رواية يارا وعمر وماهر كاملة جميع الفصول بقلم رهف

انا ماقولتلكوش اصل انا شكلي كدا وقعت.. يمكن هو كمان واقع ماهو احنا الاتنين بنمارس التقل علي بعض فا منعرفش مين اللي واقع اكتر
لقيته.. تعالي يا يارا لقيتلك فستان تحفة
بصيت لمريم وانا متحمسة ورحت ناحيته بسرعة
وريني يا ماهر.. شكله عامل ازاي
يا سلام! دا انتي هتطيري من الفرح أول ما تشوفيه.
ماهر رفع الفستان كان لونه سماوي سادة فاتح قماشته ناعمة وهادي ورقيق جدا
يااااهدا انت طلعت ذوقك حلو قوي
مريم قربت مني وهي بتضحك
الله يا يارا اللون دا عليكي هيبقى زي العسل هتبقي احلي من العروسه اللي هي انا يعني 
مش قولتلك يا ماهر ان اختياراتك تمام.. دا بجد لايق عليها أوي.
ما اكيد اختياراتي تمام وتحفة وقمر هو انا مش سبق واختارتك
معتز خلص المكالمة ورجع بسرعة لقانا كلنا مبسوطين وبنضحك
ايه اللي حصل اخترنا ولا لسه
اخترنا يا معتز.. فستان يجنن.
طب يلا يا يارا مستنيه ايه جربيه ونشوفه عليكي
دخلت جوا البروفة وقلبي كان بيرقص من الفرحة جربته وخرجت ولما شافوني الكل وقف ساكت ثواني وبعدين ضحكوا وقالوا في صوت واحد توووووحفة
مريم
ياراااا قمر ماشاء الله! دا انا لو منك ماقلعهوش تاني.
مسكته ولفيت بيه وانا مبسوطه بيه كان فعلا حلو وشكله يجنن عليا
ههههه لأ طبعا هقلعه علشان مايتبهدلش.. بس بجد شكله جميل عليا ياجماعة يعني قمر وكدا
مرات خالو 
والله العظيم قمر والفستان لونه تحفة ياحبيبتي
ماهر
انتي اللي محلياه اصلا .... طيب تمام كدا خلصنا فساتين البنات.. فاضل بقي الرجالة تظبط نفسها وتجيب البدل.
معتز
ايوة يا سيدي.. دا زين جاي معانا وهننزل على طول.
أول ما سمعت اسم زين قلبي دق جامد وحسيت ان انا العروسه.. حاولت أخبي ارتباكي وضحكت
كويس جدا علشان تخلصوا بسرعة.. احنا وراكوا.
معتز همسلي
زين جاي يا يارا
بصيتله بغيظ واديتله كوع في دراعه بخفة وغمزتله وقولت
خليك في نفسك
لحظات كانت كلها فرح وجو عائلي جميل وكل واحد فينا حاسس ان الأيام الجاية هتكون بداية جديدة لفرحة كبيرة وخير كتير جاي بإذن الله
بعد شوية الباب اتفتح ودخل زين لابس قميص كحلي وبنطلون جينز شكله مرتب وشيك على غير العادة.. أول ما عيني وقعت عليه حسيت بدقة غريبة في قلبي بس بسرعة عملت نفسي مش فارق معايا واني مشفتوش
معتز
أهو وصل اتأخرت ليه يا زين
ياعم والله الزحمة برة موت.. بس وصلت اهو.
بص عليا وهو داخل وابتسملي وأنا عملت نفسي مش شايفاه وبدأت أعدل في فستاني .
ماهر
ها يا زين عامل ايه يابطل 
الحمدلله بخير ياماهر
اهو دا اللي انتو متعرفوهوش ماهر وزين بقو صحاب جدا الامور مابينهم صافية وزي الفل.. ودا طبعا لصالحي انا 
معتز
طيب ما تورينا بقى يا أستاذ زين هتختار أنهي بدلة ولا هتفضل واقف تتفرج بس
لا أنا جيت مخصوص عشان تختارولي وانا هساعدكم تختاروا لماهر.
