رواية بيدي لا بيد عمرو( جميع الفصول مكتملة) بقلم رانيا الطنوبي الفصل 48

نزلوا من عند عمرو مش عايزين يتكلموا و روحنا علي طول
أومت نسرين برأسها و اتجهت لتصعد خلف ابنائها و عندها نظرت ريم لكريم و سعاد و سألت.. اتكلمتوا مع علاء في حاجة
زفر كريم و رد.. مكنش هناك تقريبا ع القهوة
عقبت سعاد.. و لحد ما مشينا مجاش حتي علا رنت عليه عشان تقوله تعالي شوف اروي و لقيت تلفونه مقفول
تنهدت ريم بحزن و ردت.. طيب انا حادخل انيم اروي.. تصبحوا علي خير
اغلقت ريم باب غرفتها و قد شعرت بالحزن و بالغ الضيق و لكن قرارها بانها لن تبكي لن يتغير
نظر كريم لوالدته و قال.. أظن لحد كده كفاية انا مش حاسمح لواحد مهما كان يهين اخواتي و مش عايز منهم حاجة و انا كفيل اني اساعدهم في تربية ولادهم
ايوة يا ابني بس الاتنين يا كريم.. انا باقول نصبر شوية يمكن الامور تنصلح
نصبر لحد ايه.. انا خلاص حاروح لعلاء بكرة و اتكلم في الطلاق و حاوريله اخرت تصرفاته ايه إذا كان هو و لا عمرو
اتجهت نسرين الي الغرفة التي ينام بها يوسف و يحيي.. جلست علي طرف السرير و نظرت مليا ليوسف و الذي تظاهر بالنوم.. مسحت بيدها علي رأسه و ما هي الا لحظة حتي وجدت يوسف يحتضنها بقوة و يبكي مرة اخري.. احتضانته نسرين بقوة و ظلت تمسح علي رأسه و بعدما هدأ سألت.. ليه كل ده يا يوسف
انا اسف يا ماما كان نفسي ابقي راجل يعتمد عليه بس انا مكنتش فاكر اني حازعل كده
يا حبيبي انت فعلا راجل.. بس اي حد في الدنيا ممكن يزعل و ممكن يعيط
بكت نسرين لبكائه و عندها رد يوسف.. كان نفسي نصلح بيتنا
احنا صلحنا حاجة اهم يا يوسف.. صلحنا نفسنا.. اسمعني يا يوسف مش شرط كل حاجة كويسة تحصل تكون خير و لا كل حاجة وحشة تكون شر.. فاهمني يا يوسف
فاهمك يا ماما بس كان نفسي
يا حبيب قلبي يا عالم ربنا شايلينا ايه.. توعدني انه مهما حصل نقول الحمد لله و مشوفكش بتعيط تاني
ابتسم و رد.. اوعدك يا ماما ربنا يخليكي ليا
جلس علي حاسوبه الشخصي و لكن هذه المرة لم يكن علي موقع فيس بوك.. بل كان يطالع صور اسرته القديمة.. صور زفافه هو و ريم و صور ايام زواجهم الاولي و صور سبوع أروي.. تنهد بضيق و لا يزال يتابع الصور صورة بعد صورة و قال في نفسه.. طيب هو ينفع يكون في حل تاني غير الطلاق.. احنا لا بقي فيه بينا تفاهم و لا حتي بقينا عارفين نتعامل.. ينفع تبقي دي حياة و لا ده جواز.. 24 ساعة بنتخانق و كل واحد عايز يفرد عضلاته ع التاني.. انا تعبت يا ريم و مش عايز اكمل كده و مبقتش لاقي لها حل و مش عارف
صباح السبت لم تنم نسرين جيدا خاصة بعد ما سردته يمني بالتفاصل لما دار بين ابنائها و بين عمرو.. نظرت في ساعة و اتجهت للمطبخ كانت السابعة صباحا.. اعدت لها كوب شاي و اتجهت حيث مكتبها.. فتحت النوافذ و اتجهت للجلوس و أمسكت بالاجندة الجديدة التي اشتراتها بالامس و كتبت بها مقدمة كتابها و بعدها قررت ان تبدأ بالكتابة و ما قررته هو ترجمة لاهم النقاط التي استفادت منها من كل كتاب قرأته و نأتي لكتابة الفصل الاول
1 في انتظار أن يأتي الامير
