رواية بيدي لا بيد عمرو كاملة بقلم رانيا الطنوبي(الفصل الأربعون 40 )
ما ارجع
نادي عمرو بصوت عالي من علي السلالم.. ما تيلا يا كريم
رد كريم مسرعا.. حاضر
ثم همس لعلا.. حاسس ان عمرو ناوي يقيم عليا الحد عشان طلبت يوم زيادة
ضحكت علا و ردت.. لا ده حاقيم عليك الاتنين
عاد عمرو و نادي.. كريم
اجاب مسرعا و هو يتجه للسلالم خلفه.. كنت باشرب و الله يا ابيه
رد عمرو بجدية.. طب يلا بينا
جلست والابتسامة تملئ وجهها و هي تنظر الي الصور علي هاتفه باهتمام.. حتي قاطعها رنين الهاتف في يدها و قد ضغطت رغما عنها على الرد فاتي صوت المتصل.. ايه يا كوكي مش بترد عليا ليه
صمتت علا و لم ترد فتابعت.. كريم يا كريم الو الو
ردت علا بصوت مبحوح.. ايوة مين معايا
ردت بضيق.. أنت اللي مين مش ده موبايل كريم برضو
علا.. ايوة بس هو بيصلي و راجع
داليا.. طب قوليله داليا كلمتك و خليه يكلمني او قوليله اننا علي معادنا بكرة في نفس الكوفي شوب اللي اتقابلنا فيه امبارح.. حاكون مستنياه الساعة سابعة.. داكور
علا.. طب هو حضرتك ممكن تتصلي به بعد نص ساعة بالظبط و هو حيرد عليكي افضل
اصله بيضايق لما يعرف ان حد مسك تليفونه و انا رديت بالغلط
داليا.. شور خلاص انا حاتصل بيه تاني.. باي
اغلقت علا الهاتف و عادت تصتنع مشاهدة الصور و لكن بعقل شارد فمن ترافق كريم الخروج
عاد من المسجد و فتح باب شقته و هو يقول.. مساء الخير
ردوا.. مساء النور
اتجه عمرو لغرفة مكتبه فاتجهوا ابنائه خلفه و عندها سألت يمنى و هي تنظر في ساعة
الساعة تامنية حضرتك في البيت الساعة تامنية.. ده بجد يا دكتور
يحيى.. معقول العيانين سابوا حضرتك تروح عادي كده و لا مستنيناك تحت رد عمرو و هو يضع اشيائه علي مكتبه.. انا عارف اني مش حاخلص.. انا غلطان صح
يارا.. ابدا و الله يا بابا احنا بس بنبدي فرحتنا انك جيت و احنا لسه صاحيين
يوسف.. اصلها حاجة مش بتحصل الأكل قرن مرة
خرج عمرو من غرفة مكتبه و هو يرد.. يعني انا اللي جيبته لنفسي
تحرك ابنائه حوله بينما هو يدور بعينه باحثا عن
ردت يمنى مبتسمة.. لازم ماما يعني.. في الليفينج قاعدة علي اللاب توب
كانت نسرين تسمع حوارهم حينما التفت عمرو ليجدها تضع قدم فوق الاخري و الحاسوب الي يمينها.. قامت من مكانها و عدلت من هيئة البادي الاحمر علي البنتكور الابيض و سألت عمر و بهدوء.. احضر لك الأكل
رغما عنه حدق بها وظل ينظر اليها ثم رد.. ماشي.. بس مش عايز اكل لوحدي حوطت يمنى كتفه بذراعيها و ردت.. يا سلام تكون فاكر اننا حنسيبك تعرف تقعد لوحدك خمس دقايق علي بعض
يحيى لعمرو.. ده حضرتك حتكره اللحظة اللي فكرت تيجي فيها بدري
اتجه عمرو ليبدل ملابسه متابعا بعينه نسرين التي اتجهت للمطبخ دون رد و بعد دقائق تجمعوا حول السفرة.. لينظر عمرو لابنائه الذين يمزحونه و زوجته التي تجاور كرسيه.. تجمع قلما يحدث بينهم بسبب انشغاله الدائم.. لحظة عندما اتت استشعر عمرو ان نساء العالم لن يعوضوه الحرمان منها.. انها الاسرة وكيان البيت و لحظة صدقها يعوض اي نقص.. لكنها باتت منسية و خارج حساباتنا الشخصية بل و انهارت امام مشكلتنا الزوجية بعد سويعات داعب النوم فيها جفون اصحاب البيت.. كان علي كل منهم ان يتجه الي سريره
انهت نسرين ما تبقي امامها ثم اغلقت اضأة المطبخ و اتجهت لتنام.. كان عمرو قد تصنع النوم و عندها اتجهت نسرين لطرف السرير المقابل لتنام.. اعتدل عمرو و اضاء الاضائة المجاورة لسريره و جلس علي السرير محدثا نسرين.. ممكن تجبيلي ميه اشرب
قامت نسرين و هي ترد.. حاضر
عادت بكوب الماء و ناولته اياه.. ابتسم عمرو و امسك يدها و هو يمسك بكوب الماء.. سحبت يدها بهدوء حتي اخذت الكوب الي المطبخ ثم عادت لتنام.. أولاته ظهرها و عندها اقترب عمرو منها و همس في اذنيها مقررا التحدث فيما كان فبدأ.. ماكنتش فاكر انك اشتريتي هدوم حلوة كده.. طب مفيش تي شيرت لعمرو و لا بنطلون جينز.. و لا عمرو مش محتاج يغير الاستايل بتاعه هو كمان