معتز
طيب فلل زوق ماهر توحفة كدا كدا وكمان معانا يارا ومريم 
نزلنا ومشينا سوا ناحية قسم البدل وأنا كل شوية ألاقي عيني غصب عني بتدور على زين.. وهو كل ما يلمحني أبصله يبتسم وكأنه فاهم كل حاجة بس برضو بيتقل
_
عند قسم البدل
ماهر كان ماسك بدلة سودة وبيسألنا
ايه رأيكوا في دي
مريم
تحفة يا ماهر بس يمكن الكحلي تبقى أرق وتليق اكتر علي الفستان
زين
صح.. السودة كلاسيك بس الكحلي ليها لمعة خاصة ممكن تبقي احلي
ماهر قلب في البدل لحد ما لقى واحدة كحلي غامق وقرب يجربها.. أنا كنت واقفة مع مريم وفجأة سمعت صوت زين ورايا
هو الفستان اللي اخترتيه دا.. سماوي مش كدا
بصيتله بسرعة لقيت عينيه مثبتة عليا وبيبتسم
اه.. سماوي
لايق عليكي قوي
حسيت قلبي بيرقص من جوه بس عملت نفسي عادية وابتسمت
انت شكلك بقي ناوي تعاكس زي ماهر كدا ولا ايه
لا يا هانم أنا بقول الحقيقة بس.. هو أنا لو قلت إنك قمر تبقي معاكسة
اتلخبطت ومردتش فابتسم أكتر وقال
سكوتك علامة رضا.
مريم كانت واخدة بالها من الحوار قربت وقالت بهزار
ايوة يا زين سيبها في حالها
رد عليها وكإنه فرد من العيلة 
مريوومة كفاية عليكي خطيبك بقي
ضحكنا كلنا وبعد لحظات ماهر خرج لابس البدلة الكحلي وكان شكله فعلا عريس بمعنى الكلمة
معتز
يا جماعة خلاص.. العيلة كلها قمر والعرسان زي القمر بجد ايه الحلاوة دي
زين
والسناجل قاعدين يتفرجوا.. يا سلام!
بصيتله وابتسمت وهو رد بابتسامة أوسع 
شكل كدا اني موقعتش لوحدي وان في حد كدا واقع من بدري
مرات خالي
عقبالك يامعتز ياحبيبي وعقبالك يازين 
زين بصلي ورد عليها وهو لسة باصصلي
والله انا جاهز من دلوقتي بس العروسه تقول موافقة
وياتري مين بقي سعيدة الحظ اللي مستنيها توافق 
هي عارفه نفسها
ضحكت وبعدين قربت مني وطبطبت عليا 
وعقبالك ياحبيبتي
شكله قريب يامرات خالي
هي مفهمتش قصدي بس اعتقد كدا هو فهم
ماهر خلاص اختار بدلته ومعتز وزين كمان اختاروا بدلتهم.. بس زين اختار بدلة تليق علي فستاني شكله كدا بيلمح ولا ايه
_________________
يوم الخطوبة
صحيت بدري جدا اليوم دا قلبي كان بيرقص من الفرحة والتوتر البيت كله مليان دوشة مريم بتجري من أوضة للتانية وانا وراها بمسكها عشان تهدى.
مريوومة ارحمي نفسك شوية ايه فرط الحركة دا
مش قادرة يا يارا.. مش مصدقة ان النهارده خطوبتي
ضحكت وبصيتلها وأنا حاسة بالدموع في عيني من كتر ما فرحانة ليها. دخلت علينا مرات خالو
مرات خالو
يلا يا بنات على الكوافير.. مفيش وقت.
لبسنا ومشينا بسرعة وانا في دماغي حاجة واحدة.. هقابل زين هناك ولا لأ
__________________
في الكوافير
المكان كله مليان عرايس وبنات بتضحك وبتهزر قعدت أنا ومريم قصاد بعض
البنت اللي بتعمل الميكب
العروسة الأول ولا الأخت
العروسة طبعا.
مريم مسكت إيدي وضغطت عليها وهي بتقول
انتي ورايا على طول.. عايزة أشوفك قمر النهاردة.
