رواية عشقت طفلة مدللة اركان ومهرة جميع الفصول كاملة بقلم اسراء ابراهيم

دي اللي ربيتها وعشت وياها يوم بيوم بنتك دلوقتي مبقتش تحت أمرك ولا أمري أمرها بقى في إيد جوزها.
نادية اتصدمت وجاسر اتشنج ووشه اتغير وقال بانفعال وهو بيبص لمهرة اللي كانت وقفة ورا أركان بخوف
جوزها! إزاي وإمتى!
زهرة بحدة
آه اتجوزت وده أركان جوزها
مهرة اتلخبطت و قلبها دق بسرعة بس أركان وقتها بصلها بثبات وقالهم ببرود 
دي حقيقة مهرة مراتي على سنة الله ورسوله ومحدش هيقدر ياخدها لا انتي ولا اي حد
جاسر انفعل و عينه لمعت بغضب وهو بيبص لمهرة نظرة فيها ۏجع وغليان و أركان شاف النظرة دي وشد مهرة ناحيته بسرعة وخباها وراه وصوته طلع خشن وغاضب
لو بصتلها تاني وأنا موجود ھتموت وأنا اللي هاقتلك بايدي
جاسر حاول يرد بس نادية مسكته د وهي عينيها مليانة دموع مصطنعة. وقربت من مهرة بخطوات بطيئة وصوتها اتغير بقى حنون ومكسور
مهرة يا بنتي أنا أمك صدقيني كنت مضطرة كنت بحبك بس الظروف
مهرة كانت ماسكة إيد أركان بقوة وكل حواسها متوترةو عينيها دمعت بس نبرة صوتها طلعت قوية لأول مرة
أنا معرفكيش أنا معرفش غير ماما زهرة هي دي اللي ربتني اللي وقفت جنبي اللي كانت معايا في كل قانية من عمري لكن إنتي غريبة عني.
نادية رجعت خطوة ووشها اتغير ودموعها نزلت لاول مرة... بس زهرة وقفت قدامها وحطت إيدها على كتف مهرة وقالت بثبات
روحي يا نادية البنت خلاص ليها بيت وجوز ووجودك هنا لا ليه لازمة ولا معنى.
جاسر بص للمرة الأخيرة لمهرة نظرة فيها ۏجع وڠضب وبعدين لف بسرعة وخرج ونادية وراه
ومهرة وقتها اتنهدت ولفت تبص لأركان لقت عينه عليها فيها حنية وۏجع عليها في نفس الوقت ولقته شدها ناحيته وحط إيده على راسها وقال بهدوء
متخافيش طول ما أنا عايش محدش هيقربلك.
سندت راسها على صدره وهي بتحس لأول مرة إن ليها سند حقيقي وكانت متابعاهم زهرة بفرحة وراحة
..............................
عدي فترة كانت مهرة اخدت علي اركان وبقت تحس انه كل حاجة ليها وكل دنيتها فكانت قاعدة على الكنبة ووشها مكشر وعينيها على الباب وكل شوية تبص في الساعة وتتنهد لحد ما سمعت صوت المفتاح و الباب اتفتح وأركان دخل وهو بيفك كرافتته وباين عليه التعبو أول ما شافها وقف لحظة وبص عليها باستغراب.
أركان بقلق
إيه ده انتي ايه اللي مسهرك لدلوقتي يا مهرة
مهرة ببرود واضح
والله كويس انك فاكر اسمي
أركان وهو بيقرب منها بخطوات هادية
مالك بس زعلانة من ايه 
مهرة قلبها كان ۏاجعها بس حاولت تبين إنها جامدة
ولا حاجة
أركان قعد جنبها ومال ناحيتها وقال بهدوء
لأ في حاجة انتي زعلانة جامد ها مالك بقي
مهرة بحركة مفاجأة
طب ايوة بقي انا زعلانة ومخاصماك كمان ها
أركان اتفاجئ بس ابتسامة صغيرة بدأت تطلع على وشه
مخاصماني ليه بس يا ست البنات
مهرة بانفعال طفولي
عشان انت وعدتني إنك مش هتسيبني لوحدي تاني ووعدتني إنك هتبقى دايما معايا و... و انهارده سبتني من الصبح لا سألت ولا كلمتني ولا حتى قولتلي إنك هتتأخر ده أنا حتى أكلت لوحدي.
