رواية وردة اليونس ورد ويونس جميع الفصول كاملة بقلم اسراء ابراهيم
المحتويات
معاه إيه.
ورد ردت بغضب
متغيرش الموضوع وتقلب الترابيزة عليا يا يونس. أنت عارف ومتأكد إننا هنتخانق بسبب البت دي.
أنت راهنت على زعلي ورحت جبتها من المطار رغم إنك عارف إني هزعل.
بس روحت وعملت كده. خلاص طالما زعلي مش فارق معاك متحاسبنيش بقى.
يونس حاول يبرر
يا حبيبتي افهمي. أنا روحت عشان عمي اللي طلب مني يعني هقوله لأ أقول له أصل ورد مش بتحبها وهتزعل لو روحت!
ورد ردت بعصبية خفيفة
متجننيش يا يونس. عمي أصلا ماكانش يعرف إنها جاية النهارده ولو كان يعرف كان طلب من بابا يروح يجيبها.
بابا شغله قريب من المطار وعنده معارف وهو كمان ماكانش يعرف.
وده معناه حاجة واحدة بس.
يونس توتر
معناه إيه بس يا ورد أنتي دماغك كلها أوهام.
ورد بصت له بشك وقالت
يعني كنت عارف إنها راجعة من السفر قبل الكل مش كده
يونس حاول يتهرب
يا بنتي بطلي جنان. أنا عارف إنك زعلانة مني عشان نسيت عيد ميلادك بس خلاص. دي أول مرة وحقك عليا. أنا آسف بلاش تزعل.
ورد فضلت باصة له بحيرة. قلبها كان حاسس إن في حاجة تانية بس ما اتكلمتش. غيرت الموضوع فجأة.
قالت له بجدية
طيب يلا عشان منتأخرش.
يونس رد بتوتر
ها على فين
ورد استغربت
إيه يا يونس نسيت إن النهاردة يوم دار الأيتام أومال إزاي عرفت إني هنزل ووقفت تستناني
فجأة سمعوا صوت جيجي من وراهم قالت بدلع
هاااي صباح الخير يا يونس. إزيك يا ورد
ورد ردت بصوت فيه غموض وعينيها في عين يونس
صباح النور يا جيجي.
جيجي قالت بحماس
يلا يا يونس أحسن هنتأخر على معادنا.
يونس بص لورد بتوتر مش عارف يرد يقول إيه.
ورد قالت ببهتان
رايحين فين كده يا جيجي
جيجي ردت بقصد واضح
مفيش يونس هيوصلني المستشفى اللي هشتغل فيها عشان لسه مش عارفة الأماكن
وإحنا متفقين من امبارح وعشان كده هو مستنيني هنا.
ورد بخيبة أمل قالت
تمام اتفضلوا عشان متتأخروش.
كانت هتسيبهم وتمشي بس يونس وقفها بسرعة ومسك إيدها.
قال بلهفة
استني يا ورد رايحة فين مش هينفع تروحي لوحدك. بصي خليه يوم تاني وأنا أوصلك.
ورد سحبت إيدها بعصبية وقالت
لا يا ابن عمي أنا مش صغيرة.
خليك معاها هي أولى.
أما أنا فهروح مشواري يا يونس.
سابتهم ومشيت وچيجي كانت مبتسمة بشماتة وهي بتتابع اللي بيحصل.
ويونس كان في قمة غضبه واقف مش عارف يتصرف.
وصلت ورد دار الأيتام وكان باين على وشها آثار العياط.
أول ما وقفت قدام مكتب مشيرة مديرة الدار خدت نفس طويل وخبطت ودخلت.
مشيرة استقبلتها بابتسامة
أهلا يا ورد نورتي الدار.
اتأخرتي ليه كده الأطفال مستنيينك من بدري وكل شوية يسألوا عليكي.
ورد ردت بابتسامة مرهقة
أنا آسفة جدا بس الطريق كان زحمة وأنا كمان متشوقة أشوفهم من آخر مرة واحشوني. هما فين
مشيرة قامت من مكانها وقالت
دول بيلعبوا مع أستاذ إياد برا جه من بدري.
ورد استغربت
إياد مين وإزاي يجي في يومي أنتي عارفة إن النهارده اليوم بتاعي أنا لوحدي!
مشيرة ردت بسرعة
أستاذ إياد معانا من زمان بس بييجي أيام معينة.
حصلت له ظروف وافتكر إنه يقدر ييجي النهارده.
ولما قلت له إن اليوم محجوز صمم يكون موجود وقال لي خليها هي تغير ميعادها.
ورد اتضايقت وقالت بضيق
نعم يعني إيه أغير معادي ده إنسان قليل الذوق!
أنا هتكلم معاه وأفهمه إن ده يومي من سنين.
ومشيت ورد مع مشيرة للمكان اللي بيلعب فيه الأطفال.
أول ما الأطفال شافوها سابوا إياد وجروا عليها بفرحة وهي كمان كانت بتسلم عليهم بحب كبير كأنهم إخواتها.
إياد كان واقف بعيد بيتابع اللي بيحصل وبيبصلها
شوية وشافها بتوزع هدايا على الأطفال والكل فرحان بيها.
