اسكربت عشج طايع ولد الاكابر كاملة بقلم إسراء ابراهيم
غلطانة ف حقك وصدقت ناس ما تستاهلش ما كنتش أعرف إنك إنك كده
طايع شد دراعه منها بلطف بس بحزم
كيف يعني عرفتي فجأة اكده إني مش شيطان ورايداني اعمل ايه أفرح يعني
صفا بحزن
ما تقولش كده أنا كنت عميانة وحد لعب في عقلي وصورلي إنك وحش وأنا صدجت بغبائي بس النهاردة لما شوفت الناس بتحبك وبتدعيلك جلبي وجعني على كل كلمة صدقتها
طايع بنظرة جامدة
قلبك وجعك وأنا قلبي اتكسر يا صفا لما شوفتك بتكذبي لما حاولتي تبوظي الجوازة وتلوي دراعي قدام أمك أنا كنت شايفك ملاك بس طلعتي غريبة عني معرفكيش
صفا دمعتها نزلت وهي بتحاول تمسك إيده تاني
بس ممكن نبدأ من جديد نحاول نصلح اللي اتكسر ما تبصليش كده يا طايع بلاش تبعدني عنك أكتر من كده ارجوك
طايع وهو بيبعد عنها تاني وبيبصلها بجمود
انتي اللي بعدتي وانا جوايا مبجاش فاضل غير رماد مش بيدي بس لما الثقة بتتكسر بتسكن مكانها نار وانتي اللي ولعتيها
صفا بصوت مكسور وهي واقفة مكانها
أنا بحاول أطفيها يعني مش عاوزة نخسر بعض والله حجك عليا
طايع وهو بيقفل الدولاب بياخد لبس يغيره
جيتي متأخرة لو كان زمان كنت هصدجك بس دلوقتي كل خطوة منك مبجتش فارجالي مش عشان زعلان منك لا عشان مبجتش احس حاجة ناحيتك كيف الاول
صفا وهي بتقعد على طرف السرير وبتعيط
انا جولتلك أني غلطانة بس انا مش قادرة أتقبل إنك تبصلي كده مش قادره
طايع وهو بيقف قدام المراية يزبط جلابيته
اتعودي لحد ما الزمن يقول كلمته ومين عالم يمكن يرجع اللي اتكسر ويمكن لا
صفا كانت واقفة مكانها ومش عارفة تعمل إيه
صفا بدموع وهي بتحاول تقرب
أنا خابرة اني غلطت بس والله العظيم قلبي دلوجتي بيقولي إني كنت عامية وكنت غبية لما سمعت لحد تاني غير قلبيعشان كدة انا هغامر وهحاول ارجع علاقتنا تاني يا طايع وكيف ما خليت جلبك يكرهني هخليه يعشجني من جديد
طايع بصلها بغموض وسابها ودخل الحمام ووقف هي تمسح دموعها بحزن
صفا كانت واقفة قدام المراية بتظبط طرحها على فستان ناعم لونه نبيتي غامق بس ضيق شوية وشعرها طالع منه شوية خصل ناعمة وحاطة كحل بسيط وخدودها موردة وكانت فرحانة انها ختروح فرح صاحب طايع وانه هياخدها معاه
صفا بفرحة وهي تبص لنفسها
يا رب يعجبه أول مرة أخرج معاه وسط الناس نفسي يبصلي كيف زمان
خرجت من أوضتها ولقت طايع واقف مستنيها في الصالة بس أول ما عينه وقعت عليها اتسمرت ووشه اتغير عنيه وسعت وقلبه دق جامد بس بسرعة انتبه لنفسه
طايع
انتي هتروحي الفرح اكده
صفا باستغراب وهي مبتسمة
ليه شكلي وحش يا طايع
طايع بتوتر وغيرة
مش حكاية شكلك الفستان ده ضيج وهيخلي العين عليكي
صفا بابتسامة وهي بتمسك طرف طرحها
طب يا طايع ما أنا اكيد هجعد وسط الحريم ما انت خابر
طايع بحرج وغضب
الخوف مش من الرجالة الخوف من الحريم دول ربنا يستر وميدكيش حد عين يجيبك الأرض ده غير إن الباب ممكن يتفتح ولا راجل يعدي يشوفك غيريه حالا
صفا بتقرب منه بدلع وبصوت ناعم
انت بتغير عليا يا طايع
طايع بتوتر وبصوت عالي شوية
ولازمته ايه الأسئلة الغريبة دي يا صفا
صفا بدلع أكتر
جاوبني ولو جاوبتني هروح أغيره حالا
طايع بصوت متضايق وهو يبعد نظره