البنت خلصت شعر مريم وعملتلها ميكاب نود ناعم ولبست الطرحة أنا كنت ببصلها ومش مصدقة قد إيه بقت أميرة كدا وشكلها زي القمر
ياااه يا مريم.. إيه القمر دا شكلك توحفة
انتي اللي هتطلعي قمر النهاردة يا يارا استني لما يزين يشوفك بس
اتخضيت وبصتلها بغيظ و عملت نفسي مش مركزة
جه دوري.. البنت عملتلي ميكاب هادي بس عيني كانت باينة فيه بطريقة مختلفة وكان شكله واو يعني
خلصنا لبسنا الفساتين.. مريم في الأوف وايت اللي وأنا في السماوي
باسبرا الكوافيرباس
ماهر واقف قدام عربية الزفة عريس قمر لابس بدلته الكحلي واول ما شاف مريم طالعة عينه منزلتش من عليها 
ماهر
تعالي يا قمر.. والله منورة الدنيا كلها ايه الحلاوة دي يا اخواتي
مريم اتكسفت وضحكت وأنا بصيت ورايا لقيت.. زين لابس بدلته اللي اختارها مخصوص لونها رمادي غامق ولايقة جدا مع فستاني. أول ما شافني وقف مكانه ثواني كأنه اتسمر وبعدين ابتسم ابتسامة صغيرة
إيه يا زين شكلي غريب ولا إيه
غريب! دا انا اول مرة اشوف حد بالجمال دا شكلك قمر
قلبى دق جامد ضحكت بخجل ومشيت ناحيت ماهر وأنا ماسكة فستاني
معتز
قولتلكوا إيه الليلة دي هتبقى زي العسل.. العروسة منورة والعيلة كلها قمر.
ماهر ومريم ركبوا عربية الزفة وانا ركبت معاهم من قدام ومعتز وزين ركبوا عربياتهم 
________________
في القاعة
وصلنا القاعة والأنوار منورة الضيوف مليين المكان والأغاني شغالة واول ما العريس نزل الجو ولع زغاريط والشباب كلها اتلمت علي ماهر والبنات صحاب مريم جريوا شدوها وانا كنت واقفة بسقف وطبعا باقي العيلة كانو جوا القاعة منة وريم وسما وملك وخالي ومراته وخالتي وجدو 
بعد ما العرسان دخلوا القاعة انا دخلت وسلمت علي العيلة كلها وكله عجبه الفستان ومدحوا فيه وفيا بس انا روحت قعدت على ترابيزة قريبة من العرسان ومكانش عليها حد غيري ... البنات حواليا كانو وقفين بيتمايلو مع الاغاني وماهر مع عروسته في الكوشة
معتز ومصطفي وزين كانو واقفين مع الشباب ورا وانا عيني كانت علي ماهر ومريم مسكت تليفوني وصورتهم وانا بدمع
شكلهم قمر صح
كان صوت جاي من ورايا اتخضيت ولما لفيت لقيته زين
اتخضيتي كدا ليه شوفتي بوبع
ماهو ماحدش يقف ورا حد كدا ويكلمه
مردتيش شكلهم حلو قوي صح
جدا.. مش مصدقه اني وأخيرا شوفته عريس 
وكمان مع البنت اللي يستحقها مبسوطالهم قوي
عقبالك.. اكيد هو كمان عايز يفرح بيكي
لقيته قعد في الكرسي اللي في وشي وبصيتله وانا مكسوفة ومش عارفه هو جاب الجرأة دي منين
وعقبالك
اه والله الواحد بيشوف الحاجات القمر دي نفسه بتتفتح على الجواز
طيب ماتتجوز.. ايه اللي مانعك
انتي.. احمم قصدي يعني ان يعني 
بقولك ايه تتجوزيني!!
