رواية الغفير وبت شيخ البلد ادهم وقمر كاملة بقلم إسراء ابراهيم
مقولتلكش كل اللي في جلبي
بعد وقت قمر خلصت وخرجت وهي تعبانة بس كانت واقفة على رجلها وشوية ولقت الدكتور طالع عليهم
الدكتور براحة
الحمد لله عدينا المرحلة الخطرة
الرصاصة اتشالت وكان في نزيف وقفناه بس هو قوي وهيرجعلكم بخير إن شاء الله.
قمر وهي بتعيط
الحمد لله الحمد لله يا رب
شكرا يا رب
زينب بتحضنها وهي تبكي
ربنا رحمنا بيه يا جمرمتقلقيش ادهم هيرجع وسطنا
منصور بصوت هادي لكنه مليان نار
بس اللي عمل كده عمره ما هيتهنى وحج ادهم هيرجع
قمر بصت لابوها وهي بتتنفس بصعوبة ودموعها نشفت من على خدها وتتحول لنظرة حادة
قمر بصوت ثابت لأول مرة من ساعة اللي حصل
أنا عارفة مين اللي عملها.... حسنهو اللي حاول يبعد أدهم عني بأي تمن بس لا مش هسكتله.
زينب بخضة
هتعملي إيه يا جمر!
قمر بتقف عينيها فيها نار
هروح دلوجتيوأجيب حقه
بيدي ياما
دخلت قمر بيت حسن بغضب وعنيها فيها نار
الخدامة بابتسامة
اهلا يا ست جمر اتفضلي
قمر بصوت حاد
فين حسن
ناديهولي دلوقتي.
الخدامة بتوتر
طيب طيب لحظة هنادم عليه
شوية وحسن خرج من أوضته ووشه متضايق كإنه مش طايق حد بس أول ما شاف
قمر حاول يتماسك
حسن ببرود متصنع
جمر! خير في إيه
قمر قربت منه وفجأة ضربته بالقلم علي وشه لدرجة ان حسن اتصدم لانه متوقعش تمد ايديها عليه
حسن بغضب
انتي بتمدي يدك عليا باينك اتجنيتي اياك
قمر بغضب
إنت اللي ضربت أدهم بالنار يا حسن الغدر في
حسن ببرود
إنتي اتجننتي ولا إيه! أنا أضرب غفير رايدة تورطيني بالغفير بتاعكم
قمر بصوت عالي لأول مرة تهز البيت كله
اسكت.... ما تجيبش اسمه بالطريجة دي أدهم أشرف منك واخلاجه بألف واحد من عينتك
حسن بعصبية
خلي بالك من حديتك يا جمر
إنتي نسيتي نفسك ولا إيه!
قمر بهدوء شيطاني وهي بتقرب أكتر
لا يا حسن أنا افتكرت نفسي
لما في واحد وقع في الأرض بسببيوأنا ساكتهلما افتكرت إنك حاولت تبعده عني مش بس بحديتك لأ بدمه.
حسن يحاول يضحك بس صوته مهزوز
إثباتك فين! فين شهودك عشان تتهميني على الفاضي!
قمر بحدة
أنا مش محتاجة شهودعينيك فضحوك وريحتك غدر وندالة يا حسن
حسن وهو بيرفع ايده عشان يضربها
انتي جاية تهدديني!
قمر ما بتتحركش خطوة
لا أنا جاية أقولك إنك مهما عملت عمرك ما هتكون راجل.
