رواية اصابك عشق الفصل السادس 6 بقلم اسما السيد
المحتويات
وابعد يونس عنها..
انت ياد انت مش مكسوف من طولك.. ابعد عن امك..
يونس بغمزه.. الله دا انت غيران بقي.. مالك امي ووحشاني في ايه بقي..
كرم بحده.. امشي من هنا يابغل انت وخد الواد دا معاك.. حرقتو دمي..
سهر.. الله متشخطش في ولادي كدا ياكرم افندي احسن والمصحف اخدهم وانام في الاوضه التانيه..
كرم بحده شدها.
اتهدي بقي ياشيخه.. جننتيني.. وانت خد اخوك واتخمدو..
يونس بغيظ.. لا مش نايم الا لما تشوفولي حل مع ميار
كرم بغيظ.. اتمسي يا يونس واتكل علي الله الصباح رباح..
وبعدين ابوها رفض..
يونس بحده.. نعم ويرفض ليه
متشوفيلك حل يا سهر وتكلمي صاحبتك..
سهر بغيظ.. عاليا كمان رافضه انتو لسه صغيرين..
يونس بحده خرج واغلق الباب خلفه بعدما جذب اخيه من يده.. متمتما..
ماشي ياسهر انتي وكرم ان مافضحكتو وخطفتها مبقاش انا..
كرم بصدمه.. شايفه ابنك..
سهر بقهقه.. عاشق ولهان.. وبعدين ماتسيبهم يدلعو يا كيمو الله..
كرم بغيظ.. العيال دي قله قيمتي.. وخصوصا الواد الصغير دا.. ادي اخرت اللي يخلف علي كبر..
قلتلك كفايا يونس مسمعتيش الكلام..
سهر بقهقه.. كان نفسي اجيب منك اورطه عيال
ياكرم
كرم بتنهيده.. علي عيني ياقلب كرم..
الحمدلله انتي وشي السعد عليا ياسهر..
رزقتيني بفرحه عمري.. بعد مايأست.
لولا اصرارك علي اطفال الانابيب مكنوش نورو حياتنا..
سهر بغمزة.. طب ايه
كرم بخبث.. ايه
سهر بغنج.. كرم..
عيون كرم..
بالعذبه..
باسم استني ياباسم..
باسم بهدوء.. في ايه يابابا
عمران بتنهيده.. استني بلاش تروح لنيره دلوقت..
باسم بصدمه.. ازاي يابابا.. انت مش قلت هاتها البيت الخلفي واتكلم معاها.
عمران بهدوء.. دا لمصلحتها ياباسم.. امك مش هتعديها لو عرفت..
عشان كدا بعت
ونحط امك قدام الامر الواقع..
باسم بحيره.. بس يابابا انا عاوز اقعد مع نيره وافهمها.. مش عاوز كدا ابدا
عمران.. بعد كتب الكتاب وقبل ما نسافر ابقي اقعد معاها وفهمها بالراحه..
ومتقلقش انا زبطت كل حاجه..
باسم بتفكير.. تفتكر رد فعل ماما هيبقي ايه.
قاطعه بدر الضاحك..
نار.. ياحبيبي نار..
حضر نفسك للمعركه اللي هتدور من هنا ورايح..
عمران بغيظ من ابنه.. بدر خليك في وكستك وخيبتك.
بدر بحده.. نعم وانا مالي..
عمران بشماته.. اه مالك.. ماهو اللي بيحصل دا من تحت راسك..
بقي بدر بيه حته بت قاصر تعمل فيه كدا..
بدر بغيظ.. بااابا.
عمران.. بلا بابا بلا نيلة بقي..
بدر بغل.. وحياتك لاجيبها وبكره تقول بدر قال..
عمران بهدوء.. ليسحبه بالكلام..
وهتجيبها منين بقي
باسم بانتباه.. لان والده يسحب بدر بالحديث.
جرا ايه يابابا.. احنا في ايه.
وانتو في ايه
عمران بغيظ منهم.. تركهم ودخل..
باسم بحده.. انت غبي يابدر ابوك بيجرك بالكلام..
بدر بصدمه.. اسكت دانا وقعت بلساني
وجبت سيره سهر.. وكان هيتجنن.
باسم بهمس وحده.. انت غبي يابدر..
احنا وعدنا جدو منجبش سيره باللي حكاه لينا
بدر بهدوء.. يااخي كرم دا داهيه ومراته متقلش عنه..
ازاي وهم الناس كلها بموته.. وهو عايش ومتهني برا.. لا ومراته عايشه علي ذكراه
باسم بهدوء.. جدو فواز الله يرحمه
كان حكالي ان اهله كانو بيدبرو لموته وهو عرف عشان الورث ويورثوه بعد ماطلق مراته وعرفو انه عاوز يتجوز سهر البنت الفقيره
فقررو يخلصو منه
لانه كان غني جدا..
وكان بطل العالم في السباحه..
وكان مكار لابعد الحدود.. والكل بيعمله حساب
سابهم يخططوا وباع كل اللي يملكه هنا..
