رواية وردة اليونس ورد ويونس جميع الفصول كاملة بقلم اسراء ابراهيم
مبكدبش.
تحبي تعرفي إنه راحلك الدار يصالحك بعد ما وصلني
وأقولك كمان أنا اللي طلبت منه يروح يصالحك!
ورد بدموع بتنزل
بره... اخرررجي بره!
قفلت الباب ووقفت وراه...
ودموعها نازلة من غير كلام.
ماكنتش متخيلة إن يونس يكسرها بالشكل ده.
تاني يوم...
كانت ورد واقفة قدام نعمان جدها ومحمود أبوها بعد ما طلبت تتكلم معاهم على انفراد.
محمود بقلق
خير يا ورد في إيه يا بنتي قلقتينا.
ورد بجمود
لو سمحت يا بابا ويا جدي... أنا مش عاوزة أكمل مع يونس.
محمود بصدمة
ليه كده يا ورد! أنا متأكد إنك بتحبي يونس وكنتي موافقة على جوازك منه!
ورد بصوت مكسور
وخلاص... مبقتش عاوزاه قلبي مقفل مبقتش بحبه ولا قادرة أتقبله. لو سمحت طلقني منه.
نعمان بغموض
اديني سبب مقنع يا ورد... وأنا أوافقك على اللي بتقولي عليه.
ورد وهي مش قادرة تمسك دموعها
مفيش سبب أكبر من إني مبقتش بحبه. وأكيد أنت مش هتغصبه عليا.
فجأة ظهر يونس من وراهم مستغرب ومتلخبط.
يونس باستغراب
هو مين ده يا ورد! انتي بتعيطي كمان مالك اتكلمي!
ورد ما ردتش فنعمان هو اللي اتكلم.
نعمان
ورد عاوزة تفسخ الخطوبة يا يونس... رأيك إيه
يونس بعدم
نعم يعني إيه أنا مش فاهم حاجة... ورد أكيد بتهزر!
ورد بجدية
لا مبهزرش. أنا مش عاوزاك يا يونس.
يونس بعصبية
انتي بتقولي إيه! انتي بتاعتي يا ورد! انتي ليونس وبس! متفتكريش إنك تقدري تبعدي عني... أصلا انتي مش في إيدك تختاري!
محمود بجدية
الزم حدودك يا يونس! أنا عارف إنك بتحبها بس بنتي مش هغصبها على حاجة. ولو صممت... هنفسخ الخطوبة.
يونس بإنكسار
طب قوليلي... أنا عملت إيه! أنا عملتلك كل اللي قولتي عليه صدقيني!
ورد بانهيار
لا انت كداب! كدبت عليا... وأنا كنت غبية وصدقتك. عرفت قد إيه هي بتكرهني وكنت متأكدة إنها عايزة توجعني بيك... بس انت! انت اللي إديتلها الفرصة.
وعدتني إنك مش هتكلمها تاني... بس مش بس كلمتها دي عرفت أسرارنا! خلتها تقولي إنها أقربلك مني... وإن ماليش قيمة في حياتك!
يونس بصوت عالي
هي قالتلك كده!
ورد بكسرة
أنا مش عاوزاك ومش هسامحك. جدو... لو سمحت خلص الموضوع.
ومشيت ورد... ويونس فضل واقف مكانه غضبان وساكت وساب عمه وجده اللي ابتسم براحة وكأنهم كانوا عارفين إن يونس أخيرا فهم.
تاني يوم...
ورد كانت واقفة في المطبخ بتحضر الفطار مستنية أمها ترجع
ورد بضيق
يونس! إحنا خلاص قولنا كل حاجة... لو سمحت انساني بقى.
يونس بحزن
اهون عليكي تنسيني بالساهل كده! طب حتى إديني فرصة أتكلم أدافع عن نفسي... يلا تعالي معايا.
ورد باستغراب
على فين!
يونس بابتسامة خفيفة
هسمعك الحقيقة بودنك... بس تعالي.
خدها يونس وطلعوا عالسطوح... كانت چيچي مستنياهم.
وقف يونس عند الباب وبص لورد.
يونس
استنيني هنا... وعاوزك تسمعي الحقيقة بنفسك.
ورد سكتت وما ردتش... دخل هو لوحده ولما چيچي شافته قربت منه بلهفة.
چيچي
يونس! أنا مبسوطة إنك وافقت تقابلني عشان أوضحلك كل حاجة... انت امبارح اتهمتني إني رحت قلت لورد بس والله ده محصلش! هي اللي فضلت تجرني في الكلام صدقني!
يونس بغضب
سؤال واحد... وتردي عليه بصراحة يا چيچي.
أنا وعدتك بأي حاجة! أو حتى لمحتلك إني بحبك
چيچي بتوتر
لا... لا محصلش.
يونس بعصبية
يبقى إيه لازمة كل اللي بتعمليه ده!
أنا لحد آخر لحظة كنت بقول إنك يمكن اتغيرتي... مع إنك زمان لما جيتيلي وقلتيلي إنك بتحبيني وانتي عارفة إني بحب ورد وهي بتحبني... برضو حاولتي!
ووقتها صديتك وقلتلك إني
بس رغم كده قولت أديكي فرصة... يمكن تعقلي.
ولما سافرتي كلمتيني... وقعدتي تتحايلي عليا وتقولي إنك حاسة بالوحدة.
وقتها... كلمتك عشان صعبتي عليا.
ماكنتش أعرف إن كل ده تمثيل... وإنك قاصدة تفرقي بيني وبين ورد!
جيجي بمسكنه
ياه... للدرجة دي شايفني وحشة يا يونس طب ليه ما حاولتش تديني فرصة يمكن... يمكن كنت حبيتك من قلبي وكنت وفرت على نفسي كل العذاب ده
انت لو تعرف أنا بحبك قد إيه
يونس بعصبية وقهر
بس خلاص! اخرسي! انتي فعلا مريضة... ودموعك دي دموع تماسيح!
من النهاردة ملكيش دعوة بورد
ولو فكرتي تأذيها تاني والله هتشوفي وش ما تعرفهوش! فاهمة!
جيجي بخوف وهي تهز راسها
فاهمة
ورد طالعة من وراهم بنبرة حاسمة
يونس كفاية كده
وإنتي يا جيجي ربنا يهديكي
نزلت ورد مع يونس وسابوا جيجي واقفة في مكانها عينيها بتلمع من الغيظ
أول ما وصلوا قدام شقة ورد بصت له وابتسمت
ضحكتها رجعت له روحه اللي كانت مكسورة
يونس بابتسامة مرتاحة
أظن كده خلاص... اتأكدتي بعينك إن كل حاجة كانت تمثيل
ورد بخبث وغمزة
هممم... بس برضو انت غلطان عشان ما حكيتليش من الأول
يونس بإحراج
خلاص بقى... المسامح كريم يا وردتي
ورد بفرحة وهي تضحك
ماشي يا سي يونس... وقلب وردتك
تمت