برقت واتصدمت من صراحته وحسيت اني وشي احمر واتسمرت مكاني وشبه اتخرست 
ايه يا يارا.. انتي اتجبستي ولا ايه 
كان بيهوش بايديه قدام عنيا وانا ببصله ومصدومة 
هو ازاي جبهالي فجأة كدا هو انا فرحت بس مش كدا انا قلبي كان هيقف
انا من يوم ماشيلتك بين ايدي ساعت الحادثة 
وانا دايب فيكي وفي ملامحك.. ساعات بحمد ربنا 
انه حطك قدامي يومها 
دا عبيط دا ولا ايه ايه اللي بيقولوا دا
كنت بتحمد ربنا انك دوستني بالعربية! وبعدين هو انت شيلتني
ما انا اللي وديتك المستشفى طبيعي اشيلك من الارض... مش بحمد ربنا انك اتأذيتي مش كدا 
اقصد الصدفة اللي جمعتنا وقتها هو انتي بتأمني بالصدف
طيب بس بقي مش عايزة افتكر اللحظات 
دي....جمعتنا طيب افترض كنت مت كنت هتعمل ايه بقي 
مافيش حاجه اسمها صدف اصلا.. مافيش حاجه بتحصل في حياتنا صدفه
حاضر... بعيد الشر دا انا ماكنتش هسامح نفسي ابدا غير اني كنت هتحرم من النظرة لعنيكي الحلوة دي.... بس يعني ايه مافيش حاجه اسمها صدف
اتجاهلت كلامه الاولاني ورديت بتركيز علي كلامه الاخير
كل حاجه بتحصل معانا بتبقي مقدرة ومكتوبة بس احنا بنسميها صدفة مع ان كل حاجه بتحصل بيبقي فيها حكمة من ربنا 
يعني مثلا الحادثه دي حصلت علشان انا وانت نقعد القعدة دي دلوقتي 
يعني ربنا كاتبلنا اننا نتجمع ونكون مع بعض
حيلك حيلك.. ايه نكون مع بعض دي
انا بحبك
وها قد نطقها.. واخيرا سمعتها منه بس طبعا اختكم مش هتدلق بسرعة كدا لازم أتقل وادوخه شويه
بتقول ايه
بصي انا عارف ان ماينفعش اقولها خبط لزق كدا وخصوصا اني عارفك من شهر وكام يوم يعني مش كتيرر بس انا انغرمت فيكي ومش قادر اسكت اكتر من كدا 
بس انا
قطع كلامي بسرعة
لا انتي هتوافقي كدا كدا الخطوبة دي تخلص بس 
وبعديها علي طول هتلبسي دبلتي اه انا مش جاى العب
وقف وخبط علي الترابيزه وهو مقرب مني
انا انسان جدي ياهانم ومش هسيبك لحد تاني انا ماصدقت لقيتك
دا مجنون دا ولا ايه سابني ومشي وانا كنت فاتحة بوقي من الصدمة هو اه انا مبسوطه بصراحه شاب مافيش منه جدع ورجوله بس كان يديني فرصه اتكلم
ملك 
زين كان قاعد معاكي بيقولك ايه
بيحبني!
طيب والله كنت حاسه دا انا من اول يوم شوفته فيه وانا شايفة في عنيه نظرة اعجاب ليكي وانتي قولتيله ايه
عيني اصلا كانت علي زين وهو ماشي وكنت شبه مغيبة وعقلي مش فيا سيبت ملك قاعدة ومشيت ناحية مريم في الكوشة ولقيتني بقولها اللي حصل
مريم دا قالي بحبك وعايز يتجوزني
مريم مكانتش سامعة من الدوشة اخدتني علي جنب وبعدين كلمتني بصوت عالي
بتقولي ايه يا يارا مش سامعة
رديت عليها بصوت عالي وانا خلاص مش قادره امسك نفسي من الفرحة
بقولك زين عايز يتجوزني
مريم برقت وبعدين صوتت وفضلت تتنطط في مكانها وهي بتقولي
واااو مش مصدقه واخيرا اعترف
كنت ماسكة ايديها ومبسوطة وعيني بتدور عليه وانا مع مريم لمحته واقف جنب معتز وواخد باله وبيبتسم شكله عرف اني قولت لمريم وكمان باين قوي من وشي اني مبسوطه واني هوافق
متقوليش لحد يامريم انتي وملك بس اللي عارفين
دي ليلة عسل قوي 
مريم كانت بترقص وفرحانة وانا قلبي اللي كان بيرقص جوايا من الفرحة
بقولك ايه روحي نادي اخويا معتز
حاضر بس هو راح فين كان واقف هناك من شوية
سيبت مريم ومشيت ادور علي معتز
منة ماشوفتيش معتز اخوكي
اه كان واقف مع زين هنا وشكلهم خرجوا برا
طلعت برا القاعه ادور عليهم كانت الدنيا زحمه وناس في كل مكان بس شوفتهم واقفين علي باب القاعة من برا وشكلهم بيتكلموا مع حد قربت منهم وناديت علي معتز ولما لف اتصدمت
انت!!!
