رواية بنت خالتي المشوهة كاملة جميع الفصول فتون وعبد الرحمن بقلم اسراء ابراهيم
انتي ضحكتي عليا خلتيني اتجوزك وانتي بالشكل ده.... انا قرفان منك ومش هعدي اللي حصل ده بالساهل يا فتون انتي فاهمة...مش هعديه
كانت واقفة قصاده مصدومة وصوتها خارج مكسور بس بتحاول تبان قوية.
محصلش أنا قولتلك يا حسام من الأول إن حصلي حادثة ومخبتش عليك.
قال حسام بسخرية جارحة
حادثة آه قولتي على الحادثة بس مقولتيش إن جسمك بالشكل ده!
فتون وهي بتتنفس بسرعة وحزن وبتشد الروب جامد عليها
ممكن تبطل كلامك ده
أنا أنا مكنتش فاكرة أصلا إنها مؤذية للدرجة اللي إنت شوفتها بيها.
قال حسام باشمئزاز
ده مش تشوه بسيط يا فتون دي كارثة.
وأنا مكنتش متخيلها تكون بالشكل ده ولا إن الموضوع كبير كده.
فتون وعينيها في الأرض
أنا مكنتش أعرف إنك هتتضايق للدرجة دي.
كنت فاكرة إنك هتتقبل الموضوع عشان بتحبني يا حسام.
إنت وعدتني إنك عمرك ما هتجرحني ولا هتفكر تأذيني
وبعد أول موقف تقولي كده
زعق حسام وهو بيرفع صوته فجأة
أتقبل أتقبل إيه
إن مراتي شكلها كده
أنا كل ما أبصلك هقرف حتى اللمس!
إنت فاكرة إني هقدر أكمل معاكي كده
بصعوبة اتكلمت فتون وصوتها مكسور
أنا مضحكتش عليك زي ما بتقول.
وأنا مش قليلة ولا وحشة يا حسام عشان تهيني بالطريقة دي.
ده نصيبي وأنا كنت فاكراك بتحبني ومش هتهتم باللي في جسمي
بس إنت طلعت أناني وبيهمك الشكل وبس.
قال حسام بعصبية وغضب
لا إنت ضحكتي علي!
ولو تفتكري وقتها سألتك الموضوع لحد فين
وإنت كنت مكسوفة ومحبتش أضغط عليكي.
ودلوقتي أنا مش مجبر أكمل معاكي يا فتون.
من حقي أتجوز واحدة حلوة أعيش معاها وتبسطني
مش أقرف منها كل ما أبصلها!
اتسمرت فتون في مكانها وقلبها اتكسر ميت حتة
وهي باصة له بصدمة ومش متخيلة إزاي قدر يقول كلام يكسرها بالشكل ده.
قالت بخذلان وكسرة
طلقني يا حسام.
قال بضيق
كان بودي بس أعمل إيه في الناس
وبابا لو عرف هيعملها معايا مشكلة
عشان طلقتك في يوم فرحنا.
اقتربت فتون منه بجمود وعصبية
وأنا مليش دعوة بكل ده.
إنت المفروض راجل وتتحمل نتيجة أفعالك
وأنا كمان مستعدة أواجه كلام الناس ونظرتهم ولسانهم
ولا إني أعيش معاك وعلى اسمك
قال بانفعال
إنت قصدك إيه بالمفروض راجل دي
أنا راجل غصب عنك!
ولو على كلام الناس فمش هيهمني
الدور عليكي إنت.
قالت بقرف
فعلا
العيب هيبقى علي
بس عشان اخترت واحد زيك مش راجل.
اتعصب حسام ومد إيده وضربها بالقلم على وشها جامد
فنزل دم من شفايفها.
بصت له بوجع وحزن وقالت
طلقني لو فعلا راجل
ولا رجولتك بس في مد الإيد على واحدة
قال باندفاع وغضب
إنت طالق يا فتون!
ابتسمت ابتسامة باهتة
الحمد لله إني خلصت من واحد زيك حقير.
قالت كده وسابته
وراحت تلم هدومها وهي مش متخيلة
إن كل ده يحصلها من أكتر إنسان كانت بتتمنى تعيش معاه باقي عمرها.
..................................
في نص الليل كانت فتون واقفة قدام باب شقتها
ووشها باين عليه أثر القلم وشفايفها بتنزف
وهي بتؤن الجرس.