اعملي اللي يريحك أنا لا بغير ولا حاجة
صفا بحزن وهي بتبصله
طيب كيف ما تحب
قررت صفا انها تروح معاه برضه وقالت عشان تكسر الحاجز اللي بين قلبه وقلبها فراحو وكان المكان مليان ناس ضحك وأغاني وصفا مشيت جنب طايع والناس بتسلم عليه بحب وهي بتسمعهم بيشكروه ويقولوله ربنا يبارك فيك يا طايع واللي يقوله ده انت ونعم السند فابتسمت بفخر
بس فجأة وهي واقفة جنبه سمعت صوت مألوف كان صوت مريم اللي لقتها بتقرب من طايع وبتسلم عليه وكأنها تعرفه من سنين وطايع كمان بيسلم عليها
مريم بسخرية
كيفك يا صفا مبروك الجواز
صفا بجفاف
انتي ايه اللي جابك اهنه
مريم بهمس وهي بتقرب من صفا
انا أخويا يبجي العريس يا صفا وطايع عارفني زين من سنين ده أخويا بيعتبره كيف أخوه الكبير وانا وطايع جريبين من بعض جوي وهوريكي كيف دلوك
مريم بصوت عالي لطايع
بس انت اتأخرت جوي يا طايع كنت رايدنا نشيع نجيبك من الدار بعربية خصوصي ولا ايه يا عم المتكبر
طايع وهو بيضحك لمريم
انا اجي وجت ما احب يا بت انتي وبعدين هو انتو حيلتكم عربيات اساسا بس صحيح انتي لسة قصيرة ماطولتيش ولا شبر ليه
مريم بضحكة مستفزة
لا انا لسة كيف ما انا انت اللي بجيت طول عمود النور
صفا بغيرة ومقدرتش تتحكم في نفسها فقربت منه بهمس
هو انت بتهزر معاها كدة دايما
طايع باستغراب
ايوة انا ومريم واخدين علي بعض
صفا بغيرة وغيرة بتزيد
طب وبالنسبة لمرتك اللي مش عامل ليها اعتبار وواجفة بيناتكم
طايع اتفاجئ بكلام صفا ليه ولما مسكت إيده فجأة وقلبه دق ووشه احمر ومريم وشها اتغير اول ما شافتهم
صفا بصوت واضح وهي بتبص لمريم
اظن كفايا كدة علي حبيبي بجي يلا انا هدخل
طايع بصوت متلخبط
آه ح حاضر
مريم بغيظ
تعالي معايا يا صفا أدخلك عند الحريم
صفا بثقة وهي ماسكة إيد طايع
لا يا حبيبتي روحي انتي انا واجفة مع جوزي شوية واعتقد وجفتك معانا مالهاش لازمة
مريم اتنرفزت وطايع كان مستغرب بس قلبه كان داب على حنية صفا ونظرتها ليه
طايع وهو بيحاول يبان عكس اللي جواه
ايه اللي جولتيه لمريم ده انتي كسفتيها عيب اكده
صفا بغضب وغيرة عامية
ايه خايف علي مشاعرها اياك ودي لو محترمة اصلا هتجف تهزر مع راجل غريب عنها اكده
طايع بانفعال
انتي كيف تجولي عليها اكده مريم محترمة وانا خابر اخلاجها زين وعيب لما اهملك تعيبي فيها
صفا بصوت مخنوق
تمام ابجي روحلها وراضيها يا ابو جلب حنين وانا معاودة داري عشان مليش مكان اهنه وههملهالكم مخضرة
قالت صفا كلامها وجريت من قدام طايع اللي اتفاجئ بكلامها وجري وراها ولحقها وهو بيمسك ايدها ويوقفها
طايع بغضب
استني عندك كيف تهمليني وتمشي اكده اتجنيتي هتروحي لحالك كاني مش راجل يعني ولا ايه
صفا بدموع وانهيار
انت رايد مني ايه انا هملتلك الدنيا كلها وجولتلك روحلها وراضيها روح للي فرجت بيني وبينك واعمل ما بدالك انا خلاص تعبت ومبجتش جادرة استحمل كل ده
طايع بانتباه
كيف يعني كانت السبب انتي جصدك ايه وبعدين بتبكي ليه دلوك اهدي انا مش جصدي ازعلك
صفا بدموع
مبجتش فارجة يا طايع الظاهر اني كنت غبية واستاهل ادفع تمن غبائي واني امنت لواحدة متستاهلش اصلا
طايع وهو بيحاول يهديها
