رواية المليونيرة المغرورة والفقير سيلا ورياض جميع الفصول كاملة بقلم إسراء ابراهيم
سيلا بتردد
أحبه! لأ يا ماما مش للدرجة دي
أنا منكرش إني بحترمه وبعزه أوي وإنه عوضني عن حاجات كتير بس مش لدرجة حب
أحلام بقلق
خلاص اقفلي الموضوع ده دلوقتي يا سيلا لما تيجي نبقى نتكلم فيه سوا
ابتسمت سيلا وكانت هترد وهي داخلة من البلكونة لكنها اتفاجئت برياض واقف عند باب الشقة قلبها اتقبض من فكرة إنه يكون سمع الكلام
سيلا بتوتر
اهو رياض جه يا ماما سلام عشان نلحق نجهز وننزل
قفلت المكالمة واقتربت من رياض اللي كان باين عليه الصدمة والخزلان
سيلا بابتسامة متصنعة
حمدلله على السلامة حضرتلك هدومك خد دوش وأنا كمان هلبس
رياض بابتسامة باهتة
الله يسلمك هدخل أغير علطول
دخل رياض الأوضة وسيلا فضلت تتابعه باستغراب من هدوءه وبعد لحظات دخلت أوضتها هي كمان
في بيت أحلام
سيلا بدموع فرحة
وحشتيني أوي يا ماما
أحلام بحنان
وإنتي كمان يا نور عيني
بس أنا مكنتش أعرف إن الجواز بيحلي كده يا سيلا!
سيلا بخجل
أنا جعانة أوي هدخل أدور على أي حاجة آكلها
جريت سيلا على المطبخ وكان رياض بيبص عليها من ورا بابتسامة حزينة
أحلام بهدوء
أنا عارفة إنك سمعتها وهي بتكلمني يا رياض بس صدقني سيلا لسه صغيرة ومش قادرة تميز مشاعرها
رياض بهدوء
عادي يا ماما أحلام أنا عمري ما هفرض نفسي عليها وكنت حاطط الاحتمال ده في حساباتي عشان متوجعش
الحب مش بالعافية
أحلام بابتسامة مطمنة
صدقني ربنا دايما ليه حكمة
وهييجي وقت وسيلا تفهم قلبها وتحس بيه كويس
ابتسم رياض بتلقائية لكن جرس الباب رن ولما فتحت الشغالة اتفاجئت
هايدي بخبث
أهلا يا طنط! إحنا حسينا إننا زعلنا سيلا وإن ده السبب إنها مش عاوزة تشوفنا فقولنا نيجي نصالحها ونتطمن عليها
مروة بابتسامة مصطنعة
آه بالضبط هي فين
أحلام بهدوء
سيلا جوه وزمانها جاية
أقدملكم رياض جوز بنتي
بصت هايدي ومروة لرياض بانبهار خصوصا إنه كان وسيم جدا وشكله في البدلة يخطف أي عين
هايدي بإعجاب وهي بتسلم عليه
أهلا يا باشمهندس رياض
مد رياض إيده وهو محرج وسلم على هايدي وفي نفس اللحظة كانت سيلا خارجة من أوضتها وشافت المشهد
عينيها كانت مركزة على إيد رياض في إيد هايدي وحست نار الغيرة بتولع جواها
قربت بسرعة ومسكت إيد رياض قدامهم خلت رياض يتفاجئ بحركتها!
سيلا بجمود
ممكن أعرف إيه اللي جابكم هنا
مروة بحزن مصطنع
إخص عليكي يا سيلا! إحنا جينا نسلم عليكي ونشوفك يعني جزانا كده!
إحنا أصحاب وملناش غير بعض!
لكن سيلا ما كانتش مركزة غير في هايدي اللي عنيها ما نزلتش من على رياض وده خلى سيلا تتغاظ أكتر
فجأة قربت أكتر من رياض ومسكت إيده قدامهم
سيلا ببرود
كنا أصحاب قبل ما أتجوز
دلوقتي أنا بقولكم بصراحة
أنا مش عاوزة أعرفكم
بس عشان أطلع أصيلة مش هطردكم من بيتي زي ما أنتو عملتوا معايا
خدوا واجبكم وامشوا
وياريت تنسوني
لأن سيلا القديمة ماتت واللي واقفة قدامكم دلوقتي اسمها سامية
مروة بغيظ
بقى كده يا سيلا!
إخص عليكي فين العيش والملح!
هايدي بدلع وهي بتبص لرياض
ما تقول حاجة يا رياض يرضيك كده!
سيلا اتعصبت والغيرة خنقتها وصوتها علي
سيلا
كلامك معايا أنا مش مع جوزي!
وياريت تتفضلي من غير ما حد يطردك!
