المتوفيه الاوضة كانت بتولع بيها عشان كانت والسبب كارثة بقلم هويدا زغلول
المتوفيه الاوضة كانت بتولع بيها عشان كانت بتستنجى باللبن والسبب كارثة......
انا ام احمد المغسله طبعا عارفني كويس انا النهارده جايبه لكم حكايه غريبه جدا بس قبل ما بدأ الحكايه في يوم لقيت شابه جايه لي وبتعيط جامد ومش عايزة تبطل عياط وكانت جايه مع هانم اللي بتشتغل مغسله زي وقولت لها
المغسلة
في ايه يا هانم مالها يابنتي منهارة ليه كده لا حول ولا قوة الا بالله
هانم
اصل امها اتوفت يا ام احمد وبتحصلها حاجه غريبه اوي الاوضه بتاعتها بتولع بيها
المغسله
لا اله الا الله طيب تعالي يا هانم ادخلي يا بنتي وهاتيها معاكي جوه يلا اتفضلوا
ودخلت هانم ومعاها البنت جوه عندي وانا قولت لها
المغسله
اهدي يا بنتي متعمليش في نفسك كده انتي ليه عامله كده وربنا يرحم امك يارب ويغفر لها بس هي ليه الاوضه بتولع بيها وهي متوفيه انا مش فاهمه حاجه
ردت البنت وهي بتعيط اللي إسمها فاتن وقالت
فاتن
انا معرفش في ايه احنا كل لما واحده مغسله تدخل الاوضه تروح الاوضه مولعه فجأة كده مش عارفين في إيه انا بس امي صعبانه عليا
المغسلة
طيب هي امك اتوفت إزاي هي كانت تعبانه ولا كان فيها حاجه ولا إيه
فاتن
ابدا دي كانت داخله الحمام عشان تتوضي اصلها كانت هتصلي وبعدها راحت وقعت في الحمام ومحطش منطق جبنا الدكتور وقال إنها ساكته قلبيه
المغسلة
طيب دي واحده كانت داخله تتوضي عشان تصلي ايه اللي بيخلي الاوضة تولع بيها وهي متوفيه
فاتن
ماهو ده اللي هيجنن يا ام احمد انا مش عارفة ليه بيحصل لامي كده
المغسلة
هو انتي كنتي عايشه معاها يا بنتي ولا أنتي متجوزة بعيد
فاتن.
انا متجوزة وعايشه في بلد ارياف كده جنبنا هنا وبروح عليها وباجي بس انا كان بقالي اسبوعين كده مجتلهاش غير اليوم المشؤم اللي هو بتاع امبارح ده ساعت لما كنت عندها واتفاجئت انها وقعت مرة واحدة في الحمام
المغسلة
لا حول ولا قوة الا بالله ربنا يرحمها يا بنتي يارب طيب نعالي يلا نروح نشوف ايه الحكايه دي بالظبط وايه اللي بيحصل معاها
وبعدها روحنا علي بيت المتوفية وجيت عند اوضتها واقيت فعلا الاوضه مولعه وانا اتخضيت وقولت
المغسلة
بسم الله الرحمن الرحيم هو ايه اللي بيحصل ده بالظبط انا مش عارفة ايه النار دي كلها انا لازم تدخل عندها جوه
هانم
طيب خلي بالك يا أم احمد كان في واحدة مغسله هنا من شويه ولما دخلت النار مسكت في ايديها
المغسلة
ربنا يسترها يا هانم بقولك إيه انا هدخلها لوحدي مش عايزة حد يدخل معايا انتي عارفه بقا ليه الا هي اسمها ايه
هانم
إسمها حسنيه. يا ست ام احمد واللي تشوفيه اتفضلي ادخلي لها انتي وانا هفضل هنا مع فاتن علي ما تخرجي من جوه
وفعلا دخلت عليها جوه في الاوضه وفضلت اقرا قرآن ولقيتها مشوها جدا وملامحها مش باينه اللي يشوفها يقول ان حد كان مولع فيها وقولت لها
المغسلة
انتي عملتي ايه في دنيتك عشان اللي انتي عملتيه شكله كبير اوي عشان النار والولعه دي تعمل فيكي كده انتي لازم تقولي لي انتي كنتي بتعملي ايه
في اللحظة دي حسنيه قامت قعدت وفضلت تسرخ وقالت
حسنيه
مش انا اللي وصلت نفسي لكده منهم لله ابويا ومراته العقربه هما اللي دخلوني في السكه دي وانا سمعت كلامهم
المغسلة
وهو ايه اللي هما خلوكي تعمليه
حسنيه
هو اللي في بالك هو
