتير... وكفايه سهر روحي نامي
ملك.. لا مش هنام
عز.. انتي مش كنتي بتعيطي فوق روحي كملي
يتيمه في قبضة صعيدي
ملك ابتسمت.. طيب تصبح علي خير
عز.. ملك مش عايز اعيد الكلام الي قولته 60 مره
ملك بصتله وابتسمت وهزت راسها بالموافقه
ملك دخلت اوضتها ببطئ.. قفلت الباب ووقفت لحظه مكانها.. كأنها بتحاول تستوعب الي حصل.... لمست الجاكيت علي كتفها بإيدها.. شمت ريحته.. واتسمرت مكانها
ثم همست لنفسها.. ليه كل ميقسي يرجع يحن
قربت من السرير وقعدت علي الحافه مشالتش الجاكيت.. كأنها لسه بحاجه للاحساس بالامان الي جاي منه
قربت من المرايه الي قدامها.. لقت ملامحها مختلفه.. مش دي ملك الي كانت بتعيط من شويه.... دي ملك تانيه في لمعه غريبه في عنيها
سابت الجاكيت علي جسمها وضمت ذراعيها كأنها بت الغايب الي عمره مها
نهت لحظاتها السعيده بجمله جميله
كان صوته قاسي... لكن حضوره أحن من كل الي عرفتهم... ولو فية خطر من التعلق بعز.. فأنا خلاص وقعت فيه
اما عن عز فضل سهران ملامحها مبتتشالش من دماغه.. حاول كتير يشغل دماغه بأي حاجه بس مقدرش فقرر انه ياخد شاور ويفضي دماغه شويه.. وبعد شويه خرج عاري الصدر ولابس بنطلون اسود تحت الركبه بشويه وفضل سرحان شويه لحد منام
تاني يوم أشرقت شمس صباح جديد ملئ بالدفئ والامل من ناحيه ملك استيقظت تشتم بعض الهواء النقي وهي لا تزال مرتديه جاكيت عز وتضمه اليها أكثر وهي تبتسم ثم انطلقت لتؤخذ شاور وتغير هدومها وتنزل تساعد سعيده في المطبخ وتجد رضوي موجوده
رضوي.. أهلا بالعروسه أو الي فاكره نفسها عروسه
ملك سكتت ومرديتش ترد وتجاهلتها تمام وبغيظ.. بقولك ايه ياسعيده انا نفسي مفتوحه اوي انهارده هنعمل اكل ايه بقي
سعيده.. الي تحبيه ياست العرايس
رضوي بغضب.. هو انا مش بكلمك ياحتت وصيه انتي ولا ايه.
ملك بصلتها وبثبات وبابتسامه خبث رفعت ايدها وشاورت علي الدبله.. طبعا وصيه.. اي ست بتبقي وصية جوزها
رضوي اتجمدت مكانها.. والله وطلعلك لسان وبقيتي تعرفي تردي
بس ومالو هخليكي تفرحي كام يوم بس متتعشميش اوي كدا ثم ضحكت بسخريه وطلعت من المطبخ
سعيده فضلت تضحك.. ياجبروتك ياشيخه
ملك.. زودتها اوي انسانه مستفزه بجد
ليقاطع حديثهم مجئ جليله.. ملك.
ملك.. اعذروني بقي كانت فتره صعبه عليا
جليله ابتسمت.. الي عايزاكي تعرفيه انك بقيتي مننا ومرات عز الجبالي دي تقيله ومسؤليه كبيره وإن شاء الله تكوني قدها
ملك.. إن شاء الله ياتنت جليله
جليله
وسعيده ضحكوا
سعييده.. هنيه مفيش تنت دي هههه
جليلههههه قوليلي ياماما جليله
ملك ابتسمت.. حاضر ياماما جليله
جليله.. بصي بقي احنا عندنا عادات كديه في الصعيد ان اول عزومه بتبقي مسؤليه العروسه لوحدها بس
عايزينك تشرفينا وسط الضيوف
ملك من جواها حست انها هيغمي عليها دي اول مره تعمل أكل من الاساس ابتلعت ريقها ببطئ.. اااا اه اه هشرفكم اكيد
سعيده.. لو احتجتي اي حاجه انا موجوده قوليلي عايزه تعملي ايه بالظبط وانا اساعدك
جليله.. ماانتي عارفه ياسعيده دي عادات وتقاليد مينفعش حد يساعدها لازم نطمن ان هي قد مسؤليه الجواز
ملك لنفسها.. كان مالي ومال الجواز انا يارب الارض تنشق وتبلعني
ليقاطع حديثهم صوت في الصاله وكان صوت رقيه.. عز راح جابها وجيه
رقيه بصوت عالي.. ياجليله... ياسعيده....انا جييت
جليله بضحك.. رجعنا للصداع تاني لتخرج جليله وتبقي سعيده وملك الي شارده في المصيبه الي هي فيها
سعيده.. ايه مالك ياملك.
