رواية عمياء ولكني عشقتها جميع الفصول كاملة كريم وفريدة بقلم إسراء ابراهيم

طالما إنت شايفه حلو يبقى أنا متأكدة إنه هيكون حلو.
كريم بابتسامة
طب يلا خشي معاها قيسيه.
فريدة باعتراض
لا مش لازم خلاص هناخده وخلاص.
كريم بإصرار
لأ ويلا بقى عشان لسه الجزمة وباقي الحاجات بتاعته.
وأخيرا وافقت فريدة ودخلت تقيس الفستان
ميرڤت وقفت بصدمة
إنت بتقول إيه إنت متأكد من اللي بتقوله
المجهول
والله يا مدام ميرڤت زي ما بقول لحضرتك.
أنا أخدت المعلومة من مكتب المحامي خليت حد عنده يفتش مكتبه ويعرف إيه الوصية
وبالصدفة اكتشف إن هشام بيه كاتب كل أملاكه باسم فريدة بنته.
ميرڤت بعصبية
بقى فاكر إنه كده بيحميها ماشي يا هشام أنا هوريك مين هي ميرڤت الجندي!
المجهول
ومن خلال مصادري عرفت إنه تعبان وعنده كانسر وهيعمل عملية كبيرة واحتمال ميقومش منها
وعشان كده كتب كل حاجة باسم بنته حتى الفيلا اللي حضرتكوا قاعدين فيها.
ميرڤت بعصبية
طب اقفل إنت اقفل!
وقفلت في وشه وهي بتفكر هتعمل إيه
البنت ساعدت فريدة تلبس الفستان وخرجت بيه وكانت جميلة جدا
بياضها مع عنيها اللي بلون القهوة وغمازتها وهي بتضحك
كانت قمر بجد.
كريم أول ما شافها قام وقف وعلى وشه ابتسامة جميلة.
فريدة بقلق
كريم إنت فين
كريم بيقرب منها
أنا أهو جنبك طالعة زي القمر على فكرة.
فريدة بابتسامة
متشكرة أوي يا كريم على كل اللي بتعمله معايا.
كريم بمرح
متشكرة إيه بس بقولك إيه أنا بقول بلاها طرحة وتتنقبي أحسن!
فريدة وهي بتعقد حواجبها
نقاب لا هو الطرحة بس.
كريم بضحك
خلاص خلاص خشي يلا غيري على ما أحاسب وأجيلك.
قال للبنت
ساعديها لو سمحتي.
وسابهم ومشي
فريدة ابتسمت
هو فعلا إنسان يستاهل كل خير
لو سمحتي يلا ساعديني أغير.
البنت بود
طبعا يا قمر اتفضلي معايا.
ومسكت إيديها ودخلوا جوه تاني
كانت داخلة روڤان على الورشة بتوتر وهي مضايقة ومش عايزة تروح تكلمه بعد معاملته ليها بس ما باليد حيلة.
عمر أول ما شافها قام بسرعة وخرج لها برا.
روڤان بتكشيرة
ماما بتقولك كلمت الراجل بتاع الفراشة ولا لأ
عمر وعينه في الأرض
أيوه كلمته واتفقت معاه
بكرة إن شاء الله على العصر هيجيب الحاجة.
عمر بسرعة
آنسة روڤان!
روڤان لفت له وقالت بزعل
نعم
عمر رفع عينه وجت في عينها وقال بهدوء
أنا آسف مكنتش أقصد أزعقلك
بس اتضايقت عشان كنتي واقفة معاه وهو بيقولك الكلام ده.
روڤان بدموع
وأنا موقفتش معاه! هو اللي وقفني
وإنت كل مرة تزعقلي وتشخط فيا!
أنا معرفش إنت ليه بتكرهني كده ليه
ومستنتش رده وسابته ومشيت وعمر بص لآثرها بحزن واتضايق لما قالت كده وإنها فاكرة إنه بيكرهها
تاني يوم في فيلا هشام الجندي
كان قاعد هشام قصاد كريم والمأذون في النص وميرڤت ومريم بنتها ومروان قاعدين.
