رجل الروبابكيه وزوجته أثناء جمع الزجاج والقمامة يعثروا بقلم هويدا زعلول
المحتويات
مش هتكلم تاني في حاجة عن اذنكم
ومشي أمير وفي البيت عند ابراهيم راح لشغله وصباح راحت لها واحده جارتها وقالت لها
نوال
ازيك يا صباح يا حبيبتي عامله ايه يا بنتي ايه مالك شكلك عامل كده ليه هو لسه مافيش أخبار عن ابنك خالص ولا إيه أنتي يابنتي خسيتي وعملتي كده ليه
صباح
اعمل ايه بس الحمد لله على كل حال يا نوال نصيبي وانا رضيت بيه انا هعيش طول عمرى من غير أبني
نوال
متقوليش كده يا حبيبتي أن شاء الله يرجع لك بالسلامه
صباح
يارب بس انا مبقتش عارفه اعيش بسبب حماتي وكلامها دي مش. سيباني في حالي
نوال
ما أنا عارفاها الوليه دي وكلامها يا صباح معلش يابنتي ربنا يصبرك علي اللي انتي فيه
وفي الوقت ده دخل ابراهيم وقال لصباح
ابراهيم
ايه يا صباح هو انتي منزلتيش لامي ليه انتي مش عارفه هي كلامها عامل إزاي مش بتسكت ولما رجعت دلوقتي وفضلت تشتكي لي
نوال
أهدي يا ابراهيم هي يعني عملت إيه وبعدين دي كفايه اللي فيه ماهي لو مكانتش نفسها تعبانه كانت زمانها دلوقتي وعملت كل حاجه
صباح
شوفتي يا نوال كلامه عامل ازاي هو مابيصدق يسمع كلام أمه ويجي عليا انا والله حرام عليك اللي انتو بتعملوه فيا ده
نوال
معلش يا صباح اكيد هو كمان غصب عنه ماهو من الضغط عليه من أمه ربنا يكون في عونه هو كمان
صباح
لا بس ما يتكلمش معايا بالطريقة دي هو بيسمع من أمه ويجي عليا انا انا مبقتش قادرة استحمل
نوال
معلش يا صباح وانت ياسي ابراهيم استهدي بالله ياخويا انتو ملكش الا بعض بس انا عايزه أقولك حاجه انت برضو متسمعش لامك انت عارفاها برضوا
ابراهيم
بس
صباح
انا تعبانه يا ابراهيم ونفسيتي زي الزفت يعني عايزني اعملك إيه بس حرام عليك
ابراهيم
خلاص يا صباح انا مش هتكلم بس انا مش عايزك تقصرى مع امي أنتي عارفاها مش بتبطل كلام علي الفاضي والمليان
صباح
خلاص يا ابراهيم سبني دلوقتي الله يخليك
نوال
معلش ياسيد يا ابراهيم هي غصب عنها انا همسي انا واسيلك مع بعض ربنا يصلح حالكم يارب
ومشيت نوال وصباح قالت لابراهيم
صباح
بقولك إيه يا ابراهيم انا عايزة انزل اشتغل معاك الله يخليك تأخدني معاك انا مش عايزة افضل في البيت لوحدي
ابراهيم
ازاي الكلام ده يا بس يا صباح انتي عايزاني انزلك معايا تلمي الخردة لا طبعا أنا استحاله اخليكي تنزلي
صباح
وليه بقا يا ابراهيم هو انا مش من حقي اني اشتغل انا برضو انا مش عايزة أقعد هنا مع امك في بيت واحد
ابراهيم
بقولك ايه انا هاشوف الدنيا فيها ولو ينفع اخدك انا هاخدك معايا الشغل
صباح
اه يعني انت عايز الاول تقول لامك وتاخد رأيها مش كده برضو
ابراهيم
استغفر الله العظيم هو ايه اللي دخل أمي دلوقتي في الموضوع ده
صباح
خلاص يبقا تأخدني معاك في الشغل اعمل زي اللي انت بتعمله ومتقلقش انا هعمل زيك بالظبط
وفي الفيلا عند أمير إيمان قالت له
إيمان
هو في إيه يا أمير هو انت ليل ونهار سايبني لوحدي انا بقيت بزهق انت ابنك حتى مش بتشوفو ولا بتشيله ولا بتعمل معاه زي الأمهات ما بتعمل مع عيالها
أمير
اعمل ايه يعني يا إيمان ما انا طول النهار في الشركة وشغال يعني انتي عايزاني
إيمان
لا انا مقولتش كده أبدا انا عايزاك تبقا معايا في تربية الولد مش ابقي لوحدي كده ده إبنك برضو
أمير