...... يتبع
منة ماشوفتيش معتز اخوكي
اه كان واقف مع زين هنا وشكلهم خرجوا برا
طلعت برا القاعه ادور عليهم كانت الدنيا زحمه وناس في كل مكان بس شوفتهم واقفين علي باب القاعة من برا وشكلهم بيتكلموا مع حد قربت منهم وناديت علي معتز ولما لف اتصدمت
انت!!!
زين
انتو تعرفو بعض!
اتسمرت مكاني وحسيت اني بحلم مش مصدقة اللي انا شيفاه
معتز
ايوة يا ابني عمر ابن عم يارا اللي عايشين في القاهرة كان مسافر وأخد أجازة علشان يحضر الخطوبة
عمر كانت عينه عليا وعلي وشه ابتسامه مستفزة وخبيثة
مد ايده علشان يسلم عليا بكل برود
ازيك يا يارا... ليكي وحشه والله
بصيت عليه وبعدين علي ايده وبعدين بصيت لمعتز وهو بيبتسم وزين كان مستغرب ومش فاهم وعمر لسة مبتسم نفس الابتسامة المستفزة
انت هنا ازاي!... هو انت مش المفروض سافرت
لم ايده تانى وحطها في جيبه واتكلم بكل كبرياء
ماهر طلع اصيل وبيفهم في الاصول.. عزم اهلي وكلمني عزمني قولت ازاي محضرش خطوبة ابن عمي دا انا ابقي ندل زي ناس كدا
ربعت ايدي وبصيتله بحدة وبكل ثقة اتكلمت
مابلاش انت اللي تتكلم عن الاصول يا ابن عمي
اصل انت والاصول زي السما والارض بعاد قوي عن بعض
هز راسه وهو بيضحك وبيبص على زين
اتغيرتي قوي يا يارا.. اتغيرتي واحلويتي لدرجة اني معرفتكيش لاول كام لحظة.. انا اللي كنت المح طيفك اعرفك
ابتسمت وانا ببص للأرض وبعدين بصيتله
البركة فيك ياعمر.. لولاك ماكنتش يارا اللي قدامك دي هتبقي موجوده متشكرة قوي
زين بصلي وحسيت انه هيثور من الغيرة ولكنه مش فاهم ايه اللي بيحصل
زين
هو انتو بتتكلمو كدا ليه كأنكم أعداء
معتز
هو ماهر مقلكيش انه جاي.. وبعدين مفرحتيش ليه دا راجع من سفر يابنتي
بصيت لزين ومعتز وانا مش عارفه اشرحلهم حاجه بس ابتسمت واتظاهرت باللامبالاة
لا مش بنتخانق يازين عادي هي دي طريقة الكلام بينا
سكت وبصيت لمعتز
ماهر مقليش حاجه لو كان قالي 
مكانش كل دا هيحصل
عمر بصلهم وبعدين قرب مني وفجأة مسك ايدي
انا ويارا بنحب بعض من زمان بس يارا بتحب تهزر معايا دايما بالطريقة دي دا حتى ماهر موافق
زين بصلي وفجأة نظرته اتحولت لحزن وخيبة أمل
طيب أستأذن أنا هدخل جوا
فلتت ايدي من ايد عمر بقوة وضربته بعصبية بالقلم قدام معتز والناس كلها
انت بتقول ايه يامجنون انت فوق لنفسك انا مافيش في قلبي مشاعر ليك غير الكره وبس انت فاهم انا مابحبكش ولا عمري حبيتك وماهر مستحيل يوافق علي حاجه زي كدا
قربت منه وضربته علي صدره جامد بايدي الاتنين
وفضلت اضرب فيه
انت رجعت ليه بعد ما كل حاجه بقت كويسه امشى.. خلي عندك احساس وكرامة وامشي من هنا ياخي.. امشي بقي وسيبني في حالي
معتز كان مصدوم ومش فاهم وكان ساكت ومش بيتكلم وكمان زين اللي فهمني غلط ومشي من قبل مايفهمني وجوايا سؤال خانقني
انا ليه حياتي بعد مابتتعدل بترجع تبوظ تانى.. ليه!
