رواية بيدي لا بيد عمرو نسرين وعمرو الفصل الاخير بقلم رانيا الطنوبي
400 حالة طلاق في يوم الواحد وفق أخر احصائية اتعملت و ده سببه ببساطة اننا ما نعرفش يعني ايه جواز اصلا و محتاجين لكل معلومة مفيدة و قناعة جديدة تبدل كم
المورثات الغلط اللي ترسخت في اذهاننا و لو الكتاب ده حيكون سبب في تغير ست واحدة بس فاكيد حيفرق و اتمني انه يفيد اكثر من ست
ثم أخري.. حضرتك اتكلمتي عن التغيير و انا كنت حابة اعرف ليه ستات كتير بتحاول تتغير بس للاسف الحماس بيكون اول كام يوم و بعد كده بنحبط
مفيش حاجة اسمها انا باتغير و خلاص.. و لو قصدك ان لما ست تعرف ان جوزها مثلا معجب بست تانية فتصبغ شعرها و تشتري شوية لبس حلو و تحاول تجذبه أنها كده اتغيرت فده في الاساس مش تغير.. انوثتنها المفروض دي حاجة فينا غير قابلة للفصال بالاساس.. انما التغيير الحقيقي لازم يكون تغيير لاسلوبي و غلطاتي و طريقة فهمي للامور و طريقة تعاملي مع جوزي و نقاط الخلاف والبحث عن المشترك.. احنا فاهمين التغيير غلط و ده جزء من المشكلة و تاني حاجة مش كل الستات بيكون عندها هدف.. مثلا لوست مشكلتها مع جوزها العصبية و الصوت العالي قررت انها تتغير عشان تجذبه لها ايه اللي مفروض تعمله عشان تحل المشكلة من جذورها ده هو السؤال المهم
طب يا دكتور حضرتك اتكلمتي عن انه لازم يكون عندنا هدف من التغيير و لنفرض ان الزوجة عايزة تبطل عصبية و ده الهدف و بذلت مجهود كبير جدا و مع ذلك مفيش فايدة
هل كده هي فشلت في تحقيق هدفها و فعلا خلاص ده طبع و مستحيل يتغير ابتسمت نسرین و عقبت.. سؤال هايل علي فكرة.. بس انا في الاول حاحكلكم حكاية كده و انتم فكروا فيها شوية.. تمام
تنهدت ثم اكملت.. بصوا مرة كان في اب عايز يعلم ابنه ان مش بس الغاية هي اللي مهمة انما احيانا الوسيلة في تحقيق الغاية بتكون اهم بكتير.. الاب حدد لابنه هدف مطلوب منه و هو
انه يدق مسمار في الحيطة.. و جابله منشار غالي كبير لونه احمر زاهي جدا و ده الوسيلة و قاله مطلوب منك تدق المسمار في الحيطة و فعلا مسك الابن المنشار و بدأ ينشر بكل طاقته و بعد ساعة كاملة من النشر في الحيطة المسمار مادقيش.. طيب يمكن محتاجين نبذل مجهود اكبر.. تمام يبقي حننشر تاني عشان ندق المسمار.. هه المسمار اتركب ردوا.. لا
اكملت.. طيب نغير المنشار الاحمر بمنشار اخضر و نبذل مجهود بقى و نتعب بذمة عشان تحقق الهدف.. عدى يوم و اتنين وتلاتة و غيرنا المنشار الاخضر بازرق و جبنا واحد اصغر و بعدها جربنا الأكبر و برضو مفيش فايدة و لما طاقة الولد خلصت.. وصل لعقله نتيجة واحدة قرر يبص لنفسه من خلالها و هي.. انا عاجز عن تحقيق اهدافي.. انا شخص فاشل ماعرفتش ادق المسمار في الحيطة.. عندها والده جابله شاكوش و في اربع دقايق بس المسمار اتركب