وبعت هشام الخدامة تجيب فريدة وبعد شوية كانت فريدة نازلة على السلم والخدامة ماسكة إيدها.
وأول ما شافتها ميرڤت اتصدمت ومريم كمان كانت بتبصلها.
المأذون بجدية
موافقة يا بنتي على جوازك من كريم محمود نصار
فريدة حركت راسها وقالت
موافقة.
المأذون كتب الكتاب وقال جملته الشهيرة
بارك الله لكما وبارك عليكما وجمع بينكما في خير.
فريدة قشعرت وقلبها دق جامد
الله يبارك فيك.
ميرڤت ابتسمت بسخرية
لا برافو كأنها جوازة بجد يا هشام!
هشام بغضب
أعتقد عملتي الواجب يا ميرڤت بيتك أولى بيكي.
مع السلامة.
ميرڤت قامت بغضب
صدقني هتندم!
وسابته وخرجت وراها مريم ومروان كان قاعد مضايق من تصرفات أمه فقام بضيق
مروان
أنا آسف يا عمي على اللي بتعمله أمي.
هشام حرك راسه بإيجاب ومروان مشي.
أما هشام فابتسم وقرب من فريدة وقال بحب
هشام
ألف مبروك يا حبيبتي ربنا يسعدك.
بص لكريم
وصيتي فريدة يا كريم تحطها في عنيك وأوعى تزعلها.
فريدة وهي بتعيط
ربنا يخليك ليا يا بابي
هشام بدموع
ويخليكي ليا يا قلب أبوكي.
وبص لكريم
يلا بينا عشان ما نتأخرش على فرحك يا ابني.
وفعلا خرجوا هما التلاتة وراحوا على الحارة بتاعة كريم.
في بيت كريم كانوا قاعدين جمب بعض كريم وفريدة.
فريدة كانت متوترة مع إنها مش شايفة بس متخيلة نظرة الناس ليها لما عرفوا إنها عامية فقربت من كريم.
فريدة
كريم... هو كان لازم فرح وناس
كريم حس بتوترها فمسك إيدها
أيوه يا فريدة عشان الناس تعرف إني اتجوزت. مكنش ينفع نتجوز من غير إشهار الناس هتتكلم.
فريدة بحزن
على أساس إنهم دلوقتي مش بيتكلموا علينا أنا بجد آسفة أوي إني حطيتك في الموقف ده... إنت مالكش ذنب تتجوز واحدة عميا.
كريم بص على ملامحها الحزينة ومسك إيدها 
فريدة اتكسفت وقالت بخجل
إيه اللي عملته ده
كريم بابتسامة
عشان أثبت للناس اللي شاغلينك دول... إني سعيد ومبسوط بيكي وبجوازي منك.
فريدة ابتسمت
إنت إنسان كويس أوي.
قطع كلامهم سناء أم كريم لما قربت منهم بابتسامة.
سناء
مبروك يا ابني مراتك زي القمر.
فريدة بابتسامة
متشكرة أوي يا طنط.
سناء بعتاب
اخس عليكي! إيه طنط دي قوليلي يا ماما... ولا يعني مش قد المقام
فريدة بسرعة
لا والله مش قصدي أنا آسفة يا ماما.
كريم ابتسم براحة لما شاف معاملة أمه لفريدة.
كان عارف إن كلامه معاها جاب نتيجة لما قعد معاها واترجاها تعامل فريدة كويس لأنها إنسانة كويسة ويتيمة أم ومحتاجة حنانها وكان متأكد إن قلبها هيحن ليها.
روڤان كانت واقفة تحت البيت مستنية صحبتها نيرة.
اتفاجئت بيها جاية ومعاها زميلهم مراد.
روڤان وقفت وسلمت عليهم وبصت لنيرة باستغراب وهي بتشاور على مراد.
نيرة قربت وهمستلها.
نيرة بهمس
عارفة إنك مستغربة... بس النهاردة سألني عليكي وقلتله إن أخوكي فرحه النهاردة وإني رايحالك فصمم ييجي معايا.
روڤان بتوتر
ربنا يستر من كريم لو سألني... مش عارفة هقوله إيه.
