رواية عشق بالصدفة تاج ويوسف كاملة جميع الفصول بقلم اسراء ابراهيم
شوية قلقت افتكرت في مشكلة بينكم
فارس ضحك وهو داخل
لا بعد الشر يا ماما متقوليش كده هو أنا أقدر أعيش من غير مريم! دي ضي عيني
مريم اتفاجئت أول مرة تسمع الكلام ده منه
زهرة
ربنا يسعدكم يا ابني أمال إيه الغيبة دي!
فارس بتنهدة
تقدري تقولي كنت في مأمورية شغل وخلصتها الحمد لله وجيت آخذ مراتي ينفع!
زهرة بحب
طبعا ينفع! يلا يا مريم جهزي وامشي على بيتك مع جوزك يا حبيبتي
مريم مصدومة بصت له لقاها ساكتة فغمزلها بعينه وقالها
هتفضلي مبلمة كده! طب بصي أنا هاخدك كده بالفستان القمر ده وأمشي نروح سوا وبعد كده نرجع ناخد حاجتك سلام يا ماما زهرة
وفعلا مسك إيد مريم وسحبها ومشي بيها وهي لسه مش مستوعبة اللي حصل
في أوضة يوسف وتاج
كانت تاج قاعدة بتفرك في إيديها بتوتر مستنية يوسف يقول أي حاجة وهو واقف قدامها محتار لكنه حسم أمره وقعد قدامها
يوسف بابتسامة
تاج إنتي ليه بترتعشي كده! خايفة مني!
تاج بلهفة وارتباك
لا طبعا! أقصد عمري ما حسيت بالأمان كده قبل كده أنا ممتنة لك على كل حاجة عملتها عشاني إنك خلتني مراتك وعيشتني في بيتك مع ماما زهرة
كان يوسف بيتأمل ملامحها تايه في براءتها وفجأة قال بدون ما ياخد باله
أنا اللي متشكر إنك دخلتي حياتي وخليتيني أحس بمشاعر عمري ما جربتها قبل كده
تاج بخجل
يوسف إنت بتتكلم بجد! يعني لو في وقت تاني وظروف تانية مكنتش هصدقك إحنا شوفنا بعض مرتين بس! واحدة غيري كانت هتفتكر إنك بتهزر
يوسف بابتسامة دافية
معاكي حق بس الأيام هتثبتلك أهم حاجة عندي إنك تعرفي إني صادق حتى لو لسه متعرفينيش
تاج بخجل
ماشي
يوسف ضحك وقال
أكيد مستنية أقولك إني هنام على الأرض وانتي تنامي على السرير! بس ده مش هيحصل يا تاج أنا بتعب جدا من الأرض وتقدري تقولي بهرب
تاج باستحياء
لا طبعا! إنت نام على السرير وأنا هنام على الكنبة
يوسف بثقة وضحكة خفيفة
ده لو كنت متجوز سوسن! قومي يا تاج مكانك السرير وأنا هنام هنا يلا قبل ما أغير رأيي
ضحكت تاج بخجل وقامت بسرعة وقلبها بيرقص من السعادة متأكدة إنها بتعيش أجمل لحظة في حياتها
في بيت مريم
أول ما دخلت شقتها كانت متوترة وانفجرت فيه
مريم بانفعال
ممكن أفهم إنت عملت إيه! فاكرني لعبة في إيدك تحركها وقت ما تحب!! بالكلمتين دول عايز تخليني أنسى اللي فات! سنتين سنتين من الوجع!
فارس قاطعها باندفاع صوته مليان مشاعر
بحبك
مريم بصدمة
إيه!!
فارس بابتسامة فيها وجع
بقولك بحبك يا مريم وأنا آسف كل اللي قولتهولك قبل كده كدب أنا عمري ما حبيت غيرك لأني بعشقك! وكنت بتعذب زيي زيك وأنا بعيد عنك بس كان غصب عني
مريم ببهتان
إزاي! مش فاهمة إنت بتقول إيه!!
فارس وهو بيمسك إيدها بحنان
آه كان غصب عني يا مريم أنا كنت تعبان وعندي مرض وبتعالج حاسس إني كنت أناني لما خبيت عليك كنت شايفك متعلقة بيا وخفت تتعبي أكتر لو عرفتي وعشان كده كدبت لأني عارفك هتتمسكي بيا ومكنتش عايزك تعيشي مع واحد زيي
مريم دموعها نزلت من غير ما تحس وبعد لحظة بدأت تضربه على صدره وهي بتعيط بحرقة
إزاي تعمل فيا كده! إنت كدبت عليا! ليه! ليه مخيرتنيش!! كنت فاكر إنك بتحميني بس الحقيقة
فارس بحزن
صدقيني كنت متأكد إنك هتختاريني وعشان كده خبيت عارف إنك هتاخديها على كرامتك وهتبعدي عني
مريم بصوت مخنوق من كتر العياط
أنا مش مسامحاك أنا بكرهك! إنت كداب وأنا خلاص مش عايزاك!