سمعت تعقيبهم بكلمة.. ما كان من الاول
ردت.. صح.. بس هو لو كان يعرف انه محتاج شاكوش اكيد كان حيوفر علي نفسه التعب ده كله.. و احنا في كتير مننا زي الولد ده عارف هدفه بس نسي يسأل السؤال الاهم و هو ايه هي الخطة عشان انفذ.. زي الست العصبية اللي بدل ما تشوف ازاي اكون ست هادية مع زوجي و صوتي واطي و اتعلم اسلوب المناقشة الصح فنعرف نتفاهم.. اول ما عرفت انه عارف عليها واحدة تانية عشان تصلح مشكلتها عملت ايه
ايه
راحت صبغت شعرها كستناكي بخصل تلجي.. بس ماشاء الله شكله تحفة
تعالات ضحكتهم و بعدها عقبت.. بصوا في الحياة اللي عايز يعمل حاجة و من جواه فعلا عايز حيعملها.. اوعي تستنوا ان حد يصلح حياتكم او ان حد يغيرها.. حددوا المشكلة و غيروها من دلوقتي.. مش لازم استني لما المشكلة تكبر او تظهر ست تانية و.. و بعدها اتحرك.. دي حياتك أنت شوفي أنت عايزة تعيشيها ازاي و عيشيها.. جددي نيتك و قولي لنفسك بيدي لا بيد غيري
تعالى
ابتلعت ريقها و جاهدت نفسها ألا يبدو عليها التأثر لكنها لم تستطع منع عيناها من البحث عنه لعل الأعين تتلاقي.. لكن كيف و الندوة نسائية بامتياز ام ان فحوي الرسالة جاء فقط علي نحو الصدفة
لا مش صدفة انا فعلا ما قدرتش ابقي عارف بالندوة و ماكنش موجود جنبك.. يا ريت يا نسرين في بايدي حاجة اثبتلك بيها انا قد ايه ندمت و تعبت
زفر بقوة ثم نظر للسماء ثم تمتم.. انا تعبت اوي يا رب و خايف اوي من بكرة ثم جلس علي احدي المقاعد الموجودة بالشرفة.. و الي الان يجاهد نفسه لو كان يمتلك حل و لكن ما هو.. لقد حاول جاهدا ان يقنع اسراء ان اباها بامس الحاجة لرؤيتهم و لكن لا جدوي.. مرت الايام سريعا وها هي العملية قد حان موعدها بالغد.. و لا جديد امامي الا اب يتوسل لابنة تشعر منه ببالغ القهر.. زفر مرة اخري ثم عاد يدعي.. يا رب ما يجي يوم و اكون مكان فؤاد علام
تقلبت علي الجانب الآخر ثم تنهدت.. تريد ان تنام بشدة و تنسي اليوم بكل تفاصيله مكتفية بتذوق ثمرة نجاحها لكن القلق قرر ألا يفارقها خاصة كلما تذكرت رسالته.. اعتدلت لتجلس و قد امسكت بهاتفها و اعادت فتح الرسالة وظلت تنظر لها مبتسمة.. تتنهد و هي تفكر أكان هناك.. أكان يسمعني و يراني أم أن القدر حالفه.. تنهيدة أخري و لا تزال عيناها معقلة بالرسالة الي ان تعود لتتمدد و لا يزال الهاتف بيدها.. يداعبها النوم فيردعه انشغال عقلها !!
