رواية بيدي لا بيد عمرو( جميع الفصول مكتملة) بقلم رانيا الطنوبي الفصل 48

الطريقة اللي تقدم نفسها بيها لجوزها عشان ساعتها يحس ان هي دي اللي كان بيدور عليها
يعني استوي و احط علي نفسي ملح
تعالت ضحكات نسرين و ردت.. ايوة تتعلمي اصول التسوية و تتقني تحابيش المحاشي و يبقي من ايدك انتي لي مذاق خاص
يا لعبك يا نسرين
تعالت ضحكات الاثنين و عندها سألت ريم.. طب و سي علاء ده اعمل معاه ايه بالظبط
تتطوري يا رورو تكسري كل التوقعات و تكوني ريم جديدة.. ريم اللي ليها حياتها و اهتمامتها و هوايتها و طموحها.. ريم اللي حتبهر الكبير قبل الصغير فاهماني تقربيا
و تاني حاجة بقي و داويني بالتي كانت هي الداء
انتي فايقة اوي انهاردة يا نوسة.. اممم يعني ايه
يعني الفيس بوك.. الفيس بوك زي ما كان سبب المشاكل بينكم حيكون هو بردوا سبب الصلح دي الدخلة اللي حتدخولي منها لعلاء
و دي ازاي بقي
متستعجليش علي رزقك.. اه و في حاجة كمان لازم الاستاذ علاء يبقي واثق انك بايعة و مش بس كده لا و هو اللي الخسران.. لانه من النوع اللي لو حس ان اللي في ايده راح من ايده حيدور عليه المشوار.. هه حتحاولي
تنهدت بقلق و ردت.. ليه لا.. ضربوا الاعور علي عينه قال ماهي خسرانة خسرانة
ضحكت نسرين و ردت.. انتي حتبدأيها بالاعور لا انا كده معرفكيش.. انا عايزكي ليدي يا ريم
ضحكت ريم و ردت باستعلاء مصتنع 
ok my darling Ill be a new lady
ضحكت نسرين علي طريقة اختها و ردت.. ربنا يوفقك يا بنتي
أوقف عمرو سيارته و اتجه الي معرض مصطفي.. طرق باب مكتبه ليقف مصطفي من مكانه مستقبلا.. عمرو اهلا و سهلا شرفت و نورت المعرض
ده نورك يا سيدي.. ايه روحت و قولت عدولي يعني
ابدا و الله يا عمرو اتشغلت شوية المهم انت عامل ايه و بيت السويفي عامل ايه
كويسين.. انت عارف انا جيلك ليه
لو الولاد حكوا لعبير عن جوازي من سارة و انت عرفت ابقي كده انا عارف انت جاي ليه و لا في حاجة تانية
كويس انك فتحت الموضوع من غير لف و دوران.. انت ناوي فعلا تتجوز.. طبعا و دي حاجات فيها هزار.. و بعدين سارة ظروفها تحتم عليا اني اعمل كده بعد اللي حصل
حتي لو عبير طلبت الطلاق
انا باتمني ان عبير تقدر ظروفي و تفهم اني معملتش كده الا عشان استر علي سارة و بصراحة موقف عبير اناني اوي و خصوصا اني ناوي اعدل بينهم
شعر عمرو بالضيق من طريقة كلام مصطفي و رد.. ممكن نتكلم بطريقة احسن من كده يا مصطفي.. انت عارف ان عبير حترفض وضع زي ده
طب و الحل انا معنديش مبرر واحد يخليني اتخلي عن سارة و اظن عبير حكيتلك
تنهد بضيق و اكمل.. عمرو انا محتاج مساعدتك ليا.. ارجوك تقنع عبير انها توافق علي جوازي من سارة.. يا عمرو ده انا قولت انت اكتر واحد حاسس بيا و حيدافع عن اللي انا عملته
تذكر عمرو كلمة عبير له اوعي تنصيفه عليا يا عمرو و عندها رد.. ياااااااااه ده انتوا كنتم مستنين تلكيكة و انا بايدي اديتلكم الفرصة.. كل واحد يغلط و بعدها يقولوا انا باعمل زيك اشمعني في دي بس اخدتوني قدوة
قرر مصطفي الرد بهدوء.. اسمعني يا عمرو كويس انا لو عايز اتجوز علي عبير مكنتش أجلت الخطوة دي سنين و كنت أتجوزت من زمان.. لكن ربنا وحده اللي يعلم غلاوة ام طارق عندي.. بس دي ظروف و حكمت فيا ريت متزعلش مني
يعني ده اخر كلام عندك
شكلك زعلان يا عمرو مع اني كنت فاكر ان سارة ممكن تكوني وسطينا و نعتبرها واحدة مننا و انك حتشجع عبير تتعرف عليها و تعتبرها زي علا
شعر عمرو بالغيظ و رد.. انا بتستعبط عليا و لا بتستعبط علي نفسك. . و اوعي تكون فاكر عشان موضوع نهلة اني حاسمحلك تيجي علي عبير اختي.. انت استغليت الموقف بندالة مكونتش اتوقعها منك.. بس انا حاحسبك ع الكلام ده و من اللحظة دي اعتبر كل اللي بينك و بين عبير خلص
اتجه ليخرج و لكنه التفت و نظر لمصطفي باحتقار و رد.. اه نسيت اقولك مبروك يا درش
خرج عمرو و الغيظ يأكل من ملامح وجهه.. اتجه مصطفي و جلس علي مكتبه و امسك بهاتفه ليتحدث.. سلام عليكم
و عليكم السلام و رحمة الله و بركاته.. اهلا يا حاج مصطفي
ازيك يا نسرين
ازي حضرتك و ازي سارة يا تري كويسة
اه الحمد لله.. عمرو جالك مش كده
لسة ماشي دلوقتي و طبعا متخانق معايا و مش عارف حيقول ايه لعبير ربنا يستر
متقلقش ان شاء الله خير.. انا شوية و حاتكلم مع عمرو اهديه و عبير ان شاء الله دورها قرب المهم صفية حتمضي عقد بيع البيت امتي
انهاردة ان شاء الله
تمام
نسرين انا متشكر اوي علي وقفتك مع سارة
عيب تقول كده يا مصطفي.. ده الواجب انا ربنا حملشني امانة و كان لازم اتحرك و الحمد لله علي اللي حصل

التالي من هنا الفصل 49
https://pub153.lamha.news/22658
كاملة من هنا من

الفصل 1 إلى 47
https://pub153.lamha.news/14391