رواية اصابك عشق(نيره وباسم)الفصل الرابع عشر 14 بقلم اسما السيد
لسيارتها..
وعادت بهدوء للمنزل..
ببيت الرشيد..
ابتلعت ريقها وهي تراه امامها.
تسنيم بخوف.. فراس انت هنا.. جيت امتا
فراس بلامبالاه خلع جاكيت بدلته ورماه علي الفراش..
ودا يفرق معاكي اصلا
تسنيم بخوف منه.. لا بس
فراس بتهكم.. ااه بس دي.. يكونشي مجيتي فسدتلك مخططاتك ولا حاجه..
تسنيم برعب.. مخططات ايه.. انا مبعملش مخططات..
فراس بحده.. اه بحسب..
تنهدت براحه بعدما خرج من الغرفه..
اف يلهووي.. ايه اللي جابه دا دلوقت.. كنت مرتاحه منه وبخرج علي كيفي..
هخرج ازاي دلوقت.
اسبانيا
انت اتجننتي يانيره عاوزه ترجعي برجليكي ليه
انا مش موافقاكي..
نيره بتنهيده.. مش عشاني يا سولاف.. عشان خاطر اللي في بطني
لو فضلت وانكرته ببقي بعيشه طول عمره وحيد مهمش.. لا اصل ولا فصل..
بجني عليه..
واحرمه من اسم ونسب.. ومش بعيد يفضل يدعي عليا العمر كله..
انا عاوزه حقي في نسب ابني.. لازم ياسولاف
سولاف بتنهيده.. فاهمه دا كله.. بس انا خايفه عليكي..
مش عارفه قلبي مش مطمن..
نيره بتهكم.. احنا شرقيين ياسولاف.. لو ابني منكتبش بإسم ابوه هيفضلو طول العمر يعايروه وبكدا هضطر اعيش طول عمري متغربه بيه بين البلدان
عشان مش هتحمل نظره المجتمع ليه..
وانتي عارفه الدنيا في مصر ماشيه ازاي مش علي كيفنا نمشيها..
سولاف بحنان.. عندك حق.. يانيره
انا هبقي في ظهرك دايما..
وانا واثقه ان داود هيحافظ عليكي بعنيه..
نيره ببسمه راضيه.. ادعيلي احسن حاسه ان اللي جاي صعب.. صعب اوي..
سولاف بحزن.. هدعيلك..
ربنا يراضي
ليلا..
مريم بابتسامه..
ماشاء الله عليكي قمر ياجميله..
كانت ترتدي فستانا انيقا محتشما
من اللون الاسود
وتترك شعرها بحريه.. ووضعت زينه هادئه
خرجت كملاك
بردو هتخرجي من غير ماتعرفي سي فراس
جميله بحيره.. ماانا كلمته ومردش.. وهو قالي اعملي اللي عوزاه..
وبحزن وغيره بصوتها
اكملت..
بعدين ياستي تلاقيه دلوقتي في مع مراته..
هيدور عليا انا..
يالا بس انتي.. عشان تيجي معايا.. اجهزي زمان منه جايه..
مريم بابتسامه.. وهي ترتدي ملابسها
خلاص اهو.. كدا حلو..
جميله.. بابتسامه.. حلو اوي..
استمعت لرنه هاتفها.. يالا منه وصلت تحت..
هنروح بعربيتها..
مريم بقلق.. بلاش ياجميله.. الله يرضي عليكي خلينا تروح بعربيتك والحرس ورانا..
سي فراس لو عرف هيطين عيشتنا..
جميله بلامبالاه لاول مره..
وهيعرف منين.. مش هيجي.. انهارده..
يالا بقي..
ببيت الرشيد..
علي طاوله العشاء..
نسرين بخوف ونبره خافته.. حمدالله عالسلامه يافراس
طالت غيبتك المرا دي..
فراس بتهكم.. وهو يمضع طعامه بلا روح
عقله شارد بمن تركها خلفه.. ولم يحدثها منذ الصباح..
الله يسلمك ياخالتي.. ان شاءالله تكوني خدتي راحتك الشهور اللي فاتت دي..
انتي وهما.. لاني خلاص ناوي استقر في القاهره اليومين دول..
ابتلعت نسرين ريقها ونظرت لتسنيم الجالسه بجوارها بنفس هيئنها
واكملت بتوتر..
دا يوم المني ياحبيبي انك تبطل مرواح ومجي..
عمران بتهكم.. طب كويس والله ياريت بس تبطل عط وعك..
فراس ببرود وهو ينظر لوالده.. بطلت
دعواتك ياحاج..