أركان رفع حواجبه بدهشة وقلبه دق ڠصب عنه من طريقتها
انتي كنتي مستنياني للدرجادي انا مهم عندك اوي كدة
مهرة اتوترت في كلامها وهي بتحاول تبان قوية
لأ يعني أيوه أصل وعدتني وأنا بحب اللي يوفي بوعده.
أركان ضحك بخفة وقرب منها أكتر وقال
طيب خلاص حقك عليا يا ست البنات أنا بعتذر والله ڠصب عني كان عندي شغل مهم جدا
مهرة بتكشر وهي تبص بعيد
كنت عارفة انك هتقول كده عندي شغل مش فاضي.. انا عارفة ان انت نسيتني
أركان بابتسامة ناعمة وهو بيحاول يصالحها
لا والله... أنا لا نسيتك ولا فضلت حاجة عليكي وكان نفسي أكلمك والله بس كنت مضغوط في اجتماع والموبايل مش معايا ومكنتش عارف أعمل إيه.
مهرة وهي لسه زعلانة نص نص
طب وانا أقعد أستنداك كده لوحدي طب ينفع
أركان بمرح بسيط
خلاص يا ستي ما تزعليش أنا هصالحك
مهرة بصتله بشك
هتصالحني إزاي يعني
أركان بابتسامة جذابة 
نخرج نتعشى بره سوا وتختاري المكان بنفسك كمان.
مهرة اتغيرت ملامحها في لحظة وعينيها نورت وصوتها بقى كله لهفة
بجد يا أركان!
أركان ضحك على فرحتها واسمه اللي خرج من شفايفها بنغمة عجبته اوي 
بجد طبعا.
مهرة بابتسامة مليانة حب حقيقي خرج ڠصب عنها
انا فرحانة اوي...بص هقوم البس بسرعة.. أنا بحبك أوي يا أركان
سكتت بعد ما قالتها وهي مش مدركة إنها نطقتها بس أركان اتجمد مكانه وعينه اتثبتت عليها وقلبه بدأ يدق بسرعة وكل اللي جواه اتلخبط وهي من الكسوف سابته وقامت تجري علي فوق وسابته سرحان مع نفسه وبيفكر 
ان هي قالت كدة ببساطة وببراءة بس الكلمة دي وجعت قلبه وهو مش عارف ليه
أركان بص بعيد وخد نفس تقيل وهو بيكلم نفسه بصمت
يا أركان فوق دي بنت صغيرة إنت كبير عنها متنساش الفرق متنساش وعدك لنفسك ولطنط زهرة 
فضل واقف مكانه عينه تايهة لحد ما سمع صوتها بعد ما جهزت 
ولما شافها بلع ريقه بانبهار
كانت لابسة فستان بسيط شعرها مفكوك ملامحها كلها ضي وعينيها بتلمع من الفرحة.
أركان وهو بيبص ليها بانبهار
انتي انتي حلوة أوي يا مهرة.
مهرة اتكسفت ونزلت عينيها وقالت بخجل واضح
وانت كمان حلو أوي يا أركان.
ضحك ضحكة صغيرة ناعمة وقال وهو بيقرب منها
يا سلام يعني احنا الاتنين حلوين كده
مهرة بهزار طفولي
آه أحلى اتنين مش كدة
ضحك جامد وهو بيحط إيده على باب الشقة
يلا يا أحلى مهرة...يلا نروح ناكل قبل ما المطاعم تقفل وتزعلي مني تاني
مهرة بصتله بفرحة
يلاااا!
خرجوا سوا وهي ماسكة إيده بخفة وخطواتهم جنب بعض وضحكتها اللي ماليه الجو وهو كل ثانية بيحس إن قلبه بيضعف أكتر وإنه ڠصب عنه بقى مش قادر يتخيل لحظة من غيرها.
...........................
في المطعم أركان ومهرة قاعدين على ترابيزة حلوة اوي
مهرة بابتسامة صغيرة وهي بتلعب في طبقها 
الأكل هنا حلو أوي يا أركان أول مرة اكل في مكان كده.
