رجل الروبابكيه وزوجته أثناء جمع الزجاج والقمامة يعثروا بقلم هويدا زعلول
وشك حلو عليا أوي انا مبسوط جدا النهارده يا حبيبتي
صباح
شوفت بقا عشان لما تمشي معايا تلاقي الرزق كتير انا بقا بعد كده مش هسيبك يا ابراهيم انا من هنا ورايح رجلي علي رجلك
ابراهيم
ان شاء يا بنت الاصول الغاليه انتي متعرفيش يا صباح انا كنت النهارده متفائل بيكي اني هلاقي رزق كتير
صباح
طيب انا ليا كان بقا يا حبيبي عشان ايه انا عايزة نصيبي من الشعلانه
ابراهيم
هههههههه بس كده يا حبيبتي ده انا من عنيا الاتنين كل حاجه ليكي اصلا كل اللي طلع النهارده انا هديهولك لكي عشان انا فلوسي هي فلوسك
صباح
ربنا يخليك ليا ياحبيبي منحرمش منك أبدا
ودخلوا الاتنين البيت وهما عمالين يضحكوا مع بعض وأمه قالت له
الحما
يا حلاوة أنتو الاتنين جايين مبسوطين أوي كده ليه يا عين امك خلاص خدت الست هانم الشغل ولمت معاك الشغل طبعا اكيد النهارده معملتش بربع جنيه ما أنا عارفها وشها فقر عليك
ابراهيم
بالعكس بقا ياما النهارده انا الشغل كان معايا احسن من كل يوم الرزق النهارده كان زايد أوي وكل يوم هاخد صباح عشان هي وش السعد عليا
صباح
انا طالعه فوق يا ابراهيم علي شقتي ابقي خلص وتعالي ورايا أنا أصلي تعبانه ومش قادرة أقعد خالص
ابراهيم
طيب روحي انتي يا حبيبتي وانا جاي ورايا
وطلعت صباح وأمه قالت له
الام
بقا كده يا ابراهيم بقا انت بتبقي مراتك عليا أنا امك بقا دي اخرتها اسمع يا ابراهيم انا مراتك دي انا مش عايزة أشوفها هنا ابدا
ابراهيم
انا مش عارف ياما انتي ليه شايله صباح فوق رأسك كده هي كانت عملت إيه لده كله دي حتي غلبانه والله انا لو لقيت الدنيا مش هلاقي زيها
الام
يا واد دي فقر دي ده انت واحد غيرك كان زمانه معاه عيل واتنين وتلاته مش عارفة انت ليه ماسك فيها كده
ابراهيم
انا مش هتجوز عليها ولا هتخلي عنها ياما اعملي اللي تعمليه بقا انا مش هسمع كلامك في أي حاجه تخص مراتي ياريت بقا تطلعيها من دماغك
الام
اعمل اللي تعمله انا مش عارفه هي سحرة لك ولا إيه بس اقطع دراعي أن البت دي عملالك عمل انا متاكده من كده
وعدت الايام وفي يوم إيمان ندهت علي سعديه وقالت لها
إيمان
انا هتجنن يا سعديه مش عارفة اعمل إيه في اللي بيحصل ده انا تعبت من وجودهم وأمير ولا في دماغه حاجه انا حاسه اني هطلع من المولد بلا حمص
سعديه
اومال دلوقتي ايه اللي هيحصل يا ست هانم لما يخلفو ده كل واحده فيهم حامل ومشاء الله عليهم هما التلاته مع بعض
إيمان
اااه
سعديه
خلاص يا ست هانم أنتي ترضي باللي بيحصل هنا انا هتعملي لهم ايه يعني البيه الكبير راضي بيهم وعايزهم حواليه
إيمان
انا كل خوفي لحسن كل واحد فيهم يخلي أبوهم يكتب لهم حاجه في البيت وانا ماخدش اي حاجه انا وابني
سعديه
بس منصور بيه عمره ما يعمل كده يا بت هانم متحطيش في دماغك الكلام ده خالص انتي لو فكرتي في كل ده هتتعبي جدا
إيمان
انا لازم اتصرف يا سعديه انا مش هسكت كده لا يمكن أبدا افضل كده انا مش حابه وجودهم في البيت
وبعدها عدت الأيام وعند ابراهيم قال لصباح
ابراهيم
بقولك ايه يا صباح انا عايزك تفضلي في البيت بقا النهارده أنتي شكلك تعبانه اوي ياحبيبتي انا خايف عليكي والجو حر كمان
صباح
لا لا انسي الحكايه دي انا جايه معاك يعني جايه هو انت عايزني اسيب لك اليومية بتاعت النهارده وماخدش حاجه