فتحت خيرية أمها بقلق
وأول ما شافتها اتصدمت وشهقت
فتووون! يا ساتر يا رب!
مالك إيه اللي حصل
راجعة بالشكل ده ليه
ده يوم فرحك!
قالت فتون وهي بتمسح دموعها وبتتنهد من الكسرة
ماما حسام طلقني.
صرخت خيرية وهي بتهز بنتها
طلقك!
إنت بتقولي إيه وإزاي وليه اتكلمي!
قالت فتون بصوت مكبوت وهي داخلة الشقة
عشان جسمي يا ماما
قال إني ضحكت عليه
وقال إني قرفته
وقال مش هيقدر يبصلي وضربني كمان.
حطت خيرية إيدها على وشها بصدمة
يا نهار أسود يا فضيحتنا قدام الناس!
ما قولتلك يا فتون بلاش تحددي معاد الفرح
قبل ما تقوليله
قالت فتون بعتاب وهي بتعيط
يعني أنا اللي غلطانة يا أمي
أنا قولتله والله قولتله
وهو اللي قال مش فارق
وهو اللي قال بيحبني وأنا صدقته.
انهارت خيرية وقعدت على الكرسي
يا حظي الأسود
الناس هتقول إيه
بنتي راجعة يوم فرحها مطلقة!
قالت فتون بدموع وحرقة
أنا مش فارق معايا الناس
أنا فارق معايا كرامتي
قلبي اللي داس عليه برجله.
قالت خيرية بخشونة
كرامة إيه بس
الناس مش هترحم
ومحدش هيصدق إنه طلقك عشان جسمك.
قامت بسرعة ومسكت تليفونها
أنا مش هسكت
هتصل بعبد الرحمن ابن خالتك
لازم ييجي يشوف المصيبة.
صرخت فتون وهي بتمسك إيد أمها
لاااا!
يا ماما بالله عليكي! كله إلا عبد الرحمن بالله
خيرية بحدة ممزوجة بدموع
ليه!
عشان اتقدملك وإنت رفضتيه
ما هو برضه ابن خالتك وراجل ومايرضاش إن سمعتنا تتبهدل كده.
أنا هخليه يروح للحيوان حسام يشوفه ويتكلم معاه.
فتون صوتها بين الرجاء والقهر
مامااا بلاش
حسام مش هيعمل حساب لحد
وإنت عارفة عبد الرحمن مش هيستحمل كلمة
وممكن تحصل مصيبة وتبقى مصيبة بسببي أنا
أرجوكي بلاش.
خيرية بعند وهي بتقرب من تليفونها تاني
ما هو أنا مش هسكت!
يعني بنتي تتضرب وتتطلق يوم الفرح ونسكت
حسام ده لازم يعرف إنه غلط.
وإحنا مالناش غير عبد الرحمن بعد أبوكي الله يرحمه
هو اللي يروح يتصرف معاه.
انهارت فتون وعيطت بصوت
وسابت أمها ودخلت أوضتها وقفلت الباب
وقعدت على الأرض تكتم صوتها بإيدها
وهي بتفتكر
فلاش باك
عبد الرحمن بصوت غاضب لكنه مليان خوف عليها
فتون أنا مش مرتاح لحسام.
الواد مش تمام وبقولك أهو بلاش الجوازة دي.
فتون بصوت عنيد
إنت مش بتزهق من كلامك ده
إنت قولتلي كده كتير
وأنا ردي زي ما هو
أنا بحبه يا عبد الرحمن وهو بيحبني.
ومستحيل يأذيني.
نظر لها عبد الرحمن بنظرة مكسورة
طب وأنا
أنا اللي قلبي طول عمره ليكي
وروحي متعلقة بيكي من وإنت عيلة يا فتون بضفاير
ولا خلاص مبقتش أفرق معاكي
ردت فتون وقتها بهدوء وخجل
يا عبد الرحمن افهمني
أنا بشوفك أخويا مش أكتر.
وحرام تفضل مستني حاجة مش هتحصل.
وبعدين أنا خلاص هحدد معاد فرحي.
قال عبد الرحمن بجمود
تمام يا بنت خالتي.
لو ده اختيارك
أنا مش هقفلك في طريقك.
بس اسمعيني كويس
مهما يحصل هتلاقيني في ضهرك.
نهاية الفلاش باك
رجعت فتون للواقع وهي بتعيط بحرقة
ماسكة وشها وصوتها مكسور
فتون بصوت مبحوح
يا ريتني سمعت كلامك
يا ريتني صدقتك.
