رواية سكر ناعم(جوان وبدر الدين) كاملة جميع الفصول بقلم أسما السيد
المحتويات
وعيالك
انت ايه مبتحسش جبله مش كفايه قرفك لا وجاي تكمل علي مراتك الغلبانه اللي مكنتش ليك ابدا
انا هفضل شايل ذنبها العمر كله بسببك
حسام بخوف ياابه بس انا عملت ايه
عبدالعزيز بحده ولا عملت ولا معملتش اعمل حسابك فاضل شهر وجميله تتم ال١٨وهتعمل اللي أتفقنا عليه فاهم ولا لا وبعدها عاوز تغور من هناا غور مطرح ماجيت جميله مسئوله مني هي وعيالها
حسام بتوتر هااا بس
مراد مبسش يالا ياجميله هاتي الولاد وتعالي يابنتي نفطر تحت وانت ربنا يهديك
ابتسمت جميله لحماها الحنون ولملمت ثياب ابنائها وهبطت خلفهم
قد يبتليك الله باهل هم نكبه حياتك ويعوضك باناس أخري يطبطبون علي قلبك وروحك
ويجعل الله الشر علي يديهم خيرا كثيرا
حسام بخوف شهر ازاي انا لازم اتصرف
واسعي في الورق عشان اخلص
مهو انا لو منفذتش ومشيت كل حاجه هضيع مني
انا لازم اتصرف مش معقول الفلاحه دي تربي ولادي انا اتجوزتها مخصوص عشان الخلفه وعشان اعوض نازلي عن الخلفه وانا وهي نربيهم سوا
لازم اتصرف
ابتسم بشر هوريكي ياجميله لازم احرق قلبك وارجعك للخدمه ورا الجاموسه تاني
بمستشفي الرشيد لجراحات التجميل
علي طاوله مستديره
تجلس تسنيم ووالدها مختار عارف
مختار بحده انا زهقت منك ومن عمايلك وقرفك لحد امتا هتفضلي كدا
هتفضلي تغلطي وتضيعيني وتضيعي اللي ورايا
مش كفايه اني مستحمل عمايلك انتي عارفه انا عملت ايه عشان يرضي يتجوزك مع انه كان ممكن يرفض ويقول تولع المستشفي باللي فيها
انتي ايه حافظي علي عيشتك بقي ياشيخه وهاتيلك حته
تسنيم بحده نو واي ابدا ابوظ جسمي عشان واحد زي دا وهو مش الملاك البرئ ماهو كل يوم مع واحده شكل يعني الحال من بعضه
وانت اللي جبرتني أتجوز فراس انا قلتلك انا مبسوطه كدا
قبل ان تكمل كلامها كانت صفعه مدويه ترن علي وجهها من والدها
بتضربني يابابي
واقطم رقابتك للاسف معرفتش اربيكي انا كنت فاكر اني بجوازك من فراس هتنعدلي
وفراس هيربيكي
لكن لا لسه زي ماانتي
تسنيم بصدمه بابا انا
مختار بتهكم انتي ايه
مفكره ان فراس اصلا عاوز منك عيال وانو ميعرفش اللي بتعمليه
بالعكس ياهانم
دا ممشي وراكي حرس ليل مع نهار وللاسف بيوصلو اللي بتعمليه صوت وصوره
يعني لو بيحبك بس ١٪ كان اهتم للقرف اللي بتعمليه
كفايه وانضفي بقي لنفسك ولسمعتي اللي بهدلتيها انا بنكسف اقول انك بنتي
وبعدين عوزاه يعمل ايه وهو كرهك واتجوزك علي رغبه مني عشان ميخسرش تعب ابوه في المستشفي بعد مالويت دراعه اني هاخد المستشفي كلها
تسنيم بتهكم علي اساس مكنش ابوه متفق معاك علي كدا وانك تقوله كدا
فراس دا مش بتاع جواز بتاع عك بس يعني مفيش حد احسن من حد واحد معقد ومقرف
مختار بحده انتي قليله
قبل ان يتم كلامه جاءه صوت والد فراس الحاد
استني انت يا مختار
تسنيم بصدمه اونكل عمران
عمران بتهكم ااه اللي للاسف اتفقت مع ابوكي علي ابني
ابني اللي مش عاوزه تخلفي منه لا وبتقولي عليه معقد ومقرف
المقرف اللي لمك وأويكي في بيته وبتصرفي من فلوسه علي فسحك
ابتلعت ريقها ونكست راسها وهو يجلدها بحقيقتها