منصور بغضب من وراهم
وجف عندك يا حسن الكلب اوعاك تمد يدك علي بتي يمين بالله اجطعهالك
سكت حسن بتوتر ف قمر قالتله بغضب
إوعى تفتكر اني خفت منك
أنا مش ضعيفة ولا وحدانية
انا بت منصور الصعيدي
وورايا أدهم حتى لو متصاب غدر بس هيجوم وهيحميني منك كيف ما عمل جبل سابج
وهيرجع ويعرف كل حاجة
وساعتها لا
إنت ولا اللي زيك
هتعرفوا تستخبوا منه
حسن اتوتر وخاف وبصتله قمر نظرة أخيرة فيها غضب بس أقوى من أي وقت فات وخرجت وهي رافعة راسها وابوها معاها وفضل حسن واقف محلك سر قلبه بيخبط
تاني يوم في المستشفي ادهم فاق والدكتور اطمن عليه واول كلمة نطقها ادهم هي قمر كان بيسال عليها بلهفة وخوف
الممرضة بابتسامة
حمدالله علي سلامتك يا ادهم انا هنادي عليهم كلهم كانو قلقانين عليك اوي
أدهم بهمس
جمر فين جمر
الممرضة بابتسامة بسيطة
هدي نفسك يا أستاذ أدهم انت فوقت الحمد لله وقمر هنا ومسابتكش لحظة وفعلا كانت خايفة عليك اوي لدرجة انها اتبرعتلك بدمها انا هنادي عليهم
الممرضة خرجت وثواني ودخل منصور وزينب بسرعة أول ما عرفوا إنه فاق ووشهم كله قلق وفرحة
منصور بيقرب منه ويمسك إيده
حمد لله على سلامتك يا ولدي
ربنا رجعك لينا بالسلامة.
زينب ودموعها بتنزل
كنت هتسيبنا يا أدهم!
ده انت زي كيف ضنايا يا ضنايا!
أدهم بصوت متكسر
انا زين يا اما زينب بس فين جمر رايد أشوفها
منصور يبص لزينب
هروح أندههالك
منصور خرج بسرعةوشاف قمر قاعدة برة بتعيط بحرقة بعد ما رفضت تدخل بسبب احساسها بالذنب وانها السبب في اللي حصل لادهم
منصور بهدوء
جمر ادهم بيسال عليكي يا بتي ادخلي اطمني عليه
قمر بحزن
كيف ادخله وانا السبب في اللي هو فيه يا ابوي ملياش عين ادخل ليه
منصور بحنية
يعني هتفضلي اهنه وهو حوة قلقان عليكي وبيسأل عنك كل دجيجة انتي ملكيش ذنب يا بتي يلا ادخلي لادهم وخليكي جاره
كانت مترددة بس دخلت بهدوء
و عيونها متحملة ألف وجع وندم وادهم أول ما يشوفها عنيه تدمع
أدهم بصوت مهزوز مبحوح
كنتي
قمر وهي بتقرب ودموعها بتنزل
عمري ما سبتك حتى وانت بين الحياة والموت كنت جارك
كنت كل شوية أجولك قوم قوم عشان خاطري قوم عشان تزعقلي تاني وتخاصمني بس دلوك مجدرتش ادخل اطمن عليك وانا السبب
أدهم يحاول يبتسم بس وشه كله ألم
انا كنت سامعك وكنت حاسس بيكي والحديت الخايب بتاع انتي السبب ده ملوش عاذة عشان لولا اللي حصل مكنتش هعرف غلاوتي في جلبك
قمر بتمسك إيده بحنية
انا كنت هموت من غيرك يا ادهم كنت بدعي ربنا ينجيك عشان اجولك اللي داريته سنين في جلبي
ادهم بابتسامة وهو متبت في ايدها
واديني الحمد لله نجيت هتجولي بجي اللي في جلبك ولا اجول انا الاول
قمر بخجل
جول انت رايدة اسمعك يا ادهم واطمن
ادهم بابتسامة جذابة
اطمني يا جمري عشان انتي ساكنة جلبي من وانتي بضفاير بس كنت خايف اتحدت الاجيكي مش شايفاني مكنتش اعرف انك انتي كمان زيي ولما عرفت كنت اسعد راجل في الدنيا
قمر بلهفة
يبجي تخليك جاري متهملنيش يا ادهم
منصور من وراها وهو داخل من باب الاوضة
يهملك ويروح فين ده هيبجي جوز بتي يعني مكانه اهنه وسط اهله وناسه
ادهم بابتسامة
اوعدك اشيلها في عيني وجلبي يا شيخ منصور
منصور بابتسامة
انا متوكد يا ولدي ومعنديش شك وعشان اكده انا هكون مطمن وانا بسلمهالك بيدي
قمر ابتسمت بسعادة وهي باصة لادهم اللي عيونه كانت بتحكي كل كلمة وهو بيبصلها بنظرات عشق
ادهم بهمس
انا بعشجك يا بت شيخ البلد
قمر بخجل
مش كد عشجي ليك يا ادهم
تمت