يا ريت الزمن يرجع بس دقيقة
كنت هقولك حاضر
وكنت ههرب من الجوازة دي.
بس أنا الغلطانة.
صحيت فتون تاني يوم على صوت عالي في الصالة
فتحت عينيها بالعافية عينيها مورمة من العياط
وسمعت صوت عبد الرحمن بيزعق.
اتجمدت مكانها قلبها اتقبض
قامت بسرعة وفتحت الباب وخرجت.
أول ما عبد الرحمن لمحها بص لها بصدمة لما شاف العلامات على وشها
وقرب منها وهي
عبد الرحمن بصوت مخنوق بالغضب
إيه ده!
إيه اللي على وشك ده
هو اللي عمل فيكي كده
حسام ضربك
جاوبيني يا فتون!
بصت له لحظة وبعدين انهارت
أيوه
أيوه يا عبد الرحمن ضربني
وطلقني.
قبض عبد الرحمن على إيده جامد لدرجة إن عروقه بانت
تمام.
ادخلي
البسي وتعالي معايا.
يلا.
فتون بخوف وهي بتقرب خطوة
لا لا يا عبد الرحمن بالله عليك بلاش.
ما نروحلهوش أرجوك.
هو كده كده طلقني وأنا مش مسامحاه
بس مش لازم نروحله.
عبد الرحمن بصوت عالي لكنه ماسك نفسه
لو هو طلقك وإنت مش مسامحاه دي حاجة
إنما إنه يمد إيده عليكي
دي حاجة تانية خالص.
روحي غيري هدومك
وإلا
إنت عارفة كويس أنا ممكن أعمل إيه لو اتعصبت.
رجعت فتون خطوة لورا بخوف
عبد الرحمن أرجوك اسمعني.
أنا مش عايزة مشاكل
وخايفة عليك والله خايفة عليك.
دخلت خيرية فجأة بحدة
اسمعي كلامه يا فتون وخليه يروح.
خليه يعرف حسام إننا مش لوحدينا
وإن فيه رجالة
وحقك لازم يرجع.
ولا إنت لسه بتحبيه وعاوزة ترجعي له!
بصت فتون لأمها بغضب وانكسار
مامااا!
إنت بتقولي إيه
أنا!
أنا لو بموت مستحيل أرجعله.
ده كسرني وجرحني
ده لو آخر راجل في الدنيا مش هرجعله.
بس إنت هترتاحي لو حصل لعبد الرحمن حاجة بسببي
لو حصله حاجة
أنا مش هسامح نفسي عمري كله.
قرب عبد الرحمن ناحيتها بخطوات تقيلة مليانة غضب
هو إنت فاكراني إيه
فاكرة إني طفل
ولا حد يقدر يأذيني
أنا راجل يا فتون راجل.
وأعرف أجيب حق اللي مني.
نزلت دموع فتون بخوف
عبد الرحمن والله مش خوف
بس ملهاش لازمة.
اللي حصل حصل.
سيبني أنسى بس.
صرخت خيرية فيها
لو فاكرة إن الفضيحة هتخلينا ننسى تبقي غلطانة!
الناس مش هتسكت
وسيرتنا هتبقى على كل لسان.
قال عبد الرحمن بأمر وملامحه كلها غضب
يلا يا فتون
ادخلي غيري هدومك
واخرجي في سكات
من غير كلمة زيادة.
بصت له فتون بخوف ووجع
أنا أنا مش عايزة
قاطعها بزعيق
ما تعارضينيش!
يلا ادخلي.
بصت لأمها بعتاب فقالتلها بتشجيع
اسمعي كلامه يا بنتي
ما تبقيش ضعيفة.
خليه ياخدلك حقك من الحيوان ده.
صرخت فتون بوجع
وإنت فاكرة إني خايفة على نفسي
أنا خايفة
أنا مرعوبة يا ماما حرام عليكي!
عبد الرحمن بصوت غاضب
فتووون!
لآخر مرة
ادخلي غيري
ويلا بينا.
رجعت فتون أوضتها مرعوبة
وبعد شوية خرجت.
قال عبد الرحمن بحدة
امشي قدامي.
يلا.
قالت خيرية من وراهم بصوت عالي
ربنا ينصرك يا ابني
خليه يعرف قيمة النعمة
اللي
