رواية عشقت طفلة مدللة اركان ومهرة جميع الفصول كاملة بقلم اسراء ابراهيم
عشقت طفلة مدللة
هو ده عمو اللي هتجوزه يا مامي ده طويل اوووي يا ماما زهرة وكمان شكله رخم
اركان بنفاد صبر
هي دي اللي المفروض اتجوزها دي طفلة يا طنط زهرة.. انتي اكيد بتهزري
زهرة بتوتر
استني بس يا اركان.. بصي يا مهرة يا حبيبتي ده اركان اللي هيبقي جوزك مينفعش تقوليله يا عمو ماشي.. يلا روحي بقي البسي الفستان اللي اتفقنا عليه عشان الناس قربو يوصلو
مهرة بتلقائية وهي مكشرة
حاضر.. بس علي فكرة بقي هو شكله وحش ودمه تقيل وشكلي مش هحب اللعبة دي
رفع اركان حاجبه بصدمة وهو باصص لمهرة اللي طلعتله لسانها وسابته وجريت ورجع هو بص لزهرة بصدمة ومش مصدق اللي سمعه
اركان بانفعال
انتي سمعتي اللي البت دي قالته سيبك من التهزيق بس بتقولك لعبة دي طفلة يا طنط زهرة انتي بجد عاوزاني اتجوزها
زهرة بابتسامة و هي بتقرب من اركان
اسمعني يا اركان كويس... مهرة مش طفلة دي عندها 18 سنة اه فرق بينكم كبير مش هنكر ده بس هي مش طفلة انا كنت متجوزة وانا اصغر منها وبعدين متنساش اننا لازم نعمل كدة وانا مش هأمن حد غيرك عليها يا حبيبي
اركان بضيق
انا لولا انك غالية عندي انا مكنتش هوافق علي المهزلة دي يا طنط زهرة... انا لا يمكن كنت هفكر في الجواز اصلا ولا اني يوم ما اتجوز اتجوز طفلة ولسانها مترين زي البت دي
زهرة بابتسامة
معلش خليها عليك المرادي وانا اوعدك اني هتكلم معاها عشان تخف معاك اللماضة دي بس صدقني مهرة بريئة اوي.. انت متخيل بنت في سنها عمرها ما خرجت ولا شافت الشارع ولا تعرف تتعامل مع اي حد بسوء نية لانها بتتعامل ببراءتها اومال انا قلقانة عليها ليه ومصممة اني اجوزهالك يا اركان
اركان بتنهيدة طويلة
انا بس حابب افهم.. هو مش حضرتك الواصي عليها.. ازاي بس يقدرو ياخدوها منك
زهرة بحزن
عشان انا مش من الاقارب انا مجرد مرات ابوها وكانت عايشة معايا من يوم ما امها رمتهاله يا اركان وحتي مكنتش تعرف شكلها ايه ولا فرق معاها معاها ترمي ضناها ودلوقتي بعد ما جوزها مات بتحاربني
اركان بلهفة وهو بيقرب من زهرة ويحب علي راسها
بعد الشړ عليكي يا طنط زهرة.. متقوليش كدة تاني.. ومتقلقيش انا لا يمكن هخليهم ياخدوها او يفكرو ېلمسو شعره منها... بس توعديني تقصي لسانها ده
ضحكت زهرة ڠصب عنها وهي بتمسح دموعها
لو علي دي سهلة... انت بس متستفزهاش وهي مش هطول لسانها.. اوعدني يا اركان انك تحافظ عليها وتاخد بالك منها دي وصيتي ليك
اركان بابتسامة
متقلقيش يا طنط زهرة هحطها في عيني انتي متشيليش هم
زهرة بابتسامة وهي بطبطب علي ايد اركان
ده العشم برضه يا حبيبي.. من يوم ما امك الله يرحمها سكنت في الفيلا اللي قدامي واتصاحبت انا وهي وبقت عشرة عمري من سنين وانا بعتبرك ابني اللي مخلفتوش
اركان بحب وهو متأثر
ربنا يخليكي ليا يا طنط زهرة ...كفايا ان من يوم ما سافرت مع بابا وانتي دايما تطمني عليا وعشان كدة اول ما كلمتيني رجعت علطول.. يلا هروح انا بقي اظبط دنيتي قبل الناس ما يجو هما والمأذون وربنا يستر
ابتسمت زهرة وهي بتبص لاركان بفرحة وكأنه فعلا ابنها اللي هيتجوز
.................................
زهرة كانت قاعدة على قدام مهرة اللي بتبصلها باستغراب وحاسة انها عاوزة تقولها حاجة
مهرة وهي بتقرب منها
مالك يا ماما زهرة انتي كويسة ولا عمو الطويل ده زعلك اصلا هو باين عليه رخم وانا خلاص مش هتجوزه
زهرة بابتسامة حنونة وهي بتسحبها تقعد جنبها
لا يا لمضة مش عشان اركان زعلني وتعالي علشان عاوزة أكلمك كلمتين كلمتين يخصوا عمرك وعيشتك اللي جاية
مهرة بعفوية وهي بتقعد
هو اسمه اركان الله اسمه حلو بس هو لا ها يلا قوليلي في إيه هو انا عملت حاجه غلط
زهرة بضحكة
لا يا حبيبتي انتي معملتيش حاجة بس انتي هتتجوزي اركان يا مهرة زي ما فهمتك قبل كدة
مهرة بصتلها بابتسامة
انا عاوزة اتجوز والبس فستان ابيض وتعمليلي فرح.. بس عمو ده مش عاوزاه دمه
زهرة بضحكة خفيفة وهي بتمسك إيدها
انتي كبرتي يا بنتي وبقيتي ما شاء الله عروسة و لازم تبقي في مع راجل يصونك وېخاف عليكي عشان مش تفضلي لوحدك واحسن حد ېخاف عليكي هو اركان ومتنسيش اني لازم اطمن عليكي احسن ياخدوكي مني
مهرة بصدمة وخوف
حاضر يا ماما زهرة.. انا مش عاوزة ابعد عنك ابدا
زهرة بابتسامة رقيقة
أركان طيب وكويس اوي يا مهرة وبعدين انتي بس عشان متعرفيهوش كويس وكل ما تشوفيه وتعرفيه صدقيني هتحبيه
مهرة فجأة قامت وقفت وهي بتفتح عينيها بدهشة وسذاجة
بس هو كان مكشر ومابيضحكش! ده لو قالي صباح الخير هعيط من الخۏف يا ماما
زهرة ضحكت وطبطبت عليها بحنية
هتعيطي ليه بس يا مهرة هو يمكن شكله جامد كده بس قلبه طيب والله ما في حد هيخاف عليكي زيه.
