رواية عشقت طفلة مدللة اركان ومهرة جميع الفصول كاملة بقلم اسراء ابراهيم
طلبت منك
لو سمحت روحني.
سكوت تام و أركان واقف مش قادر يرد وبعدين اتنهد تنهيدة تقيلة ووشه كله حيرة وحزن وعيونه تايهة فيها. كان عاوز يقولها قد إيه وجودها مخليه مش فاهم نفسه بس كتمها جواه
أركان بهدوء موجوع
تمام يا مهرة نروح
خرجوا من المطعم في صمت هي ماشية قدامه و دموعها بتنزل وهو وراها وقلبه بيتقطع ومش قادر ينطق بس كل خطوة كان حاسس بيها وجواه صوت واحد بيصرخ ماتوجعهاش تاني يا أركان
............................
بعد كام يوم فاتوا على الحالة دي ومهرة بتحاول تتجاهل اركان وهو حاسس وساكت او بمعني ادق مستسلم.. كان بيرجع كل يوم متأخر وبيلاقيها نايمة أو بتمثل النوم ومهرة كانت بتعمل كده عن قصد عشان متوجعش قلبها وعشان تهرب من عينيه و من نفسها وأركان رغم سكوته كان جوه ڼار. شايفها بتبعد عنه حتة حتة وسكوته وجعه. بس حاول يقنع نفسه إنها محتاجة وقت... بس كل يوم كانت بتبعد أكتر. والليلة دي قرر خلاص مش هيستنى أكتر من كدة وهيرجع بدري يصالحها
دخل البيت وسمع صوت جاي من المطبخ. فدخل بهدوء... وكانت مهرة واقفة شعرها ملموم بعشوائية ولابسة بيچامة بسيطة ومع ذلك مفيش أجمل منها في عينيه. كانت بتغلي قهوتها بتقلبها بعفوية كأنها بتحاول تهدي قلبها معاها قبل ما ينطق أو يقرب لقي نفسه بيبعد وطلع اوضته وزهرة وقتها دخلت لمهرة المطبخ لانها ملاحظة حزنها ليها فترة وحبت تعرف مالها
زهرة بابتسامة
انتي لسه صاحية يا بنتي
مهرة رفعت وشها بابتسامة باهتة
اه يا ماما كنت هشرب قهوتي وأنام.
زهرة دخلت وقربت منها وعينيها فيها قلق
انتي وأركان فيكم حاجة أنا ملاحظة إنك متغيرة... وصوتك مفيهوش الروح اللي متعودة عليها.. مالك يا مهرة
مهرة عضت شفايفها وحاولت تخبي دمعة وقفت في عنيها
أنا بس... مكنتش عاوزاكي تضغطي عليه عشان يوافق يا ماما.
زهرة رفعت حاجبها بابتسامة خفيفة
وإيه اللي اتغير يا مهرة ما انتي عارفة كده من الأول!
الكلمة سكنت قلب مهرة ونزلت دمعة ڠصب عنها وقالت بصوت مخڼوق
عارفة... بس ۏجعها دلوقتي بقى أكبر... أنا طول الوقت حاسة إني عبء عليه وإنه معايا عشان مجبر مش عشان عاوزني.
زهرة حطت إيديها على خدها بحنية
حبتيه يا مهرة مش كده
مهرة حاولت تنكر بس الجملة خنقتها ومسحت دموعها وهي بتهمس
بس هو لا يا ماما...
واترمت عليها وبقت تعيط زي الطفلة وزهرة بحنية وتهمس في ودنها
سمعيني يا بنتي... أركان ده لو مش عاوزك من الاول كان قال لأ. ده مبيعرفش يكدب وانا ربيته وعارفة إمتى بيبقى مڠصوب وإمتى راضي.. صدقيني هو مش مضايق بالعكس... يمكن هو بس مش عارف يقول اللي جواه.
مهرة بصت لها بعينين مش مصدقة قلبها عايز يصدق بس عقلها بيقاوم وقالت بهدوء
أنا هطلع أوضتي أشرب قهوتي وأنام يا ماما.
طلعت بخطوات
اتجمدت في مكانها وقلبها دق بخجل وبسرعة دورت وشها الناحية التانية وهو بصلها وابتسم بخفة على خجلها وقرب منها بهدوء
بقى في واحدة تتكسف من جوزها
مهرة شدت نفسها وقالت بحزن وهي لسه مش باصاله
ده لو جواز طبيعي... لكن أنا عارفة إنك مجبر... وعشان كده أنا بحلك من الاتفاق ده.
اركان فجاة صوته اتغير واتكلم بغليان مكتوم
يعني إيه يا مهرة
بصتله بعينين فيها قرار موجوع
طلقني يا أركان.
جملتها نزلت عليه زي القلم علي وشه فقرب منها بسرعة و المسافة بين وشوشهم بقت شبه منعدمة وعيونه فيها شرار وكلامه بالهمس
انتي عاوزاني أطلقك يا مهرة متأكدة
هي اتوترت و أنفاسها عليت وقلبها دق بسرعة بس اتمسكت وردت بصوت مبحوح
أيوه.
