رواية اصابك عشق فراس وجميله الفصل الثامن 8 بقلم اسما السيد
8
أصابك عشق
اسما السيد
بسم الله الرحمن الرحيم
انت
بعد اربعه اشهر..
بشرم..
اخيرا اطمأنت انه ليس هنا..
مريم بخوف.. الله يرضي عنك ياجميله بلاش
سي فراس مش هيعديها وهيجيبك..
جميله بخوف.. انا لازم اخرج من هنا.. انا مش عاوزه اتجوزه.
بدموع تغرق وجهها منذ اخبرها بشرطه.. مش هقدر.. ساعديني.. يامريم
مش قادره.. كفايا لحد كدا..
مريم بحزن.. علي عيني دموعك وفراقك ياجميله.. مع انك هتقطعي بيا.. بس حاضر.. اللي انتي عاوزاه هعمله.
جميله بخوف.. طب بسرعه خرجيني من الباب اللي قلتي عليه..
انا لازم اخرج من هنا.. قبل مافراس يرجع والحرس يشفوني..
بلهفه سحبتها مريم للباب الخلفي غير واعين لمن يشاهدهما من خلف كاميرا حاسوبه..
فراس بحزن.. كنت عارف ياجميله انك هتعملي كدا.. بس معدش ينفع تخرجي من حياتي بعد مابقيتي جزء اساسي منها..
مش هقدر سامحيني..
بحزن اغمض عيونه.. وقلبه يشتعل من الداخل التلك الدرجه لا تريده..
لدرجه انها مستعده للتخلي عن حلمها بلقاء اولادها.. ام انها سئمت وعوده.
وااه لو تعلم ماذا كان يخبئ لها..
اشتعلت عيونه بنار الثأر لكرامته.. منها
لم يضعف لامرأه علي وجه الارض الا هي
وبماذا قابلت ضعفه.. بهروبها..
جز علي اسنانه واقسم انها ان لم تكن له لن تكون لغيره..
سيتزوجها جبرا ان لزم الامر..
جميله له وستكون.. مهما حدث
لن تتحرر منه الا بعد ان تصعد روحه
اغلق هاتفه بعدما هاتف الحرس وامرهم بحبسها.. اغلق حاسوبه بعدما اطمان انها بامان ببيته..
ابتسم.. بحزن..
لسه بدري ياجميلتي.. في حاجات كتير عاوزك تعلميهالي.. للدرجه دي زهقتي مني
تنهد وهو يقر انه.. لن ينتظر ليله اخري.. ستبيت الليلة إلى جواره زوجة له... وانتهي الامر..
بمشفي الرشيد..
حيث تعمل نيره
انهت امتحاناتها منذ شهران واستلمت عملها ايضا
كانت تود الهرب من جحيم والدته ليلا ونهارا وزوجه اخيه واخته التي تزوجت ولم تتزوج
رفضت الرحيل مع زوجها وقررت ان تبقي لتنغص عليها حياتها.. كم تشفق علي معتصم هذا كيف يتعايش مع انسانه حقوده متكبره كتلك..
ولكن والده اجتمعا معهم وتوسلها ان تبقي لسته اشهر اخران.. حتي لا تتعرض للقيل والقال وتسوء سمعتها اكتر.. وهل عاد يهم ان تسوء او لا
ولكنها اطاعته حتي تجد مأوي لها هنا وعمل مناسب لتعمل به بعد الرحيل
ليس الا.. لن تعود للعذبه ولو قتلوها مره اخري..
هي لا يهمها اي شئ.. فقط تريد الهرب من جحيم والدته وما تقوله لها..
وجحيم عائلتها ايضا.. لم يهاتفوها مره منذ تزوجت.. لم يزورها.. ولم يسألو علي تلك اللعبه
التي باعوها.. كيف هي احوالها..
نزلت دمعه ساخنه حرقت خدها.. منذ حطت قدمها هنا.. وهي بجحيم..
باسم غير موجود معظم الوقت وهي تستفرد بها..
وبدر الذي يسعي وراء انتقامه من ابنه عمها
وبقت هي معهم حتي حماها يظل بالايام بعيدا عن البيت.
