رواية وردة اليونس ورد ويونس جميع الفصول كاملة بقلم اسراء ابراهيم

أكتر
ومش هغير معادي عشان السنيورة بتاعتك ومشوارها! امشي يا يونس روحلها أحسن تكون عاوزاك تأكلها المرة دي في بوقها!
يونس حذرها
ووورد... الزمي أدبك ومتنسيش أنا مين!
ورد ردت بحزن
أنا عن نفسي فاكرة كويس أوي يا يونس... بس إنت نسيت إني خطيبتك ونسيت أنا مين بالنسبة ليك.
يونس حاول يعتذر بنظرة بس ورد تجاهلته ومشيت ناحية الأطفال. وكان أياد واقف ومحتار من اللي بيحصل.
أياد قال بتردد
هو في حاجة يا آنسة ورد الشخص ده بيضايقك
ورد ردت بحزن
لا مفيش... بعد إذنك كفاية كده أنا همشي. وياريت حضرتك تكمل معاهم.
أياد بسرعة
طب... هتيجي تاني
ورد توترت وهي بتبص ليونس اللي عنيه كلها غضب
إن شاء الله في معادي... بعد إذنك.
مشيت ورد وعدت على يونس من غير ما تبص له. هو خرج وراها بسرعة ولحقها قبل ما توصل للعربية.
يونس قال بلهفة
ورد أنا آسف... أنا عارف إني غلطت ومكنش ينفع أسيبك تمشي لوحدك بس إنت عندت قدامي وأحرجتيني قدامها.
ورد قالت بسخرية
عشان كده طلعت نفسك بطل قدامها وروحتها ونسيت شكلي في نظري برافو يا يونس.
يونس ندم وقال
يا حبيبتي... حقك عليا. بس أنا شايف إن جيجي زيها زي أي حد وأنا بعاملها من باب القرابة مش أكتر.
ورد ردت بانفعال
إنت بتعمل كده ليه دي واحدة بتكرهني وقلتلك كده زمان! وكنت متأكدة إنها مش مستكتراك عليا وكانت عاوزاك ليها!
يونس دافع وهو مش مصدق
إيه اللي بتقوليه ده ورد كل ده أوهام... جيجي مش كده.
ورد قالت باندفاع
وإيه اللي مخليك متأكد كده إنت متعرفهاش ومتكلمتش معاها من سنين. ليه مصمم تدافع عنها
يونس اتلخبط وقال
هاا... لا مقصدش بس أنا بتكلم من اللي شوفته من وقت ما رجعت.
ورد قالت بهدوء
يونس المفروض تصدقني أنا... البنت دي عملت معايا حاجات إنت متعرفهاش. وعشان كده طلبت منك من زمان متتكلمش معاها.
يونس قال باستسلام
خلاص يا ورد أوعدك... مش هتعامل معاها تاني. كده سامحتيني عشان خاطر يونس... اضحكي.
ورد ابتسمت
يعني مش هتكلمها تاني أبدا
يونس قال بلهفة
أبدا أبدا يا روح يونس... بس متزعليش مني.
ورد ابتسمت وقالت
وأنا مسامحاك يا يونس.
يونس فرح وهو بيمسك إيدها
تسلميلي يا قلب يونس! يلا بينا... هنتغدى برة وأفسحك وبعدين نروح.
ورد قالت بضحكة
ماشي موافقة. بس كلم الحاج محمود أحسن يقتلنا!
يونس ضحك
ما تقلقيش هكلمه... يلا بينا يا وردتي.
بعد يومين كانت جيجي قاعدة في أوضتها بتفكر إزاي تعرف ورد إنها كانت على تواصل مع يونس طول السبع سنين اللي قضتها برا.
فجأة لمعت في دماغها فكرة وقررت تنفذها وابتسمت بمكر... بس قطع تفكيرها خبط على الباب ودخول مختار أبوها.
مختار بابتسامة
جيجي يا حبيبتي فاضية أتكلم معاكي شوية
جيجي بابتسامة
طبعا يا بابا اتفضل بس هو في حاجة
مختار وهو بيحاول يكون هادي
انتي عارفة إني كنت مستني رجوعك من زمان... السبع سنين دول كانوا بالنسبالي عمر تاني ومش عايزك يا جيجي تخليني أندم إني رجعتك.
جيجي مكشرة
مش فاهمة تقصد إيه وليه تندم هو أنا عملت حاجة
مختار بيتنهد
يونس... ابن عمك يا جيجي.
جيجي بتوتر
ماله يونس هو أنا ضايقته في حاجة اشتكالك مني
مختار بتلقائية
لا يا جيجي بس أنا شايف اللي بتعمليه من ساعة ما رجعتي.
جيجي بضيق
بعمل إيه بس مش فاهمة حضرتك بتتكلم عن إيه!
مختار بهدوء
لا فاهمة... تصرفاتك مع يونس واضحة. بتعامليه كإنك عارفاه أكتر من خطيبته وقاصدة تحسسيها إنها غريبة وسطنا.
جيجي بسخرية
ما دي الحقيقة! أنا ويونس صحاب وكنا بنتكلم طول السنين دي وده طبيعي.
مختار بحدة
مفيش حاجة اسمها أنا ويونس صحاب! انتي بنت عمه وهو راجل وخاطب وبيحب خطيبته... وانتي اللي دخيلة على علاقتهم.
