رواية اصابك عشق فراس وجميله الفصل الثامن عشر 18 بقلم اسما السيد

حصل.
مختار بتوتر.. كرم رجع.. وشكله مش ناوي علي خير ابدا.. 
عمران بصدمه انتفض من مكانه.. 
سهر معاه.. 
مختار بتهكم.. العيله الكريمه كلها.. معاه.. 
انت شوفته.. ولا عرفت منين
رجع فتح بيت العيله تاني.. تصور.. 
وانا اللي كنت مفكر اني بعته لثري عربي
وكسبت فيه.. 
اتاريني بعته لصاحبه.. واتلعب عليا.. 
كرم مش هيرحمني.. 
عمران بصدمه.. معقول.
بس دا كويس اوي
مختار بحده.. كويس ازاي.
انا خايف كرم شكله ناويلنا علي نيه سوده.. 
عمران بسخريه.. واحنا ايه اللي هيخلينا نستني.. 
احنا نتغدي بيه قبل يتعشي بينا
مختار بتوتر.. انت لسه مصمم ياعمران.. احنا كدا هنفتح العين علينا.. محدش له عداوه معاه غيرنا.. 
واللي عرفته ان كرم راجع باسمه وهويته الحقيقه.. 
يعني مش خايف مننا.. 
عمران بغل.. متخفش جمد قلبك.. 
المهم.. سيبنا منه دلوقت.. يالا بينا.. ننزل عشان عندنا كذا عمليه انهارده.. 
مختار بتعب.. انا تعبان انهارده.. ومتوتر.. 
عمران بحده.. مختار مينفعش الشغل شغل.. وبعدين هو دا تخصصنا احنا يدوب مشرفين.. الدكاتره هتعمل كل حاجه.. 
ساعه زمن وتكون العمليات خلصت.. 
يالا.. 
مختار.. بتعب يالا
عمران بشماته.. 
والله جيتلي برجلك يا كرم.. 
اصبر عليا.. ان ماخدتها منك وحسرتك عليها..
في بيت كرم الانصاري
مالك ياكرم
كرم بتنهيده.. مش عارف.. حاسس اننا ظلمنا فراس.. 
مكنش لازم ندخل.. ابدا.. 
سهر بصدمه.. انت اللي بتقول كدا.. 
كرم بتنهيده.. ايوا.. انا اللي بقول.. بصي لمنظر الولاد.. 
من ساعه ماخدتهم منه وهما مبطلوش عايط.. 
حتي لينا مش قادره تستكهم.. وعلي صرخه واحده
بابا.. بابا.. 
انا مش عارف لحقو اتعلقو بيه امتي
انا عمري ماغلطت في نظره عاشق.. 
فراس بيعشق جميله.. وكون انه خبي الولاد عنها.. 
فدا من خوفه انه يخسرها.. انا قلتلك متعرفيش جميله حاجه.. وخليه هو يصارحها.. 
بس انتي مسمعتيش الكلام.. 
سهر.. انا كنت خايفه عليها غصب عني.. خفت يكون شكل ابوه.. ويأذيها.. 
كرم بسخريه.. لو عاوز يأذيها كان اذاها من ساعه ماشافها.. 
بنت اختك مش صغيره
لو محبتوش.. كانت اتصلت بيكي من ليله الحادثه.. وكانت قادره توصلك
وهو لو زي ابوه كان استغلها من اول يوم.. 
لانه عارف هي مين
مكنش ساعدها واتجوزها.. مكنش لسه لحد الان حابس الخسيس اللي بهدلها هو وحماه ومراته
.ورافض يسيبهم.. 
انا بنفسي مطقتش منظر طليقها.. 
واللي عامله فيه.. 
محدش بيعمل كدا.. الا العاشق ياسهر.. 
سهر بتنهيده.. اوف بقي.. انت هتحسسني بالذنب ليه.. 
يعني اعمل ايه دلوقت.. 
كرم بتنهيده.. ولا حاجه.. جهزي نفسك وروحي هاتي جميله.. 
لعل الله يحدث بعد ذلك امرا.. 
سهر بخجل.. 
اتصلت بيها وقالت فراس هيجيبها.. 
كرم بندم.. مش قلتلك.. الله يسامحك ياسهر
سهر بخوف وضعت روان علي الارض واقتربت منه.. 
حبيبي.. كرم.. مالك في ايه
من ساعه ماجيت من مقابله فراس وانت مش علي بعضك.. 
