رواية بيدي لا بيد عمرو (الفصل الثامن والثلاثون 38 ) بقلم رانيا الطنوبي

ببرود.. و يا تري اللي بيرد عليا دلوقتي مرات الدكتور منير
تنهد و اتبع.. المهندسة شيرين رؤوف فايد مش كده
ردت شيرين ببالغ عصبيتها.. ايوة انا المهندسة شيرين رؤوف فايد.. ايه لزوم الاسئلة دي.. و مين حضرتك بالظبط
رد.. طب بالراحة بالراحة.. اعصابك يا مدام شيرين.. انا يا ستي ابقي فاعل خير
زفرت شيرين و ردت.. الظاهر حضرتك واحد فاضي و بيهزر
رد مسرعا.. اوعي تقفلي الخط.. انا باقولك اهو و الا حتندمي اوي يا مدام شيرين و هما كلمتين و اتمني اني اسمع منك ليهم رد
ردت شيرين بقلق.. اتفضل.. خلصني
رد ببرود.. طب روحي افتحي باب شقتك و هاتي الظرف اللي علي عتبة الباب و ارجعي و انا اقولك
شعرت شيرين بالقلق و ظلت واقفة في مكانها حتي علا صوته.. يلا
اتجهت شيرين بسرعة الي باب الشقة و فتحته لتجد امام الباب ظرف.. مدت يدها و اخذته
و فتحته بسرعة.. لتجد عدة صورة لزوجها الدكتور منير في عيادته في اوضاع خاصة مع عشقيته الجديدة.. هوت لا قرب مقعد بينما كان صوت المتصل يردد في السماعة المجاورة.. الو
الو الو
حلمت السماعة في يديها بينما بدأت دموعها تنهمر و ردت بصوت مبحوح.. ايوة
رد المتصل.. ما تقوليش انك اتصدمتي.. انا عارف انك عارفة.. صح
لم يخرج صوت شيرين و لم تستطيع الرد فاكمل.. عمتا دول نسخة من اللي عندي و لسه عندي كتير اوي.. لو تحبي تتفرجي انا تحت امرك
ردت شيرين ببالغ الالم.. انت عايز ايه بالظبط
رد بضحك.. عايز سلامتك و 
وقفت مصدومة وردت.. نعم.. انت بتقول ايه
.. احممممممممممم و خمس تلاف جنية
رد بهدوء.. ايه شوية.. اخليهم سبعة.. انا اصلي مش طمعان.. حضري انت بس الخمسة تلاف.. عشان ايدي بتاكلي اقعد ع النت و انزلهم علي الفيس بوك.. عشان اصحابي يعملولهم لايك و ابقي ضيفيني علي الفيس و اهو نبقي نشات مع بعض
تخلل صوت ضحكاته العالي اذنيها بقوة و شعرت ان الارض باتت تدور من تحت قدميها و انتظرت ليغلق و لكنه لا يزال علي الخط وعندها . ردت بخوف.. و انا ايه اللي يضمنلي انك مش حتاخد الفلوس و تنزلهم
ضحك اكثر و رد.. مفيش حاجة في الزمن ده مضمونة.. خصوصي انا عارف نفسي.. واطي اوي و مستغل
انهي المكالمة بوتيرة البرود و رد.. حارجع اكلمك و حاديكي وقتك تحضري الفلوس.. سلام يا
بشمهندسة . شيرين
في المسجد المجاور لبيت السويفي.. انهي الرجال صلاة الجمعة و بدأوا بالخروج من المسجد 
وقف كريم يربط حذائه و اتجه ليرحل.. لكنه سمع صوت احدهم يسأل احد واقفين امام باب المسجد.. هو بيت 27 اوصله ازاي لو سمحت
بدأ احدهم في الشرح فقطعه كريم سائلا.. أنت عايز مين بالظبط في بيت 27 رد بقلق.. هو مش بيت السويفي
رد كريم.. انا ابن عمهم.. اتفضل معايا اوصلك انا رايح هناك
مشي الي جواره و سأل كريم.. حضرتك عايز دكتور عمرو و لا حد من اخواته
رد بقلق.. لا دكتور عمرو بس بخصوص الانسة علا اخته
وقف كريم و تسمر في مكانه و رد.. بخصوص الانسة علا ازاي مش فاهم
اخرج بطاقته من جيبه و رد.. انا ابقي دكتور احمد شوقي معيد في كلية انسة علا.. و با درسلها
شعر كريم ببوادر عصبيته و رد.. ايوة يعني عايز عمرو في ايه بخصوص علا
ابتسم احمد بخجل و رد.. موضوع شخصي
امسكه كريم من ملابسه و رد.. موضوع ايه ده بقي اللي بينك و بين علا
رد احمد محاولا تجنب الصدام.. يا حضرت ما يصحش كده.. انا المفروض ضيف عندكم و
بعدين انا داخل البيت من بابه
زادت عصبية كريم و رد.. علا عارفة انك جاي
رد احمد مسرعا.. لا
ترکه کریم و سأل.. و انت عايز عمرو ليه بقي
رد احمد و صدره يعلو و يهبط.. انا جاي اطلب ايد الانسة علا و
و قبل ان يكمل لكمه كريم في انفه و رد.. انت حتستعبط يا جدع انت.. تطلب ايدها ازاي و هي مخطوبة
هوي احمد وكاد ان يسقط لولا وجود احدي السيارات خلفه و رد.. أنت انسان همجي علي فكرة و دي مش طريقة متحضرة ابدا للحوار.. ثم انا جاي بناءا علي ان الانسة علا مش مرتبطة