عمران بابتسامه صافيه لا تظهر الا لابناءه..
دا يوم المني ياحبيبي..
نفسي اشوفلك عيل بقي..
قاطعته نسرين بسرعه..
بقولك يافراس اختك بقالها كتير مبتكلمنيش وقلبي واكلني عليها اوي..
ومعتصم مبيردش عليا ومش موجود في الفيلا..
رن عليه واساله..
فراس بتهكم نظر لها واعاد نظره لتلك التي تنكمش علي نفسها خوفا منه..
بنتك في المصحه بتتعالج من الادمان ياخالتي
نسرين بصدمه شهقت واستقامت كالملسوعه
ادمان ايه.. انت اتجننت يافراس بتقول علي اختك كدا..
باسم الصامت اخيرا تكلم ليسأله..
ايه الكلام دا يافراس.. متفهنا..
عمران.. انت يابارد انت.. اختك جرالها ايه
فراس ببرود.. استقام وهو يرمق تسنيم بوعيد..
اسألو بنت الحسب والنسب اللي بلتوني بيها..
مين خلي بنتكو مدمنه زيها..
بنتك ياخالتي.. بنتك هااا
ابتلعت ريقها بخوف من نبرته..
بنتك حامل والجنين احتمال يكون مشوه..
ومدمنه ورافضه العلاج..
وبقالها اسبوع في المصحه..
عمران بصدمه.. كل دا حصل ومعندناش علم..
فراس ببرود.. هههه علم.. وانتو في ايه ولا ايه
عموما عنوان المصحه ميتوهش
تقدرو تروحلها..
وابقي عرفيها ياخالتي ان عقابها مانتهاش
عن اذنكم..
صعد لغرفته..
يبحث عن هاتفه..
وجده علي الغراش.. اليوم كان مليئا
استقام صباحا علي خبر الحادث لاخيه وبعدها معتصم واخته.. وزواج معتصم المفاجئ
لم يلومه.. ولم يعاتبه.. احترمه.. وتقبل شعوره بصدر رحب..
من هو ليحكم عليه
مشاعرنا لا سلطان عليها ولا عتب.. ومادام صديقه مرتاح
وهو يعلم انه ابقي علي شقيقته الفاسده
الي الان بسببه هو..
تنهد بزهق وهو يري هاتفه مغلق..
جلس قليلا بجانبه حتي فتح..
بعد دقائق
استقام مفزوعا من مكانه وهو ينظر لما ارسل له..
اشتعلت عيونه كجمر نار..
وخرج مسرعا..
الساعه الثانيه عشر..
بسياره منه..
منه بسعاده.. الله علي جمال صوتك ياجميله بجد تحفه والولاد انبسطوا اوي
مريم من خلفهم.. جميله صوتها جميل شكلها وبجد انا اول مره انبسط كده.. شكرا ليكم..
جميله بابتسامه وانا.. كمان انبسطت جدا..
والوقت اتاخر اوي..
منه بهدوء.. اهو ياستي وصلنا..
خرجت جميله ومريم..
منه بصوت مرتفع.. هعدي عليكي بكره نروح سوا الجامعه..
ماشي هستناكي باي..
بعد دقائق..
دخلت مريم وجميله يمرحون بصوت مرتفع ويضحكون معا..
مريم.. اااه انا هنام زي القتيله.. ومعنتش شايفه بعيوني
جميله بضحك عليها.. انتي طول الحفله اصلا بتنامي..
مريم بعبوس.. اخص عليكي ياجميله.. دا انا كلي اذان صاغيه
جميله بضحك وهي تدلف لغرفتها
انتي هتقوليلي..
تصبحي علي خير.. عندي محاضره الصبح
فتحت الباب ومدت يدها لتفتح الاضاءه..
وهي تدندن بصوتها..
استدارت لتخلع ثيابها امام الخزانه
ولكنها
شهقت بخوف وخضه وعادت بظهرها للخارج
وهو يرمقها بأعين كالبركان..
انت
انت..
ياسيفا حارا اخترق القلب واقتلعه من الاساس
يانارا مشتعله كلما اطفيتها تشعلها الحواس
يامن لقياه كان صدفه.. وعشقه قدر
يقتلني عشقك يارجل.. وغيرتك جمر
تبتعد عني وتهجرني وتحسبني سأتقبل الامر
يامن بقربه انسي الدنيا والبشر
اعشقك
اصابك عشق
اسما السيد
الفصل 15
https://pub153.lamha.news/35338
كاملة من هنا
https://pub153.lamha.news/35083