مهرة بتردد
يعني هو مش هيزعقلي ومش هيقولي اسكتي ومش هيخليني ابعد عنك
زهرة بحنان
لا يا بنتي هو راجل عارف ربنا وبيخاف على اللي معاه وانا مش هغشك يا مهرة... واعرفي ان أركان راجل يعني لازم تسمعي كلامه وتحترميه مش كل حاجه تقولي لأ.. الراجل لما يحس إن الست بتسمع كلامه بيحطها في عينه
مهرة بنبرة طفولية جدا
طب ولو زعقلي
زهرة بتبتسم بحنان
قوليلي وانا هخليه يصالحك علطول وهو لما يشوفك طيبة كده هيرجع يطبطب عليكي ويصالحك.. الراجل دايما بيحب الست اللي بتلين قلبه مش اللي تعند معاه ماشي
مهرة سكتت شوية وبصت للأرض
حاضر يا ماما زهرة بس انا عاووة اعرف هي ماما كانت بتحبني طب ليه سابتني يا ماما زهرة
زهرة قلبها ۏجعها و مسحت على شعرها وقالت بحنية الأم
امك كان في قلبها ۏجع أكتر من الحنان يمكن الدنيا ظلمتها يمكن ضعفت بس صدقيني كانت بتحبك بس بطريقتها.. المهم انك متبعديش عني يا مهرة
مهرة بضحكة خفيفة وسط دموعها
انا مش هسيبك ابدا مهما حصل
زهرة بحنان وهي بتبصلها
يعني توعديني انك تسمعي كلام اركان يا مهرة
مهرة خدت نفس عميق وقالت بخجل
اوعدك اني اسمع كلامك بس هو ما يزعقليش أوي ماشي
زهرة
وعد مني طالما قلبك أبيض كده هو هيحطك في عينه
مهرة بصوت ضعيف
بحبك اوي يا ماما زهرة.
زهرة وهي بتمسح دمعتها
وأنا أكتر يا بنتي دلوقتي قومي يلا اجهزي عشان المأذون زمانه وصل
..............................
تحت صوت الزغاريد على فجأة
لما الشيخ قال بصوت رسمي
بارك الله لكما وبارك عليكما وجمع بينكما في خير... مبروك يا عريس مبروك يا عروسة
الناس كانت تسقف وتضحك وزهرة فرحانة والكل بيبارك بس أركان كان في عالم تاني كان واقف متخشب وهو باصص لمهرة اللي واقفة قدامه ببراءة ولابسة فستان بسيط بس مخليها زي القمر وهو في نفسه مش مصدق إن البنت الطفلة الرقيقة دي مراته
مهرة
بخجل بسيط وهي بتقوله ببراءة
هو كده خلاص يعني أنا بقيت مراتك بجد
أركان وهو بيحاول يخبي توتره
آه خلاص... كتبنا الكتاب زي ما انتي شايفة كدة
مهرة بتضحك وتقوله بصوت طفولي
طب حلو أوي... تعالي نلعب بقى شوية أصل أنا زهقت من القعدة الطويلة دي
أركان رفع حاجبه بصدمة وهمس بصوت مكتوم عشان محدش يسمعهم
نلعب انتي فاكرة الجواز لعبة يا بنتي
مهرة ببراءة وهي بتمسك طرحتها
ما هو كله لعبة يا عمو.. مش احنا بنمثل اننا متجوزين وعريس وعروسة
أركان بحدة مكتومة
أنا اسمي أركان مش عمو ومش كل شوية تغلطي الغلطة دي والناس حوالينا فوطي صوتك ايه لعبة دي.
مهرة بزعل طفولي وهي بتعقد ايديها
ما أنا متعودة أقولك كده... وبعدين مش لازم تكلمني وحش كدة.. أنا مش بحب اللي بيزعقلي قدام الناس
أركان بيحاول يكتم صوته وهو حاسس الدم بيغلي في عروقه
محدش زعقلك يا مهرة بس شكلك طفلة أوي... ولسه مش فاهمة حاجة من اللي بيحصل وانا شكلي هتعب معاكي
مهرة بعناد
انت بتقولي كدة عشان قولتلك تعالي نلعب مش كدة طب علي فكرة بقي.. أنا فاهمة كل حاجة انا مش طفلة.. و أنا اتجوزتك ڠصب عشان طنط زهرة بس مكنتش عارفة إنك وحش اوي كدة
أركان بيقرب منها بخطوة وصوته واطي لكنه حاد
بقي انا وحش ولا انتي اللي لسانك طويل ومن أول دقيقة مش ساكتة وصدعتيني
مهرة بتفتح عينيها بصدمة
علي فكرة بقي انت
أركان بيميل ناحيتها شوية وهو بيعض شفايفه عشان ما ينفجرش
انا صبري بدأ ينفد لمي الدور