اعتدلت نسرین و قامت لتجاوره الجلوس و
صمت و لم يرد فنظرت في عينه و قد ملأت بالعتب ثم ردت.. عارف يا عمرو انا عمري ما فرق معايا استايلك ده.. طول عمري بحب عمرو زي ما هو.. ببدلته الكلاسيك ونضارته اللي محتاجة تتغير من عشر سنين و شعره اللي بقي اغلبه ابيض.. كل يوم عدي كان جوايا ليك حب بيزيد من غير حساب.. و مهما تعمل كان يكفيني بس اني اسمع صوت المفتاح و انت بتفتح باب الشقة و اعرف انك رجعت.. كانت الدنيا مش بتساعني انك بخير و وسطينا و عمري ما كنت عايزة حاجة تانية.. بس المشكلة بالنسبالك إني ماكنتش باقولك ده تنهدت و ابتسمت و اكملت.. أنت بقي بدل ما تغير استايلك.. أخدت قرار تغير حياتك كلها.. و دلوقتي بقت المشكلة عندي.. ليه أنا مش متقبلة قرار التغير الجذري ده.. اقولك ليه يا عمرو.. لانه كان قرارك لوحدك وعشان كده اتحمل تبيعاته لوحدك و ده اللي عندي تهد عمرو و قرر ان يرد بلين.. انا ماكنتش اعرف انت تقدري تكوني قاسية كده
ردت بسخرية.. معلش اصلي قررت اخف.. فتقدر تقول اني بافطم نفسي
سأل عمرو باستغراب.. بتفطمي نفسك و تخفي من ايه مش فاهم
ردت نسرين بهدوء.. اخف منك يا عمرو.. افوق بقي و افتكر نفسي افتكر اني اسمي نسرين
و اني نسرين.. مش ضل عمرو و لا خيال عمرو.. نسرين و بس
سال عمرو بغيظ.. و الفطام ده مش حيحصل غير لو اتطلقنا
ابتسمت نسرین و ردت بهدوء.. ممكن ما نطلقش لو وفقت علي شروطي
ابتسم رغما عنه و سأل باستغراب.. و ليكي شروط كمان
ابتسمت و ردت ببرود.. اه ليا
رد عمرو ببرود.. ماشي و انا سامعك
ردت نسرين بثقة.. الروس تتساوي و محدش احسن من حد و ده شرطي عشان اكمل
زفر عمرو و رد.. ما انا طبعا ناوي اعدل بينكم
ضحكت نسرین و رد.. لا لا لا مش عدل مبيت انا عايزة عدل تاني خالص.. عدل مسئوليات يا دكتور..
علا الاستغراب وجه عمرو فسألت نسرين.. هي نهلة عايشة معاك في شقة جديدة مش كده و بتروحلها كل ما بتعرف تروح صح
رد عمرو و هو يزفر.. لا.. انا و نهلة لسه جوازنا علي الورق لانها مش عايزة الجواز يتم الا لما الكل يعرف
صدمت نسرين و حاولت ألا تبدي فرحتها للحظة من انه لا يزال زواج علي الورق ثم ردت
بهدوء.. هايل جدا.. يعني الشقة الجديدة مقفولة لحد دلوقتي
عمرو.. لسه فاضل فيها شوية حاجات.. بس مفروشة و مقفولة
نسرين بهدوء.. انا بقي عايزة انا اللي اعيش في الشقة دي لوحدي و الشقة تتكتب باسمي و اسمها مش باسمها لوحدها و لا انا غلطانة يا دكتور
ابتلع عمرو ريقه و توتر لانها علمت بأمر عقد الشقة ثم سأل.. و نهلة تعيش فين
ردت نسرين و هي تمرر يدها علي خده.. هنا مكاني يا عمرو.. نهلة تيجي تعيش معاك انت و الولاد هنا.. تتحمل هي مسئولية البيت ده بدالي.. تغسل و تمسح و تطبخ لاربع اولاد و باباهم.. و مش حتعمل كده سبعتاشر سنة زبي.. لا خلاص يحيى كلها كام سنة و يتخرج و يكبر و يتجوز و يمنى وراه.. يعني اكيد مسئوليتها حتقل بمرور الوقت و ارتاح انا بقي شوية.. و تعدل انت بقي في المبيت براحتك.. تروحها يوم وتجيلي الشقة الجديدة يوم.. طب و الله حيكون يوم عسل اوي اهو افكرك بالذي مضي.. قلت ايه
صمت عمرو و لم يجد رد لما تقول غير انها جنت.. و عندها اكملت نسرين.. فكر في كلامي علي مهلك و اعرض الموضوع علي نهلة.. واجب تاخد رايها و لو شايف ان الكلام مش عاجبك.. اوكي
أولاته ظهرها و هي تسحب الغطاء لتنام و انهت كلامها.. و لو اخترت الطلاق ماعنديش مشاكل.. حارجع اعيش في شقتنا القديمة و في الحالة دي الولاد الافضل يفضلو هنا عشان مدارسهم و ساعاتها نهلة حتجي تعيش معاهم برضو.. بس مضطرة.. او انت حتضطر تاخدهم الشقة الجديدة
تنهدت و بعدها قالت.. خد وقتك و فكر علي مهلك.. عشان تقرر استايل حياتك الجديد حيبقي عامل ازاي يا دكتور عمرو
التالي من هنا
https://pub153.
lamha.news/18630
البداية من هنا
https://pub153.lamha.news/14391