ماشي يا إيمان لما ابقي فاضي لابنك هبقا أقعد معاه في البيت حاضر ممكن بقا اغير هدومي وانام شويه انا راجع تعبان ومحتاج انام
إيمان
هو ده اللي انا باخده منك يا أمير انت دائما تعمل فيا كده اتفضل يا أمير أدخل اوضتك واعمل اللي انت عايزه
وبعدها عدت الايام والسنين وجه في منصور قال لامير
منصور
انا لقيت لإخوانك عرايس تلاته زي ما أنا كنت عايز يا أمير انا هتروح أخطب لاخواتك
أمير
خلاص يا بابا اللي تشوفوا اعمله المهم انهم يكونوا موافقين علي العرايس دي
منصور
والله انا اتكلمت معاهم وانت كمان عايزك كده تقعد وتتكلم معاهم وتشوف هما رأيهم ايه بالظبط
أمير
طيب افرض وأحد فيهم معترض علي اي واحده من اللي حضرتك هتخترها له
منصور
ويرفضو ايه بس ده انا منقية لهم تلات بنات يحلوا من علي حبل المشنقة لا وكمان ولاد ناس هاي جدا
أمير
علي العموم يو بابا ربنا يوفقهم أن شاء الله يوافقوا علي عليهم من غير ما حد يقول حاجه خالص
وفعلا بعدها أمير قعد مع اخواته التلاته وقتلهم وواحد فيهم اسمه احمد قال
أحمد
الصراحه يا أمير انا مكنتش عايز اتجوز بالطريقه دي انا كنت عايز انا اللي انقي مراتي بنفسي لاني بحب بنت و عايزها
أمير
بس يا أحمد بابا عارف مصلحتك كويس اوي عنك كمان انا عارف أبوك هو اللي جايب الناس
احمد
انا عارف بس انا من حقي اني اشوف عروستي واختيارها بنفسي برضو أسمع يا أمير انا ان كان عليا انا
أمير
طيب والباقين رأيهم إيه بقا أن شاء الله
امجد
انا عن نفسي اللي بابا يقول عليه انا هنفذه عشان انا بسمع كلام ابويا في كل حاجه وعمرى ما اكسر له كلمه أبدا
أمير
طيب انا هاقول لبابا علي رأيكم في الجواز وهبقا ارد عليكم
إيهاب
خلاص يا أمير اتكلم مع بابا وأحنا هنعمل اللي هو بيقول عليه عن نفسي انا عايز اتجوز أصلا بس اي واحده والسلام
أمير
انا رايح الشركه وهناك هتكلم مع بابا ونحدد ميعاد الفرح وكل اللي هيتعمل يلا انا ماشي
ومشي أمير وراح الشركه مع أبوه في كل التفاصيل واتفقوا معاه انهم يتجوزوا وفعلا حصل واتجوزوا وإيمان قالت لأمير
إيمان
هما اخواتك بقا هيعيشوا في البيت هنا معانا كلنا هنبقا هنا في بيت واحد
أمير
اكيد طبعا هنبقا كلنا في بيت واحد انتي عايزة إيه يعني مش فاهم انا هما مضايقينك أنهم يبقوا معانا في البيت ولا انتي ايه اللي مزعلك بقا
إيمان
انا مش مضايقه يا أمير انا بس بقول أن كل اللي بقوله يعني أن كل واحد فيهم يقدر يجيب لنفسه فيلا مش شقه كمان قاعدين معانا ليه في الفيلا هنا
أمير
انتي ايه اللي بتقوليه ده يا إيمان انتي مالك اصلا بالحكايه دي ده بيت أبويا وبيقعد فيه اللي هو عايزة انتي متتدخليش في حاجة
إيمان
هو ايه اللي مدخلش يا أمير هو ده مش بيتنا وبيت ابننا ولا انت عايز اخواتك هما اللي ياخدوا كل حاجه ويخلوني امشي انا وابني من هنا
أمير
محدش فيهم هيعمل كده يا إيمان ولا اي حد يقدر يعمل كده انتي بس اللي في اوهام في دماغك
إيمان
انا غلطانه اني بتكلم معاك يا أمير والحق عليا اني خايفه علي مصلحتنا كلنا خلاص خليهم لحد لما يرمونا بره البيت ده
أمير
خلاص يبقا متتكلميش خالص في الموضوع ده تاني عن اذنك بقا انا ماشي عندي ميتنج مهم
ومشي أمير وهي فضلت تتكلم مع نفسها وعند ابراهيم وصباح راحت معاه وقال لها
ابراهيم
مساء الله يا بوحه أنتي
متابعة القراءة
