رواية انتقام صعيدي ليل وادهم كاملةجميع الفصول بقلم إسراء ابراهيم
المحتويات
وكانت بتبصلها بضيق لاحظه ادهم
ادهم بابتسامة
اجدملك يا ليل دي تبجي فريحة صديقة ليا من ايام الجامعة وهي من مصر وحاليا عايشة هناك
فريحة بابتسامة
طب وانا مش هتعرفني علي القمر دي..... اكيد بنت عمك اللي كنت بتحكيلي عليها دايما مش كدة
ليل قلبها اتقبض وبصت لأدهم مستنية رد لكنه سكت لحظة كأنه محتار يرد يقول إيه وليل قلبها اتقبض أكتر
أدهم بنبرة مختصرة
دي ليل بنت صديق والدي وتعتبر من أهل البيت ومعتبرها واحدة من العيلة
فريحة برقة
اهلا يا قمر لا بس أي واحدة تكون جنب ادهم تبقى محظوظة
ابتسمت ليل غصب عنها وشوية وفريحة مشيت بعد كلامها وليل واقفة مكانها متجمدةو أول ما البنت بعدت أدهم بصلها وهو حاسس بتوترها
أدهم بهدوء مالك
ليل وهي بتتكلم بنبرة حادة
انا رايدة ارجع الدار ممكن
أدهم وهو مستغرب نبرتها
علي فكرة يا ليل... فريحة متقصدش اي حاجة بكلامها عن بت عمي وانا
ليل وهي بتحاول تتحكم في صوتها
انت حر انت وهي وانا ملياش صالح بحديتكم... لو سمحت روحني دلوك
أدهم وهو بيبصلها باستغراب
طب اهدي صدجيني انتي فاهمة غلط يا ليل
ليل بسرعة وانفعال
لا طبعاهو انا بس اللي كنت غبية ومكنتش اعرف اني مش موجودة
حست ليل ان دموعها هتخونها وكانت باصة لادهم بعتاب لانه كدب عليها وقالها انه مش عاوز بنت خالته وبعدين اتفاجأت بكلام صديقته وانه كلمها عنها يعني كان بيحبها وخبي عليها
ليل بهدوء
لو سمحت
يا ادهم ممكن تساعدني اقنع عمي شهاب اني اعيش لحالي لان اكده ولا اكده مش هينفع افضل عايشة وياكم
ادهم بتكشيرة
كيف ده وميتي طلع الحديت ده منك.... انتي فعلا رايدة تهملينا يا ليل
ليل بصوت مخنوق وهي باصة في الارض
ايوة... انا خابرة زين ان ده مش داري واني لازمن امشي عشان عيب جوي افضل عنديكم اكتر من اكده عشان حديت الناس
أدهم وهو بيرفع وشها ليه
ليل بصيلي.... ههون عليكي تهمليني
ليل وهي بتبصله بسرعة بعنيها اللي بتلمع بدموع
اكده احسن يا ادهم وبعدين ما انت هتتجوز وهتيبجي معاك مرتك ومش هتحتاجني في حاجة... هي هتبجي صحبتك وحبيبتك
أدهم بنبرة هادية جدا ومليانة دفء
بس عينيكي قالت غير كدة ريحي جلبي وجوليلي انك بتقولي اكده عشان غيرانة وانك مش هتهملينا
ليل وهي بصدمة وتهتهة
يعني إيه وغيرانة كيف يعني
أدهم بهدوء وبصوت أوطى
يعني وأنا بتكلم معاها كنت مركز معاكيو في ملامحك اللي بتتغير...
ليل بارتباك ووشها بيحمر
أنا مش بغير.....وبعدين هغير ليه انت كيف اخوي ومفيش حاجة بيناتنا وبعدين ماصحبتك دي جالت انك عشجان بت عمك وكنت بتتحدت وياها يعني جلبك معاها
أدهم فهم قصدها ورد وهو بيقرب منها خطوة تانية
جولي اكده..... انتي
ليل بضيق
انا مش غيرانة من حد ولو سمحت يا ادهم خلينا اخوات احسن.... وانا بتمنالك السعادة. من جلبي وكيف ما جولتلك انت اخويا يا ادهم ومفيش حاجة من ناحيتي ليك
ادهم بعصبية خفيفة
بجي اكده يعني انتي متوكدة من حديتك ده
ليل بكدب
ايوة متوكدة طبعا
ادهم بغضب
طيب يا ليل... اللي انتي تشوفيه وطالما انتي شايفاني اكده يبجي انتي صح.... يلا بينا
.......................................