صباح اليوم التالي جلس عمرو علي مكتبه بالمشفي لا يفكر الا بكيفية إخبار فؤاد بجواب ابنته دون ان يجرحه
عندها كانت نسرين تجلس علي مكتبها بالعيادة.. انه اسبوعها الاول في العمل و التحدي الحقيقي كي لا يكون كتابها حبر علي ورق
طرق باب غرفة عمرو و عندها رفع رأسه هاتفا.. ادخل
انفتح الباب ليقف عمرو متسمرا لرؤيتها و قد تهللت اساريره و هو يقول.. ياااااه اسراء
اتجه مسرعا نحو الباب و عندها ردت.. ازيك يا دكتور عمرو
التفت ليجد من دخلوا خلفها و عندها وقفت ليلي امامه تسأل.. هو حضرتك الدكتور اللي حيعمل لفؤاد العملية
نظر الاسراء ثم نظر لها و رد.. ايوة.. ان شاء الله العملية حتكون كمان ساعة من دلوقتي
نظرت ليلي لبناتها ثم ردت بحسم.. طب ممكن نطمن عليه قبل ما يدخل العمليات
رد عمرو ببالغ شعوره بالراحة.. طبعا.. حضرتك ما تعرفش هو قد ايه مستني اللحظة دي
طرق باب غرفة نسرين و عندها رفعت رأسها هاتفة.. ادخل
انفتح الباب لتبلغها السكرتيرة.. في عميلة برة يا دكتورة.. تدخل
تنهدت نسرین و ردت بثقة.. اه.. تتفضل
بخطي مثقولة و عيون بدي عليها الانتفاخ من كثرة الدموع وقفت امام باب غرفتها و قالت ببالغ حزنها.. السلام عليكم
انتصبت نسرين في مكانها و شعرت من هول صدمتها أن دورانها حول نفسها قد فاق كوكب الارض.. ارادت ان تستجمع الكلمات علي شفاتيها و لكنها لم تستطع فاقتربت و وقفت تتفحص من رأت لعل قرب الرؤية يجعل الامر يتضح.. لكن سرعان ما إنهار ما تبقي من قواها فتمتمت و الدموع تملى عيناها.. مش معقول أنت
ردت ببالغ الاسي.. ازيك يا دكتورة نسرين.. يا تري فاكرني.. احنا كنا جيران.. كنا ساكنين في البيت اللي جنبكم
انهمرت دموع نسرین اکثر و ردت.. ايوة افتكرت.. الشارع كله كان دايما يتكلم علي لبسك و شاطرتك واسلوبك الحلو.. كل الجيران ماكانش ليهم سيرة غيرك.. بس المشاغل و زحمة الدنيا خلتني نسيت كل ده.. ازيك
مدت يدها لتصافحها وعندها تبادلوا المصافحة وردت.. أنت ازيك يا نسرين و لا اقولك يا دكتورة
ابتسمت نسرین
أميرة.. ياااااه لسة فاكرة اسمي
نسرين.. طبعا لسة فاكراه.. أميرة سويدان.. أميرة محمد سويدان.. أنت ما تعرفيش الاسم ده
بالنسبالي ايه
بكت أميرة ثم ردت.. و أنت ما تعرفيش انا محتجالك قد ايه.. نسرين انا محتاجكي تقفي جنبي في اصعب اختبار في حياتي.. انا بيتي بينهار و لولا ان شوفت كتابك في الوقت ده مش عارفة كان ممكن يجرالي ايه
اتجهوا للجلوس وعندها بدأت شهقتها بالبكاء فاستوقفتها نسرين قائلة.. ايه رأيكم في كوباية ليمون و بعدها تحكيلي كل حاجة
ماشي
طرق عمرو باب الغرفة الموجود بها فؤاد.. كان قد ارتدي ملابس غرفة العمليات و عندها.. لكن سرعان ما قاطع عمرو رفع ناظريه لعمرو مستجديا ان يعرف هل . القلق البادي علي ملامحه عندما ابتعد عن الباب فاطلعوا جميعهم.. انهمرت دموع فؤاد و وقف للحظة ينظر اليهم و قلبه يهتف لقد أتوا .. فتح ذراعيه لهم و عندها هرولوا اليه و من شدة التحامهم لم تدر الدموع المنهمرة من أي عين هي
رفع فؤاد رأسه و نظر باتجاه ليلي و التي قالت باسى.. الف سلامة عليك
