المتوفيه الاوضة كانت بتولع بيها عشان كانت والسبب كارثة بقلم هويدا زغلول
المحتويات
عايزة ايه بالظبط بقولك ايه انا عايزة اطلع شقتي من غير دوشه وكتر كلام انا مليش نفس اتخانق ماشي اعوزو بالله منك
الحما
بقا كده يا حسنيه طيب ماشي ااه ماهو الحق مش عليكي الحق علي جوزك اللي ملوش اي لازمه في الدنيا عايش وخلاص ولا كأنه معانا بسبب الهباب اللي بيشربه ومخليه مش في عقله ولا عايش معانا
حسنيه
والله اهو تربيتك وانتي اللي عملتي فيه كده بلا هم
قالت كلامها وطلعت والحما قالت
الحما
بقا كه يا حسنيه طيب اما خليته يطلقك مبقاش انا
وطلعت حسنيه لجوزها اللي كان قاعد بيشرب حشيش وقالت له
حسنيه
خليك انت قاعد كده تشرب في حشيش وتتوه وامك تعمل فيا اللي بتعمله ده
فوزي
جرا ايه يا حسنيه الله هو أنتي طالعه تقولي شكل للبيع يا وليه مش كفايه الخناقة اللي عملتيها مع أمي انتي عايزة إيه بقا مني وبعدين هي سالتني عليكي وأنا خوفت اقولها انك عندك أبوكي
حسنيه
يعني يا راجل يلي معندكش إحساس مش قادر تقولها اني انا معرفاك اني رايحه لابويا وبعدين انت خوفت ليه
فوزي
ما انا لسه بقولك لما سالتني عنك انا خوفت منها وقولت لها معرفش انتي فين عشان كده زعقت معايا قبل ما تزعق معاكي
حسنيه
ااه ما هو انا متجوزة حيطه عشان تخلي امك تزعق لي وتتخانق معايا علي القاضي والمليان منك لله انت وامك
ودخلت عند بنتها فاتن اللي قالت لها
فاتن
هو انتو كل يوم تتخانقوا وتزعقوا كده يا ماما هو في ايه انتو مفيش يوم يعدي غير لما تزعقوا انا تعبت بقا وزهقت من العيشه دي.
حسنيه
معلش يا فاتن اصل انتي لو كنتي بتختاري ابوكي وامك انا عارفه انك كنتي هتختارى ناس
فاتن
نفسي في مرة تبطلوا خناق انا معرفتش ادخل ثانويه عامه بسببكم وقولت ادخل الدبلوم لاني عارفه اني مش هعرف لا اذاكر ولا اتنيل حتي دي مبقتش عيشه والله
قالت كلامها ودخلت الاوضه بتاعتها وحسنيه فضلت قاعده تفكر تعمل ايه عشان تخلي هيام سلفتها تشرب من المشروب وقالت
حسنيه
انا لازم اخطط واتكتك بقا عشان خاطر اعرف اشربها السم الهارى ده بس اعمل ايه لازم اعمل حاجه بعيد عن اي حد يشك فيا
وعند الحما تحت هيام قالت لها
هيام
هي اتخانقت معاكي برضو يا حماتي هي شكلها مش عايزة تجيبها لبر
الحما
وهي هتعرف تسلك معايا يا بت يا هيام طب ده انا هوريها بنت الدجال دي انا محدش يقدر اصلا عليا وانتي عارفه كده كويس
هيام
طبعا عارفه بت حماتي هو انتي في زيك في الدنيا انا بس بقيت بخاف منها لحسن تتخانق معايا وتسقطني عشان انا حامل وهجيب واد وهي مخلفه بت
الحما
هي تقدر تيجي جنبك يا بت طيب بس تفكر كده انا عارفه الموكوس ابني بيحبها علي إيه انا من الاول قولت له بلاش دي كان يقولي لا يا ما انا عايز دي بالزات ومش هسيبها
هيام
الصراحه سي فوزي غلطان انه اتجوز واحده زي دي هو الصراحه كان عايز له واحده احسن من كده بس هنقول ايه بقا النصيب
وعند حسنيه فضلت رايحه جايه في الشقه عندها بتفكر تعمل إيه وجات لها فكرة ونزلت عند حماتها وكانت هيام قاعده في الصاله والحما في المطبخ ودخلت عندها وقالت لها
حسنيه
ازيك يا حماتي هو انتي اللي واقفه في المطبخ بتعملي الأكل ومرات ابنك قاعده في الصاله بتقزقز لب
الحما
اعمل ايه ماهو