فراس قالك ايه
قبل باطن يدها بحنان.. متقلقيش مفيش حاجه.. 
انا بس بحزن اوي لما بشوف اتنين بيحبو بعض وبيفترقو.. 
سهر بغمزه.. يسلملي ابو قلب طيب.. بحبك ياعجوز.. 
كرم بضحك مصطنعه.. طب اتلمي بقي.. عشان ولادك سابو اللي بيعملوه ومركزين معانا.. 
نظرت وراءها فوجدتهم خلفها.. 
هيييه.. انتو جيتو امتا
يونس.. اعتبرينا مجيناش اصلا.. عيشي عيشي.. 
يامن.. انا جعان.. 
كرم بضحك.. روحي شوفي ولادك.. 
صمت قليلا.. وهو ينظر لها.. من الصباح تريد قول شئ.. 
في ايه ياسهر
سهر بتنهيده.. ابو جميله تعيش انت.. 
كرم بصدمه.. مات.. 
اه مات اتصلت بسمر وقالتلي.. 
كرم.. اختي معدش ينفع تقعد لوحدها مع سلفها وسلفتها انت عارف الارياف.. 
عشان كدا.. 
من غير ماتكملي.. ابعتي هاتيها فورا.. وكمان تشوف جميله وتطمن عليها.. 
البيت كبير وكله فاضي.. عاوز احس بطعم اللمه.. من تاني.. 
سهر بحب.. ربنا يخليك ليا ياكرمله.. 
كرم بغيظ.. سهر امسكي لسانك.. بقي
انا مصدقت ارتحت من بنت اختك.. وعمايلها.. 
يكش بدر يقص لسانها ونخلص.. 
سهر بضحك.. تصدق وحشتني.. بحبها البت دي.. 
تربيتي.. 
كرم بغيظ.. امشي ياسهر شوفي هتعملي ايه.
والله شفقان علي ابن الرشيد منها.. 
دي تربيه هباب.. 
ال يأدبها ال.. دا انتو تربو اللي ميترباش.. 
سهر بحده.. 
كرم.. 
يادي النيله علي كرم..
بأمريكا.. 
جوان بصراخ
يابدران.. يابدرالدين.. طب ياقمر الدين.. 
بدر بغيظ من داخل المرحاض
.. عاوزه ايه يابلوه انتي.. احترمي نفسك
هو انا مش عارف اتهبب ارتاح منك.. كانت جوازه الشوم والندامه.. 
جوان بغيظ.. انا كمان عاوزه اتشطف زهقت والجبس بياكل في دراعي.. عااا
انا اجربيت.. 
بدر بضحك.. مقولتلك تعالي احميكي انتي اللي عملتي مؤدبه.. وانتي متعرفيش عنها حاجه
جوان بغيظ.. مؤدبه غصب عنك يابغل انت.. 
جوووواااان.. 
عاااا سكت اهو.. يارب تزحلق يابدر وتنكسر
بدر بصدمه.. مد راسه من الباب.. بتدعي عليا يازفته.. 
جوان بخضه.. عااا.. ادخل.. ادخل ياسافل.. 
لف منشفه علي خصره.. وخرج.. يصفر بفمه.. 
المايه تروي العطشان.. وتطفي نار الجربان.. 
اااه
هو في احسن من النظافه.. 
جوان بشهقه.. ايه اللي انت عامله دا.. البس هدومك.. ياراجل انت.. 
استدار لها ونظر لها برفعه حاجب.. 
طب ماتغطي وشك انتي.. لو يعني مكسوفه.. بس اشك.. 
نظرت له من اعلي لاسفل بوقاحه.. 
وهنكسف من ايه انت حر
بدر بصدمه.. وقحه اقسم بالله.. 
ضحكت باستفزاز.. 
فتمتم.. سافله.. 
بس اما نشوف جرأتك دي هتستمر لاد ايه
جوان بعدم فهم.. تقصد ايه
اقترب منها.. الي ان اصبح امامها.. 
انت رايح فين.
بدر.. 
وبهمس 
قلب بدر.. 
رفعت وجهها ونظرت له بصدمه.. 
انا مش مرتحالك.. مش عارفه ليه
بدر بقهقه.. ليه وانا لسه عملت حاجه.. 
صرخت بصوت مرتفع..
مش حاجه تانيه
جوان بقله فهم.. حاجه ايه
مش فاهمه.. واه مش خايفه.. 