رد فؤاد ببالغ وجعه.. الله يسلمك
ثم نظر لعمرو الذي انهمرت دموعه قائلا.. انا مش عارف اشكرك ازاي
أو ما عمرو رأسه و رد.. الحمد لله اني قدرت اساعدك.. احنا لسة قدمنا وقت.. انا حاسيبكم مع بعض دلوقتي و لو في اي حاجة انا حاكون في مكتبي.. بعد اذنكم
مدت يدها بمنديل و ردت.. مستعدة تسمعيني مهما كان كلامي حيوجعك
مسحت أميرة بالمنديل دموعها وردت.. هو بعد كل اللي انا قولتهولك ده.. انا اللي غلطانة قامت نسرین و جلست امامها و ردت.. ايوة يا أميرة أنت.. أنت اللي كان لازم تحتوي كل ده قبل ما تكبر المشكلة
ردت بحدة لتدافع عن نفسها.. ليه بقى.. هو انا بعد ما عيالي بقوا طولي و اللي في ثانوي و اللي في كلية مطلوب مني اهشیکه و ادلعه.. ده مخه فوت خلاص يا نسرين.. ده عايزني البس قمصان نوم و انا عندي 43 سنة
حاولت نسرين ان تقاوم ضحكتها و ردت.. اوووه.. قمصان نوم ده قديم اوووووووي.. امال لو قالك هوت شورت حتعملي ايه
الراجل خاب یا نسرین و النت بوزه
ضحكت نسرين.. لا الموضوع مش موضوع نت و لا تلفزيون.. و الله الموضوع ابسط من كده.. دي مشاعر يا أميرة بدل ما تتريق عليها نقدرها و نحتويها.. و الله رجالة كتير مش بتكون عايزة أكثر من كده
يعني لو عملت كده ممكن الامور تتحسن بينا.. بس ازاي بعد اللي حطه علي موبايله و الستات اللي بيكلمهم.. انا شايفة الطلاق اسلم حل و يروح هو يعمل اللي يعمله
يا بنتي ده جوزك و ابو ولادك و حبيبك.. ما يستهليش منك محاولة حقيقية تدعي ربنا بعدها الامور تتصلح و تقولي ان شاء الله و ربنا يستجيب
صمتت أميرة فاكملت نسرين.. مهما عمرو غلط هو بشر و أنت مدام شايفة منه استجابة اغفري
سألت أميرة ببالغ استغرابها.. عمرو مين.. انا جوزي اسمه عادل مش عمرو
صدمها انها هتفت باسمه علي سبيل الخطأ و لكن لن تنكر أن كلماتها ربما خرجت من شفاتيها لها قبل أن تكون لغيرها و عندها اجابت.. هه.. اه.. معلش قصدي يعني
تنهدت نسرین و بعدها أكملت بحسم.. ايه رأيك لو اكون معاكي و تخوضي التجربة
وقفت ثم امسكت بيدها و اكملت.. حننزل سوا نشتري شوية حاجات و و بعدها نتكلم في ازاي تتغيري
تهللت اساريرها و ردت.. بجد یا نسرين.. طب حنشتري ايه
اول حاجة لازم نجيبها سوا اجندة و قلم
طرقت الممرضة باب غرفة عمرو و سألت.. دكتور خالد جه و بيسأل حضرتك.. العملية حتبدأ امتي بالظبط
نظر عمر في ساعته و رد.. ربع ساعة بالظبط خرجت و عندها قام عمرو من مكانه و ظل يطوف بغرفته
عقبت نسرين.. 10 دقايق بس اظبط نفسي و بعدها ننزل سوا
ماشي حستناكي برة
خرجت و عندها دارت نسرين بالغرفة و قد بدت شاردة
أمسك عمرو
سأعاود الاتصال
سأنتظر للحظة لعلك تنتهي
جرس.. أخيرا وهكذا هتف عمرو و بعدها
ببالغ لهفتها ردت.. عمرو
ببالغ لهفته اجابها.. نسرين
ثم ساد الصمت.. أهكذا بعد.. تكلم قل اي شئ.. لا بل تكلمي أنت.. فأنت لا تدرين كم
اشتقت لسماع هذا الصوت
لا جدوي إذا إلا الحسم فبادرها عمرو.. وحشتني اوي يا نسرين
لا جدوي لمزيد من الكبرياء فاتاه منها الرد.. انت كمان وحشتني اوي يا عمرو
