رواية حلوة زمانى جميع الفصول مكتملة للكاتبة زهرة الربيع
الأستاذة اللي نايمة ورا...
قومي يا حلوة زمانك!
قبلها بعشر دقايق...
يا بنتي اصحي بقى!
في إيه المحاضرة لسه مخلصتش! ليه زنانة على دماغ أمي كده
انتي جاية تحضري المحاضرة ولا جاية تنامي
ردت وهي مغمضة تاني
جاية أنام بصراحة... مش مرتاحة على سرير بيتنا قولت أجي أنام هنا. الديسك مريح وصوت الدكتور زي المزيكا بينوم والمايك يطلع صوت يجيب صداع يخليكي تغطي أكتر!
تركزي في إيه بس يا شذى من ساعة ما جيتي وانتي نايمة!
أركز في النوم يا شيخة... سيبيني دا في حلم نفسي أكمله! ركزي انتي مع الدكتور يمكن واحدة فينا تنجح... واكتبي وراه بالحرف يا جنى!
تاوبت ورجعت تغط في النوم تاني. شذى غطست في نوم عميق وحلمت بأحلام غريبة.
... وبعد شوية...
يااااه أخيرا المحاضرة خلصت! دا أنا دماغي هتنفجر من الصداع. هروح أجيب قهوة أجيبلك معايا
ما استنتش ترد قالت بسرعة
لأ خلاص هاجبلك أنا!
خرجت تجري على الكافيتريا ونزلت السلم بسرعة. لقت زحمة والطلبة واقفين طابور
يا نهار أبيض! الطابور دا كله كنت كملت نوم في المدرج وخلاص!
شمرت دراعها وقالت
استعنا بالله!
زقت وسط البنات وقالت
والله ما هخرج غير والقهوة في إيدي ليا ولجنى... ولو هموت هشرب الاتنين وأدفع حق واحدة بس! بلطجة يعني!
وأخيرا عدت ووصلت عند الكاشير
صباح الخير يا عم صالح!
صباح الفل يا أستاذة شذى.
مالك يا عم صالح وشك مخطوف كده عن امبارح! محتاج فلوس قول وأنا هتصرف مع إنك عارف إني مفلسة!
ضحك صالح وقال
تسلمي يا بنتي... طلبك كالعادة
سندت على الكاونتر ولا كإن في حد وراها وقالت ببرود أعصاب
أيوه يا عم بس بسررررعة لحسن جنى هتولع في!
خدت القهوة وخرجت من وسطهم وهي بتقول بصوت عالي
والله العظيم لو واحدة فيكم خبطتني ووقعت القهوة ما هسيبها إلا لما تجيبلي غيرها!
خرجت وبصت للقهوة وقالت تهمس لنفسها
يا قهوة يا لذيذة... هزت همي بلذة!
مكملتش جملتها وخبطت في حد. بصت له وقالت بابتسامة مصطنعة
منور يا دكتور! معلش على القميص اللي اتبهدل بس القهوة خير وبركة!
وكملت تهزر
ما هو حضرتك بتظهرلي من تحت الأرض!
فاقت على خبط جنى في رجلها وهي بتهمس لها
قومي يا خراب بيتك! الدكتور واقف!
فتحت عينها وقالت وهي تهلوس
قوليله يحاسبني على القهوة اللي وقعتها دي!
بصت للدكتور وضحكت
هتدفع صح
الدكتور مشي لمكانه وهي رجعت تغط تاني بس صحيها صوته وهو بيقول بصوت عالي
الأستاذة اللي نايمة ورا... قومي يا حلوة زمانك! وريني طولك كده!
شذى وقفت آثار النوم على وشها وأشارت لنفسها
أنا يا دكتور
الدكتور بعصبية
لأ أمي!
شذى بصت وراها وقالت ببراءة
أمي إيه اللي هتجي هنا!
الدكتور برق عينه وقال
إيييه!
شذى بسرعة
قصدي والدت حضرتك يعني!
