رواية سليم ومرام جميع الفصول كاملة بقلم ياسمين سالم
بحبك يا سليم بلاش توجع قلبي.. عشان خاطر ربنا.
سليم ببرود وسخرية..
انتي فاكرة نفسك مين.. هو عشان كنت بذاكرلك يعني شايفة نفسك مهمة. فوقي يا مرام ماتنسيش إنك بنت الخدامة.. وأبوكي البواب بتاعنا. هههه شكلك اتجننتي! ازاي تبصي لفوق على أسيادك.!
مرام منهارة..
بابا أحسن منك يا سليم باشا.. وماتتكلمش عنه كدا!
سليم بغضب صفعها..
انتي الظاهر اتجننتي! ازاي أبوكي الي شغال عندي يبقى أحسن مني.! لولايا أنا.. ماكنتشوا لقيتوا تاكلوا! وبتتعوجي كمان.!
مرام بتوجع وهي بتحاول تفك إيده..
سيبني يا سليم باشا! هصرخ و أفضحك في القصر كله!
سليم بضحكة مستفزة..
اصرخى يا مرام..
مرام بتزق إيده وتصرخ..
ابعد عني! ومش هتلاقي مني غير الرفض!
سليم بستخفاف وضحك..
هههه حلوة أوى أحلام اليقظة دي.
مرام سابت القصر وهي منهارة.. دموعها نازلة من غير ما تبص وراها. قابلتها نرمين أم سليم.
نرمين..
في إيه يا مرام. بتعيطي ليه.
مرام ما ردتش.. جريت ونزلت على طول وخرجت من القصر.
طلعت نرمين على ابنها..
سليم مرام كانت بتعيط ليه.
سليم بسخرية..
بتعيط.! هي دي عندها دم أصلا عشان تعيط.!
نرمين مصدومة..
إيه الكلام دا.! دي مرام دي ما ينفعش حد يتكلم عليها نص كلمة.
سليم مستهزئ..
ماتكبريش الموضوع البت اتجننت! جايه تقولي بحبك يا سليم . ههههه بتحبني أنا.!
نرمين بنبرة ساخرة..
ما أنا ياما قلتلك أبعدها عنك.. عشان ماتتعلقش بيك. كنت بشك إنك بتحبها.
سليم بعصبية..
إيه.
نرمين بارتياح..
الحمد لله إنك واعي. هما عمرهم ما يوصلوا لمستوانا دول آخرهم يخدمونا.
سليم..
ماما بعد إذنك.. أنا داخل أغير عشان رايح الشركة.
نرمين..
حاضر يا حبيبي وخلي بالك من نفسك. أبوك مش بيحب السهر.
سليم..
تمام.
لبس بدلته الكحلي.. وقميص أبيض.. ورش عطره المميز. شكله شيك وعيونه الزرق بارزة أكتر وسط بشرته البيضا وشعره الأسود. رغم إنه ٢٥ سنة بس.. إلا إن ذكاءه وشخصيته يخلوه يبان أكبر. نزل.. سلم على أمه وأبوه.. وقعد على السفرة.
مصطفى والده..
كويس إنك نزلت أخبار الشركة إيه.
سليم بجدية..
تمام يا بابا كله تحت السيطرة.
نرمين..
كل يا حبيبي انت ما بتاكلش معانا زي زمان.
سليم بفتور..
حاضر يا ست الكل غصب عني الشغل.
مصطفى لاحظ وهو بيبص حواليه.
مصطفى..
غريبة! فين مرام.! ما انت دايما ما بتفطرش غير وهي قاعدة قدامك!
سليم بعصبية مصطنعة..
هاا عادي. من النهاردة خلاص.. الوضع اتغير.
مصطفى سايب المعلقة..
إيه.! إيه اللي اتغير. أوعى تكون عملتلها حاجة!
سليم مستفز..
هعملها إيه يعني.! ولو عملت إيه المشكلة.!
مصطفى بعصبية..
سلييييم! اتكلم كويس! مش معنى إنهم غلابة.. إنك تستقل بيهم!
نرمين مدافعة..
إيه يا مصطفى.! هتزعل من سليم عشان الخدامة وبنتها.!
مصطفى غاضب..
أنا مش فاهمكم! الفلوس عامية عينيكم مش عارفين إن ربنا هو اللي بيرفع وهو اللي بينزل!
سابهم وخرج من القصر غاضب.