قربت ورد من إياد فابتسم ومد إيده لها فاكر إنها جاية تسلم عليه.
قال وهو بيبتسم
أهلا أكيد أنتي الأنسة ورد
ورد ردت بغضب ومن غير ما تمد إيدها
أنت إنسان قليل الذوق تدخل على يومي مع الأطفال كده وكمان تطلب إني أنا اللي أغير ميعادي اللي باجي فيه بقاله سنين!
إياد رد باندفاع
والله يا ريتني عملت كده من زمان عشان أشوفك وأتعرف عليكي.
ورد قالت بحدة
أفندم حضرتك قلت إيه!
أياد قال بتوتر
أنا أقصد يعني... آسف ما كنتش أقصد أقتحم يومك. بس مواعيدي اتغيرت غصب عني ومش هقدر أجي غير في اليوم ده. وبعدين ليه منشاركش اليوم سوا الأطفال هيستفيدوا من وقتي ومن وقتك. بصراحة كده أنا شايف إنك أنانية في النقطة دي ويا ريت تراجعي تفكيرك.
ورد ردت بعد تفكير
تمام مفيش مشكلة... عندك حق الأطفال هيفرحوا أكتر لو لاقوا اهتمام من كذا شخص.
أياد ابتسم وهو بيحاول يمد إيده
يعني أفهم من كده إننا اتفقنا
ورد ابتسمت من غير ما تمد إيدها
تمام اتفقنا.
أياد بص لها بإعجاب لأنها رفضت تسلم عليه ومشوا هما الاتنين ناحية الأطفال علشان يقضوا اليوم سوا.
بعد كام ساعة كان يونس ماشي هو وجيجي وكانوا طالعين من المستشفى.
جيجي قالت بخبث
يونس أنا آسفة.
يونس استغرب
على إيه بس يا جيجي
جيجي بتلقائية
بقي كده يا يونس إنت فاكر إني هتوه عنك أنا حساك ومتغير ومضايق وسرحان. وبصراحة كده أنا حاسة بالذنب... إني كنت السبب إنك اتخانقت مع ورد.
يونس تنهد وقال
لا يا جيجي مش إنت السبب. أنا اللي غلطت لأني نسيت معاد ورد وهي فعلا ليها حق تزعل.
جيجي اتغاظت من كلامه بس كملت ببرود
طب خلاص يا يونس روحلها... ما تقلقش أنا هعرف أتصرف.
يونس
لا طبعا زي ما جيتي معايا هروحك معايا. يلا عشان أوصلك وأرجعلها.
جيجي ابتسمت ابتسامة فيها تمثيل
طب توعدني إنك تصالحها أنا مش عايزة أحس إني السبب في الخلاف أرجوك.
يونس ابتسم وقال
ما تقلقيش هصالحها. ورد بتحبني وأنا متأكد إنها مش زعلانة مني أوي.
جيجي بتمثيل
طب يلا أنا تعبت أوي النهارده وعاوزة أروح أرتاح.
يونس قال بتردد
جيجي ممكن أطلب منك طلب
جيجي فضولها زاد
طبعا يا يونس إحنا صحاب... قول في إيه
يونس برجاء
لو ممكن يعني ما تقوليش لورد إننا كنا بنتكلم وإنت مسافرة... عشان بس ما تزعلش.
جيجي بخبث
هي تزعل إن أنا وإنت صحاب ليه يعني يا يونس ده أنا حتى بحبها.
يونس حاول يبرر
لا مش كده... مش عشانك إنت. بس هي بتغير من أي حد وبصراحة مش عايز أزعلها.
جيجي قالت بمكر
ماشي يا سي يونس حاضر... مش هقولها ولا هجيب سيرة. ممكن نمشي بقى
يونس بامتنان
شكرا يا جيجي... حقيقي يلا بينا.
ركبت جيجي العربية وكانت على وشها ابتسامة مكر... وعرفت ساعتها هي هتعمل إيه بالظبط.
يونس وصل جيجي بسرعة وبعدها رجع على دار الأيتام. كان بيفكر في كل كلمة هيقولها لورد لأنه عارف إنها زعلانة جدا على عكس اللي قاله لجيجي.
دخل الدار بعينيه يدور على ورد وفعلا شافها... بس ملامحه اتبدلت لما شاف أياد واقف معاها بيضحكوا ويلعبوا مع الأولاد. تعصب أكتر لما شاف نظرة الإعجاب على وش أياد لورد.
قرب منهم بغضب وورد شافته وكشرت وبصت له بحدة.
قال يونس بحدة
يلا قدامي يا ورد... حالا.
ورد باستغراب
قدامك فين أنا لسه مخلصتش وقتي مع الأطفال يا يونس.
يونس وهو بيسحبها من إيدها
هنروح دلوقتي حالا ومن غير نقاش... فاهمة
ورد سحبت إيدها منه وقالت بغضب
إنت بتتصرف كده ليه قلتلك مش همشي
يونس بعصبية
وأنا قلتلك أجلي معادك ليوم تاني! ليه صممتي تعاندي
ورد غضبت
متابعة القراءة