مراد بإعجاب
تعرفي إنك حلوة أوي في الفستان ده يا روڤان بجد زي القمر.
روڤان بصت له ولسه هترد شافت عمر واقف وراه فبلعت ريقها بخوف وسكتت.
نيرة بفضول
طب يلا نطلع بقى عندي فضول أشوف العروسة.
روڤان بتوتر
آه آه يلا اتفضلوا.
دخلوا مراد ونيرة وروڤان بصت لعمر اللي كان باصصلها بغضب تجاهلته ودخلت وراهم.
وأول ما طلعت السلم عمر مسكها من إيدها و
روڤان شهقتة ولفتله
بغضب ممزوج بخجل
عمر! إنت إزاي تعمل كده ابعد... عيب كده!
عمر بغيرة
مين ده اللي كان واقف بيمدح في جمالك يا روڤان
روڤان سرحت في عيونه
أول مرة ترفع عينك في عيني وتبصلي... إيه مبقتش تكرهني خلاص
عمر بتوتر وهو بيسيبها
ومين اللي فهمك إني بكرهك يا روڤان
روڤان بدموع
وتفسر بإيه كل ما تشوفني تتجاهلني وتعاملني وحش وتزعقلي
هه أيوه... وأنا آجي إيه جنب حنين... حبيبتك
عمر بغضب
إنتي مش فاهمة حاجة يا روڤان.
روڤان بحزن
لا... أنا فاهمة كل حاجة.
إنت بتكرهني وبتحاول تتحكم فيا زي كريم بس إنت مش أخويا وأنا مقربلكش عشان تسألني ده مين وبيقولي كده ليه... إنت فاهم
روڤان بصتله بحزن وزقته وطلعت على السلم بسرعة وهي بتمسح دموعها أما عمر فتنهد.
بعد الفرح
كان هشام واقف واخد فريدة وهي بتعيط.
فريدة
اوعدني إنك هترجع بسرعة.
هشام بحزن
أوعدك يا قلب أبوكي... ادعيلي إنتي بس وأنا إن شاء الله هرجع.
سناء بشفقة
إن شاء الله يا حبيبتي... أبوكي هيقوم بالسلامة ويرجعلك تاني.
هشام بخوف
فريدة... أمانة يا كريم يا ابني خد بالك عليها وأوعى تزعلها.
كريم بابتسامة
فريدة في عنيي يا هشام بيه.
بعد ما مشي هشام قرب كريم من فريدة ومسك إيديها فاترمت عليه وبقت تعيط بشحتفة وهو بدأ يطبطب عليها ويطمنها.
بعد أسبوع من الأحداث
كانت فريدة بتنام مع روڤان في أوضتها وبقوا صحاب جدا.
سناء كمان حبت فريدة أوي لما قربت منها وفريدة كمان حبتها وحبت حنانها وطيبتها وحست إنها عوضتها عن أمها الله يرحمها.
حتى كريم فريدة اتعودت عليه وكل يوم كانت بتحس إنها بتعجب بيه أكتر.
روڤان وهي بتفتح باب البيت
يا أهل البيت... أنا جييييت!
فريدة خرجت على صوتها وابتسمت وهي رايحة ناحيتها
روڤان
فري القمر... وحشتيني!
فريدة بحب
مع إنهم كام ساعة بس والله كنت زهقانة أوي من غيرك... وحاولت أساعد ماما بس للأسف معرفتش.
سناء وهي خارجة من المطبخ
كفاية حسك معايا يا فريدة والله مونساني وواخدة بحسي... والبت الهبلة دي مش هنا!
روڤان بحزن مصطنع
بقى ده حنان الأم ده إنتي بتعامليني كأني مرات أبوكي! ماشي يا ست الكل!
فريدة بتوتر
روڤان... هي الساعة كام
روڤان بخبث
أمممم... وبتسألي ليه
فريدة بتوتر
ها... لا مفيش... أصل في مسلسل حلو بحبه بيبدأ في الوقت ده.
روڤان بصت لأمها وضحكت بخبث
آها... طيب هي الساعة 5 بس هو مش جاي.
