رواية بنت خالتي المشوهة كاملة جميع الفصول فتون وعبد الرحمن بقلم اسراء ابراهيم

بتحاول تبان ثابتة.
نوال بقصد وهي باصة لخيرية
مش هتباركي لعبد الرحمن يا خيرية
خيرية اتفاجئت
خير يا عبده اترقيت ولا حاجة يا حبيبي
عبد الرحمن بص لأمه بعتاب
لا اترقيت ولا حاجة يا خالتو.
نوال وهي باصة لفتون
لا مش ترقية ده هيخطب.
فتون اتجمدت مكانها عينيها وسعت فجأة وبصت لعبد الرحمن بسرعة ونفسها ضاق.
خيرية بهدوء
هتخطب يا عبد الرحمن مبروك يا ابني بس على طول كده محدش قال حاجة ولا لمح
نوال بفرحة مقصودة
أيوه ما هو لسه فاتح معايا الموضوع من يومين.
فتون بصوت واطي
إنت بجد هتخطب يا عبد الرحمن
عبد الرحمن بص لها وهز راسه من غير كلام وبعدين صوته خرج ثابت وجامد
أيوه يا فتون هخطب.
فتون حاولت تبتسم
مبروك.
عبد الرحمن هز راسه بهدوء
الله يبارك فيكي.
نوال بحماس مقصود
البنت زميلته ومؤدبة ومن عيلة كويسة وزي القمر. ما هو برضه ما يتعيبش ده عبد الرحمن يا خيرية ألف بنت تتمناه.
فتون فهمت قصدها في لحظة وحاولت تخبي وجعها. خيرية بصت لبنتها بحزن ولاختها بعتاب فنوال اتوترت وسكتت.
فتون قامت فجأة من غير صوت
أنا شبعت الحمد لله هروح أعمل الشاي.
قالت كده ومشيت على المطبخ. أول ما دخلت حطت إيديها على وشها وعيطها طلع مكتوم وبقت تكلم نفسها
وإنت إيه اللي كنت فاكراه يا فتون إنه هيفضل مستنيكي ده حتى لو لسه بيحبك بعد ما خذلتيه وكسرتيه مستحيل يفكر يرجعلك
بالليل بعد ما نوال روحت مع عبد الرحمن كان واقف قدامها مضايق وبيكلمها بعتاب.
عبد الرحمن بضيق
ليه كده بس يا أمي حرام عليكي. أنا منبه عليكي ما تتكلميش في أي حاجة تخص الموضوع ده ولا حتى تعاملي فتون وحش. ليه كده صغرتيني.
نوال بانفعال
لا مش حرام عليا. مش هي اللي كسرت قلبك زمان تستاهل تتجرح. وأنا اتعمدت أعرفها إنك ألف واحدة تتمناك وإنك بعد ما اطلقت مش هتفكر فيها.
عبد الرحمن بنفاد صبر
إنت بتقولي إيه بس يعني عادي عندك تجرحيها وهي بنت أختك طب حتى راعي شعور خالتو خيرية دي بنتها برضه.
نوال بتردد
يوووه بقى أنا بصراحة غيرتي عليك خلتني ما أفكرش. وبعدين كان لازم أقطع أي خيط يخليها تفكر إنك ممكن تبصلها تاني بعد اللي حصل. ولا إنت ممكن تفكر أوعى يا عبد الرحمن أنا بقولك اهو.
عبد الرحمن بعصبية مكتومة
إنت بتقولي إيه بس هو أنا لو لسه بفكر كنت قلتلك إني هخطب يا ماما لو سمحتي راعي اللي حصل وراعي إنها بنت خالتي. وبلاش نحط حدود بينا لأنهم مالهمش غيرنا لو سمحتي.
نوال بضيق
خلاص يا عبد الرحمن أنا هكلم خالتك وأراضيها. وإنت بقى استعجل موضوع خطوبتك ده أنا عاوزة أطمن عليك.
عبد الرحمن بسخرية
عاوزة تطمني عليا ولا تضمني إني ما أفكرش في فتون تاني ماما أرجوكي ما تخلينيش أضطر أخبي عليكي حاجة. وفتون مهما حصل فهي بنت خالتي وأنا لا يمكن أسيبها لو احتاجتني.
نوال بتنهد
أنا ما بقولش نسيبها أنا بس مش عاوزاك تفكر فيها تاني ولا تفضل تحبها لأني عارفة إنها ما تستاهلكش. إنت فاهم
عبد الرحمن نفخ بضيق ودخل أوضته وفضلت نوال واقفة تبص لأثره بحيرة وهي بتقول
يا خوفي يا عبد الرحمن تكون لسه بتحبها بعد اللي عملته فيك بس لا أنا مش هسكت لها لو فكرت.
بعد يومين كانت فتون ماشية الحزن باين على وشها وسرحانة ما خدتش بالها من اللي بينادي عليها لحد ما حست بحد بيمسك إيدها.
فتون بابتسامة وصدمة
إيه ده فرح! إزيك
فرح بابتسامة
يا بنتي أنا بنادي عليكي بقالي عشر سنين وإنت ولا هنا. ده أنا قولت مش هي ولا واحدة شبهها.
فتون بابتسامة
آسفة بجد ما خدتش بالي كنت سرحانة لولا إنك مسكتيني. طمنيني عليكي أخبارك إيه ما شفتكيش من أيام الجامعة.
فرح بابتسامة واسعة
أنا تمام الحمد لله. خطوبتي كمان أسبوع وطبعا هتيجي. بس قوليلي إنت أخبارك إيه آخر حاجة أعرفها إنك كنت هتتجوزي أو اتجوزتي صح
فتون اتوترت وبصت بعيد بحزن وبعدين رجعت بصت لفرح
اتجوزت بس ما حصلش نصيب واطلقت.
