رواية بيدي لا بيد عمرو نسرين وعمرو الفصل الاخير بقلم رانيا الطنوبي
المحتويات
و بما انها تعرف ان علاء اون لاين فقررت
ان تبادر هي و تقطع الطريق علي غيرها و تبدأت المحادثة
Reem Elsowafy
وحشتني عامل ايه في الشغل
Alaa Elsowafy
ايه ده ريم بجلالة قدرها بتكلمني ع الفيس
Reem Elsowafy
ما هو التواضع بتاعي هو اللي جيبني ورا.. عموما انت وحشتني قولت امسي عليك
Alaa Elsowafy
أنت كمان وحشتني اوي.. أروى فين
Reem Elsowafy
نايمة طبعا
Alaa Elsowafy
ايوة ما هو النوم بيحلو و انا في الشغل و اول ما اجي تصحي.. طب ما تصحيها و تقوليلها
ان بابا عمالك مفاجأة حلوة يمكن تنام باليل
Reem Elsowafy
خير
Alaa Elsowafy
حنروح الملاهي بس بشرط.. تفضل نايمة لحد ما ارجع
Reem Elsowafy
هههههههههههههه.. تعالي انت بالسلامة و تدبر.. حتوحشني اكثر لحد ما تيجي
Alaa Elsowafy
هو ايه الحكاية ما لو كده اجي من دلوقتي
Reem Elsowafy
يا ريت يا حبيبي ينفع
Alaa Elsowafy
ريم اقفلي انا جاي فورا
تعالات ضحكات ريم امام الحاسوب و بعدها عقبت.. كان معاها حق ابلة نسرين لما قالتلي و داويني بالتي كانت هي الداء
عند الخامسة مساءا وقفت تتابع العمل بالعيادة و هي تهتف لاحدهم.. انا عايزة الحيطة دي تكون درجة اغمق من الباقي.. تمام
تمام يا بشمهندسة
لتجد من وقف خلفها و ابتسم قائلا.. ازيك يا مدام شيرين و لا اقول يا بشمهندشة شيرين احسن
التفتت و ردت منزعجة.. دكتور وجدي
ظل يحدق بالعيادة ثم هتف.. الله ينور.. و الله انا لو اعرف ان العيادة حتبقي كده ماكنتش فكرت ابيعها
اصطنعت ابتسامة بدي عليها الضيق و ردت.. و الله حضرتك بتجامل يا دكتور وجدي بس ما علينا
اتجهت لاحدي الغرف لتتابع العمل فاتجه خلفها و سأل.. عاملة ايه في الشغل و الدبلومة و مع البنات
حافظت علي ابتسامتها و ردت.. الحمد لله تمام كله كويس
اقترب منها و سأل.. أنت وعدتني انك حتعملي العيادة بتاعتي
ربنا يسهل
طب حتبدأي فيها امتي
ربنا يسهل
قررت ان تخرج من الغرفة لكنه استوقفها ليسأل بحسم.. شيرين انا محتاج اتكلم معاكي في موضوع مهم
ردت بحدة.. انا اللي عايزة اتكلم مع حضرتك بوضوح و بدون تردد.. اظن وجود حضرتك في العيادة هناكل شوية بحجة شكل دي مش حاجة لطيفة ابدا يا دكتور
رد بحسم.. صح و عشان كده انا حاكون دوغري.. شيرين.. تقبلي تتجوزني
صدمها ما قاله و ظلت محدقة به و لا تدرك هل بالاساس تمتلك رد و عندها اكمل.. انا عارف انك مستغربة طلبي.. لكن انا فكرت كتير اوي يا شيرين قبل القرار ده.. و من حقك أنت كمان تفكري و حاستني ردك و ايان كان حاحترمه
اتجه للانصراف فاستوقفته و قد ترقرقت الدموع في عينها و اجابت.. انا فعلا صدمني طلبك.. خصوصا ان الموضوع بالنسبالي منتهي.. انا دلوقتي كل اللي بافكر فيه بناتي و اني اطمن عليهم و الحق اللي فاضل من شيرين.. ده اذا كان في حاجة ممكن الحقها.. بالنسبة لطلبك فربنا يوفقك يا دكتور وجدي و تلاقي اللي تستحقك
رد بابتسامة عتاب.. انا مش مستعجل و مهما حصل انا حاستني.. لحد ما تيجي اللحظة المناسبة و ساعتها اوعدك اني اعوضك عن كل اللي فات
حاولت ان تحسم و ردت.. يا دكتور وجدي أنت تقدر تلاقي ست ظروفها احسن مني رد قبل ان يلتفت للخروج.. بس انا مهما حصل عايزك أنت و حافضل مستني علي امل اليوم ده
