رواية المليونيرة المغرورة والفقير سيلا ورياض جميع الفصول كاملة بقلم إسراء ابراهيم
المحتويات
رقم تليفونها شكلهم مش عايزيننا نعرف هي فين!
هند بحيرة
تفتكري وقعت على واحد مليونير
هايدي بسخرية
مليونير إيه دي كانت بتموت علينا مكنتش تقدر تستغنى عننا!
هند بتفكير
والله يا هايدي لو كلامك طلع صح يبقى احنا خرجنا من المولد بلا حمص وقطعنا رزقنا بإيدينا!
هايدي بضيق
ما انتي ياختي اللي وريتيلها اللايف!
هند بضحك
بقولك إيه! انتي اللي قولتيلي أعمل كده! متلبسنيش الحوار لوحدي!
انتي اللي اتصلتي عليا وقلتيلي سيلا جاية لك واعملي اللي انتي نفسك تعمليه من زمان واطلعي لايف مخصوص عشان توريهولها!
هايدي بنرفزة
طيب ياختي خلاص! نشوف هنعمل إيه معاها بقى!
هند بتفكير شيطاني
أمممم بصي يا ستي نراقب بيت مامتها أكيد هتزورها في أي وقت!
هايدي بفرحة
صح! جدعة!
طيب وهنقولها إيه بقى لما تيجي
هند بخبث وهي بتبتسم
هنقولها إن مامتها هي اللي طلبت مننا نعاملها كده وإنها هددتنا إنها هتحبسها ومش هتخرجها وإحنا خوفنا عليها وسمعنا الكلام عشان مصلحتها كده كده علاقتها بأمها مش كويسة ها إيه رأيك
هايدي بضحك
يا بنت الذينا! إيه الدماغ الجامدة دي!
هند بغرور
عيب عليكي مش أي حد
هايدي
طيب مين اللي هيراقب بيت مامتها أقولك مروة! أكيد طالما ساكنة جنبها
هايدي بحماس
صح! استني اتصل بيها دلوقتي
في بيت سيلا
كانت قاعدة قدام التلفزيون بتتفرج ببرود لحد ما دخل رياض من الباب
رياض بابتسامة
مساء الخير عاملة إيه النهاردة
كانت سيلا هترد بعصبية كالعادة لكن افتكرت كلام مامتها وإنها لازم تهدي الجو عشان تقنع رياض بفكرة العيشة في الفيلا
سيلا ببرود
كويسة
رياض بهدوء
طب حضريلي الأكل أنا جعان جدا والشغل النهاردة كان مرهق
سيلا
معرفش شوفلك أي حاجة من بواقي الفطار
رياض باستغراب
يعني عايزة تفهميني إنك طول النهار قاعدة ومعملتيش أكل
سيلا بتلقائية
أيوه طبعا وبعدين أكل إيه أنا مبعرفش أطبخ ولو بعرف مش هطبخلك اعمل لنفسك!
سيلا اتفاجئت بصوت رياض اللي أول مرة يزعق لها وشافت منه وش جديد
رياض بغضب
أنا كنت عارف إني هتجوز واحدة مستهترة وأنانية زيك! متعرفيش يعني إيه زوج وبيت وأسرة إنت آخرك خروجات وسهر وهيافة لكن مسؤولية لأ!
سيلا بانهيار
واتجوزتني ليه! وانت عارف إني كده ليه ربطت حياتك بواحدة تافهة زيي!
رياض باندفاع
لأني كنت غلطان كنت فاكر إني ممكن أغيرك! أخليكي بني آدمة ليها قيمة بس للأسف إنت حتى مش حاسة إن جوزك اللي راجع من شغل وتعب أقل حقه يلاقي لقمة ياكلها!
أنا اكتشفت إن الحب مش كفاية لازم يكون في تفاهم وده مش موجود بينا
قال كلامه ودخل الأوضة وهبد الباب وراه
وقتها سيلا انهارت على الكرسي وكل كلمة قالها رياض فضلت تترن في عقلها لأول مرة تحس إنها فعلا أنانية وتافهة زي ما وصفها عيطت بحرقة وكانت مكسورة ومقهورة حاسة إنه عراها قدام نفسها
تاني يوم
خرج رياض من أوضته لقى السفرة جاهزة والفطار متحط وسيلا واقفة بعينين منفخة من كتر العياط شكلها وجعه بس كمل تجاهله وكان هيخرج
سيلا بلهفة
مش هتفطر! الفطار جاهز
رياض بضيق
لأ مش هفطر افطري إنت أنا متأخر
ومشي وسيلا فضلت تبكي بحرقة حاسة إنها بلا قيمة وإن رياض مش ممكن يسامحها
قامت لما الموبايل رن وردت بسرعة ولما سمعت صوت أمها انهارت
أحلام بحب
إزيك يا سيلا وحشتيني يا حبيبتي
سيلا بلهفة ودموع
مامي إنتي كمان وحشتيني تعاليلي
أحلام بقلق
مالك يا حبيبتي قوليلي مالك
سيلا بحزن
رياض زعلان مني والله مكنتش أقصد أنا تايهة ومش عارفة حتى أنا مين!