فرح بحزن
يا خبر طب إنت كويسة أنا آسفة قوي عشانك.
فتون بابتسامة باهتة
أنا كويسة المهم سيبك مني. قوليلي هتعملي خطوبتك فين
فرح بابتسامة واسعة
في نادي شرق. أكيد هتيجي ها هو أصلا زميلي في الشغل واتعرفنا على بعض كده. أساسا هو معايا هنا بس راح يجيب لنا عصير.
فتون بابتسامة رقيقة
ربنا يسعدكم يا فرح إنت تستاهلي كل خير والله.
فرح كانت لسه هتتكلم بس سمعت صوت عبد الرحمن من وراها واتصدمت.
فتون قلبها وجعها قوي أول ما عرفت إنه هو نفس الشخص اللي فرح كانت بتحكيلها عنه. وهو لما شافها اتفاجئ ووقف مكانه عينيه ثابتة عليها.
فتون بسرعة ووجعها واضح
طيب أسيبك أنا يا فرح وألف مبروك.
فرح بسرعة وهي ماسكة إيدها
لا استني طيب هعرفك على عبد الرحمن. شخصية لذيذة قوي. تعالي يا عبد الرحمن أعرفك على صاحبتي فتون كنا صحاب في الجامعة.
عبد الرحمن كان لسه هيتكلم بس فتون قاطعته بسرعة ووجع
مبروك ربنا يسعدكم. بعد إذنك يا فرح عشان مستعجلة.
لفت ومشيت وفضل عبد الرحمن واقف يبص لأثرها بحيرة وفرح كمان استغربت قوي.
فرح
هي مالها فتون الله يكون في عونها بصراحة. أكيد موضوع طلاقها مأثر عليها. تخيل يا عبد الرحمن اطلقت على طول بعد جوازها صعبت عليا قوي.
عبد الرحمن بجدية
فتون تبقى بنت خالتي يا فرح.
فرح بتكشيرة وصدمة
نعم بنت خالتك إزاي
عبد الرحمن بتنهد
أيوه بنت خالتي أخت أمي. وأنا بقولك عشان تبقي عارفة كل حاجة.
فرح باستغراب
طب وفتون ليه ما قالتليش مش فاهمة.
عبد الرحمن بجدية
عشان هي ما كانتش تعرف إني هخطب أنا كنت لسه هقولهم.
فرح حست إن في حاجة تانية غير كده بس ما اتكلمتش وسكتت وعقلها فضل مشغول بكل اللي حصل.
كانت فتون بتعيط في أوضتها ومش متخيلة إن اللي عبد الرحمن هيخطبها تطلع صحبتها. مش فاهمة إمتى ولا إزاي فرح حبته بالشكل ده بس اللي كانت متأكدة منه إنها ندمانة قوي ندمانة إنها اتسرعت وإنها ما وافقتش على عبد الرحمن. حست إنها كانت أنانية ولازم ترضى بنصيبها وإن ده أكبر عقاب ليها إنها تبعد عنه. كفاية عليها إنها تشوفه سعيد. قررت تنساه للأبد أو على الأقل تتعامل معاه على إنه أخوها اللي وقف جنبها في محنتها.
قطع تفكيرها صوت رنة تليفونها واسمه ظاهر على الشاشة. مسحت دموعها بسرعة وردت وهي بتحاول تعدل صوتها.
فتون بهدوء
أيوه يا عبد الرحمن إزيك
عبد الرحمن بجدية
الحمد لله يا فتون إنت عاملة إيه
فتون بتحاول تبان عادية بس عبد الرحمن كان كاشفها
أنا كويسة أحم في حاجة عشان كده بتتصل
عبد الرحمن بهدوء
مال صوتك يا فتون
فتون مغمضة عينيها بحزن وبتحاول تبان طبيعية
مالي بس أنا كويسة جدا كنت بشوف بس هلبس إيه في خطوبتك.
عبد الرحمن باستغراب
إنت متأكدة إنك كويسة
فتون بقوة مصطنعة
أيوه طبعا. وبعدين بطل تعاملني على إني طفلة أنا مش صغيرة. المهم كان في حاجة ولا إيه بقى
عبد الرحمن بتردد
كنت بكلمك بخصوص اللي حصل الصبح وفرح يعني
قاطعته فتون بتلقائية
أيوه وإيه اللي حصل ولا قصدك إن فرح خطيبتك طلعت صاحبتي بالعكس أنا فرحت قوي عشانكم. وعلى فكرة أنا ما حبتش أقولها إني بنت خالتك عشان ما تزعلش منك إنك ما قلتلهاش إن ليك بنت خالة بس أكيد لما أشوفها في الخطوبة هقولها وهوصيها عليك متقلقش.
عبد الرحمن بجدية
إنت شايفة كده يعني
فتون بصوت مهزوز وهي بتضحك
أيوه طبعا أومال إيه إنت بس ما تشيلش هم حاجة. وعلى فكرة عرفت تختار فرح بنت جميلة ورقيقة قوي يا بختك بيها.
عبد الرحمن بتنهد حيرة
تمام يا فتون تصبحي على خير.
فتون بصوت مخنوق ودموعها بتنزل
وإنت من أهل الخير يا عبد الرحمن.
قفلت بسرعة وفضلت تعيط مش عارفة إزاي قدرت تبان قوية كده رغم إنها من جواها بتموت بس لازم تقفل الصفحة دي للأبد.
يوم الخطوبة كانت فتون واقفة قدام المراية بتظبط الميكب وبتحاول تداري آثار عينيها المنفوخة من العياط. كانت زي القمر في