فريدة بإحراج
أحم... هو مين ده
روڤان وهي بتقرب منها
البطل بتاع المسلسل أصله كلمني وقالي إنه هيتأخر شوية... عشان البنت القمر بنت الراجل اللي شغال عندهم عندها مشوار وهتتأخر.
سناء
روڤان غيري هدومك وتعالي ساعديني عشان أخوكي زمانه جاي.
روڤان بابتسامة
حاضر يا ماما.
فريدة سابتهم ورجعت أوضتها بحزن وهي بتفكر وتقول
فريدة
طب ما كلمنيش ليه وقالي إنه هيتأخر
ومين البنت دي أووف!
...
بليل دخل كريم وكانوا كلهم قاعدين بيتكلموا.
كريم بابتسامة
مساء الخير.
سناء وروڤان
مساء النور يا حبيبي.
فريدة مردتش عليه وكانت متجاهلاه فبصلها باستغراب.
سناء بحب
إيه يا حبيبي... اتأخرت ليه كده النهاردة
كريم وهو بيقعد
مفيش كان عندي شغل زيادة... وبعدين مانا مكلم روڤان تبلغكم.
قال كده وهو بيبص لفريدة اللي قامت بهدوء
فريدة
بعد إذنكم أنا هدخل أنام.
سابتهم ومدت إيدها تتفادى الترابيزة ودخلت أوضتها.
كريم بقلق
هي فريدة مالها زعلانة من حاجة
سناء ضربت رأس روڤان بخفة
كله من الهبلة أختك!
قومي يا بت خشي اتكلمي معاها كده عشان ما تنامش زعلانة.
روڤان بخوف من كريم
أنا بقول أقوم فعلا... بعد إذنكم.
سابتهم وجريت
كريم بقلق
خير يا أمي مالها فريدة
سناء بتنهيدة
هو سؤال يا كريم وتجاوبني بصراحة انت بتحب فريدة
كريم بتوتر 
وايه لازمته السؤال ده يا امي ما انتي عارفة انا اتجوزتها ليه
سناء بغموض 
عارفة يا كريم بس انا عايزة اسمع منك انت حبتها ولا لا
كريم بتردد 
انا منكرش اني معجب بيها بس مش لدرجة الحب يعني
سناء بابتسامة
كده إنت ريحت قلبي... قوم بقى ادخل لفريدة صالحها عشان إنت اتأخرت عليها وهي كانت قلقانة عليك وزعلت إنك كلمت روڤان ومكلمتهاش.
كريم بابتسامة
أمم... بقى كده
قام واقف وقال
ماشي يا أمي أنا داخلها... آه صحيح عم عصام جارنا كلمني وقال لي إنه عايز يخطب روڤان لابنه عماد.
سناء باستغراب
عماد! أخو حنين اللي هياخدها عمر
كريم وهو بيحرك راسه
آه هو. أنا قولتله هاخد رأيها وأرد عليه.
يلا أنا داخل لفريدة.
كانت ميرفت قاعدة في النادي وبتتكلم في التليفون
الصوت من السماعة
يا ميرفت هانم العملية نجحت وهو حاليا في الرعاية.
ميرفت براحة بس مبينتش
طيب... تمام. لو في أي جديد كلمني.
قفلت السكة وهي في صراع بين قلبها وعقلها
عقلها بيقول
إيه يا ميرفت مالك كأنك كنتي خايفة عليه!
قلبها بيرد
مش أخويا برضه رغم كل حاجة حتى لو مكنتش بطيق مراته وبنته دول... بس هشام لأ.
عقلها تاني
بس هشام لو مات ساعتها هتعرفي ترجعي حقك في ورث أبوكي.
قلبها بيرد
وهشام لو مات هتحسي بالذنب طول عمرك... ناسية إنه اللي رباكي وصرف على تعليمك من فلوسه هو مش من نصيبك
وكمان جوزك كان راجل كويس بيحبك وشاريكي ومسبكيش إلا لما اطمن عليكي.
هشام ميستاهلش منك كده.
