رواية المليونيرة المغرورة والفقير سيلا ورياض جميع الفصول كاملة بقلم إسراء ابراهيم
سيلا بجمود
إذا كنتي إنتي يا مامي اللي ظلمتيني يبقى الغريب هيعمل فيا إيه!
وسابتها سيلا ودخلت الفيلا بتوهان
أول ما سمعت سيلا صوت المأذون وهو بيقول
بارك الله لكما وبارك عليكما وجمع بينكما في خير
عيطت ونزلت دموعها من غير ما تحس
دخلت أحلام عليها بسرعة وقالت بحنية
أنا دلوقتي بس يا بنتي اطمنت عليكي
بصت لها سيلا بلوم وسكوت لكن النظرات اتقطعت بصوت رياض وهو بيقول
أستأذنك يا ماما هاخد سيلا ونروح شقتنا
سيلا بسرعة وبانفعال وهي بتمسك في إيد أمها
إيه ده يا مامي! هو إحنا مش هنعيش معاكي
قطع كلامها رياض بنبرة حاسمة
إزاي يعني لازم تروحي على بيت جوزك
بصت له سيلا باشمئزاز ورجعت تبص لأمها
مامي ردي! ردي يا مامي!
أحلام بصت لرياض وهو هز راسه بإشارة خفيفة
نقلت نظرها لبنتها وقالت بنبرة محايدة
لا يا حبيبتي لازم تروحي على بيت جوزك
سيلا سابت إيد أمها ومشيت قدام رياض بجمود من غير ما تنطق ولا كلمة
وفعلا راحوا على شقة رياض اللي كان مجهزها
أول ما دخلوا قفل رياض الباب وقال
حمد الله على السلامة
ما ردتش سيلا وكانت بتبص حوالينها باستنكار
الشقة قديمة شوية وفي حي شعبي جدا
لفت وشها لرياض وقالت بقرف
هو أنا هقعد على طول في المكان البيئه ده!
رياض ابتسم وقال بهدوء
مطرح ما جوزك يقعد هتقعدي معاه
اتنرفزت سيلا ودخلت الأوضة اللي قدامها وقفلت الباب وقعدت على السرير منهارة والدموع نازلة زي المطر من عينيها
فاقت على خبطات على الباب وصوت رياض بيقول من وراه
طيب إيه أدخل ولا لسه شوية
قامت من مكانها بعصبية فتحت الباب فجأة
اسمع يا بتاع انت أنا وافقت أتجوزك عشان مامي بس تفهم تبعد عني ولا والله همشي ومحدش هيعرف لي طريق فاهم!
رياض قعد على الكنبة وابتسم ببرود وهو بيقول
ما تمشي إنتي فاكرة إني هزعل ده أنا أصلا مش فارقة معايا أنا اتجوزتك شفقة عشان أمك بس
بصت له سيلا باشمئزاز وقالت
أمك انت بيئة أوي
قام رياض من مكانه وقرب منها وقال بحدة
أنا مسمحش إن مراتي تعلي صوتها عليا ولا تقول لفظ مايعجبنيش فاهمة
سيلا بعصبية
متقولش مراااااتي! أنا مش مرات واحد شحام!
رياض باستغراب
إيه!
سيلا بتردد
كلك البتاع الأسود ده
رياض ضحك وقال
اسمه شحم يا جاهلة
سيلا ببرود
معرفش البيئة أمثالك هم اللي يعرفوا!
بص لها رياض بحدة فتلجلجت سيلا من نظرته وجريت بسرعة على الأوضة وقفلت الباب بعد ما استوعبت هي قالت إيه
صرخ رياض بصوت عالي من بره
أنا هعديها المرة دي بس بعد كده أنا مش هسكت! وهعلمك الأدب وازاي تتكلمي مع جوزك!
فتحت سيلا الباب بعصبية وهي بتصرخ
متقولش جووووزي!
وهبدت الباب بكل قوتها ف رياض ابتسم بتلقائية
في بيت أحلام كانت قاعدة سرحانة من كتر القلق على بنتها وبتدعي ربنا يكون اللي عملته صح
قطع تفكيرها جرس التليفون
ردت
السلام عليكم مين!
هايدي بدلع
هاي طنط ممكن أكلم سيلا
أحلام بعصبية
سيلا مش موجودة وماتتصليش بيها تاني بنتي اتجوزت وسافرت
هايدي بتصنع الفرح
إيه ده بجد! مبروك يا طنط! أنا فرحتلها جدا بس ممكن رقم فيلتها كنت عايزة أبارك لها وأعاتبها إنها ماقالتليش
أحلام بنفاذ صبر
بقولك إيه بنتي اتجوزت ومعرفلهاش لا رقم تليفون ولا عنوان! ياريت
هايدي بخوف
أنا آسفة يا طنط ربنا يسعدها
أحلام قفلت السكة في وشها وهي بتقول بغيظ
ربنا يبعدكم عنها إنتوا وامثالكم
ورفعت السماعة من تاني واتصلت على رياض
ألو إزيك يا رياض
رياض بتلقائية
الحمد لله يا ماما إنتي عاملة إيه
أحلام بقلق
الحمد لله يا حبيبي طمني على سيلا عاملة إيه من امبارح
رياض بنفاد صبر
مش قادر يا ماما لسانها مترين!
