رواية بنت خالتي المشوهة كاملة جميع الفصول فتون وعبد الرحمن بقلم اسراء ابراهيم

فستانها لحد ما سمعت صوت أمها من وراها.
خيرية بحزن
ما بلاش يا فتون تروحي اسمعي كلام أمك يا حبيبتي.
فتون بتحاول تبتسم
ليه يا ماما أنا كويسة متخافيش عليا. صدقيني هبقى كويسة وبعدين لازم نكون جنب خالتو في يوم زي ده.
خيرية قربت منها بحزن
هتكدبي على أمك يا فتون أنا عارفة إنك موجوعة وندمانة وإنك بتحبي عبد الرحمن.
فتون بصوت مهزوز وهي بتبتسم
متقلقيش أنا خلاص بدأت أتأقلم إني لازم أكون بعيدة. عبد الرحمن من هنا ورايح أخويا فعلا يا ماما زي ما كنت شايفاه زمان. أرجوكي ساعديني أكمل على كده.
خيرية بحنية
على عيني أشوفك مطفية كده يا ضنايا يلا بينا.
راحوا القاعة وكانت كبيرة ومليانة ناس. فتون كانت بتدور بعينيها عليه لحد ما شافته واقف جنب فرح. قلبها وجعها فمسكت إيد أمها اللي طبطبت عليها بحزن. راحوا يسلموا عليهم وفي اللحظة دي لمحها عبد الرحمن. عينيه اتثبتت عليها كأنه كان بيدور عليها هو كمان. دقات قلبه فضحته لسه بيحبها بس للأسف فات الأوان.
وقفت قدامهم وعلى وشها ابتسامة باهتة.
فتون
مبروك يا عبد الرحمن مبروك يا فرح. أكيد عبد الرحمن قالك إني بنت خالته. معلش أنا ما حبتش أقولك المرة اللي فاتت عشان خوفت تزعلي منه.
فرح بابتسامة واسعة
وهزعل ليه بس بالعكس أنا فرحت إن بنت خالته طلعت صاحبتي.
فتون بتحاول تقاوم دموعها
أنا وصيته عليكي على فكرة ولو زعلك قوليلي وأنا أقرصله ودنه.
ضحكت فرح وعيني عبد الرحمن كانت متثبتة عليها كأنه بيحاول يقراها ويعرف اللي جواها.
نوال بابتسامة واسعة
عقبالك يا فتون.
فتون بابتسامة
شكرا يا خالتو.
مشت بسرعة وهي بتدعي ربنا ما تنهارش ولا دموعها تخونها قدامهم. خرجت من القاعة ووقفت لوحدها بتتنفس بعمق لحد ما سمعت صوت شاب من وراها.
إنت كويسة يا آنسة
فتون لفت بخضة
إنت خضتني أنا كويسة متشكرة. تقدر تتفضل.
الشاب بابتسامة
إنت بتطرديني ده حتى عيب. أنا قلقت عليكي لما لقيتك بتعيطي.
فتون بضيق
وتقلق عليا ليه من فضلك امشي من هنا وكفاية كده.
الشاب بإصرار ونظرات إعجاب
طيب قوليلي مالك وأنا أوعدك أمشي بعد كده. وعلى فكرة أنا مش بعاكسك بس عندي فضول أعرف إنت بتعيطي ليه.
فتون بصت له بغضب ولفت تمشي لكنه فاجأها وهو بيحاول يمسك إيدها. لفت وشها عشان تزعق بس لقت حد بيشده بعيد عنها وبيضربه بعنف. كان عبد الرحمن والغضب مالي ملامحه.
فتون بخوف
عبد الرحمن خلاص بالله عليك سيبه.
ما كانش سامعها. الغضب كان ماسيطر عليه ولما الشاب جري بص لها عبد الرحمن وقرب منها وهو بيزعق
إنت واقفة هنا لوحدك ليه عاجبك اللي كان بيعاكسك ده
فتون بدموع وهي باصة في عينيه
أنا ما قلتلوش يضايقني أنا خرجت آخد نفسي المكان جوه خانقني. أنا ما غلطتش يا عبد الرحمن.
وقف يتنفس بعصبية وقال وهو قريب منها قوي
إنت عارفة لو كان لمسك كنت عملت إيه
فتون وهي مركزة في عينيه
عارفة وأنا آسفة قوي.
