رواية عشق بالصدفة تاج ويوسف كاملة جميع الفصول بقلم اسراء ابراهيم
تاج ويوسف واقفة بتعيطي كده ليه يا بنتي!
تاج وعيونها مليانة دموع
كيس الرز اتقطع والرز كله وقع عالأرض ومرات أبويا هتموتني من الضرب!
زهرة بشفقة
منها لله يعني إيه يعني! شوية رز وقعوا! دي مش مصيبة بتحصل يا بنتي فداكي
تاج بحزن
فدايا! دي أساسا هتفرح إنها لقت سبب تضربني عشانه!
إنت متعرفيش يا طنط هي بتكرهني قد إيه!
أنا مش فاهمة ليه مرات الأب لازم تكره عيال جوزها كده!
مع إني والله ما بعملهاش حاجة تضايقها دي بتخليني أعمل كل حاجة وعمري ما اشتكيت
زهرة بحنان
متزعليش يا حبيبتي ربنا إن شاء الله هيعوضك خير عشانك بنت حلال
وبعدين متظلميش كل مرات الأب مش كلهم زي بعض
أنا أهو عمري ما فرقت بين ابن جوزي وبنتي وربنا يعلم إن غلاوتهم واحدة
تاج وهي بتمسح دموعها
هو إنتي مرات أب برضه! زي مرات أبويا!
زهرة بابتسامة
أيوة بس مش زيها في طبعها
أنا لما اتجوزت جوزي كان معاه ابن ربيته وكبرته وبعد كده ربنا رزقني ببنتي بقت أخته
وعمري ما فرقت بينهم لحد ما كبروا وبقوا ما شاء الله
تاج بابتسامة
حضرتك جميلة أوي يا طنط يا بخت ابن جوزك بيكي! أنا حبيتك أوي
زهرة بحنان
حبيبتي والله إنتي اللي جميلة
ومرات أبوكي دي ربنا يعينها على نفسها ويبعدها عنك
وعلى فكرة أنا اسمي زهرة عشان تبقي عارفة يلا تعالي معايا
تاج ابتسمت وسألت بفضول
هنروح فين!
زهرة مردتش وسحبتها من إيدها وخدتها لأقرب عطار واشترت كيس رز جديد بدل اللي وقع
تاج بحزن
بس ده كتير أوي يا طنط! ده أكتر من اللي وقع وبعدين كده حضرتك غرمتي تمنه أنا آسفة أوي
زهرة بابتسامة
اخس عليكي يا تاج! مش أنا زي أمك! تقوليلي كده برضه!
يلا عالبيت وعلى مهلك وإنتي ماشية
تاج بابتسامة
ممكن يا طنط!
زهرة ابتسمت بحب اللي غمضت عنيها ونزلت دموعها بحرارة
ومشيت وهي مقررة إنها عمرها ما هتنسى زهرة
بعد يومين كانت تاج واقفة في المطبخ كالعادة بتحضر الأكل فجأة سمعت مرات أبوها بتنادي اسمها فافتكرت إنها عايزاها وخرجت بسرعة لكنها وقفت مكانها لما سمعت كلام عزة مرات أبوها وهي بتتكلم جوه الأوضة
عزة بصوت هادي كأنها بتقنعه
يا منتصر البنت مش صغيرة ولا حاجة دي فاتحة البيت وهي اللي شايلة كل حاجة في إيه يعني لما نجوزها! دي سنة الحياة
منتصر باستغراب
يا عزة البنت لسه ما كملتش 18 سنة إزاي أجوزها!! وبعدين يعني مصطفى العريس ده إحنا لا نعرف أصله من فصله ده حيالله جه الشارع من سنتين وعمرنا ما شفناله أهل ده غير إنه متجوز!
شهقت تاج وحطت إيديها على وشها ودموعها نزلت بقهر
عزة بتوتر
وماله يعني لو متجوز! المهم إنه مكفي بيته وعنده شقة وشغل وهيهنيها ده كفاية العيشة اللي هيعيشها ليها ومش هتلاقي أحسن من كده
منتصر بشك
أيوة بس إنت طول عمرك بتقولي مش هتجوزها دي هتفضل خدامة في البيت!
عزة بكذب وتحايل
أيوة بس فكرت كده لقيت إن البنت بتكبر ولازم تتجوز في الآخر يعني أنا شايفة كده الأصلح ها قلت إيه بقى يا منتصر!
منتصر وهو بيفكر
ماشي يا عزة هشوف كده الموضوع وإن شاء الله خير
عزة فرحانة
إن شاء الله تبقى جوازة السعد وبكرة تقول عزة مراتي قالت يلا بقى هقوم أشوف الأكل خلص ولا لسه جعنا!
رجعت تاج دخلت المطبخ وكملت اللي كانت بتعمله وهي بتعيط كانت حاسة بالعجز وعارفة إنها مش قادرة تعترض على أي حاجة
في بيت زهرة كانت قاعدة سرحانة وفجأة افتكرت تاج وزعلها كبر جواها ماخدتش بالها من يوسف ابن جوزها وهو داخل عليها
يوسف وهو بيضحك
ست الكل وحشتيني!