بعد كام يوم ليل كانت قاعدة مع بدرية وشهاب بس عينيها كانت كل شوية تروح ناحية أدهم وهو قاعد ساكت وكانت مخنوقة من معاملتع ليه المتغيرة من وقت ما كانو مع بعض وقالتله انها شايفاه اخوها وكأنه بيعاقبها
بدرية باستغراب
مالك يا ادهم يا ولدي... من وجت ما جيت من برة وانت ساكت ومش بتتحدت
أدهم وهو بيشرب الشاي بهدوء
اني زين ياما.... بس كنت بفكر غي حديت ابوي
ومستغرب انه مفتح معايا تاني موضوع جوازي من نجلاء
ليل رفعت عينيها بتلقائية وبصت لادهم اللي اتجاهلها ومبصلهاش اصلا
شهاب بغموض
انا جولت اهملك علي راحتك يا ولدي وبعدين الجواز مش بالعافية وانا هخليك تتجوز اللي تختارها
ادهم وهو باصص لليل
تمام يا ابوي وانا قررت خلاص.... انا هروح بكرة نطلب يد نجلاء بت عمي
ليل دموعها لمعت في عنيها وهي باصة لادهم وسابتهم وقامت انسحبت بهدوء وكان متابعها ادهم بعنيه
بدرية باستغراب
وده من ميتي يا ولدي ما كانت جدامك نجلاء من بدري اشمعني دلوك طلبتها
ادهم بتنهيدة
عادي يا ام ادهم... انا فكرت ولجيت انها المناسبة ليا..... بكرة هنروح نطلبها من عمي.... انا طالع اوضتي
طلع ادهم وبدرية وشهاب بصو لبعض وكانو مستغربين فعلا حالة ابنهم لانهم عارفينو كويس
شهاب باستغراب
ايه تحليلك يا ام ادهم... لساتك برضه ليكي. رأي تاني
بدرية بثقة
طب اجطع دراعي ان الموضوع في انة... هو انت مش ملاحظ انهم متخاصمين ليهم كام يوم اكيد في حاجة حصلت بيناتهم
شهاب بحيرة
انا بس مش رايد اطاوعه واروح اخطبله البنتة ويرجع يجول لا ويطلع شكلي وحش قدام اخوي
بدرية بتأكيد
عشان اكده اجل الموضوع ده شوية بحجة الشغل او انك مشغول لحد ما نعرف ايه اللي حصل ونفهم
شهاب بتنهيدة
ماشي يا ام ادهم... اما. نشوف اخرتها مع ولدك
.................................
تاني يوم الصبح طلعت بدرية تطمن علي ليل عشان منزلتش زي عادتها ولما خبطت فتحتلها ليل وكان باين علي وشها اثار العياط
بدرية بلهفة
يا مري مالك يا بتي... وشك عامل اكده ليه وكنتي بتبكي ليه عاد
ليل مقدرتش تستحمل وفضلت تعيط
ليل بانهيار
انا
بدرية بحنان ولهفة
ااسم الله عليكي يا نور عيني.... اهدي اكده وفهميني مالك... انا جلبي حاسس من كام يوم انك مش طبيعية
ليل بعياط
ادهم.... انا جولتله انه زي اخويا.... جولتله اكده عشان يبعد عني وميحطش امل فيا
بدرية بابتسامة حنان مع عتاب يعني كأنك ادتيله بطعنة في جلبه يا ليل يل بتي ... وإنتي فاكرة إن الكلمة دي عادية.... يا ليل الراجل لما يحب بيصبر... بس كلمة ممكن تهده
ليل بعصبية وهي بتكتم دمعتها
خابرة زين يا اما بدرية بس غصب عني... لجيت نفسي بجوله اكده... مستحملتش اني اعرف انه كان عاشج بت عمه.....رغم اني سألته جبل سابج وجالي انه مش رايدها
..... عرفت انه عاشجها وعشان كدة بعدت عنه
حياة بحنية وهي تحط إيدها على كتفها
انتي اتسرعتي يا ليل..... ادهم ولدي وانا خابرة زين اللي في جلبه وولدي لو كان رايد بت عمه كان زمانه من زمان كتب عليها ومكنش هيستني كل ده.....
ليل بحزن وهي بتبص للفراغ
اومال صاحبته دي جالتله كدة ليه انا بس حسيت ان جلبه مش ليا وده وجعني جوي
بدرية بخبث وهي بتبص ل ليل
والله انتي لو بتحسي صح كنتي عرفتي ان ادهم ميال ليكي انتي.... من وجت ما جيتي وشافك وهو حاله متشجلب وانا خابرة ولدي زين ومتوكدة من اللي بجولهولك
ليل افتكرت تلميحات ادهم ليها وابتسمت من بين دموعها واتمنت لو فعلا كلام بدرية يكون صح
بدرية بثقة
طب ايه رأيك اخليكي تشوفي وتسمعي بودنك وتتوكدي من حديتي
ليل بفضول
كيف يا اما بدرية جوليلي
بدرية بابتسامة
هجولك بس المهم انك لما تتوكدي وقتها تصلحي اللي بوظتيه ماشي
ليل بحزن وخوف
يعني تفتكري انا انفع ادهم ولا استحجه انا واحدة مش متعلمة ومعيش شهادة... لكن هو متعلم وراجل تتمناه اي بنت
بدرية بابتسامة
اهم حاجة الجلب يا بتي... هو اللي بيختار ووجتها مش مهم اي حاجة تاتية لانك هتبجي مكتفية بيه وهو مش شايف غيرك ولا فارج معاه علامك
ليل سكتت وهي باصة للفراغ وابتسمت براحة وهي مقتنعة بكلام بدرية
................................