انا
كنت فاكر ان جواكي نضيف هتقدري تتغيري وتغيري ابني اللي كاره للدنيا بحالها بسبب اللي حصل في امه قدام عنيه بس انتي طلعت اسوأ ماكنت متخيل
وانا فعلا اسف مش ليكي لابني
مختار بحزن حقك عليا ياعمران انت عارف اللي انا فيه معرفتش اربيها وامها السبب
ارجوك متخليش فراس يطلقها هي هتتغير
عمران بتعب فراس بقي اسوا من الاول والسبب بنتك وللاسف كنت شريك معاك
معنتش قادر اسيطر علي قسوته ولا تصرفاته
صحيح بيتجوزهم بس عذر اقبح من ذنب
وياريت تعرف بنتك ان دا مكان شغل
اكل عيشنا مش مكان لتهورها
ولو فضلت علي كدا انا هسلم الاداره لفراس وهو هيتصرف بنفسه
شغل الدكتوره دا مينفعش معاها لانها اساسا فاشله
مختار بخوف فراس لا قلبك ابيض ياعمران دي اخر مره هتيجي هنا اوعدك
قومي فزي روحي ياتسنيم لبيت جوزك
عمران بتهكم جوزها يارب سامحني
عمران بدرالدين الرشيد دكتور تجميل شهير تزوج من والده فراس زواجا تقليديا
كانت طبيبه وانشئا معا هذه المشفي وانجب منها فراس وتوفيت اثر جريمه قتل علي الطريق المؤدي للعذبه امام ابنها الصغير ذو الخامسه سنوات وتزوج من اختها نسرين لتربي طفلها وانجب منها بدر الدين ونيرمين
لم يجمعه مع الاختين الا المصلحه وكلتاهما علي درايه بذلك ولكن الاحترام أساس العلاقه بينهم
اما القلب
تنهد عمران وهو يستقبل مكالمه من نيرمين
ابتلع غصته واجابها
الو وصلتو
اه وصلنا مش ناوي تغير رايك بردو وتيجي
بغصه لا
بتهكم اللي اعرفه انك مكنتش بتبطل تيجي هنا وانت
بوجع بقلبه مفيش يانسرين هو بالعافيه ياستي المهم وصلتو بالسلامه
نسرين بغيظ ولا عشان بتفكرك بحبيبه القلب الفلاحه
عمران بغضب انتي عاوزه ايه في ايه يانسرين بدوري عالنكد ليه ايه لزمته تنبشي في الماضي
نسرين بغل عشان لا عرفت تحب اختي اللي ماتت بسبب عداوه ابوك ولا عرفت تحبني وانا جيبالك ٣عيال لسه ست الحسن والجمال في قلبك
عمران بحده اظن مضحكتش عليكي ولا علي اختك اختك كانت عارفه كل حاجه ووافقت بيا وانتي كنتي عارفه وبردو وافقتي بلاش تمثلي دور المظلومه يانسرين عن اذنك
واغلق الخط
مختار بقلق اهدي ياعمران مش كدا في ايه
عمران بتعب وتهكم موال كل يوم ماانت عارف
مختار بفهم روق ياعمران اخر مره انفعلت كنت هتروح فيها كبر دماغك
بمنزل حمدي واخوه
ااه يابنت الكلب افتحي
كانت سمر والدتها وسعاد والده نيره يقفون حاجز امام الباب التي يختبأون به بحجره جدها بالدور الارضي
سمر خلاص ياحمدي مش هتعمل كدا تاني سيبها المره دي
حمدي بحده اوعي انتي وهي بنتك البلوة ياسمر هي و المحروسه التانيه
والله يمين بعظيم لكون مجوزها لاي واحد يتقدملها واخلص من قرفها وبردو هضربك ياجوان
جوان من خلف الباب انا مش جميله عشان تجوزني غصب عني لواحد قد ابويا وعليا وعلي اعداءي ههرب منك وافضحك
سمر بلطم علي خدها اخرسي ياجوان اخرسي
منك لله جيبالي الكلام
نيره من الخوف كانت تختبئ بحضن جدها العجوز
والله ياجدو ماعملت حاجه ابويا هيضربني
وانا بخاف من الضرب متخليهوش يضربني ياجدو
الجد سعد محدش هيضربك ياقلب جدك
جوان بغيظ طب وانا
متابعة القراءة