قرب أكتر وصوته هادي لكنه حاد
بصي في عيني وقوليها تاني... الحقيقة يا مهرة
بصت في عينيه... عينيه اللي كل مرة بتوقعها.. اللي بتسحبها من ضعفها. ودموعها اتجمعت بس فضلت تبصلهو مش قادرة تنطق ووقتهاابتسامته ظهرت بخفة وقال بهدوء وثقة
لو انتي قدرتي تقوليها فانا مش هقدر... أطلقك يا مهرتي
عنيها وسعت و قلبها دق جامد وسألته بلهفة
ليه
سكت اركان وعينيه اتحركت بين وشها ودموعها و صراع واضح جواه بين اللي عايز يقوله واللي خاېف يعترف بيه.. وهي حست بالصراع ده و التردد وده ۏجعها اكتر فزقته بخفة وهي تقول بصوت بيترعش
متردش... انا مش عاوزة أسمع.
قالت كدة وسابته وجريت على بره ودموعها نازلة وسايباه وراها واقف إيده على وشه وبيكتم غيظه من نفسه وبصوته المبحوح بيهمس
يا رب... ليه كل مرة أجي أصالحها اوجعها اكتر
قعد على السرير وبيقول بانفعال لنفسه
قولها انك بتحبها يا غبي...قولها
...................................
تاني يوم كانت مهرة قاعدة في الفيلا بتشرب قهوتها وهي لوحدها في الفيلا بعد ما سابتها زهرة وراحت مشوارها وكانت ملامحها فيها شرود وتعب لحد ما فجأة سمعت جرس الباب...فقامت تفتح ولقت جاسر قدامها
مهرة بتوتر وقلق
انت! بتعمل إيه هنا
جاسر بابتسامة فيها راحة
كنت مستني اليوم اللي ألاقيكي فيه لوحدك يا مهرة... وأخيرا حصل
مهرة بترجع خطوتين لورا
في إيه! لو سمحت امشي يا جاسر... مفيش حد هنا وعيب تدخل اصلا وانا لوحدي
جاسر ببيقرب بخطوة وعينيه بتلمع
عارف... عشان كده جيت.. انا مش عاوز حد بيني وبينك.
مهرة بصوت متوتر
انت لازم تمشي حالا قبل ما...
جاسر قاطعها ولهفته بتزيد
قبل ما أركان يعرف! ما هو عشان كده جيت دلوقتي. اسمعيني يا مهرة... أنا بحبك ومش قادر أنساكي
مهرة بترتعش
بس أنا
جاسر بيتغير صوته و نبرته بقت حادة
ما هو انتي هتبقي ليا سواء رضيتي أو لا.
مهرة بتحاول تبان قوية وبصوت فيه قوة مصطنعة
أركان مش هيسمحلك تأذيني... ولو عرف إنك هنا هيقتلك
جاسر بسخرية وابتسامة جانبية
أديكي قولتيها بنفسك... لو عرف.
مد إيده ناحيتها وهي رجعت لورا و قلبها بيدق بسرعة وخوف منه
مهرة بصوت عالي وهي بتزقه
ابعد عني يا حيوان انت
زقته جامد وسابته وجريت بسرعة ناحية الباب وهي بتصرخ باسم اركان لحد ما اتخبطت فيه وهي بتجري وهو بيلحقها وبيبصلها بفزع
أركان بلهفة
في إيه يا مهرة مالك!
مهرة باڼهيار ودموعها نازلة
جاسر... جوه
عينين أركان بقت ڼار وقبض علي ايديه بغضب
أركان بحزم
متخافيش أنا هنا...وهو مش هقربلك
كان هيدخل ليه بس مهرة مسكت إيده بخوف
لأ يا أركان أرجوك متتهورش... سيبه يمشي وخلاص... عشان خاطري انا خاېفة عليك
أركان بص في عينيها وهمس ليها بهدوء رغم الغليان
أوعدك مش هتهور... بس لازم آخد موقف
هي بصتله و ملامحها لانت شوية وهمست ليه
طب خلي بالك من نفسك.
ابتسم ليها ابتسامة خفيفة ودخل جوه بخطوات سريعة وجاسر اتجمد مكانه وحاول يتماسك
جاسر بتوتر
اسمعني يا أركان أنا...
أركان قاطعه بلكمة قوية علي وشه لدرجة انه وقع في الارض
ولا كلمة....واسمع كويس....انا لو شوفتك قريب من مهرة تاني مش هسيب فيك نفس! فاهم
جاسر بخوف وړعب
خلاص خلاص يا أركان... مش هقرب منها تاني انا اسف خليني امشي
وفعلا جري بسرعة برا الفيلا وأركان وقف بيتنفس بعصبية ودمه بيغلي
وشاف مهرة واقفة وشها باهت ودموعها لسه في عنيها بتبصله بحزن وبصوت واطي
شكرا...