بصتلها هايدي ومروة بغضب ومشيو تحت نظرات رياض اللي كان منبهر بتصرف سيلا وأحلام اللي كانت فرحانة إنها بنتها أخيرا عرفت الناس على حقيقتهم
رياض بهدوء
مش شايفة إنك زودتيها شوية معاهم يا سيلا
سيلا بغضب وغيرة
إيه زعلان عليها أوي!
خلاص روح وراها وصالحها!
رياض بحدة
انتي إزاي تتكلمي معايا كده! نسيتي نفسك ولا إيه صوتك ميعليش عليا!
سبلا عينيها دمعت وزقت رياض بعيد عنها
سيبني!
وجريت على أوضتها فوق وقفلت الباب وراها
رياض نفخ بغضب وبص لأحلام اللي كانت واقفة ساكتة بتراقب المشهد بهدوء
رياض بعصبية
عاجبك اللي حصل!
أحلام بابتسامة هادية
متزعلش منها انت عارف إنها مضايقة بسبب البنات دول وبعدين متنساش السبب الرئيسي غيرتها عليك
رياض بتكشيرة
غيرة! سيلا بتغير عليا! لأ طبعا هي بس لما بتتعصب مش بتشوف قدامها
وأنا هحاول أغير ده فيها
أحلام بثقة
اسمعني كويس يا رياض
تصرف سيلا طبيعي جدا لما تلاقي واحدة بتتدلع على جوزها قدامها وكمان تلاقيه بيدافع عنها طبيعي جدا تتعصب
رياض بتفكير
طب إزاي وهي أصلا مش بتحبني
أحلام بابتسامة
وده اللي بيأكد كلامي
سيلا لسه صغيرة مش عارفة تفرق بين مشاعرها مش عارفة إذا كان اللي جواها حب ولا لأ
بس أنا متأكدة إن دلوقتي مشاعرها بقت واضحة
انت بقى وشطارتك شوف هتخليها تفهم ده إزاي
رياض سرح في كلام أحلام وابتسم بتلقائية كأن فكرة لمعت في دماغه وقرر يتأكد بنفسه
رجعوا سيلا ورياض الشقة كانت سيلا ناوية تدخل أوضتها لكن رياض
رياض بصوته
استني يا سيلا انتي لسه زعلانة مني
سيلا بحزن
لأ مش زعلانة وأنا مكنش قصدي أعلي صوتي عليك
رياض بابتسامة
وأنا متأكد من ده خلاص يا ستي آسف لو لسه زعلانة مني
سيلا بابتسامة هادية
لأ خلاص أنا أصلا مش زعلانة تحب أعمل حاجة ناكلها
رياض
ماشي على ما أعمل مكالمة
دخلت سيلا المطبخ حضرت عشا خفيف وراحت تنادي رياض دخلت البلكونة لكن ابتسامتها اختفت لما سمعت صوته
رياض وهو بيضحك وبيتكلم في التليفون
لأ خلاص يا هايدي سيلا أكيد مش زعلانة متقلقيش أنا هكلمها
بس قوليلي جبتي رقمي منين بقى!
ضحك بصوت عالي وسيلا كانت واقفة وراه ودموعها بتنزل بغزارة
لف رياض فجأة واتصدم وهو شايف دموعها
رياض بلهفة
سيلا! انتي بتعيطي ليه! في إيه!
سيلا بدموع
انت معجب بيها
رياض باستغراب
معجب بمين! فهميني وإيه علاقة ده بيكي
سيلا بانهيار
يعني معجب بيها طب وأنا! هتسيبني
رياض بخبث وهو بيقرب منها
انتي مش محتجاني يا سيلا
أنا عارف إنك مش بتحبيني وعشان كده هبعد مش عاوز أجبرك عليا
سيلا بشحتفة
أنا أنا مكنتش عارفة إن ده حب
مكنتش فاهمة مشاعري
بس لما شوفتك بتسلم على هايدي حسيت إني هموت من الغيرة
مقدرتش أشوفك ماسك إيدها
بس انت للأسف محبتنيش
رياض ابتسم بتلقائية وتنهد براحة
ياااه أخيرا يا سيلا
هو أنا اللي عامل كده في نفسي غير عشان بحبك!
سيلا بصدمة
يعني انت مش بتحب هايدي!
رياض وهو بيضحك
أنا أصلا مبكلمش حد!
دي فكرة كده عملتها علشان أعرف مشاعرك الحقيقية
وخلاص اتكشفتي يا بطة!
سيلا ابتسمت من بين دموعها ورياض كان
سيلا بهمس
بحبك يا رياض بحبك أوي
رياض بهيام
وأنا بموت فيكي يا روح قلبي
تمت
بقلمي إسراء إبراهيم