زهرة بابتسامة دافية
وإنت أكتر يا حبيبي طمني عليك عامل إيه النهارده!
يوسف بحب
الحمد لله يا أمي الشغل كان تقيل شوية بس ظبطته
زهرة بحنان
ربنا يعينك ويقويك يا يوسف يا رب ها قولي بقى مش ناوي تفرح قلبي وتوافق على العروسة!
يوسف وهو بيضحك
آه شكلك كده ناوية عليا يا زوزو وأنا مش هعرف أخلع! لا لا أنا هقوم أنام أحسن
زهرة بحنية
يا واد يا بكاش بتاخدني في دوكة ريح قلبي بقى يا يوسف واتجوز دي مريم أختك اتجوزت وراحت وأنا نفسي أستريح وأطمن عليك إنت كمان
يوسف بابتسامة حنونة
لا يا حبيبتي أنا قاعد معاكي ومش هسيبك ما تفتكريش إنك هتعرفي توزعيني من هنا
زهرة بلهفة
يا يوسف ده يوم المنى لما تتجوز وتعيش معايا هنا بس برضو أنا بقول ما تقلش عليكم وأكيد مراتك هتحب تحس إنها في بيتها تتصرف براحتها ليه نقيدها بيا!
يوسف وهو بيبوس إيدها
يا حبيبتي إيه الكلام ده! أصلا لو ما وافقتش إنك تكوني معانا أنا اللي مش هكمل الجوازة أنا وانتي باكدج يا توافق علينا إحنا الاتنين يا شكرا
زهرة بيأس خفيف
طيب يا يوسف بس إنت وافق الأول وقولي مين هي بقى اللي هنسألها عن موضوع الشقة
يوسف ضحك بصوت عالي
انتي بتعملي عليا مخبر يا ماما! بتوقعيني ولا إيه!
يا ستي أنا مش مرتبط ولو في حد أكيد هقولك عموما لسه النصيب مجاش
زهرة بابتسامة دافية
ربنا يعطرك في بنت الحلال يا حبيبي ويخليك ليا
يوسف بحب
ويخليكي ليا يا ست الكل بس قوليلي بقالك يومين مش على بعضك سرحانة وزعلانة في حاجة مضايقاكي!
زهرة بتفكير عميق
والله يا يوسف حصل معايا موقف كده من يومين في الشارع ومن ساعتها وقلبي واكلني على بنت شفتها
يوسف باستغراب
بنت مين! وإيه اللي حصل يا أمي!
زهرة بابتسامة حزينة
هحكيلك يا حبيبي
فارس بيخبط على باب زهرة قبل الفجر وبيتكلم بصوت عالي
ارحمني بقى يا فارس! مش كل يوم والتاني تيجيلي الفجر وتقول شغل! انت فاكرني هبلة!!
فارس ببرود
دي الحقيقة يا مريم مش مصدقاني! خلاص المرة الجاية هتصورلك أو أجيبلك نسخة من كاميرات الشركة حاضر
مريم بانفعال
إنت بتتريق! فاكرني هسكت يعني! لا يا فارس أنا من أول يوم اتجوزتك وأنا حاسة إنك مغصوب عليا!
بس إزاي!! وإنت اللي طلبت إيدي من أمي وأخويا! تبقى مغصوب إزاي!
فارس بتوتر
مغصوب إيه وكلام فاضي إيه! انتي هبلة يا مريم!! مفيش الكلام ده كل ده من دماغك
مريم بحزن
لأ مش من دماغي يا فارس وأنا مش واحدة بتغير غيرة عميانية وخلاص
أنا شايفة فعلا إنك مش طايقني في كل تصرفاتك
إحنا حتى مش باين علينا إننا متجوزين بقالنا سنتين!
من أول يوم وانت بعيد عني بعقلك وبقلبك
بتحب تقعد لوحدك بتنام في أوضة تانية وكنت بقول في الأول لسة متعودش
بس لحد إمتى!
إنت بتتعمد تسهر برا كل يوم عشان لما ترجع تلاقيني نمت فمتضطرش تنام جنبي
إنت متخيل ده طبيعي!
فارس بهدوء
اهدي يا مريم انتي فاهمة غلط الموضوع كله سوء تفاهم مش أكتر
مريم بانفعال أقوى
لأ يا فارس الموضوع كله كان غلط من الأول!
أنا غلطت إني سكت طول السنتين دول ومتكلمتش
بس دلوقتي لأ! مش هسكت!