ملك كانت هتعيط.. انا مش عارفه اعمل ايه انا مبعرفش اعمل حاجه ياسعيده مرعوبه
سعيده.. متقلقيش كله هيعدي وانا معاكي اهو تعالي دلوقتي نشوف رقيه وبعدين نشوف موضوع الاكل
ملك بتبصلها بابتسامه بعدين بيخرجوا
رقيه سلمت عليهم كلهم
رقيه لملك.. ما شاء الله ايه القمر دا صبرت ونولت ياعز
عز يقع نظره علي ملك وهي هكذا
ملك.. شكرا دا من زوقك
لتأتي رضوي.. رقيه البيت كان وحش من غيرك
رقيه بجديه.. اياكي تقربي كفايه الي حصل بسببك انا كنت هطلق من تحت راسك
رضوي.. بسببي. ركزي كويس واعرفي انتي بتقولي ايه مش رضوي الي يتقلها كدا ومتنسيش اني لولايا مكنتيش عرفتي ماهر دا اساسا
عز بحده.. بسسسس.. رقيه اطلعي اوضتك.. مش عايز كلام
رقيه بتهمس لعز.. طيب وابن عمك فين
عز.. من امبارح في الشركه قدامه ساعه ويجي
جليله.. يلا يارقيه روحي غيري هدومك.. وعز انا عايزاك ضروري
عز.. في ايه
جليله وعز راحوا اوضه المكتب
جليله بحده.. انا مش عاجبني الوضع ده
عز باستغراب.. وضع ايه.
جليله.. يعني ايه تكون متجوز وانت بتبات في اوضه ومراتك في اوضه
عز.. الكلام دا قولته من اول يوم وهيفضل مستمر
جليله.. كنت فاكره انك بتتكلم علي اول يوم بس عشان تديها حريتها ومتخافش منك لكن كدا كتير
عز.. انا مرتاح كدا وهي مشتكتش
جليله.. ولا عمرها هتشتكي بس انت جوزها وهي حقك
عز بصلها وعرف هي عايزه توصل لايه.. متتعبيش نفسك مش هقربلها دي لسه 17 سنه مش عارفه يعني ايه جواز
جليله.. وايه يعني انا متجوزه من وانا عندي 15 سنه
عز ضحك.. بقولك ايه سيبيني انا اتعامل.. انا عارف انا بعمل ايه
عز خرج وطلع علي اوضته بس لقي اوضه ملك مفتوحه وهي قاعده تعيط جوا
عز دخل وافتكر ان حد ضايقها تاني
ملك اول مبتحس بيه بتمسح دموعها بسرعه
عز.. في ايه مالك.
ملك عيطت تاني.. انا في مصيبه
عز يعقد حاجبيه وقعد علي الكنبه.. مصيبه ايه.
ملك.. ماما جليله قالتلي اني هعمل الاكل كله لوحدي وانا مبعرفش اعمل حاجات كتير ياعز انا فاشله في المطبخ اعمل ايه بس.. ومش راضيه تخلي سعيده تساعدني
عز ضحك.. هي دي المصيبه.
ملك.. طبعا مصيبه
عز.. اهدي بس الموضوع مش مستاهل كل ده ثم نظر في عنيها وقال.. هتقدري انا عارف
ملك.. هااا
عز.. هااا ايه متركزي بقي
ملك.. انا خايفه اوي
عز.. مفيش داعي للخوف دا انتي داخله حرب ولا ايه.. يلا قومي ووريني شطارتك
ملك كانت دموعها لسه علي خدها.. قلبها مرعوب وايدها بتترعش من فكره الفشل قدام عيله كامله.. كلمه وحده منه كانت كفيله ترجع ثقتها بنفسها وتحس انها مش لوحدها
كلمته وقعت
بصتله كانت لسه بتعيط.. بس الدموع وقفت مش لانه ها . بس لانه صدق انها تقدر
بقت عايزه تقوم مش عشان تثبت لنفسها... عشان تثبتله هو
التالي من هنا
