رواية بنت خالتي المشوهة كاملة جميع الفصول فتون وعبد الرحمن بقلم اسراء ابراهيم

كانت في إيده ورماها.
ركبت فتون مع عبد الرحمن العربية
عينيها مورمة
وهو ماسك غضبه بالعافية وصوته جامد جدا.
قال بضيق
ممكن تبطلي عياط بقى
حاولت تكتم عياطها
عبد الرحمن أنا مرعوبة
بالله عليك بلاش تروحله.
بص لها بعينين سودا من الغضب
إنت خايفة منه
للدرجة دي مستقلة بيا
فاكراني عيل مش هعرف أجيبلك حقك
فتون بلهفة وهي بتنفي
لا والله مش كده خالص بس هو
وسكتت قبل ما تكمل لأن عبد الرحمن قاطعها بحدة
اللي يرفع إيده على مراته يوم فرحه كمان ده مش مجنون ده ندل. والندل لازم يبقى له حساب.
وقف بعربيته قدام بيت حسام وفتون حست وقتها إن رجليها بتتهز من الخوف.
فتون بصوت مرتعش
لا أنا مش نازلة بالله عليك ارجع عشان خاطري.
عبد الرحمن بجدية وهو بينزل من العربية
انزلي يا فتون يلا.
نزلت وهي مرعوبة وهو قال لها بنفس الجدية
لو فكرتي ترجعي للإنسان ده تاني افتكري إنه ده اللي كنت هتعيشي معاه واللي عمل فيكي كل ده. فاهمة
فتون بحزن وندم
لا مستحيل أفكر أرجع له صدقني.
ابتسم عبد الرحمن بسخرية ومسك إيدها وطلعوا شقة حسام. أول ما فتح الباب اتفاجئ بعبد الرحمن بيديله بوكس في وشه وفتون شهقت بصدمة.
حسام بوجع وهو بيبتسم باستفزاز
طبعا ما إنت البطل المغوار وجاي تاخد حقها مش كده ما إنت ما صدقت.
فتون رجعت خطوة لورا ودموعها نزلت غصب عنها.
عبد الرحمن قرب منه وقال بصوت مليان غضب
قول آخر جملة دي تاني.
حسام ضحك بتردد
إيه هتزعل ما أنا عارف إنك كنت عاوزها وهي رفضتك واختارتني.
عبد الرحمن ضربه بوكس خلاه يترمي على الأرض وفتون صرخت بخوف
لااا! عبد الرحمن خلاص كفاية أرجوك!
عبد الرحمن هجم عليه ماسكه من هدومه
إنت فاكر نفسك راجل تضربها وتمشيها في نص الليل فاكر إنها مالهاش حد مش كده
حسام خاف من نبرته وحاول يفلت
ابعد عني ده موضوعي أنا وهي إنت مالك أصلا
عبد الرحمن فضل يضربه وهو بيتكلم
موضوعك إنت أصلا مش راجل عشان يبقى لك موضوع معاها إحنا خلاص فضيناها.
فتون كانت واقفة مكانها بتعيط
بس كفاية كفاية بقى أرجوك.
حسام بألم وهو بينهج
اسمع لو إنت فاكر إنك هتخوفني فأنا
عبد الرحمن قاطعه ببوكس خلاه يسكت
أنا مش بخوفك أنا بعلم عليك وبفهمك إن فتون ليها رجالة. لو فكرت بس تدوس على طرفها صدقني هقتلك.
حسام بعد بخوف
طب حتى خاف لما تعرف الناس إنها اتطلقت ليلة دخلتها ووريني بقى هتستخبوا فين من الفضيحة.
فتون انهارت
أنا مش فارق معايا الناس! أنا اتبهدلت اتبهدلت بسببك وبسبب إني صدقت كدبك.
حسام ضحك وهو بينزف
بكرة تيجوا تترجوني عشان ترجع بيتي كام شهر بس عشان كلام الناس.