ثم غادر و تركها و هي لا
جمعة جديدة في بيت السويفي لكن بدون نسرين.. اجتمعوا كما اعتادوا في بيت مديحة و بينما عادت احاديثهم وداعبتهم من جديد.. اثر عمرو تصنع قراءة الجريدة منعزلا عنهم متفاديا اي حديث يجمع بينه و بينهم.. اتجهت مديحة اليه و وضعت يدها علي كتفه سائلة.. مش حتيجي تقعد معانا برة
اجابها و لا تزال عينه بالجريدة.. انا اصلي عايز اقري الجرنان
جلست إلي جواره و قالت.. طب كريم كان عايزك في كلمتين
عقب بضيق.. بخصوص علا طبعا.. قوليله عمرو بيقولك روح اتجوزها.. هما مش عاملين كلهم سبع رجالة في بعض و متفقين عليا.. مدام رأيي تحصيل حاصل اعملوا اللي انتم عايزينه.. حاجة تانية
شعرت بخيبة الامل فردت.. لا يا ابني كتر خيرك
اتجهت لتخرج فاستوقفها قائلا.. ثانية واحدة يا ماما
نحي الجريدة جانبا ثم زفر و اكمل.. طب نادي كريم و قوليله عمرو عايزك
ابتسمت و عندها نادت لكريم و الذي أتي مسرعا وجلس امام عمرو و سأل.. خير يا ابيه
ضحك عمرو و رد.. خير يا ابيه.. مفيش كنت وحشني و عايز اسلم عليك.. ايه يا ابني انت مش عايزني و لا اقوم
تنحنح كريم و رد.. لا تقوم ايه بس يا ابيه
ابتلع ريقه ثم اكمل.. انا عايز اكتب الكتاب انا و علا
نظر له عمرو بحدة و رد.. و مين قالك اني حاوافق.. انا اصلا ناوي افسخ الخطوبة دي وقف كريم و هتف.. ليه طيب انا عملت ايه
ردت عمرو بهدوء.. قولي يا كريم انت فعلا بتحب علا و لا ناوي بس تتجوزها عشان العيلة و اتفقات بابا و عمي الله يرحمهم
جلس ببالغ الأسى و رد.. انا واثق انك عارف كويس اوي اني عايز علا.. و يا ريت يا ابيه بلاش احس ان نسرين طرف في قرارك ده
تنهد عمرو و رد.. انا مش عايز احس انها جوازة و خلاص.. كفاية انا و نسرين و علاء و ريم.. المهم تكونوا عايزين بعض
دخل علاء و جلس الي جوار عمرو و عقب.. بتجيبوا سيرة علاء ليه دلوقتي هو كان علاء اشتكى لحد
نظر عمرو لوجه كريم و سأل.. عايزين تعملوا كتب الكتاب امتي
تهلل وجه كريم و رد.. بعد شهر و
رد عمرو بهدوء.. طب الف مبروك يا كريم
ثم هتف لمديحة.. سامعونا زغروطة بقى يا ام عمرو.. بقالنا كتير ما فرحناش في البيت ده تعالات الزغاريد بينما احتوى كريم عمرو و عقب.. ايوة كده.. ربنا يخليك لينا يا ابيه
خرج عمرو من الغرفة ليجد علا امامه فقال.. مبروك يا علا.. الف مبروك يا
حبيبتي
علا.. الله يبارك فيك يا ابيه
عقبت سعاد.. ربنا يهدي سركم يا ولاد.. اهو فرحتنا بحمل ميار و فرح علا.. مش فاضل غير عمرو و نسرين
ثم نظرت لعمرو واكملت.. ربنا يهدي سركم يا ابني
شعر عمرو بالضيق و عندها عقب.. انا حاطلع ارتاح شوية
مديحة.. مش حتتغدي
رد بضيق.. بعدين
نظروا ابنائه باتجاهه عندما قرر الصعود و بعد لحظات قرروا الصعود خلفه
و اخيرا اللحظة التي طال انتظارها نور الشمس بالاسواق.. و رغم بالغ شعور نسرين بالسعادة الا أن هذا لا يعني انها استطاعت أن تخفي القلق.. نظر لها ابنائها و هي تجلس
متصنعة الاهتمام بالتلفاز و سأل.. يحيى.. هه الجميل حيحضر الحفلة اللي قال عليها و لا لا
وضعت نسرين الريموت جانبا و ردت.. مش لما اشوف الكتاب الأول حيعمل ايه
رد يحيى مداعبا.. مش مهم الكتاب يعمل ايه المهم انك اخدتي خطوة النشر و طلعتي نور الشمس للشمس
ردت يوسف مداعبا..