حسنيه
سبحان يارب مع ان انا لما كنت حامل كنتي بتخليني اعملك كل حاجه ولا كان بيبقا عندك رحمه اشمعنا بقا مش عارفه
الحما
عشان هيام حامل في واد يا حسنيه انما انتي كنتي حامل في البت اللي معرفتيش تخلفي غيرها دي بقولك ايه اطلعي علي شقتك انا عايزة اشوف اللي ورايا يلا خليني اعمل كوبايه اللبن دي لهيام
حسنيه
ماشي يا حماتي براحتك انا هطلع شقتي واسيبك بقا تشتغلي خدامه عند مرات ابنك
وهي ماشيه رمت حاجه في الكوبايه بتاعت اللبن والحما ادت اللبن لهيام تشربه وطلعت حسنيه ورشت الازازة قدام الشقه بتاعت هيام وقالت
حسنيه
يلا بالهنا والشفا يا هيام هههههه
وبعدها هيام تعبت وراحت المستشفى وسقطت وعملت عمليه وشالت الرحم ولما حسنيه عرفت راحت لدلال وقالت لها
حسنيه
ايدك ابوسها يا دلال عشان انتي عملتي فيا حتة معروف انما ايه منحرمش منك يا مرات ابويا يارب
دلال
ايه اللي حصل يا حسنيه هيام حصل معاها ايه بالظبط
وحكت لها علي اللي حصلها ودلال قالت
دلال
اي خدمه مش هو ده اللي انتي كنتي عايزاة يا بت يا حسنيه عشان اقولك اني سرى باتع وبجيب من الآخر
حسنيه.
عرفت عشان كده انا عايزاكي تعلميني اعمل ايه وانت كمان يابا لازم تعلمني انا عايزة اشتغل الشغلانه بتاعتكم دي هو انا يعني مش بنتك عشان تعلمني ولا إيه
الأب
لو عايزة تتعلمي نعلمك يا حسنيه بس هتستحملي احكامهم ولا هتعملي إيه معاهم هتقدري عليهم
حسنيه
هقدر يابا بس انت بس عرفني اعمل إيه وانت هتلاقيني معاك ايه انا بتعلم بسرعه
دلال
خلاص يا محروس انت تعلمها انت بتعمل ايه وتخليها تعمل زيك بالظبط واهي بنتك برضو واكيد مش هطلع اسرارك بره مش كده يا حسنيه
حسنيه
ايوه والله عمري يا دلال هو انا عيله يعني ولا إيه
وفعلا اتعلمت حسنيه ازاي تحضر الجن واول مرة عملتها ابوها قالها
الأب
انتي هتدخلي الحمام وتتوضي باللبن وتعملي زي ما انا هعمل قدامك وكل اللي الكلام اللي هاقوله انتي تكرريه سامعه يا حسنيه
حسنيه
سامعه يابا
وفعلا عملت كده وفي الوقت ده ابوها حضر الجن وكان جن قوي من اللي هو بيقدر يعمل حاجات كتير وفضل ابوها يكلمه والجن يرد عليه وحسنيه كانت خايفه والاب قالها
الأب
لو خايفه يا حسنيه اطلعي برة عشان هو حاسس بخوفك ومش عايز يساعدني
حسنيه بخوف
هاااا ااا لا لا يابا انا مش خايفه خليه يتكلم انا معاك اهو وبعدين ده انا بعد كده هستحضره لوحدي يعني لازم اخد عليه
وفضلت تتعلم لحد لما عملت لنفسها مكان بقت تروح فيه بعيد عن حماتها واهل جوزها وعملت عمل لبنتها عشان يجي لها عريس وفعلا بنتها جالها العريس وفاتن قالت
فاتن
بس انا مش عايزة اتجوز ياماما انا عايزة اشتغل
حسنيه
تشتغلي ايه يا بت انتي انتي لازم تتجوزي وتطلعي من البيت ده انا مش هعيش لك كتير وانتي لما تكوني في عصمة راجل هيقدر يحميكي منهم عشان أبوكي عمره ما هيبقا سند ليكي
فاتن
يعني انتي شايفه كده خلاص انا موافقه طالما هبعد عن الغم اللي في البيت هنا
وفعلا حسنيه جوزت بنتها وخلتها مشيت من البيت وبقت تعمل الأعمال وفي يوم راحت لها واحده وقالت لها
أنهار
انا
حسنيه سرحت وافتكرت نفسها واللي حماتها كانت بتعمله فيها وانهار قالت
أنهار
يا ستنا انا بكلمك انتي مش عايزة تردي عليا ليه هو
متابعة القراءة
