رواية اصابك عشق الفصل السادس 6 بقلم اسما السيد
بهدوء.. تحبي تحكيلي الاول.. ولا احكيلك انا
جميله.. بتوتر طفله.. مش عارفه
فراس بابتسامه لبراءتها.. بس انا بقي
زهقان وعاوز احكي انا الاول.
ايه رايك تسمعيلي
جميله بهدوء.. موافقه
لا يعلم لما يريد أن يخبرها قصته.. لا يريد خداعها.. يريدها ان تعلم عنه كافه شئ..
لطالما كان صفحه بيضاء امام الجميع..
لا يريدها ان تستمع عن افعاله من غيره..
بهدوء رجع براسه للخلف ودفع بالارجوحه للخلف وبدأ يحكي لها..
بعد نصف ساعه من الكلام.. كانت تستمع له بعيون مصدومه..
جميله بصدمه..
انت هكذا..
فراس بقهقه عليها.. وعلي منظر وجهها..
بالحلال..
جميله بصدمه.. ومراتك راضيه وعارفه
فراس بكدب.. لا هتعرف منين.. متعرفش طبعا..
جميله بصدمه.. بس كده مش صح..
فراس بهدوء.. سيبك مني واحكيلي عنك انتي
جميله بخوف منه.. انااا.
فراس بهدوء.. احكي اللي حابه تحكيه.. بس اعرفي ان كله كلمه هتقوليها هتفيدنا في اللي جاي..
بهدوء بدأت تسرد له..
مر الوقت ولم يشعرا به..
حتي انتصف الليل.. وهو يغلي من الداخل لما حدث معها.. يتوعده بالهلاك..
يقسم سيجعله يتوسل لها..
نظر لها كانت تغمض عيونها كطفله صغيره..
ابتسم لها
وصعد بها لغرفتها..
ولكن عاد صوت ابيه ليرن باذنه..
بس ياريت لما تلاقي اللي تخطفه تمشي صح مره واحده في حياتك..
ابتعد كالملسوع لا يعلم ما به..
مسح علي وجهه وغطاها وخرج مسرعا..
بفرنسا..
لينا.. لينا..
ماذا مدام
نازلي بحده.. خذي هذان المقرفان من هنا.. صوتهم يزعجني.. لا يصمتون ابدا
لينا بحزن علي الطفلان.. الذان لم يصمتا منذ اتيا.. يبكيان باستمرار
ينادون علي والدتهم..
لينا من اب مصري وام فرنسيه تعمل مربيه للاطفال..
جلبوها لتعتني بالطفلان.. المذعوران..
قلبها يغلي من اجلهما..
وياليتها تعلم مكان والدتهم وتقسم ستعيدهم لها..
نازلي
حاجه تقرف.. فلاحين زي امهم.. ولا اشوفلهم ملجأ ارميهم فيه
انا ناقصه قرف..
لينا.. بصدمه نظرت لها.. وبهمس.. ملجأ
ربنا ينتقم منك ياشيخه..
لمحت والدهم..
نازلي.. حبيبي جيت
حسام.. اومال فين الولاد
نازلي بخبث.. حبايبي حلوين وانا حبيتهم اوي ياحسام..
ومع لينا بيلعبو معاها
حسام بتنهيده.. طيب كويس..
نازلي.. مالك
حسام بتنهيده.. مش عارف سألت علي جميله.. محدش عارف راحت فين.. مرجعتش البلد لسه
نازلي بحده.. وتسأل ليه.. مش خلصنا من الموضوع دا بقي
حسام بخوف منها.. ابدا انا خايف بس تشتكينا
نازلي بمكر.. لا متقدرش.. واقفل بقي عالسيره دي..
نازلي بهمس.. وان شاءالله تكون ماتت واستريحنا.. اف
نازلي ابنه رجل اعمال هارب تعرفت علي حسام وتزوجته بطلب من ابيها ليجعله وجهه لشركته ليدير شركته المشبوهه
بأمريكا..
صباحا..
افاقت علي سطل من الماء يسكب علي وجهها..
جوان بصدمه.. عااااااااااا
فتحت عيونها بصدمه..
انتو مين
ياماما.. انا فين
يونس بقهقه.. دي الاصطباحه هنا ياشابه..
يامن بهدوء.. تؤتؤ اخص عليك يايونس.. خضتها..
جوان بصدمه قامت مفزوعه تنظر حولها.
انا فين
وانتو مين
وخالتو فين
يونس بقهقه وخبث.. مستنياكي في اوضتها..
جوان بصدمه.. خرجت مسرعه لخالتها..
يانهار اسود ومنيل انا انضحك عليا ولا ايه
خالتو.. ياخالتو..
فتحت الباب بقوه ودخلت..
صدمت مما راته..
وضعت يدها علي اعينها.. وصرخت
عاااااا..
اغلقت الباب مسرعه..
قابلها بوجهها يونس ويامن الذي افترشا الارض ضحكا عليها..
يونس.. احسنلك تجي ورانا بسرعه عشان اللي جاي مش هيعجبك..
جوان بصدمه.. يعني ايه
وانتو مين
يامن بلهفه.. يالا بس بسرعه تعالي قبل ماابويا يصحي وهو اساسا مش طايقنا..