ثم قام يوسف و جلس الي جوارها ليكمل.. هو يحيى عايز يقولك مش مهم الواحد يجيب
مجموع كام المهم انه دخل الامتحان ده في حد ذاته انجاز
ردت نسرين و هي تضحك.. شوف ازاي.. لا باقولكم ايه كده انتم الاربعة
ثم اشارت ليحيى و اكملت.. و انت بالذات يا سي يحيى ده انت ثانوية عامة يعني لازما و حتما و بدأ تنفذ وعدك و اشوفك في هندسة
ضحكت يمنى و عقبت ليحيى.. شوف يا عم يحيى مهما الامهات تكتب كتب عن التغير انما في حاجات ما ينفعش يكون فيها فصال و منها الثانوية العامة دي
ثم جاورت يوسف و اكملت.. المهم دلوقتي احنا مش عايزينك تقلقي علي نور الشمس.. عارفة يا ماما انا اصحابي كلهم اشتروا نسخ و معجبين جدا بالكتاب و امهاتهم قرأه وكلهم بيسألوني أنت فعلا بنت نسرين السويفي و انا علي حسك يا جميل بقت اترسم يارا.. و انا كمان يا ماما صحابي بيسألوني و في منهم عايزين يبعتوا معايا استشارات
ضحكت نسرین و ردت.. استشارات ايه يا مفاعيص ده انتم اولي اعدادي
يوسف.. يا ماما ده انا و اصحابي قرينا الكتاب
نسرين ببالغ استغرابها.. كمان.. كويس و فهمتوا حاجة
يوسف.. عيب عليكي يا ماما ده احنا الجيل اللي حيجيب التايهة
نسرين.. في دي بقي يا يوسف انت فعلا معاك حق.. انتم جيل بيدخل ع النت بهدوم البيت
تعالات ضحكاتهم و ردوا.. انتم كنتم بتلبسوا هدوم خروج للنت و لا ايه
نسرين.. انتم بتقولوا فيها.. ماكانش في نت في البيوت و الساعة كانت بخمسة أو سبعة جنية في السيبر.. دلوقتي النت في الموبايلات و فيس و توتير و واتس.. انتم عارفين علي قد ما
وجود الحاجات دي فرق معانا علي قد ما انا كام خايفة عليكم منها.. كل حاجة بقت بسرعة اوي حتي الجواز.. بقينا بنتجوز بسرعة و نزهق بسرعة و نطلق بسرعة.. فيا ريت بقي تخلوا
بالكم لتكونوا انتم نفسكم التايهة اللي مش عارف لسة حد يجيبها لحد دلوقتي
ضحكوا و بعدها سأل يحيى.. أنت حتقولي لباباع الحفلة و لا لسة برضو
اشاحت نسرين وجهها وعادت النظر للتلفاز و عندها عقبت يمنى.. هو خلاص حضرتك و بابا مش حتتكلموا مع بعض تاني
اكملت يارا.. يا ماما و الله بابا اتغير و اتكلم معانا كتير ان كلنا نرجع.. بس حضرتك حتي رافضة انك تقعدي معاه او تتكلموا
يوسف.. انا قولت لما يطلق نهلة كل حاجة حتتصلح.. انما ده ما حصلش
نظرت نسرين باتجاههم و ردت.. يعني انا اللي غلطانة دلوقتي
يحيى.. احنا ما قولناش كده.. بس انا شايف انك قافلة علي بابا كل الفرص
ردت نسرين بهدوء.. بصوا انا محتاجة اعدي اللي حصل ده.. و محتاجة وقت فارجوكم بلاش تضغطوا عليا.. اي وقت بابا عايز يجي اهلا و سهلا و اي وقت انتم عايزين تروحوا هناك فانا مش با منعكم.. بس كلام في الموضوع عشان خاطري اجلوه دلوقتي.. ممكن نظروا بعضهم لبعض و ردوا.. ممكن يا ماما
لاح نور الشمس بالافق و قررنا أن نتبع خطواته.. بين من اشتراه و من يقرأه و من بينهم أمسكت ميار بالكتاب و جلست تجاور علي ثم قرأت
و بنهاية المطاف قررت أن أجمل كلماتي بتذكرة علها تنفع.. فجميعنا بحاجة لمن يذكره.. خاصة و أننا أمة جبلت علي النسيان لذا سأبدأ ب