وسابته وطلعت على فوق وهو بيبص لاثرها و حاسس بخنقة ومش قادر يقرب ولا يبعد
بعد لحظات زهرة دخلت واتفاجات باللي حصل
زهرة بقلق
في إيه حصل حاجة
أركان بنبرة ڠضب
جاسر كان هنا... حاول يقرب من مهرة الحيوان
زهرة بتتجمد وتحط إيدها على صدرها بقلق وصدمة
انا كنت حاسة... كنت حاسة من نظراته ليها من وقت ما عرفها
أركان بيتفاجئ
يعني إيه! كنتي حاسة! الكلب ده من بدري وعينه عليها
زهرة بتتنهد
جاللي قبل كده يا أركان... وطلب مهرة للجواز بس أنا رفضت
عينيه وسعت و نبرته اتملت غيرة
مهرة دي مراتي ومفيش حد يفكر يبصلها حتي.. مستحيل تبقى لغيري
زهرة بتبتسم ابتسامة فيها فخر وحنية
يبقى لازم تقولها يا أركان... لازم تعرفها عشان هي كمان تتأكد وتطمن.
أركان بص بعيد و صوته هادي بس موجوع
طب وكده... مش هبقى بظلمها معايا انتي عارفة الفرق بينا...
زهرة بتقاطعه بثقة
مين قال إن السن عقبة! المهم إنك بتحبها... وهي بتحبك. والباقي كله مش مهم
وقتها رفع عينه
أركان بحماس مفاجئ
عندك حق... هي لازم تعرف
واخد بعضه وطلع يجري على فوق وقلبه بيدق... وهو مقرر انه مش هيضيعها تاني
.....................
كان واقف اركان قدام باب الأوضة و اخد نفس طويل وبعدين فتح الباب بهدوء... وشاف مهرة قاعدة على السرير وماسكة ركبتها ووشها فيه آثار دموع
أركان بصوت واطي متردد
مهرة...
مهرة رفعت راسها وبصتله بعينين مچروحة
مهرة بهدوء مضايق
عاوز إيه يا أركان لو جاي تطمن عليا... خلاص أنا بخير...
أركان قفل الباب و بيقرب بخطوات بطيئة
لا... مش جاي أطمن... انا جاي أتكلم
مهرة ببرود مصطنع
نتكلم
عن إيه.. ه عن إنك سايبني مش فاهمة أنا بالنسبالك إيه
أركان بنبرة ندم
متقسيش عليا كده يا مهرة...
مهرة بحدة
وأنا عملت إيه ده أنت اللي بعدت... وسايبني كل يوم أتأكد إنك مش عايزني وإنك بس مجبر
أركان بيوقمها وبيقف قصادها وعينه في عينها
مجبر! بتقوليها تاني
مهرة بصوت بيرتعش
آه مجبر... مجبر تتجوزني مجبر تفضل معايا مجبر تحميني... بس مش بتحبني
سكتو لحظة... وصوت نفسها واضح وهو عينيه بتلمع بالڠضب والحب المكبوت
أركان بصوت واطي لكنه حنون
ومين قالك كده مين قالك إني مش بحبك
مهرة بتتجمد وبصتله بصدمة و قلبها بيدق بقوة
مهرة بهمس
إيه! انت قصدك ايه
أركان بصدق وعشق باين في كل ملامحه
اه بحبك يا مهرة... بحبك أكتر من أي حاجة في
حياتي. بحبك من أول يوم خۏفت عليكي فيه من أول لحظة شوفت فيها براءتك... كل مرة كنتي بتزعلي فيها كنت بحس الدنيا بتتخنق بيا.. عرفتي قد ايه بحبك
دموع مهرة نزلت ببطء وهي بتحط إيدها على صدرها مش مصدقة
مهرة بصوت مبحوح
طب... ليه سكتت ليه خليتني أحس إني تقيلة عليك إني عبء
أركان بيقرب منها أكتر
عشان كنت خاېف... خاېف أظلمك. خاېف تكوني بتحبيني بمجرد مشاعر مراهقة.. مش حب بجد كنت حاسس إن الفرق بينا كبير وإنك تستحقي حياة أسهل من اللي أنا أقدر أديهالك.
مهرة هزت راسها بنفي وردت بصوتها الناعم
وأنا عمري ما شوفتك غير حبيبي... أركان... أنا حبيتك بكل خۏفي وبكل ضعفي حبيتك وأنت بتزعق وأنت ساكت وأنت بتبعد... كنت دايما بحس إنك الأمان والحب اللي مهما كبرت هيفضل يكبر في قلبي
أركان بص في عينيها وقالها بصوت جذاب
كنت هتجنن وأنا شايفك بتبعدي عني.. كل يوم بتتهربي وتنامي بدري... كل يوم قلبي كان بيتكسر وأنا مش قادر أمد إيدي أرجعك ليا واعترفلك اني بعشقك يا مهرة
مهرة بدموع وابتسامة بسيطة
وأنا كنت مستنية الكلمة دي... كلمة واحدة تطمن قلبي وتخليني اتمسك بحبي ليك
أركان مسك إيديها برفق وبص في عنيها بعشق
خلاص... اسمعيها مني
حب خلاني أغير عليكي خلاني أخاف اخسرك... خلاني أعيش من تاني عشانك
مهرة بصوت واطي وهي بتضحك بدموع
وأنا كمان بحبك ... بحبك قوي يا أركان
تمت