ولقيتها مرة واحده بصت ورايا وعيونها برقت جامد وقالت
حسنيه
انت ايه اللي جابك دلوقتي انا خلاص انتهيت وانت مبقاش ليك منفعه ليا امشي من خنا بقا أمشي انت اللي لازم تولع مش أنا ااااه
فضلت ابص ورايا وفضلت ابص مفيش حد وقولت لها
المغسلة
انتي بتكلمي مين هو في حد هنا معانا واللي موجود ده اللي كنتي بتحضريه انتي كنتي بتعملي ايه يا حسنيه في الحمام لازم اعرف انتي كنتي بتعملي إيه
حسنيه
انا طنت بحضرة بس قبل ما يظهر ربنا اخد روحي عشان اروح وانا بعمل كده انا ندمانه بس عارفه انه مش هينفع الندم الحقي اللي واقف وراكي ده خليه يمشي من هنا أمشي أمشي اوعي تأذيها
المغسلة
لا اله الا الله محمد رسول الله لا حول ولا قوة الا بالله العلي العظيم انا مش خايفه ولا هو هيقدر يعملي حاجه انا معايا ربنا اللي احسن من اي حد
حسنيه
ااااه النار في جسمي اااه خلي اللي انا اذبتهم يسامحوني انا مش هرتاح الا لما يسامحوني
المغسلة
انتي اذيتي مين وعملتي إيه
حسنيه
انا ابويا كان دجال وكان بيعمل اعمال سفليه هو ومراته وهو لما اتوفي كانت نهايته زي كده برضو بس قبل ما يروح بفترة قالي
فلاش بااااك
الأب
اسمعي يا بت يا حسنيه انا عايزك تتعلمي كل اللي انا بعمله ده عشان لما اروح انتي تكملي المسيرة من بعدي وهتكسبي كتير اوووي
حسنيه
طيب انا عايزاك الاول تعملي عمل لبنت الكلب سلفتي انا عايزة انتقم منها يابا أتصرف
دلال
ومالو يا حسنيه احنا نعملك لها عمل بجيبها الأرض وكمان إيه يخليها ماتقوملهاش قومه بس انتي
حسنيه
عملها اسود يا دلال دي البت عامله فيها واحده وعماله تتمايص علي الموكوس اللي انا متجوزاه وتخليه يجي يقولي انها احلي مني وانها مهتميه بنفسها ومعرفش ايه لا وكمان ايه الوليه حماتي بتحبها عني اوي انا مش عارفة هي عاملهم ايه وانا بقا نفسي اطفي ناري منها وافش غلي فيها
دلال
خلاص تعالي معايا وانا اقولك تعملي ايه بالظبط يا بت يا حسنيه وربنا يقدرني علي فعل الخير اصل انا بحب الخير
ودخلت حسنيه مع دلال الاوضه اللي بيعملوها فيها الأعمال وفضلت تقول كلاممش مفهوم وتكتب كلام مش مفهوم وقالت لها
دلال
خودي يا بت يا حسنيه الازازه دي ترشيها علي باب عتبتها والورقه دي تحطيها لها في اي حاجه هتشربها بس المهم تشربيها الاول وبعدين ترشي علي عتبتها
حسنيه
وده هيجيب معاها نتيجه انتي متأكده يا دلال
دلال
اومال ايه انا عايزاكي بس تعملي كده وتشوفي النتيجة وهتدعي لي
حسنيه
ماشي انتي عارفه انها حامل في ولد كمان وهتولد قريب وانا مش معايا اللي البت
دلال
وحياتك هي مش هتلحق تتهني بيه يا حسنيه وهتشوفي اما اتحصرت عليه مبقاش انا وهتجيبي لي بقا حاجه حلوه كده يا حسنيه
حسنيه
والنبي لااحلي لك بوقك يا دلال بس يحصل اللي في دماغي
ومشيت حسنيه ورجعت البيت وحماتها فالت لها
الحما
انتي كنتي فين يا زفته كل ده ايه ياختي انتي مش وراكي بيت ولا ايه
حسنيه بضيق
استغفر الله العظيم جرا ايه يا حماتي هو إيه اللي كنت فين هاكون فين يعني كنت عند ابويا بزورو ولا انا بلاش ازور أبويا يعني
الحما
ابوكي وده اب ده ياختي ده انتي المفروض
حسنيه
لا بقولك ايه انتي هتغلطي في أبويا ولا ايه يا حماتي مالو ابويا هو كان عملك حاجه ولا إيه ابويا ظه مفيش منه أبدا
الحما
ابوكي مفيش منه اه عشان ساحر وبيعمل اعمال سودة علي دماغه لازم يكون مفيش منه طبعا
حسنيه
اللهم طولك يا روح انتي
