رواية يوسف ونور وملك جميع الفصول كاملة بقلم نورا

توتري من الموقف لكني عرفت أظهر عكس كده.. دنيا استقبلته وسابتنا نقعد لوحدنا شوية.. وفاجأة هو أتكلم بكل عصبية وقال 
هو ليه بتعملي فيا كده ليه عايزة تنتقمي مني بالشكل ده 
بس أنا معملتش حاجة! أنت السبب في كل شيء يا يوسف! 
وقف بعصبية وقال بغضب 
أنت كدابة.. أنا متسببتش في حاجة أنا لما زقيتك مكنتش قوية أوي كده عشان يحصلك كل ده يا نور. 
وقفت قصاده بس بهدوء وقولت 
يعني أنت معترض على الغرز بس
ما أنت السبب.. أنت اللي استفزتيني وفورتي دمي. 
تقوم تعمل فيا كده  يا محترم 
أتلكم وسكت لما أفتكر اللي عمله.. قعد تاني وخد نفس بهدوء وقال
طب أنت عايزة إيه يا نور
كان هو قعد وأنا فضلت واقفه.. بصتله بسخرية وقولتله 
أتطلق. 
موافق. 
قالها بسرعة.. لدرجة أني حسيت ضلوع قلبي بتتكسر مع كل حرف نطقه! ابتسمت بسخرية أنا وبقول في نفسي أنا قد في نظره رخيصة! شلت كل حاجة من دماغي وأفتكرت اللي كنت عايزة أقوله وبس 
جميل.. شوف أمتى هتيجي تطلق ويكون معاك المحامي. 
محامي! ليه 
قعدت قصاده من تاني.. ابتسمت بهدوء وقولت 
عشان تتنزلي عن الشقة. 
وقف بسرعة.. وبكل عصبية كان بيقول 
شقة! شقة إيه! دي.. دي شقتي أنا. 
وبنفس الهدوء قولتله 
وتكون جايب معاك المؤخر بتاعي كله. 
كمان المؤخر! أنت شكلك أتجننتي! 
قالها بكل عصبية.. كان شبه التور الهايج! مهتمتش لعصبيته دي أبدا.. وقفت قصاده وبتحدي كنت بقوله 
اللي هيتجنن فعلا هو اللي هيشرف في السجن.. تعرف هتقعد قد إيه يا يوسف 
حطيت أيدي على راسي علامة على تقكيري الوهمي أنا وبتحرك قصاده بخطوات بطيئة للغاية.. وبعدين قولتله 
سنة أو.. أو 3 سنين! حسب المحكمة هتقول إيه يا بقى. 
كان وصل لقمة غضبه. . زقني بعنف على الكنبة وأتحرك ناحية الباب هو وبيقول 
أنت بتحلمي يا نور.. عايزة تقضيها محاكم قضيها.. ونشوف مين اللي هيكسب. 
خلص كلامه هو وبيرزع الباب وراه بعنف.. أول لما مشي خدت نفسي بسرعة.. دنيا جت جري وسألتني عن اللي حصل.. وبكل خوف قولتلها 
توقع طبعا أن الغرز مش منه. 
وبكل بساطة كانت بتقول 
هه.. يثبت! أحنا معانا تقرير المسشتفى يا نور.. مالك
بس ممكن يرفض وأنا هفضل متعلقه.
تؤتؤ.. هيوافق.. هيوافق عشان القانون في صفك. 
القانون في صفي هي فعلا أكتر وحدة تعرف إذا كان القانون في صفي ولا لاء.. دنيا محاميه.. وهي اللي خططت ليا لكل ده من الأول للأخر.. كانت الخطة أن لازم يجي في وقت وهيفقد أعصابه لأنه عايزني.. وهنا لازم استفزه عشان يغلط و.. ويضربني! وفعلا ده اللي حصل.. يوم الخناقة مكنتش اتوقع ابدا أن يوسف يعمل كده فيا ولا حتى دنيا حطتلي أحتمال حدوث ده!
كل اللي كان في بالي أنه هيضربني ويسبني ويمشي.. لكن.. لكن إنه يكمل في اللي بيعمله! ده اللي مكنش متوقع أبدا.. وزي ما يكون ربنا عايز ينصرني في اللي بدأته! 
وفي خلال خمس تيام كمان المحضر هيتحول لقضية! قضية ممكن يوسف يتحبس بسببها لمدة سنة أو 3 سنين مثلا! 
أتفضلي يا بنتي عقد الشقة.. هتيحي تتنزلي عن المحضر.. وبعدين نيجي نتمم الطلاق. 
كل حاجة حصلت زي ما كنا مخططتين.. الطلاق تم وخدت الشقة.. الشقة اللي هعيش فيها عشان مكنش عاله على أهلى.. أهلى اللي لسه لحد دلوقت معتقدين أن أنا الوحشة واللي غلطانه وأني مكنش ينفع أعمل محضر في جوزي عشان ض ربني! أصل فيها إيه لما يض ربني ما هو جوزي! وبالنسبالهم أنا جبتلهم العار عشان أتطلقت! أزاي أكون وحدة متطلقة طبعا أني أكون زوجة متهانه وضعيفة أرحم من أني أتطلق في مجتمعنا ده! ولكن أنا خبطت في الثوابت الكونية.. وخلافت كل شيء منطقي بالنسبة ليهم مش ليا.. أنا بقيت حرة.. مبقتش على زمة رجل مش بيحبني.. ولا رجل ممكن يهني بأي شكل.. أنا بقيت حرة ووخده منه كل حقوقي اللي أستحقها.. خدت حق السنين اللي عشتها معاه بدون طعم.. خدت حق كسرة نفسي.. خدت تمن كل شيء وحش عيشته معاه.. وكأن الدنيا بتديني فرصة تانية وبتقولي أستغليها صح المرة دي! 