يوما ما سنختصم الاخوين غريم لانهما قد قاما بنشر الاساطير القديمة كسندريلا و سنووايت.. وصلت القصص لدينا و تدوالنها و شكلت جزئا من رؤيتنا و عقولنا و حلمنا بنفس مع ما حصولوا عليه.. و لم لا ففارس الاحلام بالتأكيد سيكون ذاك الفارس النبيل و هل من الممكن ان يكون له مواصفات اخري.. يوما ما سيأتي و ساركب خلفه علي حصانه الابيض و سنعيش أروع قصة حب.. سأشعر معه بكل شئ تمنيته.. سيحقق لي كل أحلامي.. سيكون شجاع و حنون و محب و مخلص و ذكي و لماح و عطوف و 
مهلا اسمع صوت ارتطام قوي.. اممممممم انه صوت سقوطك عنوة من فوق السرير.. اتمني ألا يكون قد تأذي عنقك لكني سعيدة لأنك استفقتي صباح الخير لكن إذا أردت أن اصدقك القول ففي لحظة الاستفاقة يكون الموجع هو ارتطام قلوبنا بالارض.. هو ارتطام أحلامنا بالأرض.. لكن من يتحمل الوزر.. من فاقت أحلامه الواقع أم من كان أقل من أقل توقع و لم يلبي و لو جزء من الطموح.. لحظة أشبه بأن سندريلا عادت بنفسها تبحث عن الزوج الاخر من حذائها فإذا بالامير هو الاخر يبحث عنها و ما إن وجدها حتي و نزل أمامها أرضا ليخلع عنها الزوج الاخر من حذائها.. ثم نظر للحذاء هاتفا بسعادة.. الجذمة دي لو اتباعت حتجيب قرشين حلوين !!
من الاخر 
1 و انتي بتحلمي احلام اليقظة بفارس الاحلام او عموما و انتي بتحلمي علقي قلبك و عقلك و طلباتك بايدين رب البشر مش البشر
2 بلاش سقف الطموح يعلي اوي لدرجة انه يعدي السقف و يمكن يخترق السقف و بعدها تلاقي السقف نفسه وقع علي دماغك.. مش معني كده أننا ميكونش عندنا احلام بالعكس.. لكن أجمل الاحلام هي احلام ممزوجة بالواقع أحلام لها رؤية و يكون معاها خطة فيها خطوات تحمل أمل التنفيذ
3 البداية الغلط بتوقع المستحيل بأن شريك العمر حيكون هو الامير.. بداية لازم تتغير لانه اكيد حيكون بشر و عنده عيوب و توقع انه حيقدر يحققلك احلامك توقع بالتأكيد غلط لانه ببساطة ميعرفش انتي عايزة ايه و ان عرف فهي من الاخر احلامك انتي و يوم ما تتخلي انتي عنها متنتظريش من غيرك الحرص عليها
4 اسألي نفسك بعد ارتباطك بشريك حياتك يا تري انا كمان كنت فتاة احلامه و يا تري انا كمان لبيت طموحه و إذا كانت الاجابة لا.. فيا ريت نقعد مع بعض و نطرح علي بعض الاسئلة دي و نقيم الاجابات
5 إذا كانت النتايج صادمة و الاحلام مختلفة في اختراع ظريف اسمه المرونة و هو اننا نقرب وجهات النظر و نخلق من الاحلام المتباعدة احلام مشتركة تكون اشبه بحلول وسط و ده افضل من صدام مفيش منه رجي
الخلاصة 
البداية هي أهم جزء في العمل كما قال أفلاطون.. لذا احرصي دائما علي البداية الصحيحة في كل خطوة من حياتك.. فقديما قالوا رب سلحفاة تسير بالطريق الصحيح خير من نمر يركض بالطريق الخطأ 
وضعت القلم و و تأوبت لتشعر أنها ربما بحاجة الي النوم مرة أخري.. أغلقت الاجندة و اتجهت للمطبخ للتضع الكوب الفارغ ثم اتجهت لغرفة النوم و لكن قرر جرس باب شقتها أن يثنيها عن ذلك.. اتجهت نسرين لتفتح الباب و حينها صدمت لأنه كان عمرو و صدم عمرو لأنها فتحت الباب بشعرها المنسدل و رائحها العطر التي تفوح منها و ملابس نومها و عندها سأل بعصبية.. انتي ازاي تفتحي