1 جدد النية
اسأل نفسك اليوم وقبل الغد لما بالاساس يوما ما اتخذت قرار بأن تتزوج.. و دون أن
اعتدلت عبير لتكمل سلمى التي كانت تجاورها هي و نور و اكملوا 2 دستور و قانون
لم يخلق في الحياة شئ هكذا.. كل شئ له قوانينه و دستوره.. و اذا التزمنا بها تحقق الكثير من الحق والعدل و ان خالفتها فعلى اعتابها تبدأ كل مشكلة.. حتي الزواج بل انه قد يكون علي رأس القائمة.. كيف نختار
ولا تنكحوا المشركات حتى يؤمن ولأمة مؤمنة خير من مشركة ولو أعجبتكم ولا تنكحوا المشركين حتى يؤمنوا ولعبد مؤمن خير من مشرك ولو أعجبكم أولئك يدعون إلى النار والله يدعو إلى الجنة والمغفرة بإذنه ويبين آياته للناس لعلهم يتذكرون كيف نتزوج
ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون
بينما جلست سارة في منزلها تجاور عبد الرحمن و عبد الرحمن يكمل
كيف نعاشر
يا أيها الذين آمنوا لا يحل لكم أن ترثوا النساء كرها ولا تعضلوهن لتذهبوا ببعض ما أتيتموهن إلا أن يأتين بفاحشة مبينة وعاشروهن بالمعروف فإن كرهتموهن فعسى أن تكرهوا شيئا ويجعل الله فيه خيرا كثيرا
كيف نعدل
فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا كيف نصون
الذين يظاهرون منكم من نسائهم ما هن أمهاتهم إن أمهاتهم إلا اللاتي ولدنهم وإنهم ليقولون منكرا من القول وزورا وإن الله لعفو غفور و حتي كيف نفترق
الطلاق مرتان فإمساك بمعروف أو تسريح بإحسان انه المعنى الحتمي لزواجنا علي كتاب الله وسنة رسوله و لكننا ما نلبس ان ننحيهم جانبا و نترك المجال لاهوائنا و عندها يبدأ النزال
في السيارة و ريم و علاء متجاورين بطريقهم لشراء بعض حاجاتهم تابعت ريم
3 هي
ماذا تريد
تريدك رجل بكل ما تحمله الكلمة من معنى لا بما ما تحمله من جينات.. فما أكثر اشباه الرجال في زمن بات معنى الرجولة مبهم.. تريد رجل يقدر كلمة مسؤلية و يفهم معنى البيت.. تريد رجلا يعلم ان الحب اهم عندها من مال الدنيا و ان غذاء قلبها و عقلها كلمة حلوة
بينما كانت شيرين تتابع ما تبقي من اعمال بعيادة نسرين ثم جلست و قرأت
رجل لا ينتمي الي كوكب الجمود لازال يملك أذن تسمع و لسان يتكلم.. رجلا يحترم قوانين الزواج من تقدير و معروف و مودة ورحمة.. رجل يزرع الامان و يعززه و يسقيه حتي يكون الشجرة الأكبر.. يدرك انها مهما تظاهرت بالقوة ستظل الطرف الاضعف
توسطت علا عددا من زميلاتها و جلسوا سويا بينما تحدثت علا بصوت اعلي ليسمعوها.. 4 هو . ماذا يريد
يريد زوجة تكون أنثي بكل ما تحمله الكلمة من معنى و مضمون و جينات و لو هناك شئ اخر و ياحبذا.. يريد من تشبع عقله قبل قلبه.. من تستطيع ان تشاركه طموحه و احلامه.. من تستطيع ان تغوص في اعماقه دون ان تفصح له انها باتت تفهمه
و لم يختلف المشهد في مدرسة يمنى والي جوارها
يريد من توفر له الامان والاستقرار والتوازن لتشعره انها كل نساء الدنيا.. و لكن احذري فهو لا يريدها ظله
متابعة القراءة