بصيتله بقرف وهو لسة برضو مبتسم وسيبته ومشيت
مشيت من قدامهم ودخلت جوا القاعة عنيا بتدور علي زين وفي نفس الوقت عايزة اعاتب ماهر بس مش عايزة اعكنن عليه فرحته ولما لمحت زين واقف لوحده روحتله
ممكن تطلع برا نتكلم
بصفتي ايه
زين بلاش الطريقه دي ممكن.. اللي انت سمعته مش حقيقي والله
غمض عنيه وبص حواليه وبعدين اخد اتنهد واتكلم بهدوء
ماشي يا يارا اتفضلي اطلعي برا وانا هاجي وراكي
قبل ما اطلع بصيت حواليا أتأكد ان عمر دخل القاعة علشان اطلع ولما لقيته واقف مع معتز جوا طلعت برا القاعة علي طول انتظرت لحظات ولقيت زين طلع ورايا واتكلم
لو بتحبيه عادي علي فكره دي حياتك.. هو موجود فيها من زمان انا اللي غريب وانا اللي دخلتها فجأة.. انا اللي دخلت وسطكم
عنيا دمعت وماكنتش عارفه اشرح ايه ولا ايه وخصوصا اننا مش في مكان مناسب علشان اعرف اتكلم فيه
أولا أنا مش بحبه يازين... ثانيا هو عمره ما كان في حياتي.. ثالثا انت مش غريب.. اذا كان في حد غريب فا هو عمر هو عمل كدا علشان يستفزني وعلشان شافك جنبي مش مهم هو قال ايه المهم انا بقول ايه ممكن تصدقني
وبالنسبة ان ماهر موافق انكم تكونو لبعض!
مستحيل ماهر يعمل كدا من غير مايشورني.. عمر رجع علشان يدمر حياتي مش علشان يحضر خطوبة ماهر بلاش تسمحله يعمل كدا.. انا مصدقت حياتي اتعدلت
وليه عمر يعمل كدا وانتي بنت عمه
لانه أناني وخاين وواطي وعايز يمتلكني.. كسرني زمان ومفكر انه هيقدر يعمل كدا دلوقتي بس انا اتغيرت وبقيت أقوي وانت بقيت موجود
انا مش هسألك ايه اللي حصل في ماضيكي يا يارا لاني ماكنتش موجود فيه و لانها حاجه خاصة بيكي ومش من حقي أعرفها وهثق فيكي وفي كلامك بس عايز اعرف وأتأكد من حاجه واحده دلوقتي
بتحبيه بجد ولا لا
مسحت دموعي واتكلمت بكل ثقة
قولتلك لا مش بحبه والله ولا يهمني في اي حاجه انا مسحت عمر من حياتي من زمان
قرب مني واتكلم بهمس
طيب تعالي ورايا.. وثقي فيا
معرفش هو ناوي علي ايه بس مشيت وراه وانا متطمنة ولاني عارفه انه قد ثقتي فيه وعارفة ان اي حاجه هيعملها هتكون علشان يسعدني
دخلنا القاعة وكنت ماشية وراه بس فجأة سمعت صوت بينادي عليا لفيت علشان اشوف مين لقيتها مرات عمي
