عشقت زوجي من جديد عاصم وروان كاملة جميع الفصول بقلم اسراء ابراهيم

على الترابيزة وقرب منها بلهفة.
قال بقلق
روان إنتي كويسة وشك مش طبيعي خالص.
ردت بصوت واطي من غير ما تبصله
أنا كويسة.
عاصم بصوت مليان خوف
بس وشك بيقول العكس مالك
روان بخنقة
أنا مش مستحملة تحقيق دلوقتي يا عاصم.
عاصم قرب منها مسك إيديها بلطف
الموضوع مش تحقيق بس مش قادر أشوفك بتتعبي وأسكت. في إيه
روان بصوت مهزوز
أنا خلاص تعبت تعبت قوي.
عاصم بقلق
تعبتي مني مني أنا
روان بانفجار مشاعر
أيوه منك. من كتر ما كنت دايما أنا اللي بحاول اللي بستنى اللي بتوجع وإنت ساكت. ليه اتغيرت وبتستناني أعمل إيه إيه اللي يخليني أطمن إنك مش هترجع تبقى زي زمان
عاصم بلهفة
اهدي شوية يا حبيبتي أنا عارف إني غلطت وعايز أصلح كل حاجة. إديني فرصة أكون جنبك زي ما تستحقي وأنا بوعدك إنك هتشوفي واحد تاني خالص.
روان ودموعها بتنزل
كنت دايما بمدلك إيدي وإنت تسيبها كنت بدور على نظرة منك على كلمة على أمان وماكنتش بلاقي أي حاجة.
عاصم ضغط على إيديها بحنان
أنا كنت غافل يا روان شايف نفسي بس مش شايف وجعك.
روان وهي بتبعد عنه
وأنا كنت لوحدي حتى وإنت موجود كنت حاسة بالوحدة.
عاصم وصوته مكسور
مش عايز أبقى سبب دموعك تاني والله ما هسامح نفسي لو حصل.
روان بانهيار
طب قولي أعمل إيه أرجعلك وأفتح قلبي تاني وإزاي أطمن إنك مش هتوجعني من جديد
عاصم واقف قدامها بعزم
مش بطلب ترجعيلي أنا عايزك تختاريني من أول وجديد لما تحسي إني أستاهل. ولحد ما اللحظة دي تيجي هافضل أثبتلك إني مش هبعد وإنك مش لوحدك.
روان بصوت واطي
أنا خايفة يا عاصم أنا محتجاك قوي.
عاصم وهو بيبصلها في عينيها
أنا معاكي ومش هسيبك أوعي تخافي. أنا هافضل أمانك مهما حصل.
روان بهمس
ليه دلوقتي بعد ما كسرتني
عاصم مد إيده ولمس وشها بحنان
عشان أنا كنت محتاج أتعلم أحبك صح وإنتي علمتيني.
روان بصتله وهي منهارة
أنا مش قوية زي ما كنت فاكرة ولسه بحبك بحبك جدا أوعى تسيبني.
عاصم بقوة ودموعه لمعت في عينيه
وإنتي معايا مش محتاجة تبقي قوية كفاية تكوني إنتي روان اللي حبيتها وهفضل أحبها طول عمري ومش هسيبها أبدا.
روان بلهفة
بعد الشر عليك يا حبيبي ما تقولش كده. أنا كنت بقسى عليك بس علشان تحس بيا ولما بعدت خوفت أرجع خوفت أتجرح تاني ووقتها مكنتش هستحمل.
عاصم بابتسامة ودفء
وأنا فاهمك وعارف إنك كان عندك حق. أنا اللي كنت غبي كنت باعاملك ببرود وما كنتش فاهم إنك زي وردة لازم تسقيها كل يوم.
عارفة حتى لو كنتي متأكدة إني بحبك لازم كنت أقولها لازم كنت أسمعك أحسسك وأفهمك إن يومي ما يكملش غير بيكي.
أنا اتعلمت إن أبسط كلمة ممكن تفرحك وإن اهتمامي بتفاصيلك هو اللي يثبتلك إني فعلا بحبك ومش ناسيكي.
أنا آسف يا حبيبتي متأخر يمكن. بس أوعدك أعوضك عن كل لحظة وأثبتلك كل يوم إني بحبك أكتر من اللي قبله.
روان بتتأثر وبتبتسم
وأنا مصدقاك يا عاصم وواثقة إنك اتغيرت. وسعيدة قوي إنك أخيرا فهمتني وحقيقي أنا كمان بحبك.
تمت.