الدكتور بص لها بغضب
جاية
شذى ردت بتهور
أمال جاية ليه بص حضرتك خلينا صرحاء... تلات تربع الدفعة بتنام هنا. سبني أنام بهدوء تعبانة والله وما نمتش طول الليل!
الدكتور حط إيده في جنبه وقال
إيه البجاحة دي!
شذى ضحكت
بجاحة إيه زي السكر في الشاي! بالله عليك سيبني في حالي... أنام ساعة بس انتوا ليه ما عندكوش سينس!
جنى ضربتها في رجلها من تحت وقالت
يا رب تسكتي بقى!
شذى همست لها
اسكتي انتي! خليك تتفرجي عالآخر... هو أول مرة يعني!
الدكتور حاول يفهم
إيه اللي خلاك ما تناميش طول الليل
شذى بدأت تمثل بتأثر
أمي كانت تعبانة وكنت قاعدة جنبها... وأختي جالها حالة صرع كسرت عفش البيت كله... وأبويا لما شاف المنظر جاله أزمة قلبية... وأخويا لما سمع الأخبار اتحجز في المستشفى! أنا فضلت طول الليل بعيط ولما الشمس طلعت قولت أنام هنا ساعة!
الدكتور سخر وقال
تصدقي حكيك ده خلاني هعيط!
شذى نظرت له برجاء وقالت
يعني عندي حق أنام مش كده! دا المفروض تكرموني وتدوني نوبل على صبري!
الدكتور رفع حاجبه وقال
يا سلام!
شذى ضحكت وقالت
وحياة عبد السلام!
عمرو شاور على الباب وقال بصوت حاد
اتفضلي يا شذي... براااا!
شذي في سرها
بتكرشني قدام الدفعة كلها ماشي يا عمرو الكلب!
جنى بصت لها بأسف وهمست
يعني يا بت مش لاقية كذبة تقوليها المرة دي! انتي عبيطة رسمي!
شذي بابتسامة واثقة
متقلقيش عليا... طالما أنا محضرتش المحاضرة محدش هيحضرها!
خرجت من بين الديسكات واتجهت لعمرو وهي بتقول
إيدك على حق القهوة اللي وقعتها عليا في الحلم!
عمرو برق لها بعصبية وقال
برا يا شذي... قولت!
شذي خرجت وقفلت الباب وراه ولسه عمرو هيكمل الشرح... فجأة الباب اتفتح وشذي طلعت راسها وقالت بنبرة مستفزة
يعني خلاص مش هتجيب حق القهوة
المدرج كله انفجر ضحك وعمرو قال من بين أسنانه
براااااا يا شذي... ومتدخليش محاضرة تاني!
شذي قفلت الباب تاني وعمرو تنهد وهيبدأ يكمل... لقى الباب اتفتح وهي داخلة نص خطوة وقالت بتحدي
خليك فاكر إنك كلت عليا حق القهوة... ودي حاجة مش هسكت عليها أبدا!
عمرو انفجر غضب مسك إزازة المية وحدفها ناحيتها وهو بيقول
اطلعي برا بدل ما أحولك لمكتب العميد حالا!
شذي طلعت تجري وهي بتضحك
و رحمة أمي و أمك ما هسيبك النهاردة!
رجعت دخلت راسها تاني وقالت وهي بتضحك
مجاتش فيا يا دكتور! عيب والله تبقى دكتور وما تعرفش تنشن!
عمرو جاب آخره وجرى ناحيتها شذي جريت برا وهي بتضحك بأعلى صوتها
طلاق تلاتة هيجي يوم وأجننك من عمايلي!
عمرو قفل الباب ووقف قدام المدرج أخد نفس طويل وقال للطلبة
كدا نكمل بقى
الطلاب كانوا كاتمين الضحكة بالعافية وما صدقوا يضحكوا لما بصلهم وضحك معاهم ورجع الهدوء للمدرج.
جنى بصت لصاحبتها
يخربيت دماغك يا شذي... دا هيعمل منك بوفتيك يوم ما يضبطك بس اصبري!
عمرو مسح عرقه وقال
