رواية ابن عمتي الغريب عشق وفارس كاملة جميع الفصول بقلم اسراء ابراهيم
المحتويات
دايما كنت بشوفك يا فارس.
فارس بتفاجئ
أخوكي! أنا مفهمتش كده.. ماما قالتلي إنك...
عشق مقاطعة بكبرياء
فهمت إيه إني بحبك وموت عليك وإني ما صدقت إنك راجع عشان نعيش في تبات ونبات لا يا فارس.. أنا لو اهتميت برجوعك.. فده عشان كنت محتاجة أخ جنبي. أنا لوحدي من يوم ما بابا وماما ماتوا.. وإنت كنت جنبي قبل ما تسافر.
فارس بلهفة
حقيقي آسف يا عشق.. أرجوكي متزعليش. اعرفي إني معاكي.. ومش هسيبك أبدا.
عشق بجمود
أنا مكنتش فاكرة إنك ممكن تفتكر غير كده. ومش عاوزة أكون تقيلة عليك. وعلى فكرة.. أنا كنت مستنياك أصلا عشان تطلقني. خلاص كبرت.. وهعيش في شقة بابا. بس لو سمحت...
فارس بسرعة
لا طبعا! مش هتعملي كده. ومش هتعيشي لوحدك أبدا. أرجوكي اسمعيني. أنا كنت خايف.. خايف أظلمك أو أديكي أمل مش موجود. لما افتكرت إنك بتحبيني.. بس ده مش معناه إني بكرهك.
عشق بصوت هادي وحاد
بس برضه شايفني عبء عليك. ومش لازم تبقى لطيف معايا دلوقتي عشان ضميرك صحي فجأة. إنت طول عمرك مهتم بنفسك. ولو مكنتش كده.. مكنتش سبتني وسافرت. بس أنا كمان.. هعمل زيك. وبناقص جميلك.
فارس بحدة وهو بيرفع صوته
أنا جيت أشرح موقفي.. مش عشان تحسسيني إني بتحايل عليكي.
عشق بحدة
وتيجي تشرح إيه أصلا! إنت حبيت واحدة.. وجيت دخلت علينا بيها.. ولا سألت.. ولا حتى افتكرت إن فيه واحدة هنا لسه شايلة اسمك.. حتى لو بالغصب!
فارس بتنفس بضيق
أنا غلطان.. بس مش بمزاجي. الدنيا خدتني.. ونسيت حكاية جوازنا. افتكرت لما شوفتك.
عشق بابتسامة مكسورة
شوفتني بعد سبع سنين! ولا لما عمتي قالتلك إني كنت واقفة جنبها وبخدمها.. فصعبت عليك وجيت تعمل نفسك بتشرح
فارس
معرفش.. احسبيها زي ما تحسبيها. لو ده يريحك. وأنا غلطان أصلا إني جيت أكلمك. بس اعملي حسابك إني هخطب.
عشق بابتسامة وصوت مخنوق
تمام.. براحتك يا ابن عمتي. واعتبرني مش هنا. وأنا كمان هعتبرك لسه مسافر. بس الطلاق هيتم قبل فرحك. أنا مش هفضل مربوطة بيك طول عمري.
فارس بغيظ وجدية
تمام.. زي ما تحبي يا عشق.
عشق بصوت بيرتعش
تمام.. ممكن أمشي بقى تصبح على خير يا ابن عمتي.
قالت كده ومشيت.. سابت فارس واقف مكانه.. بيبص لأثرها.. غضب ممزوج بحيرة.
تاني يوم.. كانت عشق واقفة قدام المراية. بصت لنفسها وهي مش عارفة هتقدر تكمل التمثيلية إزاي.. إزاي تتعامل مع فارس كأخوها بعد ما كان هو كل حياتها. بس لازم تفضل على موقفها.. عشان كرامتها. تنهدت.. وخرجت بعد ما اتأكدت من هيئتها.
عشق بابتسامة
صباح الخير يا عمتي.
زهرة بابتسامة
صباح الورد يا نور عيني. يلا تعالي افطري.
عشق وهي بتقعد جنب زهرة
طيب.. مصحتنيش بدري ليه عشان أساعدك
زهرة بحب
يعني جت من يوم يا حبيبتي وبعدين أنا عارفة إنه نهارده يومك.. مش كنتي محضرة من بدري ها.. جاهزة
عشق وهي بتقوم.. تحت نظرات فارس اللي كلها فضول وإعجاب
طبعا جاهزة. انتي عارفة إني ما بصدق اليوم ده ييجي. يلا.. أنا ماشية عشان متأخرش.. عاوزة حاجة
فارس بجدية مصطنعة
أحم.. هو انتي رايحة فين
عشق بتجاهل
مشوار. بعد إذنك يا عمتي.. أنا ماشية.
فارس بضيق
أيوة يعني.. مشوار إيه وفين
عشق بغيظ
وانت مالك معلش متحسسنيش إنك وصي عليا. أنا مش صغيرة.
فارس بحدة
واطي صوتك وإنتي بتتكلمي معايا. ده أولا. ثانيا.. طالما أنا موجود.. يبقى لما أسألك تردي. وكمان تاخدي إذني قبل ما تخرجي.