فتون بانهيار
أنا لو بموت إنت آخر بني آدم في الدنيا أفكر أرجع له.
عبد الرحمن شاور بصباعه في وش حسام
لو شوفتك قريب منها حتى في الشارع وأنا بقسم على ده همحيك.
وسكت لحظة وكمل ببرود
وأمك هتعيط عليك لحد آخر عمرها.
حسام سكت تماما الخوف مالي عينيه. كان عارف عبد الرحمن كويس. شافه وهو ماسك إيد فتون وبيمشي.
بعد ما ركبت العربية فتون انفجرت في العياط
أنا كنت هموت من الخضة! إنت ليه عملت كده ليه!
عبد الرحمن بحدة
علشان أجيب لك حقك. أنا مستحيل أسكت على اللي عمله فيكي. إنت فاهمة
فتون بضعف وحزن
بس كنت هتتأذى بسببي وهو ما يستاهلش إنك تمد إيدك عليه.
عبد الرحمن بجمود
مش مهم أي حاجة المهم إن حقك رجع وإنك عرفتي إنه ما يستاهلكيش.
فتون انهارت أكتر
أنا أنا اتكسرت يا عبد الرحمن. كل الناس هتتكلم عليا.
عبد الرحمن وقف العربية فجأة وقال بحدة
محدش يقدر يجيب سيرتك. هو أنا لازمتي إيه متشيليش هم.
فتون بتردد وصوت واطي
إنت زعلان مني صح
عبد الرحمن من غير ما يبصلها
مش وقت الكلام ده يا فتون. وبعدين أنا هزعل منك ليه أصلا
فتون بحزن
لا إنت زعلان وغضبان كمان ومتعصب مني وليك حق.
عبد الرحمن حاول يفضل جامد
أنا غضبان من اللي عمله فيكي وغضبان أكتر إنك صدقتيه زمان وكنتي بتدافعي عنه.
فتون وهي بتمسح دموعها
عارفة أنا كنت غبية.
عبد الرحمن بتنهد
خلاص اللي حصل حصل.
فتون بحزن
طب وكلام الناس
عبد الرحمن شد على الدركسيون
اللي يجيب سيرتك هوقفه عند حده بنفسي.
فتون بخذلان
أنا بس مش عاوزاك تدخل مشاكل بسببي.
عبد الرحمن بجمود مقصود
مشاكل إيه أنا غريب أنا ابن خالتك وزي أخوكي. طبيعي أقف جنبك.
الكلمة نزلت عليها زي خبطة. سكتت وعينيها نزلت دمعتين من غير صوت.
بعد دقيقة طويلة قالت بحزن
عبد الرحمن أنا آسفة أوي.
عبد الرحمن رفع حاجبه
على إيه
فتون بندم ودموعها نازلة
عشان ما سمعتش كلامك وعشان سمحت لواحد زي ده يدخل حياتي.
عبد الرحمن وهو مركز في الطريق صوته ثابت
انسي وابدأي من جديد. الدنيا مش هتقف وأكيد هتكملي.
سكتت فتون وبصت له. لأول مرة تحس فعلا قد إيه هي حزينة وقد إيه ندمانة.
عدت سنة وكانت فتون اتغيرت في كل حاجة. يمكن بقت أحسن بفضل عبد الرحمن اللي كان دايما في ضهرها ساندها وساعدها ترجع فتون القديمة. بس كل ده كان بحدود حدود كانت حاسة بيها قوي. معاملته معاها ما بقتش زي الأول خالص وكانت عارفة السبب ومع ذلك كان كفاية عندها إنه جنبها وحواليها.
كانت بتقلب في الأكل وهي مبتسمة نص ابتسامة وشكلها بقى أحلى.
خيرية وهي باصة عليها
خلاص يا بنتي خلي السلطة عليا وروحي غيري هدومك قبل ما خالتك نوال تيجي هي وعبد الرحمن.
