رواية ابن عمي المتشرد سفيان ومليكة كاملة جميع الفصول بقلم اسراء ابراهيم

يموت حكى لي كل حاجة... واعترفلي بالحقيقة وطلب مني أروح لعمي صابر لكن... طردني.
جميلة وهي بتضحك بسخرية 
متوقعة جدا... صابر طول عمره طماع. ماصدق أبوك اختفى وجدك وعمك ماتوا وبقى هو المتحكم في كل حاجة. مستحيل يعترف بيك لأنه مش هيستغنى عن القرش.
سفيان بتنهدة 
وأنا بصراحة... مش عارف أعمل إيه. كنت ناوي أبدأ حياتي من جديد وأنسى كل ده.
مليكة بانفعال 
تنسى إيه! وتسيب حقك كده! لأ طبعا.
سفيان بنبرة حزينة 
ماكنش في حياتي حاجة أتمسك بيها يا مليكة... فكنت بعتبرها فاضية.
جميلة بنبرة حاسمة 
بس دلوقتي الوضع اتغير. بقى ليك أهل... مرات عمك التانية وبنتها. وانت... بالنسبالهم طوق نجاة.
سفيان وهو بيحاول يفهم 
طيب أعمل إيه حتى لو فكرت أرفع قضية صابر عنده نفوذ وهيجيب محامي تقيل وأنا مش هعرف أقف قصاده.
جميلة بثقة 
متقلقش أنا جمبك ومعانا محامي العيلة كان صاحب عمك كارم الله يرحمه وهيوقف معانا. بس لازم نبدأ بأهم خطوة.
سفيان مستغرب 
إيه هي
جميلة بابتسامة خبيثة 
تتجوز مليكة.
مليكة مصدومة 
إييييييه! تتجوز مين يا مامي!
جميلة بحزم 
الجوازة دي هتكون ضربة قاضية لصابر ومراته. ساعتها إنتو الاتنين هتكونوا شركاء في الميراث ومحدش يقدر يوقفكم.
سفيان مرتبك 
بس... ده كبير أوي يعني...
مليكة وهي بتقاطع بنبرة قوية 
أنا موافقة! وإنت لازم توافق. أنا مستعدة أعمل أي حاجة علشان آخد حقي... ومش هسمح لعمي يتحكم فيا.
سفيان مش مصدق 
انتي متأكدة من اللي بتقولي ده
مليكة وهي بتحاول تخبي توترها 
أيوة وبعد ما ناخد حقنا... لو حبينا نتطلق وكل واحد يروح لحاله.
جميلة وهي بتضحك بخبث 
ومين عارف يمكن تكملوا مع بعض... وتفرحوا قلبي.
مليكة بصت لسفيان بخجل وسفيان كان متردد خايف يجرها في معركة ممكن تئذيها بس في أعماقه حاسس إن ده الطريق الوحيد.
سفيان بابتسامة فيها رضا 
خلاص... على بركة الله. نتجوز ونبدأ نرجع حقنا خطوة بخطوة.
بعد أسبوع في فيلا الرفاعي 
جميلة دخلت من باب الفيلا وبنفس اللحظة كانت نهال قاعدة بتشرب قهوتها.
نهال بضيق 
يا سلام الواحد كان مرتاح... إنتي رجعتي تاني ليه
افتكرنا خلصنا منك ومن بنتك.
جميلة ببرود وثقة 
مش بالساهل كده يا سلفتي... إحنا لسه ماخدناش حقنا وبنتي خلاص اتجوزت.
نهال بصدمة نعم اتجوزت فجأة كده من غير فرح ولا حتى خبر خير... هو إنتو كنتو مخبيين حاجة ولا بتداروا على إيه بالضبط
جميلة بغضب اخرسي! بنتي أشرف منك ومن أمثالك. وضفرها برقبتك. بس لو كنت عرفتي العريس مين كنتي وقفتي الجوازة بالعافية.
نهال بسخرية وليه يا حبيبتي ده يوم المنى يوم ما نخلص منك ومن بنتك.
جميلة بقصد لا متقلقيش... إحنا مش هنحققلك أمنيتك. بالعكس جوازة بنتي هي اللي هتخليكم تعرفوا مكانكم الحقيقي في البيت ده.
نهال باستهزاء ليه يعني اتجوزت ظابط في الداخلية مثلا
جميلة ببرود لا ده سفيان... ابن عمها ابن غريب. إيه لحقتي نسيتيه
نهال بصدمة إنتي قولتي مين ابن غريب إزاي يعني!
جميلة بشماتة آه يا حبيبتي ابن عمها وهتشوفيه بعينك. أصلهم جايين دلوقتي ومعاهم مفاجأة صغيرة أنصحك تكلمي جوزك خليه ييجي. أصلهم مش جايين لوحدهم جايين ومعاهم المحامي اللي عامل لكم مفاجأة حلوة أوي.
نهال بتوتر وإنكار كدابة! غريب مات من زمان ومالوش عيال!
جميلة بهدوء لأ بلاش كدب في السن ده. أنتي عارفة إن صابر جوزك قالك إن سفيان جه الشركة وطرده. أنا متأكدة قالك. على العموم كلها ساعتين وهتتأكدي بنفسك. هطلع أغير هدومي وهخلي الشغالة تعملك مية بسكر وشك مصفر خالص!