عشق بغضب
لا مش فاهمة! وإنت مالك بيا! رجعت يعني كل حاجة اتغيرت لأ! ياريت تخليك في اللي يخصك وبس!
زهرة بتوتر
استهدوا بالله يا ولاد! مالكم كده من الصبح وبعدين يا عشق.. فارس بيطمن عليكي. مش جوزك لازم يعرف.
فارس اتوتر.. وعشق ردت بانفعال
متقوليش جوزك يا عمتي! هو هيطلقني قبل ما يتجوز. هو متفق معايا على كده. أنا ماشية!
زهرة بصدمة بعد ما عشق مشيت
إنت فعلا اتفقت معاها على كده يا فارس هو ده اللي قولتهولك
فارس بضيق
يا ماما.. لو سمحتي.. هي أسلوبها فظيع. وبصراحة.. كويس إني مسكت نفسي ومدتهاش قلمين على أسلوبها!
زهرة بتنهدة
يا بني.. حرام عليك. ده بدل ما تقرب منها وتديها أمان.. البنت لسه حاسة إنها لوحدها.. خصوصا بعد صدمتها فيك لما رجعت بالبنت دي.
فارس بزهق
والله أنا مش فاضي أدلع وأطبطب. وبصراحة شايف كده أحسن. متتعودش عليا.. عشان مترجعش تقول إني خدعتها. بعد إذنك.. عندي ميعاد مع يارا في الأوتيل.
زهرة بعصبية خفيفة
يعني شوفت أنا بقولك إيه وانت بترد عليا بإيه! بدل ما تقول هروح وراها وأبقى معاها في اليوم اللي بتزور فيه أبوها وأمها! تبقى جنبها! عموما براحتك يا فارس.. بس افتكر كلامي. إنت هتندم.
فارس بتوتر
هي بجد رايحة تزور خالي الله يرحمه طب ليه مقالتليش أنا سألتها!
زهرة بحزن
عشان من يوم ما إنت سافرت وهي لوحدها. مفيش اللي يسندها. وأنا كبرت.. مبقتش أقدر أروح معاها. عرفت ليه بقولك إنها محتجاك كانت مستنياك.
فارس اتنهد بضيق.. وقام
خلاص يا ماما.. أنا رايح لها دلوقتي.
زهرة بفرحة
بجد! طيب.. ربنا يخليك ليها.
كانت عشق قاعدة على الأرض قدام قبر أبوها وأمها. عيونها
عشق بكلام خارج من قلبها وصوت حزين
أنا تعبت يا بابا.. تعبت أوي.
كل حاجة بقت تقيلة عليا.. والوحدة بقت بتونس بيا. حتى فارس.. فارس اللي كنت فاكرة إنه آخر حد ليا.. مبقاش فاضي ولا حاسس بيا.. ولا حتى بيبص في وشي. بس خلاص.. أنا هبعد عنه.. وهسيبه يرتاح. هو أصلا مش عاوزني.
فجأة بييجي صوت فارس من وراها
وهو مين قال كده
اتنفضت عشق بسرعة.. ومسحت دموعها وهي بتحاول تخبي انهيارها.
قالت بصوت مبحوح وهي بتبصله
إنت إزاي جيت ورايا
فارس وهو بيقرب منها بهدوء
ماينفعش أشوفك خارجة كده لوحدك وسايبة البيت ومجيش وراكي. بس مكنتش أعرف إنك شايلة مني في قلبك كده يا عشق.
عشق وهي بتتجنب عينيه
عشان أنا اتعودت أكون لوحدي.. ومن زمان كمان.
فارس بنبرة عتاب
بس أنا موجود.. وانتي عارفة كده كويس.
عشق بابتسامة مريرة
موجود طب فين وجودك
إنت سبتني لوحدي ومشيت.. وحتى لما رجعت حسيت إني دخيلة عليك. ولا مرة حاولت تقرب أو تسأل أنا حاسة بإيه.
فارس بندم
أنا آسف يا عشق.. بس انتي اللي بنيتي بينا الحيطة دي.
عشق بحدة
لأ يا فارس.. انت اللي حطيت أول طوبة.
أنا مكنتش عاوزة غير كلمة.. كلمة تطمني إنك لسه شايفني.
بس أنا بالنسبة لك كنت إيه ولا حاجة.
سيبتني ومشيت.. حتى مبصتش وراك.. مع إنك عارف إني مليش غيرك.
سكت فارس.. وبصلها وقلبه موجوع من كلامها. قرب منها شوية وقال بصوت واطي
طب.. نقدر نبدأ من أول وجديد زي زمان.. أصحاب.. من غير زعل ولا وجع
عشق وهي بتحاول تتماسك
أنا مش بكرهك يا فارس.. أنا بس كنت بعاقبك. عشان سبتني.. عشان مبقتش تسأل.
فارس وهو بيحاول يهرب من إحساسه
بتعاقبيني طب والله أنا استاهل.. وأكتر كمان.
بس
متابعة القراءة