أحلام بهدوء
اهدي بس واحكيلي اللي حصل ولو غلطانة هنصحك ولو لا هكلم رياض
سيلا بتردد
أنا عارفة إني غلطانة بس والله غصب عني لسه بتعلم ولسه ببدا من جديد
أحلام بابتسامة
مجرد إنك شايفة إنك غلطانة ده في حد ذاته خطوة كبيرة المهم متكابريش وحاولي تصلحي اللي حصل
سيلا بتشجيع
عندك حق وأنا أوعدك إني هتغير
أحلام بفرحة
ده يوم المنى! وليكي علي أي حاجة تسأليني فيها أقولك تعملي إيه
سيلا بابتسامة
طيب يا مامي قوليلي أبدأ منين أنا حتى مش عارفة أطبخ!
أحلام بحماس
هقولك تعملي إيه خطوة خطوة يا روح ماما
بليل
رجع رياض من الشغل باين عليه التعب وأول ما دخل اتفاجئ بسيلا واقفة مستنياه وعلى وشها ابتسامة جميلة البيت مترتب ونضيف شكله بقى بيت فعلا
رياض بتصنع الجدية
مساء الخير
سيلا بابتسامة
مساء النور اتأخرت إنهاردة على فكرة!
رياض بتعب
كان يوم صعب خدي الأكل ده حطيه في أطباق جبته جاهز
سيلا بابتسامة
بس أنا طبخت النهاردة! خش خد شاور وأنا هجهز السفرة هدومك جاهزة في الحمام
استغرب رياض بس مقلش حاجة واكتفى بابتسامة رضا ودخل أوضته
على السفرة
كانت سيلا قاعدة متوترة عينيها على رياض اللي بدأ ياكل
سيلا بخوف
الأكل أخباره إيه أول مرة أطبخ!
رياض بابتسامة
الأكل جميل تسلم إيديكي
سيلا ابتسمت لكن فجأة شرقت أول ما داقت الأكل كان حادق جدا وقام رياض بسرعة وناولها مية
سيلا بحزن
ليه كدبت الأكل وحش!
رياض بابتسامة دافية
ولا
سيلا ابتسمت بصدق لأول مرة تبص لرياض وتلاحظه فعلا
سيلا بخجل
طب هقوم أجيب الأكل اللي إنت جايبه عشان تاكل بجد الأكل ده مش هتقدر تكمله
رياض برفض حنون
لأ أنا هاكل من اللي مراتي عملته بإيديها تسلم إيديكي
سيلا بسعادة
إنت إنسان كويس أوي يا رياض أنا بجد آسفة على كل حاجة حصلت قبل كده
رياض بابتسامة دافية
اللي فات ما يهمنيش أنا مش شايف غير سيلا اللي قدامي دلوقتي
يلا أهو نساعد بعض نشيل الأطباق ونعمل فشار ونتفرج على فيلم إيه رأيك
سيلا بفرحة
موافقة طبعا! بس إنت اللي هتعمل الفشار عشان يتاكل يعني!
ضحك رياض وضحكت معاه سيلا وابتدوا يساعدوا بعض كانت لحظة بسيطة بس فرحت قلب سيلا بجد حست لأول مرة إن حياتها ليها طعم
مرت الأيام وسيلا اتغيرت تماما بقت هادية ناضجة وابتدت تكون واحدة تانية
رياض كان مبسوط أوي بالتغيير لكن جواه أمنية صغيرة ما اكتملتش كان بيتمنى يعرف حقيقة مشاعر سيلا هل بتحبه زي ما هو بيحبها
ساعتها قلبه اتقبض واتسللت له فكرة مخيفة يمكن تكون مش بتحبه
كانت سيلا واقفة في البلكونة مستنية رياض زي ما اتفقوا عشان يروحوا يزوروا مامتها وكانت بتكلمها في التليفون
سيلا بابتسامة
أنا فرحانة أوي إني هشوفك النهاردة يا ماما أوعي تكوني نسيتي الأكل اللي بحبه
أحلام بفرحة
لا طبعا! أنا عاملالك كل اللي بتحبيه إنتي ورياض
بس قوليلي عامل معاكي إيه
سيلا بتلقائية وبابتسامة صادقة
بصراحة يا ماما رياض إنسان كويس أوي
أنا اللي كنت غبية ومش شايفة ده
يكفي إنه السبب في تغييري وإنه خلاني أحس إني إنسانة ليا قيمة
أحلام بسعادة
يا سلام
لو رياض سمع القصايد اللي بتقوليها عليه دلوقتي!
بس أهم حاجة عندي
إنك حبيتيه
ده اللي كنت بتمناه من قلبي
متابعة القراءة
