رواية وردة اليونس ورد ويونس جميع الفصول كاملة بقلم اسراء ابراهيم

وردة اليونس.. ياما حمامي هرب ويا حمام الواد علي
طلعتله بمرايا ونزلتله بمرايا
لقيته عامل سهرايا ويا حمام الواد علي
يا سلام عالروقان!
اوعدنا يا رب وارزقنا احنا كمان بسي علي.
ورد بابتسامة
يا بنتي ارحميني بقى عنيكم دي اللي جايبالنا الفقر!
ندي بغمزة
لا بس يونس واقع من زمان انتي عارفة! دايما قارفنا ورد ليونس ويونس لورد!
ورد بتنهيدة
ما انتي عارفة يا ندي يونس مش بس ابن عمي ده روحي اللي عايشة بيها. أنا وعيت عليه حبيته ومعرفش غيره.
ندي بثقة
طيب يلا انجزي أحسن يونس أخويا وأنا حافظاه. وممكن يطب في أي لحظة خصوصا إنه النهاردة الصبح كان متشيك على الآخر! قلت أكيد رايح يقابلك.
ورد باستغراب
إيه ده! ما قاليش إنه طالع أنا فاكراه في المحل!
ندي بتفكير
استني يمكن يكون راح يجيب چيجي بنت عمي مختار من المطار. أصل سمعت إنها راجعة من أمريكا وبقت واحدة تانية خالص.
ورد بعصبية
طيب يبقى يعملها يونس! يوريني بس وأنا أطين عيشته! أنا محذراه من زمان يكلم البت دي! من وقت ما سافرت من سبع سنين! يروح يجيبها كمان!
ندي بتوتر
يا لهوي أنا شكلي عكيت! بقولك إيه يا ورد متعمليش مشكلة! أنا بقول ممكن يعني مش أكيد. متكبريش الموضوع استني وشوفي الدنيا ماشية إزاي. يلا خلصي غسيلك وانزلي العيلة كلها تحت متجمعة. انتي عارفة وجدي زمانه مستنينا.
ورد بوعد
ماشي يا يونس حاضر.
بتدي الهدوم لندي خدي كملي انتي وأنا هتصل بيه.
ندي وهي بتاخد الهدوم
هاتي يا قدري ما دي ضريبة الصحوبية يا أختي هاتي.
ورد تتصل بيونس ومفيش رد
ورد بغيظ
شفتي يا ندي مش بيرد!
ورد بقلق
تفتكري يكون عملها وراح يجيب الزفتة دي!
ندي وهي بتحاول تطمنها
يا بنتي أكيد لأ مش انتي بتقولي عارف إنك مبتحبيهاش أكيد مش هيزعلك.
ورد بتفكير
ماشي

يا خبر بفلوس.
بتكمل خلصي يلا علشان ننزل.
في بيت نعمان
كان الجد نعمان قاعد ومعاه ابنه الكبير مختار ومحمود أبو ورد وخالد أبو يونس وندي.
نعمان بابتسامة
أهلا ببنات العيلة القمرات! إيه كل ده تأخير مش عارفين إن ستكم بتحضر الغدا
ندي بغيظ
معلش يا جدي أصل ورد كانت بت... بتنشر غسيل.
بصت لورد وغمزت
إحنا داخلين نساعدهم اهو!
ورد بغموض
بقولك يا جدي متعرفش يونس فين بكلمه مش بيرد.
مختار بفرحة
أهو رايح يجيب چيجي بنتي من المطار! كانت عاملالنا مفاجأة. مكنتش أعرف غير لما يونس قالي إنها راجعة النهاردة! وأخيرا هتنور بيتها بعد ما خلصت شهادتها الكبيرة.
ورد تبص لعمها وماتردش. تمشي ساكتة وتدخل المطبخ وراها ندي اللي كانت بتلطم بصمت
ندي بحماس أول ما شافت صافية أم ورد
صافي القمر! عملالنا أكل إيه النهاردة
صافية بابتسامة
اللي بتحبيه يا قلب صافية.
ندي بهزار
طيب ما كنتي خلفتي ولد يا صافية كنت أتجوزته ويبقى زيتنا في دقيقنا! ينفع كده
صافية وهي بتضحك
ينيلك يا ندي كفاية عليا يونس أخوكي!
تخيلي لو خلفت راجل مكانش هيعمر مع يونس وهو عامل عليه حما بزيادة!
ندي وهي بتغمز لورد
مين قالك بس يا صافي ده لأجل عيون ورد كان هيعدي كل حاجة!
صافية باستغراب
مالك يا ورد مكشرة كده ليه! كل ده عشان نشرتي الغسيل
ورد بضيق
غسيل إيه بس
يا ماما سيبيني في اللي أنا فيه.
الجدة عفاف بابتسامة
وفيه إيه يا قلب ستك أوعي يكون الواد يونس مزعلك!
ندي بتوتر
ده يونس أمي الله يرحمها كانت دايعة عليه من زمان يا ستي ادعيله بقى!
ورد تتنفض من مكانها أول ما تسمع صوت عربية يونس. تطلع بسرعة على الصالة وتوقف رابطا إيديها مستنياه يدخل
وبعد لحظات يدخل يونس شايل شنطة السفر بتاعة چيجي.
وأول ما عينه تقابلت مع ورد اتوتر خصوصا من نظرتها اللي كلها غضب.