لازم تحطي حدود وإلا هتلاقيني بتصرف بطريقة مش هتعجبك. ورد بتحب يونس وهو بيحبها وانتي لازم تبعدي وتتقبلي إنه اختارها وسابك.
جيجي بضيق
بابا الموضوع ده خلاص مش في دماغي لو سمحت متتكلمش فيه.
مختار بجدية
لا هتكلم... طالما مش عايزة تفوقي يبقى لازم أفوقك.
أنا كنت شايفك من زمان بتحاولي تقربي من يونس وكنت سايبك يمكن يكون في نصيب... رغم إني كنت عارف إنه بيحب ورد.
ولما صدك وقالك إنك بالنسباله أخته رفضتي تتقبلي ده ومن ساعتها وانتي بتحاولي تفرقي بينهم.
انتي عمرك ما حبتي ورد وكرهتيها أكتر لما بقت ليونس.
جيجي بانفعال
خلاص يا بابا! كفاية بقى!
مختار بتحذير
أنا حذرتك... ولو لقيتك مصممة على اللي في دماغك صدقيني هتصرف تصرف مش هيعجبك.
خرج مختار وساب جيجي وهي قعدت تفكر في كلامه. وشها كان باين عليه الغضب وذكريات زمان بدأت ترجع قدام عنيها...
وساعتها قررت تنفذ خطتها وتكسب يونس وتبعده عن ورد.
في بيت الجد نعمان كانوا كلهم متجمعين.
ورد كانت فرحانة بتضحك وتهزر مع يونس حاسة إنهم رجعوا زي زمان وخصوصا إن جيجي مش موجودة.
بس الفرحة ما طولتش...
جيجي دخلت فجأة بلبسها اللافت كعادتها وأول ما شافت ورد ويونس بيهزروا كشرت بضيق وبعدها ابتسمت بخبث ومسكت راسها بتعب.
نعمان بقلق
مالك يا بنتي تعبانة
جيجي بتعب مصطنع
آه يا جدو حاسة بدوخة من الصبح عشان كده ما نزلتش من بدري.
ندى بسخرية
تعبانة ولا بتحاولي تهربي من المساعدة
جيجي ببرود
تعبانة إيه بس ما بتتعبش.
ورد بهدوء
ألف سلامة يا بنت عمي.
جيجي بضيق
متشكرة.
يونس بقلق
طب ليه ما تروحي تكشفي يمكن برد والدكتور يكتبلك علاج.
جيجي بتعب
معاك حق بس ما قلتش لبابا عشان ما يقلقش.
يونس بتردد
طيب أنا هوصلك... وكمان ورد تيجي معانا.
ورد بضيق
لا معلش... خد ندى معاكم أنا مش فاضية.
ورد سابتهم ودخلت المطبخ.
يونس لاحظ إنها زعلت فدخل وراها.
يونس بلهفة
ورد زعلتي ليه
ورد بغضب
عشان وعودك اللي ما بقتش تلتزم بيها!
مش وعدتني إنك مش هتكلمها وإنك حتى لو كلمتك مش هترد
يونس بتنهيدة
حصل بس شوفيها... كانت تعبانة. مش المفروض أقولها ألف سلامة مش ده من الأصول
ورد بغيرة
لا! الأصول تقول إن عمها هو اللي يوديها مش ابن عمها اللي خاطب!
للدرجة دي خايف عليها خلاص روحلها.
يونس بضيق
يووه! زهقت من غيرتك الزايدة. إمتى هتعقلي
هي بنت عمي ومفيش داعي للعمايل دي.
ورد بحزن
خلاص أنا آسفة. روحلها لو ده هيريحك...
أنا غلطانة إني بغير عليك لأني بحبك.
سابت يونس وطلعت على شقتها.
قعدت تأنب نفسها وتقول إنها ممكن تكون فعلا مكبرة الموضوع وإن جيجي أكيد نسيت اللي فات.
بس أول ما سمعت جرس الباب ابتسمت متخيلة إنه يونس جاي يصالحها...
بس الابتسامة اختفت لما شافت جيجي قدامها.
جيجي بسخرية
أما قولت أطلع أجبر بخاطرك... زعلتي لما يونس اهتم بيا
عشان تفهمي إني أصيلة قوي.
ورد باستغراب
وانتي عرفتي منين إني زعلت لا يا حبيبتي انتي فاهمة غلط.
أنا واثقة في يونس ومتأكدة إنه شايفك بنت عمه وبس.
جيجي بخبث
متنكريش يا ورد خلينا أصحاب زيي أنا ويونس كده...
هو قالي إنك زعلتي. مستغربة ليه
ورد مصدومة
نعم! يعني هو اللي قالك عن اللي حصل بينا!
جيجي ببرود
طبعا إحنا قريبين جدا.
مقالكيش إننا صحاب ده أنا انتيمته يا بنتي!
طول السبع سنين كنا بنتكلم وكل أسراره عندي... كان دايما يقول إنه بيرتاح معايا أكتر منك.
ورد بصدمة وغضب
كذابة! يونس مستحيل يعمل كده!
انتي لسه بتكرهيني وقاصدة توقعي بيني وبينه عشان رفضك واختارني!
جيجي بغموض
لا يا حبيبتي أنا