أحلام بابتسامة هادية
معلش يا حبيبي خليها عليك إنت الراجل هي بس بتدلع لكن والله طيبة وغلبانة
وعايزة أقولك أصحابها اللي كانت حاكية عنهم اتصلوا بيا من شوية وأنا قلتلهم زي ما اتفقنا
رياض بجدية
تمام يا ماما ومش عايزك تخافي طول ما هي معايا
أحلام براحة
دانا اللي مطمني إنك معاه يا بني اديني أكلمها بقى
رياض
حاضر ثواني
راح رياض وخبط على باب الأوضة
سيلا وهي بتقوم من النوم
مين
رياض باستغراب وهو بيضحك
مين إيه! إنتي نايمة في محطة مصر! في غيري! جوزك يا هانم!
فاقت سيلا من نومها وقعدت بسرعة وهي بتحاول تستوعب اللي حصل وقالت بتنهيدة
ارحمني بقى الله يخربيت اليوم اللي شفتك فيه
رياض باستفزاز
بتقولي حاجة يا بت إنتي
انتبهت سيلا وقالت بسرعة وهي بتتثاوب
لا أبدا كنت باتاوب بس
رياض ضحك وقال
طيب اطلعي كلمي ماما على التليفون
قامت سيلا بسرعة وفتحت الباب شاور لها رياض على التليفون جريت عليه وخدته وهي بتقول بلهفة
مامي وحشتني يا مامي! أرجوكي تعالي خديني عشان خاطري! أنا مش قادرة أعيش هنا يوم كمان!
أحلام بحزن وهي متأثرة بصوت بنتها
حاضر
وعلى فكرة رياض بيحبك!
بصت سيلا على رياض وهو بيحط الأكل وشها ماكانش مبسوط
وقالت بضيق
بس أنا مش طايقاه يا مامي ومش عايزاه ولا عايزة أعيش هنا!
أحلام بنبرة رايقة
يا حبيبتي مش هتلاقي حد يحبك ويخاف عليكي زيه ادي لنفسك فرصة وانتي هتشوفي
ولو عايزة أتكلم معاه وأقوله تيجوا تعيشوا هنا معايا
سيلا بفرحة مفاجئة
بجد يا مامي! بجد!
أحلام بحب
آه يا روحي بس أوعي تبقي عصبية معاه عشان يوافق
سيلا بعصبية وهي بتحاول تهدي نفسها
حاضر يا مامي هحاول بس مش بوعدك
أحلام بحنان
طيب يا روحي أنا هقفل دلوقتي ربنا يهدي سيركم
سيلا قفلت الخط وبصت ناحية المطبخ وقالت بضيق
إنت! يابتاع! أنا هموت من الجوع خلصت الأكل ولا لسه
خرج رياض من المطبخ وهو شايل طبقين وحطهم على الترابيزة وقال
اسمي رياض ابقي اسمعك تقولي يابتاع تاني!
سيلا خافت من نبرته وقالت وهي بتحاول تتماسك
إيه رياض ده! بزمتك ده اسم!
رياض بضحكة مستفزة
والنبي ما تتريقيش ده أرحم من اسمك!
سيلا بتكبر
وماله! سيلا يابابا!
رياض وهو بيضحك
لا لا أنا مش قصدي سيلا أقصد الاسم اللي في البطاقة
جرا إيه يا سامية!
سيلا بصتله بصدمة وقالت بانفعال
مسمعتكش تقول الاسم ده على لسانك تاني!
أنا اسمي سيلا فاهم!
رياض خبط إيده ببعض وقال بسخرية
ده شكل الناس لما الواحد يواجههم بحقيقتهم!
اتنرفزت سيلا ودخلت الأوضة بسرعة ورزعت الباب
قعد رياض على الترابيزة وهو بيضحك بخبث وقال بصوت عالي
طيب مش هتاكلي مش كنتي جعانة
سيلا ما ردتش وفضلت ساكتة ف رياض تنهد بحيرة
هايدي بخبث
شكل سيلا
هند بلا مبالاة
مش متأكدة بصراحة الجوازة غريبة لا في فرح ولا حاجة وانتي ناسية هي مين
هايدي بسرحان
مش عارفة بس أمها حتى ما رضيتش تديني