وعاد الصمت مرافقا له دموع قد جرت علي كل خد.. لكنها دموع فرح امتزجت ببالغ الشوق
اعدك من اليوم لن يكون بيننا مكان للحزن لم يقولها بلسانه لكن قلبها بها قد حس
فقطع الصمت سائلا.. أنت بتعيطي
حاولت مسح دموعها و اجابت.. لا
نسرين
ايوة
ممكن تسامحيني.. حتي لو أنت شايفة انه مبقاش في بينا امل ممكن تقوليلي سامحتك
انا مسامحاك من زمان اووووي يا عمرو.. مسامحاك و انت عارف كده
طب ليه حاسس انك بتعيطي
انا كمان حاسة بدموعك يا عمرو و نفسي انا كمان اقولك سامحني
انا
ايوة.. سامحني اني في يوم سيبت ايدي و ايدك يبعدوا
حاسامحك في حالة واحدة بس.. يوم ما نرجع كلنا نتلم في بيتنا مع بعض و تعمليلي ام علي
ابتسمت رغما عنها و صمتت و لم ترد فتابع.. نسرين سكتلي ليه
اجابت بحنين.. باسمعك
طب انا بحبك اووووي.. بحبك بحبك اوووي
و انا كمان يا عمرو
طرق باب غرفة نسرين و ليقاطعها صوت أميرة معقبة.. ايه يا نسرين حنتأخر
نحت الهاتف و ردت.. طب ثانية واحدة
طرق باب غرفة عمرو ليقاطعه صوت الممرضة.. اوضة العمليات جاهزة يا دكتور عمرو نحي هاتفه و رد.. طب ثانية واحدة
ثم عاود الكلام متلهفا.. الووووووووووو
اجابت.. ايوة
لسة معايا
ايوة و حافضل معاك مهما حصل
بجد.. يعني حنكون انهاردة في بيتنا
ان شاء الله يا عمرو
مضطر اقفل عشان عندي عملية و لما اروح حاحكيلك علي حاجة مش حتصدقيها
انا اللي حاحكيلك علي حاجة مش حتصدقها
ثم جاءهم الهتاف
يا دكتور عمرو
يا دكتورة نسرين
انا مضطر اقفل دلوقتي.. اشوفك علي خير
ان شاء الله.. مع السلامة
مع السلامة
تنهدا سويا و عادت الابتسامة لتملأ وجوههم و بعدها تحركا من غرفيهم.. ليتجه عمرو باتجه غرفة العمليات و عندها استوقفته اسراء لتسأله.. دكتور عمرو تفتكر حيكون في أمل ابتسم و رد.. طول ما احنا عايشين و فينا نفس و بنعرف نقول يا رب.. يبقي أكيد في أمل
بينما اتجهت أميرة و نسرين لسيارة نسرين وقبل أن يركبا استوقفتها أميرة سائلة.. نسرين تفتكري حيكون في أمل
ابتسمت و ردت.. طول ما احنا عايشين و فينا نفس و بنعرف نقول يا رب.. يبقي اكيد في أمل
وضع عمرو الكمامة علي انفه ثم نظر لفؤاد و ابتسم و عندها بادله الابتسامة و بدأت العملية.. بينما نسرين أدارت المقود و نظرت لأميرة وابتسمت فبادلتها أميرة الابتسامة وانطلقت نسرين في طريقها
لتبدأ قصة تغيير جديدة لامرأة جديدة و حكاية جديدة دون النظر لاسماء أبطالها.. أنها و ببساطة قصة كل زوجة قبل أن تكون قصتي.. وها هنا قد وضعت راحلتي و آن اوان كلمة كفي و لكن قبلها اليكم همستي
إذا قابلتك المحن يوما ما فلا تبتأس.. فلولا المصائب ما كنا لندرك قيمة النعم.. لولا الجهل ما كنا لنستشعر معنى الوعي.. لولا الغيبوبة ما كنا لندرك الفارق بين ان نتأكل علي هامش الحياة او نخوض بكل جرأة غمارها.. من قال أن الخير يكمن في الشر صادقا.. لكنني سأستبدل كلمة أحيانا بدائما
خلصت الحكاية
بس يا تري أنت كنت مين من ابطالها
تمت بحمد الله
تحياتي
رانيا
رواية بيدي لا بيد عمرو كاملة من هنا من الفصل الاول حتى الاخير
https://pub153.lamha.news/14391