ابراهيم
ياستي انا هديكي كل اللي انتي عايزاه كل الفلوس اللي هجبيها تحت امرك يا حبيبتي بس خليكي انتي النهارده تعبانه ومش حمل اللف معايا طول النهار
صباح
لا لا برضو انا جايه يعني جايه معاك وبعدين يا ابراهيم انت هتلاقي واحده وشها حلو عليك زي كده يا حبيبي يلا بقا ومتقوليش لا
ومشي ابراهيم وصباح نزلوا راحوا يشوفوا شغلهم مع بعض هما الاتنين ونزل ابراهيم وفضل يدور في الحاجة وسمع صوت اطفال بتسرخ وقال
ابراهيم
انتي سامعه اللي انا سامعه يا صباح انا سامع صوت عيال بتعيط
صباح
ايه ده ايوه يا فعلا يا ابراهيم انا سامعه الصوت هو جاي منين الصوت ده بالظبط
ابراهيم
انا مش عارف بس الصوت طالع من الصندوق اللي هناك ده اكيد العيال في الصندوق ده تعالي نشوف في إيه
وفتحوا الصندوق وصباح قالت
صباح
بسم الله الرحمن الرحيم ايه ده الحق يا ابراهيم ده تلات عيال بسم الله ماشاء الله عليهم ايه ده دول شكلهم مولودين
ابراهيم
وريني كده ده فعلا تلات عيال ولسه مولودة شكلهم فعلا حلو اوي مشاء الله
صباح
ابراهيم تفتكر أن ربنا عوضنا ولا إيه يا حبيبي
ابراهيم
انتي بتقولي ايه يا صباح انتي قصدك يعني أننا ناخدهم لا طبعا احنا هنطلع علي القسم نعمل بلاغ دي مسؤلية طبعا مش هيفضلوا
صباح
اسمعني بس يا ابراهيم عشان خاطري خليهم انا نفسي احس اني ام الله يخليك
ابراهيم
انا قولت لا يا صباح يعني لا انا لا يمكن البس نفسي
صباح
اسمعني بس عشان خاطري يا ابراهيم اسمعني لآخر مرة احنا نروح بيهم البيت وهناك بقا هنشوف احنا هنعمل إيه
ابراهيم
وبعدين معاكي يا صباح إحنا مش حمل مسؤلية انا قولت لك الكلام ده يابنتي اسمعي كويس انا عايز اقولك إيه
صباح
اسمعني انت عشان خاطر العيال دي رزق وجالنا يلا بس نرجع البيت وهناك نشوف يلا بقا
ورجعوا البيت وأمه لما شافتهم قالت له
الام
ايه ده يا ابراهيم مين دول انت جايب العيال دي منين رد عليا
صباح
احنا لاقيناهم يا حماتي وقررنا نربيهم معانا هنا في البيت خلاص
الحما
نعم ياختي يعني ايه الكلام ده بقا أن شاء الله انت اتجننتي يا ابراهيم هي البت دي كلت عقلك خالص ولا إيه انت عايز تربي عيال حرام
صباح
حرام ايه بس حرام عليكي انتي بقا ازاي تقولي كده انتي عرفتي منين انهم ولاد حرام بس والكلام الفارغ ده
الحما
اومال انتي عايزة يعني لما تلاقي عيال في الشارع يبقوا دول عيال مين ده مؤكد اللي خلفهم جابتهم من حرام ورمتهم في الزباله اكيد
صباح
لا متقوليش كده يا حماتي حرام متظلميش حد العيال دي شكلهم مش ولاد حرام ولا حاجه العيال دي شكلها مخطوفه
ابراهيم
وانتي إيه عرفك يا صباح مش يمكن كلام امي صح انا كده فهمت ليه العيال دي اترمت في الزباله بالمنظر ده
صباح
ابراهيم الله يخليك متسمعش كلام امك العيال دي خلاص انا هربيهم معايا وهخليهم واللي مش عجبه يبقا يعمل اللي هو عايزة
ابراهيم
استني يا صباح ده في حاجة في في أيديهم بصي كده
صباح
ايه ده يا ابراهيم ده فعلا حاجه مكتوب عليها إسم طفل فيهم استني كده لما نشوف الاسم إيه
ابراهيم
ده مكتوب مروان أحمد منصور الدمنهوري اسمعي يا صباح العيال دي شكلهم مخطوف من المستشفى عشان أيديهم عليها اسامي انا هاروح القسم بيهم وهما هناك يعرفوا بقا ولاد مين
الام
طيب
افرض يا ابراهيم انهم اتهموك انك انت اللي خطفتهم هتعمل ايه ساعتها بقا ده ممكن ياخدوك علي القسم