نرمين بتتمتم..
مش فاهمة هو ليه كدا دايما بيحب عيلة السبعاوي وبيمدح في رأفت البواب.
سليم مشي للشركة.. وهو متوتر وغضبان. مرام في الوقت دا راحت البحر.. قاعدة لوحدها والدموع مغرقاها.. فاكرة كلامه القاسي زي السكاكين. فجأة.. لقت حد بيقعد جنبها.
مرام مصدومة..
فارس!! إنت بتعمل إيه هنا.!
فارس بابتسامة..
شفتك قاعدة لوحدك قولت أشوف مالك.
مرام بفرحة ودموع..
بجد مش مصدقة إنك قدامي. وحشتني أوووي يا فارس.
فارس بقلق وهو بيمسح دموعها..
طب ليه بتعيطي كدا يا مرام.
وفجأة.. حد زقه بعيد ووقع.
سليم بغضب..
إنت بتعمل إيه يا مجنون.!!
مرام مصدومة..
سليييييم!!!
يتبع
الحلقة التانية
يوسف كان بيمسح دموع مرام.. وفجأة حد زقه بعنف وقال بغضب..
إنت مجنون! بتعمل إيه يا بنت ال...
مرام شهقت بخوف..
سليييم!
سليم كان منفجر غضب.. مسك مرام من إيدها وقال..
آه يا سليم! بتعملي إيه مع دا.
يوسف ما استحملش وضربه ببوكس في وشه..
إنت مين أصلا.
سليم قرب منه.. مسكه من قميصه وكان هيكسره.. لكن وقف فجأة لما مرام صرخت..
سلييييم! إنت مالك.!
وزقت إيده عنها وقالت بغضب..
إنت مالكش أي حق عليا.. فاهم.
سليم بعصبية..
إنتي شكلك اتجننتي!
شدها من إيدها وزقها جوه العربية وهي بتصرخ..
سيبني يا سليم! إنت عايز مني إيه.!
ركب مكان السواق وبدأ يسوق بعنف..
مين دا يا مرااام.
مرام بتحدي..
وانت
سليم صرخ بغضب..
يا مرام.. هقتلك لو ما قولتيش مين دا!
مرام بخوف..
دا الدكتور معايا في الجامعة... في أي أسئلة تانية يا سليم باشا.
سليم فرمل فجأة بالعربية.. لدرجة إن مرام كانت هتخبط لولا إنه مد إيده قبل ما راسها تتصادم.
رفعت راسها وقالت بحدة..
إنت مجنون!
وبسرعة فتحت باب العربية ونزلت.. لكن سليم لحقها.. مسكها من إيدها بقسوة وقال..
كان واقف معاكي ليه. انطقي!
مرام اتألمت..
سيب إيدي... بتوجعني!
سليم صرخ بعصبية..
أعمى عيوني لو هسيبك!
مرام انفجرت..
بأي حق بتسألني.! هاا.! إنت مالكش عندي أي حقوق! نسيت إهاناتك ليا الصبح. نسيت لما استقليت بأهلي.
وضربته على صدره بكف إيدها الصغيرة..
إنت الوحيد اللي مكنتش متوقعة منه دا! فاهم.! مكنتش متوقعة إنك بتساعدني شفقة! خلاص... أنا مش عايزة شفقة!
عيونها اتملت دموع..
بقيت أكرهك... بكرهك يا سليم! وبكره نفسي عشان حبيت إنسان زيك!
سيبته وجرت وهي بتمسح دموعها اللي نازلة بغزارة.
سليم مسك شعره بعصبية.. صرخ..
مين دا اللي معاها.! هتجنن!
ركب العربية تاني وساق زي المجنون.. دماغه مشغولة بحاجة واحدة... إزاي حد غيره معاها.! كل شوية يخبط في الدركسيون بعصبية.
وصل الشركة بسرعة.. دخل بخطوات مليانة شموخ وغرور. الناس حواليه بتتهامس.. في اللي معجب بجاذبيته.. واللي بيعلق على أناقته وغروره.
طلع الدور الرابع بسرعة.. قلبه مولع من مرام. دخل على السكرتيرة سالي .
سالي بابتسامة كلها دلع..
سليم.
قربت منه وهي بتمسح على وشه بمياعة.
سليم زعق وزقها بعيد..
إبعدي! إنتي مجنونة. واسمي سليم بيه... فاهمة.!
دخل