جميلة تضحك بصوت عالي ونهال بتكسر الكوباية من الغضب وهي مش عارفة تصدق ولا تكذب.
في العربية
مليكة قاعدة جنب سفيان والتوتر باين عليها وإيديها بترتعش.
حلمي المحامي سايق وبيبص عليهم من المراية.
سفيان بهدوء وهو يمسك إيدها اهدي يا مليكة أنا معاكي ومش هسيبك. انتي مش لوحدك.
مليكة بتنهيدة أنا مطمنة إنك جنبي يا سفيان. عمري ما تخيلت إني هواجه عمي بس وجودك بيقويني.
سفيان بابتسامة وأنا كمان قبل ما اعرف إنك بنت عمي كنت ناوي أسيب حقي. بس دلوقتي بعد اللي عرفته من أستاذ حلمي حقي وحقك بقي مسئوليتي.
مليكة بخجل إحنا وصلنا
سفيان بحماس جاهزة أكيد طنط جميلة عملت اللي اتفقنا عليه.
مليكة بتردد جاهزة وكويس إن أستاذ حلمي معانا.
حلمي بثقة متقلقيش حق ربنا هيرجع لأصحابه.
يدخلوا الفيلا يلاقوا صابر قاعد وشه أحمر من الغضب أول ما يشوف سفيان ومليكة وحلمي بيقوم واقف.
صابر بغضب أيوه! اتفقتوا عليا إنتو التلاتة عايزين تلبسوني الطرحة!
حلمي بهدوء اهدا يا صابر واسمعنا... إحنا جايين نطبق شرع ربنا.
صابر بصوت عالي لا! مش هسمع حاجة! ومحدش له عندي حاجة!
حلمي بحسم خلاص لكن متنساش إنك رفضت تتفاهم. ولو سفيان ومراته رفعوا قضية ومعاهم وصية جدك اللي بختمه وإمضاه هياخدوا كل حاجة وانت هتخرج من المولد بلا حمص.
صابر بصدمة وصية مين جدي!
حلمي آه وصيته اللي كاتب فيها نص أملاكه لابنه غريب والباقي متقسم بينك وبين كارم أبو مليكة.
صابر يحس إن اللعب كده مش في صالحه فيقرر يهدى ويتفاهم.
صابر بضيق والمطلوب مني إيه
سفيان بثقة تعترف بيا قدام الكل وتتنازل عن رئاسة الشركة من النهارده أنا رئيس مجلس إدارة الرفاعي.
صابر بسخرية وماله وتاكلوني أنا يعني
سفيان بهدوء لأ خالص ممكن أشتري نصيبك وبالسعر اللي تحدده.
صابر بتنهيدة ماشي بس تسيبلي الفيلا وتديني مبلغ أبدأ بيه شركة تانية.
مليكة بلهفة لأ! الفيلا دي ذكرياتي كلها!
سفيان بابتسامة متقلقيش مش هبيعها ولا هفرط فيها.
مليكة تبتسم وتمسك إيده بلحظة عفوية وسفيان يتوتر بس بيحاول يخبي.
صابر بسخرية القرار عندكم أنا كده قلت اللي عندي.
سفيان بحزم هدفع تمن الفيلا وتمن نصيبك في الشركة. وبعد كده علاقتنا تبقى بس صلة رحم مش أكتر.
صابر بقرف خد صلة الرحم لنفسك.
حلمي مبتسم اتفقنا بكرة في مكتبي نخلص كل الإجراءات.
صابر يمشي غاضب ونهال تطلع أوضتها بحنق. جميلة ومليكة مبسوطين وسفيان بيراقبهم وهو مبتسم.
بعد أسبوعين سفيان واقف في الشركة مع مليكة جنبه وهو بيقدم نفسه للموظفين.
سفيان أنا مش زي عمي إن شاء الله الشركة هتتغير وهتبقوا شركاء في النجاح.
الناس بتسقف ومليكة بتبتسم بس تكش لما سمعته يقول بنت عمي من غير ما يذكر إنها مراته.
مليكة بتوتر إن شاء الله تلاقوا معاملة أحسن ونتمنى نكبر بالشركة دي سوا.
سفيان بمزاح تنفعي شريكة تصدقي
مليكة بغرور مصطنع أومال إيه ده لسه ما شوفتش حاجة.
تدخل بنت شيك ماسكة بوكيه ورد
شهد بابتسامة أهلا بحضرتك يا مستر سفيان الشركة نورت بيك.
سفيان بذوق متشكر أوي أنسة...
شهد شهد السكرتيرة الخاصة بحضرتك.
سفيان تمام عايزك تعرفيني على كل حاجة بس محدش يعرف إنك بتساعديني. سرك في بير صح
شهد بحماس طبعا! شرف ليا!
بيضحكوا سوا ومليكة بتكش تسيبهم وتمشي وسفيان يستغرب وينادي عليها.
تنزل مليكة بالأسانسير وهي بتحاول تمسح دموعها أول ما تفتح الباب تلاقي سفيان واقف قدامها.
سفيان بنهجان ممكن أفهم ليه مشيتي وسايباني!
مليكة بصوت مخنوق إنت مش محتاجني عندك شهد!
سفيان بهدوء شهد بتساعدنا احنا الاتنين. انتي كمان تعالي عليميني!
مليكة بعند لا مش هعلم حد.
سفيان بحزم مش هسيبك تمشي