ابراهيم
يتهموني ايه بس ياما وبعدين انا واحد غلبان وعلي اد حالي هخطف عيال اعمل بيهم إيه
صباح
خلاص يبقا رجلي علي رجلك يا ابراهيم انا مش هسيبك تروح لوحدك
وفعلا راحوا القسم وإبراهيم حكي للظابط علي العيال والظابط قاله
الظابط
فعلا احنا جالنا بلاغ أن تلات اطفال اتسرقوا من المستشفى واحنا فعلا بصينا في الكاميرات ملقناش حاجه
ابراهيم
خلاص يا فندم يبقا
الظابط
اسمع يا ابراهيم انت شكلك راجل غلبان وبتجرى علي اكل عيشك احنا نروح الفيلا عند منصور الدمنهوري ونسالهم يلا بينا
وراح ابراهيم والظابط ومعاهم صباح الفيلا ومنصور قالهم
منصور
ياما انت كريم يارب طيب ياحضرت الظابط انتو معرفتوش مين اللي خطفهم
الظابط
إحنا في الحقيقة معرفناش مين اللي خطفهم بس الراجل الطيب ده هو اللي لاقاهم زي ما قولنا لك
منصور
انا مش عارف أشكرك إزاي علي اللي انت عملته ده اتفضل ده شيك بمليون جنيه
ابراهيم
ايه ده يا ساعت الباشا انا مش هينفع أخد حاجه الله يخليك انا مش عايز حاجه
منصور
إزاي يا أبني ده حقك
ابراهيم
أنا معملتش حاجه خالص
الظابط
خدهم يا ابراهيم ده رزق وجالك
ابراهيم
معلش ياباشا انا مش هينفع اخد حاجه انا متعبتش فيها يلا بينا يا صباح
صباح
شايف الولد اللي هناك ده يا ابراهيم شكله حلو أوي انا حبيته
ابراهيم
يلا بينا يا صباح
وراحت صباح علي الولد وباسته والكل كان واقف وإيمان قالت لها بسرعه
إيمان
ابعدي ايدك عن الولد ده ابني انا مش ابنك أنتي
صباح باستغراب
انتي ليه بتقولي كده انا فعلا كان عندي ابن وضاع
أمير
ايه الكلام اللي انتي بتقوليه ده يا إيمان انتي تعرفيها ردى عليا تعرفيها
إيمان انهارت وقالت
ايوه أعرفها وانا اللي اخدت الولد منها في المستشفى وتربيتهم لاني مش بخلف زي ما أردت ولادكم ورميتهم
أمير
انتي بتقولي إيه هو الولد ده مش ابننا ولا ايه اومال انتي كنتي حامل إزاي انطقي
إيمان بتوتر
انا مكنتش حامل ولا أصلا عمرى هحمل خالص لما عرفت اني مش هعرف احمل روحت مستشفى حكومي عشان اجيب طفل سعديه قالت لي علي واحده بتاخد اطفال لسه مولودة بالفلوس
فلاش بااااك
إيمان
انا هدفع لك كل اللي تطلبيه بس انا عايزة بعد سبع شهور طفل ماشي
فايزة
من عنيا الاتنين يا ست هانم أنتي بس قولي هتيجي لي أمتي وانا اعمل حسابي
وبعدها إيمان قالت لأمير
إيمان
انا لازم اروح أقعد عند ماما فترة الحمل يا أمير عشان انا مش هرتاح غير عندها
أمير
يعني انتي هتروحي عند مامتك في دبي يا إيمان خليكي هنا وهنا واحنا هناخد بالنا منك
إيمان
مش هينفع عشان ماما هتاخد بالها مني زي ما قولت لك انا هولد هناك وارجع علطول
وبعدها فعلا حصل وسافرت لأمها وفضلت هناك ورجعت علي مصر وراحت اخدت ابن صباح وشافتها وعرفتها وفايزه قالت لها
فايزة
الست
إيمان
كويس جدا يا فايزة شكرا خودي الفلوس دي كلها
ومشيت إيمان وعملت نفسها رجعت من السفر وبعد اخوات أمير اتجوزو وخلفوا قالت لسعديه
إيمان
اسمعي يا سعديه انا مش عايزة العيال دي تدخل البيت احنا هنروح ونقوم رامين العيال دي عشان ابني بس هو اللي يورث
سعديه
انا أعملك اللي أنتي ياست هانم انا هاروح المستشفى واحد العيال ارميهم قدام الجامع
إيمان
لا ارميهم في الزباله انتي سامعه يلا أمشي روحي بسرعه ونفذي اللي قولت لك عليك
وفعلا عملت