وحده من يأتي ليلا بحثا عن دفء وجودها...
لم يدعها يوما تقلل من شأنها امامه.
والده يحبها كثيرا.. حتي انها الان تعمل بمشفاه هو.. بعدما اصرت علي العمل..
صحيح انها تشعر بالامان بوجوده.. ولكنه ليس لها..
وليست له هي.. خصوصا بعدما حدث بينهم..
لن تتقابل دروبهم يوما مره اخري..
نيره..
مالك يابنتي في ايه
نيره بانتباه.. هااا انا كويسه اهوو
عملتي ايه انتي في اللي قولتلك عليه
عبير بهدوء.. أخرجت من حقيبتها هاتفا جديدا..
واعطته لها..
اهو ياستي زي ماوعدتك.. تليفون حديث وببس
نيره بابتسامه.. الله حلو اوي..
عبير.. بس مش احلي من الايفون اخر موديل يافقر.. انتي عجيبه اوي يانيره..
نيره بتنهيده.. ليه
ماانا حكيتلك ياعبير اللي فيها.. انا مش عاوزه منه حاجه..
اللي بينا اتفاق وخلاص فات اربع شهور منه
باقي شهرين..
عبير بصدمه.. انتي غبيه يانيره.. انتي مبتشوفيش نظرته ليكي.. عامله ازاي
دا مش بس بيحبك.. دا واقع لشوشته..
نيره بحزن.. حتي لو.. مش عاوزه ياعبير في حاجه انكسرت جوايا حتي لو معاه مال قارون.. مش عاوزاه
انتي مش عارفه امه بتتعمد تقلل مني ازاي
من لبسي.. وحجابي.. وحتي طريقه اكلي..
لدرجه اني بقيت اتحجج باي حاجه لو هتصادف معاد اكلهم..
وبفضل انام جعانه ولا اجتمع بيهم.. ابدا
انا بحس اني عريانه في وسطهم ياعبير
مش من توبي ولا علي مقاسي
عبير بتنهيده.. حاسه بيكي يانيره.
نيره بهمس.. فكرت وخلاص.. امسكي حطيلي الشريحه دي بقي..
عبير.. ومالها قديمه ليه كدا
نيره.. بالله عليكي حاولي تشغليها لان عليها حاجات مهمه اوي..
عبيربصدمه.. هو انتي معاكي تليفون..
نيره بتهكم.. كان معايا وابويا خده مني قبل مااخرج من بيته.. وقالي جوزك غني وهيجيبلك غيره
عبير بحنان.. هوني علي نفسك يانيره.. وادي ياستي.. الشريحه اشتغلت
وهنزلك عليها بقي الواتس والماسنجر والفيس واظبطك
ويالا بقي نخرج ونفرتك بقيه المرتب..
نيره بخوف.. بس باسم مش هنا ومش هعرف اخرج..
مره تانيه بقي..
عبير.. طب ماتتصلي عليه.
نيره بخجل.. ماانا اصل معرفش رقمه.
كان كاتبهولي عالموبايل اللي جبهولي.. ومن يوم ماجابه مستعملتوش.
عبير بفضول.. الا قوليلي يانيره.. انتو عايشين مع بعض في اوضه واحده ازاي
نيره بعدم فهم.. تقصدي ازاي
عبير بغيظ.. يابت ركزي يعني.. .وغمزت بعينها..
نيره بصدمه وبربكه.. ابتلعت ريقها.. بعدما فهمت عليها.. هااا مفيش حاجه..
كل واحد في حاله..
عبير بخبث.. طب عيني في عينك كده..
بقي المز اللي بياكلك بعينه كل ما يشوفك دا
محصلش منه حاجه
نيره بخجل.. انتي قليله الادب انا قايمه اشوف شغلي ونتقابل بعد الشغل..
عبير بقهقه.. اهربي.. اهربي..
نيره بخجل.. ووجهه احمر من شده خجلها.. بعدما هربت من امامها.. استندت علي سور شرفه المشفي الذي يطل علي الحديقه.. وشردت بما حدث من
flash back..
علي فراشها كان الحزن يتآكلها لم يعد ينام بالقرب منها منذ يومين..
حينما