قربت مني وقالت
ازيك يا يارا وحشتيني ياحبيبتي.. بقي كل المدة دي ومتتصليش بيا اخص عليكي
معلش بقي يامرات عمي كان غصب عني والله.. انتي عاملة ايه وعمي عامل ايه وفين آدم
هسامحك علشان انا عارفه انه مش قصدك بس زعلانه علشان احنا اخر ناس تعلم بالخطوبة.. الحمدلله بخير كلنا.. آدم كان واقف هنا من شويه
مش عارفه راح فين والله
كل حاجه جات فجأة والله ملحقناش نقول لحد في وقتها... دايما يارب.. خلاص هبقي اشوفه انا
قبل مرات عمي ما تكمل كلام صوت المايك اشتغل واللى كان ماسكه زين وكان واقف جنب
ماهر 
و فجأة لقيت معتز ومصطفي والبنات جايين ناحيتي وبيخدوني لحد عنده ووقفوني قدامه وقفوا حوالينا.. بصيت لمريم جات ووقفت جنبي وهمستلي
الفرحة هتبقي فرحتين ياقمر
وبعدين زين اتكلم
مساء الخير ...النهارده كلنا بنبارك لصاحبي حبيبي علي الخطوبه وربنا يتمم علي خير يارب 
وحابب أنا كمان أشاركم فرحتي انا بطلب ايد الآنسة يارا للجواز
من أخوها ماهر وجدها وجميع الحضور
قرب مني وكمل كلام
وأتمني عروستنا توافق
الحقيقه ياجماعة انا مش هتكسف أقول الكلام دا قدامكم انا مستعد أقوله قدام العالم كله.. أنا بحب يارا.. بحبها ورايدها في الحلال زوجة ليا
وأوعدك ياماهر اني هشيلها في عينيا الاتنين وأعيشها أميرة لانها تستاهل.. تستاهل الحلو اللي في الدنيا كله.. تستاهل تعيش عيشه مرتاحة وتكون مبسوطه و الحزن ميعرفلهاش طريق واحدة زي يارا مايليقش عليها الحزن الوش الجميل دا
مايليقش عليه غير السعادة وبس
وبصراحه مافيش أنسب من اليوم الجميل دا علشان أقول فيه الكلمتين دول.. والفرحة تكون فرحتين
انا كنت طايرة من الفرحة كنت مبسوطه قوي 
قلبي كان بيرقص من الفرحة ودمعتي علي خدي 
ايدي كانت بترتعش من التوتر الكل كانت عينه عليا وانا عيني كانت عليه
زين يستاهل الفرصة دي يستاهل اني اكون معاه.. شخص بيحبني وعارف قيمتي ومستعد يعمل اي حاجه علشاني يستاهل حبي
عمر كانت عينه بتدق شرار نار الغصب 
عينه كانت متصلطة على زين وبيقز على سنانه 
ونظرته مكانتش بتقول خير أبدا
زين قرب مني كان مخبي بوكيه ورد مش عارفه جابه منين ونزل علي ركبته وفتح علبة فيها خاتم 
وبصلي بكل حب
تقبلي تتجوزيني!