فتون بحماس واضح
يا أمي أنا عاوزة أخلص كل حاجة. وبعدين إنت قولتي إنها جاية ومعاها عبد الرحمن صح
خيرية رفعت حاجبها بشك
أيوه ما هما هيتغدوا معانا بقالهم كتير ما جوش.
فتون حاولت تخبي الفرحة اللي هربت في صوتها
طيب كويس يبقى زمانه جاي.
خيرية بصت لها بنظرة أم فاهمة
إنت شكلك مبسوطة إن ابن خالتك جاي مش كده
فتون بلعت ريقها وابتسمت ابتسامة خفيفة
لا يا أمي بس بقالنا كتير ما قعدناش كلنا يعني طبيعي أبقى متحمسة إنهم جايين.
خيرية بقصد
آه بقالكم كتير فعلا بس والله كتر خيره عبد الرحمن بعد الفترة اللي فاتت اللي كان واقف فيها جنبك. راجل فعلا يا ريتنا كنا فكرنا كويس ومتسرعناش يا فتون.
فتون بصت في الأرض بحزن
عندك حق بس خلاص بقى. ربنا يرزقه ببنت الحلال اللي تستاهله. أنا عارفة من معاملته اللي بحدود إنه لسه شايل مني.
خيرية بتنهد
اعذريه يا بنتي هو مكسور من جواه عشان إنت رفضتيه زمان و
فتون قاطعتها بسرعة
يا أمي خلاص بلاش نفتح في القديم. وأنا عن نفسي مش حاطة أمل متخافيش.
قبل ما يكملوا جرس الباب رن. قلب فتون دق بسرعة وحاولت تتحكم في نفسها.
أحم أنا هروح أفتح.
راحت فعلا وأول ما فتحت الباب لقت خالتها نوال واقفة. أول ما شافتها ملامحها اتغيرت وفتون اتوترت لأن معاملة خالتها من وقت ما رفضت عبد الرحمن وهي مختلفة.
فتون بابتسامة واسعة
يا أهلا يا خالتو نورتينا.
نوال ردت بجفاء واضح
أهلا يا فتون.
قالت كده وعدت كأنها مش شايفاها وفتون اتلخبطت وبصت لعبد الرحمن بسرعة وهي بتحاول تخبي ارتباكها
إزيك يا عبد الرحمن
عبد الرحمن هز راسه باحترام وصوته ثابت
الحمد لله. إزيك إنت
فتون بخجل هادي
تمام الحمد لله. أنا عملتلك الأكل اللي بتحبه.
عبد الرحمن رد بحدود
تسلمي شكله من ريحته حلو.
عيون فتون كانت في عيونه شايفة الدفا اللي متعوداه ومعاه غضب قديم محدش يفهمه غيرها
عامل إيه في شغلك
عبد الرحمن بجدية
كويس. الشغل ماشي وحياتي ماشية وإنت
فتون بلعت ريقها بتوتر
وأنا لسه بدور على شغل بس قدمت في كذا مكان وإن شاء الله أتقبل.
عبد الرحمن بابتسامة مجاملة
ربنا يسهل وتتقبلي إنت تستاهلي كل خير.
الجملة كانت بسيطة بس شايلة جواها حاجات كتير.
وقبل ما فتون ترد خيرية ظهرت
أهلا يا نوال يا أختي نورتي.
نوال بابتسامة
إزيك يا خيرية ها الأكل جاهز ولا رجعتي في كلامك إحنا جعانين.
خيرية ضحكت
جاهز من بدري. ده فتون اللي عاملاه كله بإيديها. يلا يا فتون اغرفي يا حبيبتي.
نوال بصت لعبد الرحمن بضيق وهو غمض عينه لها كأنه بيستحسنها تقلل حدة معاملتها مع فتون لكنها تجاهلته وفضلت تبص لفتون بنظرات مش لطيفة وهما قاعدين على السفرة وفتون