دخل كريم بعد ما خبط
كريم
أحم... ممكن أدخل
فريدة مردتش وروڤان هي اللي ردت
اتفضل يا كيمو... دي زي أوضتك.
كريم دخل وبص لروڤان
طب يلا اطلعي كلمي ماما عشان عايز فريدة في كلمتين.
روڤان بخبث
ماشي يا عم الله يسهل له.
أنا خارجة أهو... مش هبقى عزول.
فريدة ابتسمت على كلام روڤان وهي خارجة لكن أول ما حست بكريم بيقعد قدامها... كشرت تاني
كريم بابتسامة
هتفضلي زعلانة مني ومش بتكلميني
فريدة بهدوء
ومين قالك إني زعلانة... أنا عادي مش زعلانة خالص.
ثم قالت بحزن
ممكن أعرف ليه مكلمتنيش النهاردة زي كل يوم
كريم بابتسامة
بقى هو ده السبب
ماشي يا ستي بس إنتي ظالماني.
أنا رنيت عليكي مرتين ومردتيش عليا وتقدري تخلي ماما تشوف التليفون وتتأكدي بنفسك.
فريدة وهي بتعض على شفايفها
بجد يعني إنت رنيت عليا وأنا مسمعتش
كريم بابتسامة
آه والله.
وبعدين أنا اللي زعلان عشان حرمتيني من صوتك النهاردة.
فريدة ابتسمت بخجل لكنها افتكرت كلام روڤان فكشرت تاني
فريدة
كريم... هو إنت كنت مع البنت الحلوة دي
كريم بصدمة
إيه مش فاهم
فريدة بغيرة
لا إنت فاهم كويس... البنت اللي إنت شغال عندها الحلوة دي.
كريم باستغراب
أنهي بنت ومين اللي قالك الكلام ده
فريدة بضيق
هتفرق يعني
كريم بابتسامة
أيوه هتفرق... عشان أنا شغال مع راجل يا حبيبتي مش مع بنات.
فريدة قلبها دق أول ما قال يا حبيبتي وابتسمت بفرحة
فريدة
بجد يا كريم
كريم بخبث
أيوه طبعا... بس مالك فرحتي كده أول ما قلتلك إني بشتغل مع رجالة
فريدة بخجل
أحم... لا مفيش حاجة.
كريم
أفهم من كده إنك خلاص مش زعلانة
فريدة بابتسامة
تؤ تؤ مش زعلانة.
بس كريم... طمني على بابا.
إنت قلتلي إنه لسه مش هيعمل العملية إلا الأسبوع الجاي بس ليه مش بيكلمني
أنا خايفة عليه أوي.
كريم بابتسامة
ما هو ده بقى الخبر الحلو اللي كنت هقولهولك...
باشمهندس هشام عمل العملية والحمد لله نجحت وهو بس في الرعاية كام يوم وهيخرج إن شاء الله.
فريدة ضحكت بفرحة وقربت منه بدموع في عينيها
فريدة
الحمد لله يا رب...
أنا كنت خايفة عليه أوي يا كريم.
كريم قلبه دق وبلع ريقه بتوتر وحس إن فيه حاجة اتغيرت جواه.
بعد شوية فريدة حست باللي عملته فبعدت عنه بسرعة
فريدة بخجل
أنا آسفة أوي... معرفش إزاي عملت كده.
كريم وهو بيدقق في ملامحها
في واحدة تعتذر لجوزها
فريدة باندفاع
كريم... هو لما بابا يرجع هطلقني
كريم قلبه اتقبض وحس إنها مستعجلة تخلص منه.
قال في سره هي عندها حق... أنا في الآخر سواق وهي هانم مش هترضى بالعيشة دي لو بإيدها
قام بهدوء وقال
كريم
أكيد... متقلقيش لما يرجع بالسلامة كل حاجة هترجع لطبيعتها.
سابها وخرج وفريدة حطت إيديها على وشها وعيطت...
لأنها حبته وهو لسه شايف معاملتها ليه وبيفتكر إنها بتكرهه
تاني يوم
عماد راح الورشة لعمر
عمر بغضب
إنت بتقول