غمض عينيه لحظة وبعدين بعد عنها بصعوبة وقال بجمود
يلا ادخلي جوه وما تقعديش لوحدك تاني. إنت فاهمة
فتون وعلى وشها شبح ابتسامة رغم وجعها
حاضر.
بعد فترة كان عبد الرحمن واقف سرحان باصص بعيد وأمه قاعدة بتراقبه بنظرة غامضة.
نوال بتردد
صحيح يا عبد الرحمن إنت ما خرجتش مع خطيبتك ليه من يوم الخطوبة يعني زي ما الخطاب بيعملوا.
عبد الرحمن بتنهد
ما أنا كل يوم بشوفها في الشغل يا أمي وعادي يعني. مش ضروري قوي موضوع الخروج ده.
نوال بقصد
طيب ما إيه رأيك نعزمهم عندنا مرة ونتعرف عليهم أكتر
عبد الرحمن برفض
مالوش لزوم يا ماما. أنا ما بحبش جو العزومات ده. وبعدين كده كده هنخرج لما نجيب العفش
نوال بسخرية
وده انتي ده
إنت دايما يا إما مشغول يا إما قاعد مع نفسك. ده أنا حتى مش بشوفك بتتكلم مع خطيبتك طول الليل زي أي مخطوبين.
عبد الرحمن بزهق
بقولك إيه يا ماما عشان خاطري بلاش تفضلي تقطميني. سيبيني في اللي أنا فيه أنا عندي مشكلة في الشغل.
نوال بغموض
مشكلة في شغلك طيب ماشي
أمال أقوم بقى أكلم خالتك وأعرف منها عملت إيه في موضوع العريس ده.
عبد الرحمن بحدة وانتباه
نعم عريس إيه ولمين
نوال برفعة حاجب
عادي عريس لفتون. خالتك بتقولي إنه شافها يوم خطوبتك وكلمها على طول بعدها.
اتغير وش عبد الرحمن وقبض على إيديه بغضب.
عبد الرحمن
وأنا آخر من يعلم إزاي يا ماما خالتو متقوليش حاجة زي دي
نوال بسخرية
وتقولك ليه يا عبد الرحمن بنتها وهي حرة تجوزها أو تعنسها هي حرة.
قام عبد الرحمن بلهفة خد موبايله ومفاتيحه فوقفته نوال بصوتها.
نوال
على فين كده يا ابن بطني
طبعا رايح لخالتك مش كده
أنا كنت عارفة إن الموضوع ده في إيه
إنت لسه بتحب فتون يا عبد الرحمن مش كده
عبد الرحمن بضيق
ماما لو سمحتي كفاية بقى. أنا عملت اللي قولتيلي عليه وخطبت. سيبيني في حالي.
نوال بحزن
بس إنت مش مرتاح يا عبد الرحمن خطبت آه وعملت اللي أنا عايزاه بس إنت مش مبسوط.
روح لها يا عبد الرحمن روح لفتون واتجوزها.
عبد الرحمن باستغراب
اشمعنى دلوقتي بتقوليلي كده يا أمي
نوال بتنهيدة
عشان أنا مكنتش معترضة على فتون نفسها أنا كنت خايفة عليك تجرحك تاني.
كنت شايفاها متستاهلكش بعد ما رفضتك زمان بس يمكن ربنا عمل كل ده لحكمة عشان هي تعرف قيمتك وتحافظ عليك.
عبد الرحمن بحيرة
معتقدش ينفع دلوقتي يا أمي الموضوع مبقاش بيني أنا وهي بس. بقى في ناس تانية مالهاش ذنب تتجرح.
نوال بابتسامة هادية
قصدك فرح
صدقني ده أهون من إنك تكمل وإنت بتحب واحدة تانية وتعيش عمرك كله مع واحدة وإنت ظالمها عشان مش قادر تديها قلبك.
حكم عقلك يا عبد الرحمن يا حبيبي.
سرح عبد الرحمن في كلام أمه واتنهد بحيرة وهو بيفكر.
كانت فتون قاعدة قدام أمها بعد ما نادتها وشها شاحب وحزنها واضح.
خيرية بهدوء
مردتيش عليا يا فتون في موضوع العريس ده. أمه كل شوية تكلمني وعاوزين يعرفوا ردك.
فتون بصوت مخنوق
وأضمن منين يا ماما إنه ميعملش زي حسام ويرميني أول ما يعرف إن جسمي متشوه
خيرية بحنان
أولا مش كل الرجالة زي بعض يا بنتي. الشاب ده كويس ومحترم.