سهر بصدمه.. ابوك..
انا مش فاهمه حاجه..
جذبها
يالا بسرعه.. احيييه..
بعد ساعه..
جوان بصدمه وهي تأكل شطيره الجبن بالحديقه..
ياخالتو ياقادره طول عمري مش مستريحه لمرواحك ومجيك..
يامن بغيظ.. كل مره تقولي هاخدك وتضحك عليا وتنزل وتسيبني.
جوان بلامبالاه.. هتنزل الامله يعني.. هنا احسن..
يونس بخوف.. طب نلم الليله بقي احسن ابو الكرم جاي وهيطين عيشتنا..
جوان بصدمه ابتلعت ريقها وخالتها تنظر لها بخبث.. ربنا يستر..
يونس بهمس لها.. متقوليش ان انا اللي قولتلك انها مستنياكي باوضتها..
جوان بهمس.. لا هقول.
يونس بغيظ.. فتانه..
جوان بضحك.. اوووي
سهر بضحك.. شايفه انكو اتعرفتو علي بعض اهو.. واتساويتو كمان..
جوان بغيظ.. ااه ولادك ملايكه ياخالتو..
كرم بقهقه.. وبهمس اقترب منها.. تصدقي فعلا شكلك.. لسانها ماشاءالله
سهر بغيظ .. كرم..
عيون كرم..
يامن بغيظ.. الفقره الصباحيه بدأت..
كرم.. ولد.. احترم نفسك..
يامن بغيظ.. سكتنا..
جوان بضحكه بلهاء.. الله كنت حامله هم الوحده هنا.. لقيت اللي يسليني..
سهر بضحك.. قصدك لقيتي اللي يطاوعك في مصايبك..
يونس بلهفه.. انا في الخدمه ياجوان.. كان نفسي اتعرف عليكي من زمان بس ماما بقي كانت بتنزل وتسيبنا هنا..
يامن بحزن.. وانا كمان..
كرم بتنهيده.. ربنا يستر..
حاسس ان فضحيتنا هتكون علي ايديكم والله..
سهر بهمس له.. بحبك..
كرم.. ماتعقلي ياسهر بنت اختك ضيعت الاصطباحه..
سهر بقهقه.. وانا مالي الله..
بعد يومان..
بفيلا الرشيد..
ليلا..
نسرين بصدمه.. ايه اللي بتقوله دا ياعمران
ابني انا.. يتجوز من الفلاحه دي
انت اتجننت اكيد.
كانت تنظر لما يحدث بذهول..
لم تدري مايحدث ولم يخبرها احد انه تم كتب كتابها الا منذ ساعات..
لم تري وجهه من بعد ماحدث الا منذ ساعات
اصر
عاملها لاول مره بحياته كملكه وكابنه حقيقيه..
كانت متعجبه من ما يحدث.. واهتمام والدها ووالدتها التي ابتاعت لها كم هائل من الثياب
التي لطالما حلمت بها.. كانت تجهزها كعروس
ولم تفهم لما.. ولكنها قالت لربما فاقت هي ووالدها وعلما الحقيقه..
ولكنها علمت الان لما
باعوها.. فوجأت بباسم ووالده آتيان لاصطحابها..
كان يود الحديث معها ولكن والدها..
لم يدع له الفرصه..
حتي بالسياره لم يتحدث باسم الا ببعض كلام..
واكتفت هي بالنظر للخارج تفكر فيما قالته والدتها لها..
روحي مع جوزك يانيره..
الان اتضحت لها الرؤيه..
فاقت علي صوت عمران الحاد..
خد مراتك واطلع علي اوضتك ياباسم..
ارتعشت ونظرت لما حولها..
فتاتان ينظران لها بتهكم وغل..
واخري ترمقها بحده وتود ان تفتك بها..
انتشلها هو من دوامتها وهو يحكم يده علي يدها..
يالا يانيره..
قاطعهم.. صوت والدته..
يالا فين
هي زريبه.. البيئه دي مش هتدخل بيتي لو علي جثتي..
قاطعها صوت باسم القوي.. ماما..
ابتلعت ريقها.. وهي تستمع لصوته القوي..
مراتي اسمها نيره.. واللي يهينها كانه هني بالظبط.. ولو مش هتحترميها.. يبقي هاخدها وهمشي من هنا..
نسرين بصدمه.. انت اتجننت ياباسم
لم يرد عليها.. سحب نيره التي ترتعش وصعد مسرعا لغرفته..
اغلق الباب.. واستدار لينظر لها..
صعق من منظر وجهها.. الشاحب وجسدها الذي يميل للخلف..
صرخ وهو يتلقفها بيديه..
نيره..
ياايها القادم إرأف بحالي
استمع لاناتي وعذابي
طفله انا اقتلعوها.. وبالغصب زوجوها
لا عدت اعلم من انا ولا كيف سيصبح حالي
اسيأتي غد كريم علي.. ام سارحل وتنتهي مأساتي
ياظالمون تبا لكم.. سينتقم منكم الباري
بكل سجده سأدعي بقلب محترق
ان ينتقم منكم الباري
سادعو
اسما السيد
اصابك عشق
الفصل 7
https://pub153.lamha.news/35146
كاملة من هنا
https://pub153.lamha.news/35083