وزور ليه ولمراته
واوههم انه مات في الحادثه والجثه اتفحمت..
وانه خسر كل اللي يملكه في البورصه
وهوب خلع هو ومراته..
بس مراته بقي كانت بتروح وتيجي علي اختها
عشان محدش يشك فيها..
بدر بلهفه.. طب جدك عرف الكلام دا منين
وليه متاكد.
باسم بهدوء.. عشان جدك فواز هو اللي ساعد كرم وخططله..
لان من مصلحه فواز ان كرم يتجوز سهر ويبعد.. وبكده يقدر يسيطر علي ابوك..
وقدر فعلا يجوزه الاختين..
بدر بتهكم.. والله ابوك اللي صعبان عليا في الحكايه دي كلها..
عايش عالاطلال..
باسم بتهكم.. وانا ابوك بقي
مش صعبان عليا.. عارف ليه
بدر بانتباه.. ليه يافقيه.
باسم بهدوء.. لانه محاربش كفايا علشان سهر.. واستسلم.
طب جوازه من خالتو نوران.. واهو كان معذور وكان ممكن نقول كان صغير وطايش ومش عارف عاوز ايه.
طب وجوازه من نسرين.. يابني الراجل مادام حكمته الغريزة يبقي يستاهل..
بدر بصدمه.. انت متحامل اوي علي ابوك ليه كدا..
مين فينا معصوم من الغلط..
باسم.. انا مش متحامل يابدر.. انا قصدي انه لو حبها بجد كان اخلصلها العمر كله..
ولو اجتمعت قوه عالارض مكنش لمس واحده غيرها بعد ما حبها..
بدر بتفكير وشرود.. عندك حق..
تفتكر اصلا لو كان اتجوز سهر كان فضل يحبها.. ولا كان هيكرهها ويحملها ذنب انه بعد المال والنفوذ بسببها.
الممنوع مرغوب يابدر.. وابوك لو كان اتجوزها
كان طلقها بعد شهرين.
بدر بشرود..
بقولك ياباسم.. تفتكر مين يعرف مكان سهر وجوزها الانصاري..
باسم ببرود.. معرفش..
بدر بحده.. انت يااخي مش اخويا ابدا.. ماتفكر معايا..
باسم ببرود.. انت عاوز تنتقم.. وانا في الانتقام معرفكش.. ابعد عني يابدر سيبني في حالي..
خليني استعد للي هيجرا.. واللي انت السبب فيه
بدر بغيظ.. ماشي ياباسم.. وبردو مش هسيبها
باسم بلامبالاه.. الله معك.. بس خلي بالك وانت بتنتقم تقع علي جدور رقابتك..
بدر بحده.. ملكش فيه.. خليك في حالك..
بشرم..
اغلق مع والده وعاد بنظره لها..
جميله.. هادئه.. لم يري بحياته اجمل منها..
تنهد وهو لا يعلم الي اين ستذهب خطاه معها..
مايحدث له.. يحدث معه لاول مره..
ايعقل ان قلبه اللعين خفق لها.. ام انها مشاعر مؤقته.. كما يحدث معه..
رفعت عيونها الحزينه ونظرت له..
وقعت عينه بعينها ولاول مره لا تخجل وتخفضها..
ولاول مره ينظر الى امراة باحترام.
حثته قدميه علي السير ناحيتها..
ااه حارقه خرجها وهي تهمس باسمه..
فراس
الهذا الحد اسمه جميل..
اول مره يشعر بحلاوه اسمه.. وكانه شاب مراهق يتصرف بلا عقل
خرجت الكلمه منه عفويه..
قلب فراس..
ولكنها لم تسمعها.. لم يخرجها من بين شفتيه
وكأنه خائف..
زفر بحده وجلس بجانبها..
نعم ياجميله
صمتت ورأي الخوف بعينها من قربه..
فابتسم..
عليها وعلي خوفها..
طب ايه رايك نتعرف من اول وجديد..
جميله بتوتر. ازاي
فراس.. يعني تفتحيلي قلبك.. وتحكيلي
جميله بخوف.. بس
فراس بحنان.. مبسش.. انا كمان نفسي احكيلك كل حاجه عني.. تقبلي تسمعي حكايتي..
جميله بهدوء.. ياريت.. انا خايفه منك اوي.
فراس بصدمه من صراحتها..
خايفه مني
جميله بخجل هزت راسها.. معرفكش..
فراس بحنان.. طب تعرفي ان انا نفسي مش عارفني دلوقت..
جميله.. ازاي
فراس بضحك مش عارف
بس سيبك انتي..
مد يده لها وبابتسامه..
انا فراس عمران.. صاحب الفندق اللي كنتي فيه.. ومجموعه فنادق في كل دول العالم..
رجل اعمال بس مبحبش قعده المكاتب والشركات..
عشان كده فري زي ماانتي شايفه..
تجربه جديده عليها وهي هشه ضعيفه وليست
خجلت ومدت يدها له.. فأحكم يده عليها
لمح توترها وخوفها..
متخافيش..
تنهدت وقالت بابتسامه..
وانا جميله الناظر
فراس
متابعة القراءة