طب اهدي الاول يا صفا يلا تعالي نروح الدار وبعدين نتحدت
صفا وهي بتمسح دموعها
لا انت روح لناسك وانا هرجع لحالي اني مبجتش عيلة صغيرة وهعرف ارجع لوحدي
طايع برفض
لا انتي اهم من ناسي يلا يا صفا متخلنيش اتعصب الله يهديكي
شبح ابتسامة ظهرت علي وش صفا لما طايع قالها كدة وحست ان في امل فقررت تقوله كل حاجة
في اوضة صفا كانت قاعدة علي طرف السرير وطايع قدامها مستني منها تفسير
صفا اني رايد أعرف
اللي بينك وبين مريم ايهوكان قصدك ايه بحديتك واحنا هناك عنها
صفا بصوت مبحوح
وتفتكر هتصدجني لو جولتلك
طايع بهدوء وجدية
جربيني يا بت عمي جولي وانا سامعك
صفا بحزن وندم
هي اللي وقعت بينا يا طايع
من أول يوم عرفتها في الجامعة وهي بتكرهني فيك
مش هنسي يوم ما قالتلي إنك قتال
يمكن عشان مكانش ليا صحاب غيرها وكنت خايفة وجلبي ضعيف وجتها بسبب نظرات الكل ليا اني بت اكابر ومغرورة وانا عمري ما كنت اكده
طايع قرب منها وعينيه فيها صدمة وغضب مكتوم
يعني كل اللي حصل بينا ده كان بسببها بسبب مريم
دي أخت صاحبي يا صفا
كنت باكل معاهم عيش وملح
صفا وهي بتحاول تكتم دموعها
مكنتش أعرف إنها اصلا اخت صاحبك اتاريها كانت جاصدة تقرب مني عشان عنيها منك وخايفة اتجوزك كانت بتجولي دايما إنك ما تنفعش ليا وإنك جبار وقاسي وإن البلد كلها بتكرهك
كانت كل يوم
ترمي كلمة تخليني اترعب منك وبعدين هي اللي قالتلي علي الخطة
طايع وهو بيضغط علي أسنانه
خطة! خطة ايه عاد دي كمان
صفا بألم بحزن ووجع
قالتلي أكدب وأقول لأمي إنك حاولت تقرب مني وقالتلي إن ده هيخلي أمي تكرهك وتبعدك عني ووقتها ههرب من الجوازة
و لما جيت أقول لمريم ان امي عرفت اني بكدب وحكمت بجوازي منك لقيتها بتتغير وورتني وشها الحجيجي وقالتلي لو اتجوزتك صداقتنا هتنتهي وعرفت ساعتها إنها كانت بتضحك عليا
بس كنت اتأخرت وكسرت جلبك يا طايع
طايع كان هيتجنن وقام وهو بيلف حوالين نفسه بعصبية فقامت صفا وقفت قدامه
صفا والدموع ماليه عيونها
أنا غلطت اه بس والله ما كنت بفكر أوجعك أنا كنت خايفة ومضحوك عليا ولو الزمن يرجع بيا مكنتش هسمع منها ولا حرف
ونفسي يا طايع تديني فرصة
فرصة واحدة بس أثبتلك إني
إني عشجتك بجد
طايع كان بيبصلها بصمت طويل وبعدين مد إيده ومسك إيدها بنظرة فيها دفء لأول مرة من شهور
طايع بصوت هادي لكنه مليان وجع
عارفة أكتر حاجة وجعتني
مش كدبك ولا حتى إني صدقت إنك بتكرهيني اللي وجعني إنك صدقتي حد غريب عني ومصدقتنيش أنا انا اللي عشت وياكي واتربيتي علي يدي
صفا بتحاول إيده أكتر والدموع بتغرق خدها
سامحني يا طايع أنا اتعلمت درس وعرفت اني كنت غبية
وعشان اكده رايداك تسامحني
طايع قرب منها و بص في عيونها بتركيز وبعدين فجأة ابتسم ابتسامة جذابة خلت قلبها يدق
طايع بحب
يا بت عمي لو جلبك دق ليا فجلبي تعب من الدق من بدري
بس مكدبش كنت مكسور ودلوجتي يمكن نبدأ من جديد بس بشرط
صفا بصوت ملهوف
جول اللي انت رايده انا هعمله
طايع وهو
إنك تبجي ليا بجلبك وعقلك با صفا وننسى اللي فات كله
صفا وهي بتبتسم لأول مرة من قلبها
وعد
وهعوضك عن كل لحظة وجع
طايع ابتسم بحب ووشه مليان حنية وهو بيضغط علي ايديها كأنه بيطمنها وبيطمن نفسه انها معاه
تمت