بسرعه رفع يدها السليمه.. وثبتها للاعلي.. انا هفهمك.. 
ومال برأسه عليها.. .. 
حاولت ان تبتعد براسها عنه.. ولكن هيهات.. 
رفع رأسه ينظر لوجها.. 
جوان بصدمه وصوت خجل.. هامس.. 
ايه اللي عملته ده
بدر بقهقه.. عليها.. عملت ايه بس
جوان بغيظ.. سرقت الاولي.. وانا كنت عاوزه احتفظ بيها للي بحبه.. 
بدر بحده.. نعم يختي.. وانا ايه.. هوا قدامك.. 
جوان باستفزاز.. انت جوزي.. انما حبيبي لسه في علم الغيب
بدر بحده.. طب اثبتي بقي كدا
نظرت له بقله فهم.. 
ليه.. هتعمل ايه.
بدر بخبث.. عشان مش هخلي حته فيكي لحبيب القلب.. 
جوان بصدمه.. هتاكلني.. 
بعنف مزق بيجامته من عليها.. 
لا هقطعك.. 
جوان بصدمه.. عااا
بدر.. 
يامجننه بدر.. لازم اربيكي.. اصبري عليا.. 
خلاص اتأدبت.. مش هقول حاجه تاني.. 
لا هأدبك بإيدي
اصابك عشق.. اسما السيد
بمنزل عبير.. 
علي الدرج.. 
عبير.. 
التفت للصوت من خلفها.. 
عبير ببراءه.. 
نعم ياعبدالرحمن في حاجه
عبدالرحمن بحب.. ازيك ياعبير.. عامله ايه.
عبير بهدوء.. كويسه.. الحمدلله.. 
عن اذنك.. بقي.. 
استني كنت عاوزك في كلمه.. 
بسرعه نفضت يده.. مينفعش كدا علي فكره.. 
عبدالرحمن. بخجل.. 
أنا اسف بس.. كنت عاوز اقولك
سامحيني ياعبير.. انتي.. 
متعرفيش انا ندمان قد ايه
متعرفيش وحشتيني اد ايه
قاطعه صوتا حادا.. من خلفه.. 
متشوفش وحش يادكتور.. 
شهقت عبير بخوف وهو يرمقها بعيون حاده.. 
معتصم بغضب.. 
اطلعي علي فوق.. 
.. معتصم.. 
بصوت حاد.. 
قلت اطلعي.. 
صعدت بسرعه تمتم بغيظ.. منه
عبدالرحمن بخجل.. انا.. 
لكمه قويه علي وجهه.. اخرسته.. 
انت ايه يابن ال.. 
انت ايه موقف مراتي علي السلم وببجاحه بتقولها وحشتيني.. 
دا انا هخلي ليلتك مش معديه.. 
وهخليك متنفعش لحاجه خالص.. 
كلما رفع عبدالرحمن وجهه يعود ليلكمه مره اخري.. 
انت عارف ياوسخ ان لمحتك جنب مراتي تاني ولا بتبصلها بطرف عينك هعمل ايه
همحيك من علي وش الدنيا.. 
ال وحشتيني ال.. بصق علي وجهه.. 
وصعد مسرعا.. 
تركه جثه هامده وصعد خلفها.. 
ابتعدت بسرعه حينما استمعت لصوته المرتفع.. قادم.. 
يلهووي.. يلهووي.. 
عبير
عبير من الداخل.. يلهوي.. يلهوي.. هيموتني
منك لله ياعبدالرحمن الزفت.. 
صوت طرقات علي باب الغرفه جعلها تلطم خديها 
افتحي الزفت علي دماغك دا ياعبير.. 
عبير بخوف.. لا انت مش في حالتك الطبيعيه.. 
انا والله ماليا ذنب في حاجه
معتصم بغيظ.. افتحي بقولك واطلعيلي هنا لاكسر الزفت دا علي دماغك.. 
واقفه عالسلم مع الوسخ دا ليه.. هااا
عبير بولوله.. والمصحف هو اللي وقفني يامعتصم ماليا ذنب
انا استفاجأت بيه
معتصم باستنكار.. استفاجأت ازاي يعني.
انتي هتجننيني.. اخرجي يازفته بقولك.. 
.. لا انت هتتغابي عليا.. وانا خايفه منك.. 
دانت فشفشت عبده
طب واللي خلق الخلق مااحنا بايتين فيها
عشان لو شفت