فارس بصوت مكسور
وهان عليكي تسيبي قلبي!! ده إنتي الأمل اللي بتعالج عشانه يا مريم
أول ما قال كده مريم انهارت وعيطت بحرقة أكتر
إنت هتخف! هتبقى كويس عشان خاطري يا فارس! لأني أنا مش هقدر أعيش من غيرك صدقني!
فارس وهو بيمسح دموعها
وأنا عشانك بعمل كل حاجة عشانك إنتي! اكتشفت قد إيه كنت غبي لما بعدتك عني وإن حتى لو هموت بكرة يبقى أموت وأنا معاك وجنبك
مريم بابتسامة فيها أمل
وأنا جنبك وهتخف إن شاء الله وهتبقى كويس فاهم! هنكون سوا وهتفضل جنبي ومعايا يا فارس
فارس وهو بهدوء
مش فارق معايا حاجة تانية غير وجودك يا مريم أي حاجة بعد كده مش فارقة والله
بعد كام يوم
كانت مريم واقفة في المطبخ بتحضر الأكل ودخلت عليها زهرة
زهرة بابتسامة دافئة
يلا يا تاج روحي غيري هدومك يا حبيبتي كفاية كده أنا هكمل جوزك زمانه عالباب!
تاج بابتسامة فرحانة
حاضر يا ماما زهرة بعد إذنك!
جريت تاج على أوضتها وهي طايرة من الفرحة كانت بتجهز عشان يوسف اللي قرب يوصل
وسمعت صوته بيسأل عنها فقلبها دق بسرعة وابتسمت أول ما سمعته
خبط الباب ودخل يوسف
تاج بابتسامة ناعمة
حمد الله عالسلامة يا يوسف
يوسف بانبهار
الله يسلمك هو إنتي تاج مراتي!!
تاج بخجل
يوسف! بطل الهزار ده بقى
يوسف
أنا أصلا ما قولتش حاجة إنتي اللي بتخمي! المهم تعالي اقعدي كده عايز أتكلم معاكي في حاجة مهمة
تاج وهي بتقعد
أهو قعدت قول بقى!
يوسف بصدق
أنا فكرت كتير وفي الآخر قررت إني لازم أقولك عشان نبدأ حياتنا على الصدق يا تاج
تاج بقلق
في إيه يا يوسف! خوفتني بجد!
يوسف بابتسامة مطمئنة
متخافيش أول حاجة وقبل أي حاجة أنا بحبك
تاج بصدمة وخجل
إنت قلت إيه!!
يوسف بتنهدة طويلة
بقولك أنا بحبك ولو هتسأليني اتأخرت ليه فهقولك إني كنت مستني أتأكد من مشاعري بس اللي حسيته ناحيتك عمري ما حسيته قبل كده
بس لازم تعرفي كل حاجة من الأول
تاج بهدوء
أنا هقولك إنت لما طلبتني للجواز كان عشان تساعدني فكرة جاتلك لما شفت ماما زهرة منهارة ومش عارفة تعمل إيه صح!
يوسف باتساع عينين
إنتي عرفتي إزاي!!
تاج بابتسامة دافئة
سمعت ماما زهرة وهي بتكلم مريم والله ما كنت بتجسس بس صدقني مزعلتش
لإني عذراك إنت مكنتش تعرفني
ولو رجع بيا الزمن كنت هوافق برضه وكنت هفرح لأنك أنقذتني
يوسف بصوت متأثر
أنا دلوقتي بحبك أكتر من قبل ما أدخل الأوضة دي بحبك مليون مرة أكتر
تاج بابتسامة حب
وإنت كبرت في نظري لما جيت وصارحتني وسعادتي دلوقتي مش متتوصف خصوصا إني عارفة إن كلمة بحبك اللي قولتها طالعة من قلبك
يوسف بفضول ولهفة
بس انتي قولتي عندك حاجة جديدة! قوليلي شوقتيني
تاج بخجل ووشها محمر
أنا أنا حبيتك من أول مرة شفتك فيها وقلبي دق
وده كان سر معرفوش غير مريم أختك
يوسف اتصدم من المفاجأة وسكت لحظة وبعدين شدها وهو
الحمد لله يا رب! الحمد لله إنك كتبتها ليا بحبك يا تاج بحبك أوي
تمت