وبصراحة كده أنا قلت لأمه على اللي فيكي وعلى اللي حصل في جوازتك الأولى وسبب طلاقك لازم نبقى على نور من الأول.
وتعرفي لقيتها بتكلمني وبتقولي إنها قالت لابنها وهو موافق ومصمم عليكي كمان.
سرحت فتون بخيالها بعيد وعينيها لمعت بالوجع.
فتون
ماما إنتي عارفة إني بحب عبد الرحمن. يبقى ليه أظلم الشخص ده معايا وإنتي عارفة إني مش هقدر أقدم له حاجة.
خيرية بحنان
يا بنتي الجواز قسمة ونصيب وعبد الرحمن مش قسمتك.
فتون هو خطب وشاف دنيته إنتي كمان شوفي حياتك. وربنا يسعده.
فتون وهي بتمسح دموعها
عندك حق ربنا يسعده.
أنا بتمناله السعادة من قلبي على قد حبي ليه.
خلاص يا ماما أنا موافقة.
قطع كلامهم صوت جرس الباب. قامت خيرية تفتح وكان عبد الرحمن واقف. أول ما شافته فتون قلبها وجعها وهو قرب منها وملامحه جامدة.
خيرية بابتسامة
نورت يا واد يا عبده. فينك مش باين ليه ولا أمك محرضاك تيجي
عبد الرحمن بغموض
أنا عايز أفهم حكاية العريس ده إيه وإزاي أنا آخر واحد يعرف
خيرية بتوتر
ليه كده بس يا حبيبي الموضوع ماكانش واضح وفتون كانت رافضة أصلا.
عبد الرحمن برفعة حاجب
يعني أفهم من كده إنها وافقت
قامت فتون من مكانها.
فتون بصوت مخنوق
أيوه يا عبد الرحمن أنا وافقت.
قرب منها وبص في عينيها.
عبد الرحمن بسخرية
وافقتي من غير ما ترجعيلي
فتون بحزن
عادي ما إنت لما خطبت رجعتلي
عبد الرحمن
أممم أفهم من كده إنك بترديهالي
فتون بتنهيدة
ولا بردهالك ولا حاجة ماما أقنعتني ووافقت. جوازة وخلاص.
عبد الرحمن وهو مثبت عينيه عليها
حتى لو قلتلك إني مش موافق
سكتت فتون وردت خيرية بدهشة
خيرية
ليه بس كده يا عبد الرحمن الشاب كويس وميتعيبش.
عبد الرحمن وعيونه في عيون فتون
يعني العريس ده أحسن مني لبنتك يا خالتي
اتصدمت خيرية وفتون تهتهت.
فتون
إنت إنت قلت إيه
عبد الرحمن بهيام
بقولك تتجوزيني يا فتون ولا هترفضيني تاني وتكسري قلبي
قاطعته فتون حطت إيديها على بوقه ودموعها نازلة.
فتون بندم
صدقني
أنا ما ندمتش في حياتي على حاجة قد ما ندمت إني جرحتك.
لو رجع بيا الزمن كنت هختارك ألف مرة.
أنا آسفة بجد.
غمز لها عبد الرحمن وملامحه نورت.
عبد الرحمن
يعني موافقة
دقات قلبها علت.
فتون
بس وفرح
عبد الرحمن أنا مش هقدر أجرحها. دي صحبتي وممكن تفهم غلط.
ظهر صوت من وراهم.
فرح بابتسامة
لو كنت أعرف من الأول كان زماني أنا اللي بقرب منكم.
قلبي كان حاسس ولما عبد الرحمن كلمني وفهمني عرفت كل حاجة.
ابتسامة فتون ظهرت وهي مش مصدقة.
فتون
يعني بجد مش زعلانة
فرح بثقة
كنت هزعل لو كنت سبب إنكم تبعدوا عن بعض.
ألف مبروك يا فتون.
لفت فتون وبصت لعبد الرحمن بسعادة.
فتون
أنا مش مصدقة إنك جنبي كنت خلاص فقدت الأمل ورضيت بعقاب ربنا إني أبعد عنك.
عبد الرحمن بعشق
لا صدقي أنا ما بطلتش أحبك ولا لحظة من وإحنا عيال.
ودلوقتي حبي ليكي زاد أضعاف.
فتون بابتسامة رقيقة
بحبك أوي يا عبد الرحمن.
عبد الرحمن بسعادة
وأنا بعشقك يا قلب عبد الرحمن.
تمت.