كل النااس اللي في القاعة كانوا بيسفقوا ومريم جات ورايا هي وملك وقالولي وافقي بصيت لماهر
ابتسملي وهز راسه اني اوافق كل البنات حواليا ومعتز ومصطفي كله كان بينطق كلمة واحدة بس
باسوافقي.. وافقي.. وافقيباس
رجعت عيني لزين وحطيت ايدي علي وشي من الكسوف ونطقتها
موافقة
زين وقف من الفرحة واتكلم في المايك
زرغوطة ياجماعة القمر وافق بقربي ليه
القاعة اتملت تسفيق وزغاريط وزين اداني البوكيه
ومديتله ايدي
الخاتم دا يبقي وعدي ليكي.. قولتلك ثقي فيا 
أوعدك من النهارده هتكوني اسعد انسانه في الدنيا يا أجمل حد دخل حياتي
البنات قربو مني يباركولي وكله كان مبسوط وبيبارك ليا ولزين الاغاني اشتغلت وكله مبسوط وبيرقص ماهر قرب مني ونادي علي زين
ووقف جنبنا
مبروك ياقلب اخوكي.. عايزك تحطها في عنيك واوعي تزعلها دي بنتي
ضحكت انا وزين وبعدين زين جنبه واتكلم
يارا في عنيا مش محتاج توصيني انا بحبها بجد 
وأوعدك اني هخافظ عليها وعلي ضحكتها الجميلة دي
كنا مبسوطين قوي كله بيرقص وفرحان بس في حد تاني كان متعصب وهيثور من الغضب
سيبتهم مع بعض وروحت ناحية جدو كان قاعد علي الترابيزه وقعدت جنبه
ايه ياجدو مش هتباركلي ولا ايه
انا لو قادر اقوم كنت رقصتلك من الفرحة يابنتي الله وحده يعلم بفرحتي بماهر وبيكي يابنتي
بس زي ما انتي شايفة رجلي مش مساعداني
مبروك ياحبيبتي وربنا يسعدكم ويفرح قلوبكم يارب.. زين ابن حلال تستاهلوا بعض ربنا يبعد عنكم العين
ودموعي بتنزل من فرحتي قلت
بحبك يا أجمل جد في الدنيا
وأنا قاعدة جنبه لمحت عمر ماشي ناحية ماهر وزين ووشه كله غضب. قلبي وقع في رجلي واستغربت مشيته المسرعة دي
قمت واقفة بسرعة لقيته بيطلع سكينة من بدلته. الصدمة جمدتني في مكاني بس حاولت أتحرك. قبل ما أوصل عمر مد إيده بالسكينة ناحية زين وماهر اندفع ينقذه.. السكينة دخلت في ماهر.
القاعة كلها اتقلبت صويت وعياط. أنا اتسمرت حسيت جسمي اتشل مش قادرة أتحرك. عيني شايفة ماهر مرمي على الأرض سايح في دمه وزين ومعتز بيصرخوا الاسعاف...الاسعاف و بيحاولوا يوقفوا النزيف
مريم واقفة بتصرخ مااااهر.. مااااهر وهي ماسكة فيه
وسما بتجري وهي بتصرخ أخويا لا ماهر حبيبي لا
جدو شاف المنظر مستحملش وقع في الارض
وأنا قلبي بيتقطع لسة واقفة بحاول استوعب اللي انا شايفاه مش قادرة اتحرك ولساني تقل مش عارفه أصرخ أخويا بيموت ماهر أخويا بيموت
الناس كلها صوتها عالي عياط وصريخ وعمر واقف مصدوم إيده فيها السكينة وكلها دم بيقول وهو بيترعش
مكانش قصدي.. مكانش قصدي
وأنا حاسه إني في كابوس اتحركت ببطئ ناحية ماهر كل جزء فيا بيرتعش دموعي نازلة علي خدي
المنظر كان صعب قوي عليا قربت منه حبيبي كان سايح في دمه ومش بينطق
حبيبي مالحقش يفرح ... نزلت جنبه مسكت ايده وانا مستنيه انه يبصلي مستنيه حد يقولي انه مقلب ومش حقيقي مستحيل ماهر يسيبني بالسهولة دي اكيد دا مش حقيقي اكيد دا كابوس مرعب وهفوق منه صوتي طلع مني بوجع وقهر
ماهر حبيبي قوم.. قوم ياحبيبي كفاية هزار بقي انت عارف اني مش بحب الهزار دا.. هزعل منك والله قوم بقي كفاية انت عايز تختبر محبتي يعني
خلاص انت اللي فزت قوم بقي ياحبيبي
ماهر ماتسبنيش ياماهر.. بالله عليك قوم.. يلا احنا لسة مرقصناش سوا قوم يلا نرقص قوم ياماهر يلا ياحبيبي.. بالله متسبنيش لوحدي انا ماليش غيرك ياماهر
زين قرب مني وحاول يهديني ويبعدني ولما سمعت صوت الاسعاف انهارت اكتر
لالالا لاء... سيبوني ماهر هيقوم معايا دلوقتي والله.. ماهر مش هيسيبني لا