أركان بابتسامة وهو بيبص ليها بحنان
طالما انتي مبسوطة يبقى أنا كمان مبسوط.
مهرة بفرحة طفولية
بجد طب المرة الجاية نجي نجيب معانا ماما زهرة كمان.
أركان وهو بيضحك بخفة
تمام يا ستي نجي كلنا سوا.
وفجأة بنت شيك جدا لبسها ملفت قربت منهم وسلمت علي اركان اللي قام وقابلها بابتسامة عريضة
البنت بابتسامة 
أركان! إزيك انا مش مصدقة إن ده أنت
أركان اتفاجئ بس وقف وهو بيرد بود
نيرمين.. ياااه بقالنا قد إيه ما اتقابلناش إزيك انتي
نيرمين
تمام والله شكلك متغيرش لسه زي ما هو
أركان وهو بيضحك
وانتي كمان لسه زي ما انتي دايما شيك كده
مهرة كانت قاعدة عينيها بتتحرك بينه وبينها و وشها بدأ يتغير.. و جواها ڼار مولعة وخصوصا اما البنت دي ضحكت بزيادة بصوتها الناعم بزيادة... و أركان... بيبتسم بحماس
مهرة فجأة بصوت عالي وهي بتقطع كلامهم
أركاااان مش هنخلص الأكل ولا نفضل نسمع حكاوي زمان
أركان بصلها بدهشة واتفاجئ من لهجتها والبنت برضه بصتلها بضيق
نيرمين بابتسامة باردة
هي مين دي يا اركان ... بنت واحد صاحبك
اركان اتوتر بس مهرة بسرعة وثقة 
أنا مراته يا حبيبتي
نيرمين ارتبكت شوية وقالت بابتسامة مصطنعة
آه بجد ألف مبروك ربنا يسعدكم.
مهرة وهي بتبصلها بنظرات حادة
الله يبارك فيكي اعتقد ملوش لزوم بقي تسلمي عليه تاني
أركان بص لمهرة بصدمة ونيرمين قالت بسرعة وضيق 
طب أنا همشي أحسن ومبسوطة إني شوفتك يا أركان باي.
أركان كان واقف مش مصدق اللي حصل وبص لمهرة بعد ما نيرمين مشيت ونبرة صوته كانت حادة جدا
مهرة! اللي عملتيه ده إيه! هو ده أسلوب تتكلمي بيه مع ضيوف! إحنا قاعدين في مطعم مش خناقة عشان تكلميها كدة
مهرة عنيها دمعت على طول وحاولت ترد بس صوتها خرج مخڼوق
أنا آسفة أنا مكنتش أقصد أنا اتضايقت لما شوفتها بتضحكلك بالشكل ده
أركان بدهشة وهو رافع صوته سنة
وهي يعني عملت ايه ! اعقتد مكنش لازم تحرجيها بالشكل ده! انتي هتفضلي كدة صغيرة في تصرفاتك
وقتها الكلمة دي كسرت جواها كل حاجة ودموعها نزلت فجأة ووشها احمر وفجاة قامت من مكانها.
مهرة بصوتها المكسور وهي واقفة
أنا آسفة وأنا غلطانة بس ممكن نروح أنا مش قادرة أكمل هنا.
أركان وقف بسرعة وقلبه اتقبض لما شاف دموعها وحس بۏجع غريب وهو شايفها بتمسح عينيها بضعف وقرب منها بخطوات سريعة صوته بقى لين جدا
لأ يا مهرة استني أنا آسف بجد أنا آسف ماكانش قصدي أزعلك كده أنا بس اتفاجئت
مهرة وهي بتبصله بعيونها الحمرا وقالتله باندفاع
هو انت بتحبني
أركان اتجمد و عينيه وسعت من الصدمة وقلبه دق بس لسانه اتعقد.
مهرة بتكمل بصوت بيرتعش
خلاص فهمت أنا طفلة مش كبيرة وناضجة زي البنت دي عندك حقأنا اللي نسيت إنك اتجوزتني عشان تنقذني زي ما ماما زهرة