تاني يوم كانت خارجة ليل من المطبخ وكانت عينيها بتدور على أدهم وفعلا شافته واقف ف قدام البيت بيشرب سجارة وهو سرحان فقربت منه بتردد
ليل بصوت متردد
ادهم... ممكن أكلمك
أدهم ببرود وهو مش عايز يبين لهفته
رايدة حاجة يا ليل
ليل وهي بتحاول تمسك نفسها أنت زعلان مني... أنا عارفة بس انا مش قادره أعيش وإنت بتعاملني كأني غريبة
أدهم وهو بيبعد عينيه
أنا مش زعلان... بس فهمت مكانتي عندك... وعشان اكده بتعامل معاكي عالاساس ده
ليل وعنيها بتدمع
مكانتك ادهم انت كنت الأمان الوحيد اللي
أدهم وهو بيبصلها أخيرا بعينه
أنا ما سبتكيش... أنا بس عملت كيف ما انتي رايدة.... وبعدين احنا اخوات واكيد مقصدش اتغير عليكي
ليل قربت خطوة وبصتله من غير ما تتكلم وعينيها لوحدها كانت بتحكي ألف كلمة بس شفايفها نطقت كلة واحدة بس بصوت حزين
اختك
أدهم وهو بيتنفس بصوت وبيبعد عنيه تاني
ادخلي يا ليل... مينفعش تفضلي واجفة برة الدار اكده
ليل سابت المكان وهي حزينة وحاسة ان كل اللي كانت مفكرة انه موجود بينها وبين ادهم كان وهم وهي اللي عيشت نفسها فيه ودلوقتي بتدفع تمن ده.... مسحت دموعها لما دخلت لبدرية المطبخ
بدرية بلهفة
مالك يا ليل ادهم ضايجك تاني ولا ايه
ليل
باندفاع ودموعها بتنزل
هو ليه بيعاملني اكده بيعاقبني علي ايه المفروض يعذرني ويهون عليا ويجف جاري مش يحاربني ويعاملني عفش عشان قرار اخدته في لحظة ضعف
بدرية بابتسامة وحنان
طيب اهدي بس كدة و روقي... انتي عشان لسة متعرفيش زين..... لكن انا عارفاه وخابرة انه مضايج وزهجان..... وبعدين هو مش بيعاقبك ده بيعاقب نفسه عشان لقاها متعلجة بيكي.... لساتك مش مصدجة امك برضه
ليل بحزن
انا مبجتش خابرة حاجة.... اما بدرية انا عاوزة امشي..... احب علي يدك خليني ابعد عن اهنه..... اقنعي عمي شهاب يهملني ارجع اعيش في بيت ابوي
بدرية بعتاب
اخس عليكي يا ليل... رايظة تهملي امك وتخليني احزن عليكي. ده انا اتعلجت بيكي وبجيتي بتي اللي مخلفتهاش
بدرية بقت تواسيها بكلامها وصوتها الحنين
بدرية بحنان
ايوة كدة.... استهدي بالله يا بتي.... ومتجلجيش كله في اوانه يا نور عيني
....................................
كانت ليل قاعدة على السفرة جنب بدرية وأدهم قصادها ساكت ووشه مافيهوش أي تعبير وشهاب قاعد علي راس السفرة بياكل بهدوء هو كمان
بدرية فجأة وبدون مقدمات
صحيح انتو رايحين تقروا الفاتحة انهاردة يا حج شهاب مش كده
ليل رفعت راسها بسرعة وقلبها دق وبصت لأدهم بصدمة أما هو فبصلها وعنيه بتحكي كلام كتير
شهاب وهو بيحاول يساير بدرية وكأنه فاهم قصدها
أيوه أدهم خلاص جال قراره هنروح نطلب يد نجلاء بنت عمه.
ليل عينيها دمعت وهي باصة لأدهم اللي كان باصص ليها ونظراته متلخبطة كأن بينكر اللي بيحصل بس ساكت أما بدرية فمكملة الخطة
بدرية بفرحة مصطنعة
طيب زين تبجي الفرحة فرحتين... أصل ليل كمان جالها عريس... ولد ناس ورايدها جوي وشيع أمه طلبتها مني وقال لي إنه شايف فيها مراته وإنه راجل هيصونها
أدهم ضغط على كف إيده جامد ونظراته ل ليل اتحولت للغضب وهي وقتها بصت في طبقها بتوتر ...
شهاب وهو بيبتسم
زين يا بتي... أهو اطمنت عليكي... وارتحت منك ومن أدهم... بس أهم حاجة رأيك إنتي... عشان إنتي اللي هتتجوزي مش إحنا.
قبل ما ليل ترد
متابعة القراءة