ها بقى هنشتغل إيه 
خايفة يا دنيا.. أفرض فشلت والفلوس ضاعت 
اتعدلت في قعدتها وبدات تتكلم بعصبية 
بومة.. والله بومة.. ليه تضيع يا فقر ليه 
كانت بتتكلم هي وبتزعق.. خوفت منها ورجعت لورا أنا وبقولها 
يعني أشتغل في إيه منا معرفش حاجة! 
يبقى نفكر هنشتغل في إيه. 
قالتها هي وبتاخد المك بتاعها.. شربت منه شوية وبعدين لقتها سابته بسرعة وقالت 
التفصيل يا نور.. أزاي نسيت أنك بتعرفي تفصلي حلو أوي 
تفصيل! تفصيل إيه 
وقفت بسرعة وجريت على الأوضة بتاعتها.. غابت لدقيقة ورجعت تاني وفي أيديها.. في أيديها فستان قديم.. قديم جدا! فستان كنت فصلتهولها وأنا وفي تانية كلية! 
نسيتي الفستان ده! 
اتحركت ناحيتها ومسكت من أيديها الفستان أنا وبسترجع ذكرياته وقولتلها 
هو لسه عندك! 
ده أجمل هدية منك يا نور.. أزاي هفرض فيها! 
خدته منها وقعدت تاني على أقرب كرسي.. سرحت شوية وقولتلها! 
بس.. بس هنبدأ أزاي 
الموضوع محتاج شوية بحث.. شوية بحث وكل حاجة هتبقى زي الفل. 
قالتها وهي سرحانة في نقطة فاضية في الهوا.. وأنا كمان سرحت معاها ولقيت نفسي بقولها 
لو جبنا موديلات من على النت.. والقماش والمكن أمره سهل.. وبدأنا صناعة.. هيكون فاضل لينا أصعب حاجة وهو التسويق. 
اتحمست للي أنا قولته.. لفت ناحيتي بسرعة وقالت بحماس 
صح.. كل اللي قولتيه بالنسبالك أسهل منه مفيش.. وأنت أستاذه في المقاسات.. هيكون فاضلنا التسويق.. لو عملنا بيدچ نسوق عليها.. ومعاها كام أعلان ممول.. على دعاية بين الأقارب والصحاب.. هننجح يا نور. 
تفتكري هننجح 
هننجح.. 
وفعلا بدأنا.. بدأنا في شيء كنت بحلم بوجوده من خمس سنين!  من أيام أعدادي وأنا شغفي كله في الأزياء والتفصيل.. ولما دخلت الكلية بدأت أبحث أكتر وأخد كورسات في التفصيل.. لدرجة أن بعد ما خلصت الدورة التدريبية بتاعتي والكورس التعليمي نزلت شغل في مشغل ملابس.. فكرة أني في أول شهر شغل ليا في المكان استأذنت المديرة أني هستعمل المكن بتاعها عشان هعمل حاجة.. وهي وافقت بس كان شرطها أني أعمل اللي أنا عايزاه أخر اليوم.. وفعلا أخر اليوم جبت القماش بتاعي اللي كنت قصاه في البيت.. وبدأت أفصله بنفسي.. أفصل أول فستان بأيدي! وكان وقتها أحسن فستان في عيني وفي عيون كل اللي شافوه! وبعد فترة سبت الشغل عشان كان في نظر أهلي تضيع وقت.. و.. وتعدي الأيام والحلم يتجدد تاني! يتجدد وأكون على بعد خطوة وحدة بس من تحقيقه! 
نور ألحقي يا نور ألحقي.
كنت في المشغل بتاعي ودنيا جاية تجري.. وقفت الشغل كله وسألته بفزع 
في إيه مالك 
في ميل جالنا النهاردة من معرض ملابس في وسط البلد.. طالب مننا كمية كبيرة من الشغل بتاعنا يا نور.. أحنا.. أحنا نجحنا يا نور! 
معرض ملابس! معرض طالب مني كمية من الملابس اللي أنا بصنعها! حلمي أتحقق! بعد ما كنت بوزع شغلي بالقطع ما بين صحابي ومعارفي دلوقت مطلوب مني كمية! وللحظة حسيت أن ده تعويض ربنا! ربنا بيعوضني عن كل شيء حصلي في حياتي.. بيعوضني عن كل لحظة وحشة عيشتها.. ربنا بيمحني فرصة جديدة.. فرصة جواها حلم جديد.. حلم مصنوع من أجل نور! 
لا تخضع للقدر.. إذا كان قدرك تلون بالأسود رغبا عنك.. عافر أنت لكي تمحي ذلك اللون البغيض وتجعله لون محبب لقلبك
تمت