رد كريم بعصبية.. هي اللي قالتلك كده
رد احمد و هو يعيد ارتداء نظارته.. لا طبعا.. انا قولتلك الانسة علا اصلا متعرفش اني جاي.. انا سألت صاحبتها و هي قالت لا.. ثم الانسة علا مفيش في ايدها دبلة و ده اللي خالني اتأكدت
وقعت تلك الكلمات علي قلب كريم كالصاقعة و لم يجد لديه اي رد فاكمل احمد.. علي العموم انا اسف يا حضرت بس ارجوك بلاش تقول للانسة علا اني جيت اتقدملها.. ممكن
صمت كريم و أومأ رأسه و هو يشعر انه ما عاد يتحمل صدمته.. ممكن
و التفت احمد عادا من حيث اتي ببالغ خيبة الأمل.. اما كريم فبكثير من الضيق و شعور غيرة دفين عاد ليدخل الي بيت السويفي مقررا الصمت و عدم البوح بما حدث
زفر عمرو و هو يغلق هاتفه قبل أن يعاود ادراجه إلي بيت السويفي بعدما تحدث الي نهلة التي قررت اقتناص فرصة السفر من أجل قائمة بمشتريات جديدة وجب علي عمرو دفعها
يفهم عمرو لما عليه أن يدفع فاتورة كل لحظة بينهم وكأن للحب ثمن
عندها كانت نهلة تعتدل علي فراشها و قد سألتها والدتها.. حيخرج معاكي بكرة
اجابت بثقة.. طبعا امال حسافر معاه اسكندرية ببلاش
سألت والدتها بغيظ.. و أنت ناوية تسافري معاه
تعالات ضحكات نهلة و ردت.. عيب عليكي هو ينفع أنت تكوني تعبانة و اسيبك و اسافر 
أنت ناسية إنه حيغمي عليكي بكرة باليل
ابتسمت والدتها و قد فهمت و ردت.. بنت امك صحيح
لم يجد سوى الشرفة افضل مكان ليقف فيه صامتا.. لا يعرف كم الضيق الذي بدي يلف صدره
قاطعت شروده بدخولها حينما سمع صوت سعالها فالتفت و نظر لها وكأنه يراها لاول مرة و
هي تقول بهدوء.. اتفضل العصير
مد كريم يده و سأل.. اخبارك ايه يا علا.. عاملة ايه في الكلية و اخبار الامتحانات معاكي
استغربت علا و ردت.. الحمد لله كويسة
التفتت لتدخل فاستوقفها.. انا .. اه هو ال
زاد استغراب علا و ردت.. في حاجة
رد كريم بتردد. . ابدا بس
تتهد ثم رد.. أنت مش شايفة اننا يوم الجمعة ده ما بنعرفش نقعد نتكلم مع بعض.. مش
الافضل لو كان في يوم تاني اقدر اجي فيه
زادها كلامه حيرة و ردت.. وتفتكر المشكلة بس في يوم تاني تجي فيه.. عمتا اللي يريحك اعمله يا دكتور كريم
قالت جملتها الاخيرة و التفتت لتدخل و حينها لم يسع كريم سوى ان يضرب بيده المضمومة
سور الشرفة ثم يصرخ.. اه يا ايدي.. اووووووووووووووف
لتعلو ضحكة علاء و هو يدخل
و حينها يعلق.. بتضرب ايدك و انت خاطب
دخل علي خلفهم و سأل.. مين ده اللي بيضرب نفسه فيكم
رد كريم.. ابدا مفيش حاجة يا علي انت حتاخد علي كلام علاء
زاد علاء من ضحكاته و رد و هو يمازح كريم.. مستعجليش يا ابني بكرة تتجوز و تبقي عايز ترمي نفسك من البلكونة.. مش تضرب ايدك في السور
ضحك علي و رد.. يا عم عقدتنا و بعدين ده انت متجوز اخته.. يعني كريم اخر واحد تقوله الكلام ده
رد علاء مازحا.. ده علي اساس انه خاطب علا رامي مثلا.. ما هو خاطب اختي برضو
ثم نظر لكريم.. و لا عندك اعتراض علي حاجة لسمح الله
لتدخل علا عند هذه اللحظة تحمل في يدها اكواب العصير لعلاء و علي.. يرمقها كريم رغما
عنه و يرد.. هو انا اعترضت يا عم
يشرب علاء العصير
و يرد.. اه باحسب
ثم يستوقف علا قبل دخولها معقبا.. باقولك يا لولو انا عندي ليكي عريس و تفكك من الواد ده.. ايه رأيك
تقرر علا المزاح و ترد.. اللي تشوفه يا ابيه
فيضحك علي و علاء ملء فيهم بينما يضرب كريم كفا بكف و قد شعر بالقلق لاول مرة رغم
ان الامر لم يكن سوى مزاح بين ابناء العم
عندها كانت نسرين تنزل السلالم بهدوء حينما كانت تسمع عمرو و هو يصعد متحدثا في
الهاتف.. طب نورت مصر و الله يا دكتور و ما تخيلتش انك حتعرف تجيب الرقم بالسهولة دي.. ماشي
طبعا يا ماهر.. خلاص في اقرب وقت ان شاء نتقابل.. سلام
اكمل درجات السلم متجها الي شقة والدته ليتقابل مع نسرين التي بدي عليها الانزعاج من اسم ماهر الذي سمعته.. وقفوا علي السلالم ليسأل عمرو بغيرة و قد