يا تفهمني دلوقتي يا إما هكلم يوسف أخويا ييجي ياخدني ومش هرجع البيت ده تاني
فارس بص لها شوية باين عليه الحيرة بس سابها وسكت ودخل أوضة الأطفال
قعدت مريم على الأرض بتلقائية وهي بتعيط بحرقة
اليوم اللي بعده كانت تاج واقفة قدام أبوها وعلى وشها الحزن باين لأنها كانت متوقعة اللي هيقوله
منتصر بابتسامة مصطنعة
في عريس متقدملك يا تاج وهييجي آخر الأسبوع تشوفيه ويقرا الفاتحة
تاج بحزن
بس أنا مش موافقة يا بابا أنا مش عايزة أتجوز
منتصر بكشريه
إزاي يعني!! كل بنت في الآخر لازم تتجوز وانتي كبرتي يا حبيبتي
يعني مش هتفضلي من غير جواز
تاج والدموع في عينيها
بابا أنا عمري ما طلبت منك حاجة بس وغلاوة ماما عندك ما توافقش على العريس ده أنا مش عايزاه
منتصر بتوتر
يا تاج العريس ده ميتعيبش وعزة بتقول إنه راجل كويس
تاج بانهيار
يا بابا! طنط عزة عايزة تمشيني من البيت وتجوزني للراجل ده عشان وعدها إنه هيجيب لها
أنا سمعتها وهي بتكلمه!
من وراها صوت عزة عالي وهي بتحاول تخبي توترها
انتي اتجننتي!! عاوزة توقعي بيني وبين أبوكي!
شايف يا منتصر! بنتك اللي متربتش!
أنا لا يمكن أقعد معاها في بيت واحد!
انت فاهم! دي بتكدب وبتتهمني بالباطل عشان تخليك ترفض جوازتها!
منتصر بغضب
إزاي يا بت تقولي كده! عشان الجوازة! فكراني أهبل! أصدق الكلام ده!!
تاج بالدموع
وأنا من إمتى بتصدقني!
انت عمرك ما صدقتني انت بتصدق بس كلامها!
حاضر يا بابا هتجوز اللي انت عايزه
بس صدقني أنا مش مسامحاك طول عمري
منتصر اتوتر وبص لعزة اللي حست بحيرته فرفعت صوتها بسرعة تحاول تسيطر
أيوة ياختي اتمسكني عشان تحنني قلبه!
ده انتي عقربة!
عموما أنا ماليش دعوة بالجوازة دي!
إنت عايز تعملها! برحتك خيرا تعمل شرا تلقى!
منتصر بجمود
حضري نفسك يا تاج عشان هتقابلي عريسك آخر الأسبوع فاهمة!
بصتله تاج بنظرة كلها خزلان ووجع وسابته ودخلت أوضتها
فضل منتصر واقف وضميره بيأنبه حاسس إنه بيغلط بس وقتها عزة دخلت وبدأت تلعب على دماغه بطريقتها ونسي كل حاجة
تاني يوم صحيت مريم من النوم وخرجت من أوضتها وكالعادة ملقتش فارس في البيت
تنهدت بحزن وقررت تدي لنفسها فرصة أخيرة
لبست فستان ناعم ورقيق وعملت الأكل اللي بيحبه فارس حتى التورتة عملتها بإيديها
فضلت مستنياه كان قمر
وفعلا اتأخر فارس كالعادة بس جه في الآخر
أول ما فتح الباب اتفاجئ بكل اللي شافه وتنهد بحيرة وبصلها وسكت
مريم بابتسامة
مش هتقولي إيه القمر ده! ولا حتى كلمة تحسسني إنك اتفاجئت!
فارس بابتسامة متوترة
أكيد طبعا إيه القمر ده! أنا بس مكنتش متوقع ألاقيكي عاملة كل ده وخصوصا بعد اللي حصل امبارح
مريم
يعني حتى لما بعمل كل حاجة عشان أحس إني ستك مفيش رد فعل!!
فارس بيغمض عينيه وميردش فمريم تبصله باستغراب
مريم بحيرة
مش هتقولي وأنا كمان بحبك يا فارس! ولا مش قادر تقولها!
فارس بهدوء
مريم أنا تعبان وعاوز أنام لو سمحتي سيبيني دلوقتي بكرة نتكلم
مريم بصدمة
تعبان وعاوز تنام! لا يا فارس مش هتنام قبل ما تقولي اتجوزتني! ولا لأ!
وحياة رحمة أبويا لو ما فهمتنيش دلوقتي مش هتشوف وشي تاني
فارس بضيق
إنتي ليه مكبرة الموضوع! قولتلك بكرة نتكلم مش قادرة تستني لبكرة!
مريم بانفعال
آه مش قادرة! قولي كل حاجة يا فارس حتى لو كنت متجوزني غصب عنك
بدل ما أعيش زي الهبلة مش فاهمة حاجة! انطق بقى!!!
فارس باندفاع
يووووه! عاوزة تعرفي إيه! أيوة يا مريم مكنتش عاوزك! ارتحتي!
أنا مكنتش
كنت بحب بنت عمي ومرتب حياتي إني هتجوزها ونعيش سوا
بس لما أبوكي مات أمي أصرت إني اتجوزك
قولتلها إني هظلمك بس هي ما صدقتش
حاولت والله حاولت أنسى