ودخلت چيجي كانت لابسة لبس قصير صدم الكل وكأنها لسه فاكرة نفسها في بلاد برة.
محمود بصدمة
إيه يا بنت أخويا اللي انتي لابساه ده فاكرة نفسك في بلاد برة!
مختار بضيق
صح يا چيجي إيه اللي عاملاه ده!
چيجي بزعل مصطنع
بقي كده يا بابا هي دي مقابلتكم ليا بعد السنين دي!
ولا حتى حد قالي مبروك
ده مفيش غير يونس هو اللي باركلي وقالي ألف مبروك يا دكتورة!
حب وفرحة
عندك حق مبروك يا قلب أبوكي والله بقيتي دكتورة قد الدنيا وشرفتي عيلة نعمان!
نعمان بنبرة غامضة
لو فرحتك هتنسيك الأصول يا بنت ابن نعمان فأنا مش ناسيها.
اطلعي غيري هدومك والبسي لبس محترم
واوعي تنسي إن بناتنا مايتعروش.
فهمتي ولا لأ
چيجي بمسكنة
حاضر يا جدي أنا آسفة والله مقصدتش أضايقكم.
عموما هطلع أغير وأنزل آكل
أصلي واحشني أكل تيتة وكمان واحشني الرغي معاك يا يونس.
يلا مش هتأخر.
بتبص ليونس
يونس ممكن تطلعلي شنطتي فوق أصلي مش قادرة أشيلها.
يونس بتوتر
حاضر يا بنت عمي يلا اتفضلي قدامي.
خرج يونس ورا جيجي وورد كانت متابعاهم بنظرة كلها غضب وكسرة. وبعد ثواني سابتهم ودخلت المطبخ وهي بتتوعد ليونس في سرها
على السفرة الكبيرة
الكل كان قاعد بيتغدى ماعدا ورد اللي عنيها كانت ثابتة على چيجي اللي خدت مكانها جنب يونس
وهو لا اعترض ولا حتى بص في وش ورد.
وده اللي خلى ورد تسكت لكن قلبها كان بيغلي.
مختار بفرحة
إيه يا چيجي مش بتاكلي ليه يا حبيبتي ده أكل ستك يجيب من آخر الشارع!
چيجي بابتسامة ناعمة
عارفة طبعا يا بابا بس معدتي لسه مخدتش على الأكل التقيل
أصل أنا هناك كنت باكل نواشف وخضار بس.
يونس بابتسامة
لا بكرة تتعودي.
اللي يقعد معانا يومين ياخد من عوايدنا.
واسألي ورد اهي كانت معدتها بتتعب من أقل حاجة.
شوفيها دلوقتي بتاكل اللي ييجي قدامها
ولا إيه يا ورد ما تقولي لچيجي.
ورد كسفت يونس ومردتش.
فضلت تبص في طبقها وسكتت.
يونس بان عليه الغضب لأنه اتحرج
ورد أنا بكلمك! مش سامعاني ولا إيه
ورد بسخرية
لا سامعة كويس
بس ماليش مزاج أرد.
إيه أنا حرة!
يونس بحدة
إنتي بتتكلمي معايا كده إزاي
نسيتي أنا مين ولا إيه
ورد بغضب مكتوم
أنا بتكلم بطريقتي
معلش أنا معرفش أتمايع في الكلام عشان أعجب!
بعد إذنك يا جدي أنا شبعت.
بصت لمامتها
ماما أنا طالعة.
سابتهم ورد وطلعت بسرعة. كان يونس متابعها بنظرات غضب
ونعمان كان بيراقب المشهد كله بنظرة غامضة وهادية
ندي بعتاب ليونس
ليه كده يا يونس ليه تزعلها
بدل ما تقولها كل سنة وانتي طيبة عشان عيد ميلادها
تنكد عليها!
يونس بصدمة
يا خبر!
أنا إزاي نسيت حاجة زي دي!
نعمان بهدوء
ابقى صالح خطيبتك يا يونس
هي ليها حق تزعل منك.
يونس بتفكير
حاضر يا جدي
بعد إذنكم أنا كمان شبعت.
بيحاول يقوم لكن چيجي بتبصله بابتسامة
چيجي
يونس ممكن توصلني مكان مهم بكرة
عشان شغلي يعني ولسه مش فاكرة الأماكن كويس هنا.
خالد وهو بيبتسم
طبعا يا چيجي
مش ابن عمك أكيد هيوصلك.
يونس بابتسامة خفيفة
تمام يا چيجي الصبح إن شاء الله. بعد اذنكم انا طالع
طلع يونس وعدى على شقة ورد وخبط على الباب بس هي ما فتحتش. خبط تاني وبرضه مفيش رد وهي كانت واقفة ورا الباب مش عايزة تفتح. نفخ يونس في ضيقه وسابها وكمل على شقته.
وقتها ورد مسحت دموعها بحزن أول مرة يونس يتجاهل زعلها كده.
تاني يوم كانت ورد واقفة قدام المراية بتظبط طرحتها بتستعد تروح دار الأيتام اللي متعودة تزوره كل شهر. كانت متأكدة إن يونس هيكون مستنيها كالعادة. وفعلا أول ما خلصت لبسها وخرجت من باب البيت شافته واقف مستنيها.
بصت له بعتاب وهو قرب منها.
يونس قال بلهجة عتاب
ينفع اللي عملتيه امبارح ده قدام العيلة كلها أنتي عارفة لو حد تاني كان عمل كده كنت عملت